إتعرضت لحادثة بسبب عدم عمل فرامل الـ 301

[Amr_650]

يا مسهل الحال يا رب

[shady_elkady]

ياريت المنتدي يشير الموضوع و يعرضة على الفيس بوك و يشيرة كل يوم زي ما حصل للصني

[Ashraf Fawzy]

لسه متصل بجهاز حماية المستهلك بالمهندسين (إدارة السيارات) و الإستاذ حسام عبد الموجود المسؤل عن شكوتى عنده ظرف و مش متواجد (ربنا يفك كرب الجميع و يخفف عننا).

و وفقاً لكلامهم مافيش علم عندهم إذا كان الإستاذ حسام قام بتقديم شكوتى للتأشير عليها بإنها تدخل لجنة فنية أم لا, و طبعا عشان الشكوى تدخل لجنة فنية لازم يتأشر عليها بإنها تدخل لجنة فنية. اللهم طولك يا روح على تضييع الوقت اللى بدأ من إتصال جهاز حماية المستهلك بشركة بيجو يوم 26 فبراير و لما رحتلهم يوم 7 مارس إتصلوا ببيجو عشان يجيبوا الرد النهائى بالفاكس, و الرد النهائى مجاش غير لما رحتلهم تانى يوم 17 مارس و كان يداً بيد ( يا محاسن الصدف, فى نفس اليوم اللى أروح يوصل الرد يداً بيد).

معلش, أطول بالى شويتين كمان و أأجل موضوع رفع قضية ضد شركة بيجو بتهمة الإهمال و التقصير المتعمد فى فحص و إصلاح فرامل عربيتى و تعريض حياتى لخطر الموت.

[Mohamed Bander]

وااله انا شايف انك تبدأ باجراءات القضيه لانهم مش هيتحركوا غير لما يحسوا بالقلق منك

[mhkorayem]

الموضوع عاوز صبر ونفس طويل
ربنا معاك

[mbx4e]

ياباشا ربنا يقويك ومتسكتش عن حقك التوكيلات بتستهبل حسبي الله ونعم الوكيل

[2CODE]

متابعين معاك للنهاية وانا عملت موضوعك في المفضلة

وربنا يكفينا العربيات الكسر اللي بتدخل مصر دي !!!!!!!

[shady_elkady]

لية المنتدي مش عامل نفس الضجة على الفيس زي الى عملها للصني ؟؟؟؟ سؤال محتاج اجابة

[2CODE]

لية المنتدي مش عامل نفس الضجة على الفيس زي الى عملها للصني ؟؟؟؟ سؤال محتاج اجابة

لأ انا نفسي اشوف الاخوة بتوع فريق المبيعات والتسويق لبيجو اللي كانوا هنا اول ما الـ301 نزلت

من اول ما نزلت العربية دي وانا علقت على شويه مشاكل فيها وقولت دي فيها كذا وكذا وكذا !!!

طبعاً فريق المبيعات هاجمني ويتكون من 3 او 4 افراد والغريب انه كان بيلاقي اللي يدعمه !!! الله اعلم المصالح تتصالح لكن ما علينا

اللي يضحك اني فاكر في بوست واحد كان كاتب التيل خلص عند 4000 كليو ازاي

دخل واحد منهم وقاله اصل ده تيل BMW الجديد صديق البيئه بيخلص بسرعة

اقسم بالله لو تيل الـBMW خلص على 20 الف كيلو تروح تعملهم فضيحة في التوكيل !!!!! وده توكيل BMW واحد من افضل التوكيلات في مصر وعن تجربة وسمعته سابقاه يعني !!!

تيل BMW بيتغير Recommended على 20 او 25 الف كيلو وبيكون لسه فيه يمشيك قد اللي انت مشيتهم تاني بس هم بيغيروه في الـRecommended يعني الفترة اللي بينصحوا بيها بغض النظر عن استعمالك ايه سواء ان كنت بتقرص على الفرامل وتمشي بسرعة ولا بتمشي هادي وفراملك عادية

وغيرها الكتير ..... الحمد لله اننا ارتاحنا منهم خالص والله ينتقم من كل واحد ضلل الاعضاء في شراء سيارة بأغراض شخصية وتجارية !!!!!!

[م أحمد]

كلاكيت تانى مرة
المرسيدس كنج الالمانى
و الباقى متصيت على حس الكنج و بيحاول يبقى زيه والصح ياخد نسبة من مبيعاتهم
اى عربية المانى بيتقال عليها دى المانى باستثناء عربية واحدة بيتقال عليها اسمها بس '' مرسيدس ''

[Ashraf Fawzy]

إتصلت النهاردة بجهاز حماية المستهلك و الإستاذ حسام المسؤل عن شكوتى مش موجود و للإسف مريض و إحتمال مايكنش متواجد طوال الإسبوع. و مافيش داعى أحط أى تعليق على كل ما سبق و كل ما هوا حالى, لكن أنا متأكد إنكم فاهمين أنا عايز أقول إيه. ربنا يكتب اللى فيه الخير و شاكر جداً لكل نصائحكم الغالية و وقفتكم جنبى بدون مصلحة شخصية, و حسبنا الله و نعم الوكيل تكفينا فى كل ماهوا سبب فى المهازل اللى إحنا عايشين فيها, و أقصد طبعاً إنعدام الضمير و الأمانة.

[sonaeg]

ربنا يعينك

[shady_elkady]

لأ انا نفسي اشوف الاخوة بتوع فريق المبيعات والتسويق لبيجو اللي كانوا هنا اول ما الـ301 نزلت

من اول ما نزلت العربية دي وانا علقت على شويه مشاكل فيها وقولت دي فيها كذا وكذا وكذا !!!

طبعاً فريق المبيعات هاجمني ويتكون من 3 او 4 افراد والغريب انه كان بيلاقي اللي يدعمه !!! الله اعلم المصالح تتصالح لكن ما علينا

اللي يضحك اني فاكر في بوست واحد كان كاتب التيل خلص عند 4000 كليو ازاي

دخل واحد منهم وقاله اصل ده تيل bmw الجديد صديق البيئه بيخلص بسرعة :b4_556:

اقسم بالله لو تيل الـbmw خلص على 20 الف كيلو تروح تعملهم فضيحة في التوكيل !!!!! وده توكيل bmw واحد من افضل التوكيلات في مصر وعن تجربة وسمعته سابقاه يعني !!!

تيل bmw بيتغير recommended على 20 او 25 الف كيلو وبيكون لسه فيه يمشيك قد اللي انت مشيتهم تاني بس هم بيغيروه في الـrecommended يعني الفترة اللي بينصحوا بيها بغض النظر عن استعمالك ايه سواء ان كنت بتقرص على الفرامل وتمشي بسرعة ولا بتمشي هادي وفراملك عادية

وغيرها الكتير ..... الحمد لله اننا ارتاحنا منهم خالص والله ينتقم من كل واحد ضلل الاعضاء في شراء سيارة بأغراض شخصية وتجارية !!!!!!

يابشا الصنى اتعمل عليها هنا دعاية غيىر طبيعية و الاف الناس اشتروها بسبب الموضوع دة و هنا بردة اتعمل عليها حفلة متعملتش لعربية مع ان مصر مليانة عربيات كلها مشاكل عموما انا فرحان ان نيسان اول مصنع يرجع قيمة عربية لعميل و يثبت انهم محترمين

[Amr Gamal 01]

حضرتك احنا المفروض نشكرك مش انتا التشكرنا عشان نبهتنا عن عيوب العربيه وتوكيلها انا اقسم بالله كنت هحجزها خلاص وانت السبب خلتني ماجبهاش مش عشان العربيه كمان بس لا بالاكثر عشان توكيلها وحش جيدا في طريقه تعامله مع المشاكل و العملاء لان انا انا مش زي حضرتك خالص مش هعرف اجري وراهم كدا و هاستعوض ربنا وخلاص لو حصل مشكله في العربيه في حاجه كمان و هي ان معجب بإراده حضرتك جدا اتمنا انه يكون عندي نص ارادتك بس واتمنا ليك كل التوفيق

[Ashraf Fawzy]

حضرتك احنا المفروض نشكرك مش انتا التشكرنا عشان نبهتنا عن عيوب العربيه وتوكيلها انا اقسم بالله كنت هحجزها خلاص وانت السبب خلتني ماجبهاش مش عشان العربيه كمان بس لا بالاكثر عشان توكيلها وحش جيدا في طريقه تعامله مع المشاكل و العملاء لان انا انا مش زي حضرتك خالص مش هعرف اجري وراهم كدا و هاستعوض ربنا وخلاص لو حصل مشكله في العربيه في حاجه كمان و هي ان معجب بإراده حضرتك جدا اتمنا انه يكون عندي نص ارادتك بس واتمنا ليك كل التوفيق

ربنا يبارك لحضرتك على كلامك الطيب, و ربنا يوفقك لحسن الإختيار و يباركلك فى إختيارك.

و صدقنى لما أقولك إنى مكنتش متوقع إنى هاستمر لغاية النهاردة, لكن بفضل ربنا ثم بمساندتكم الحمد لله قدرت, و لو لا قدر الله - و إن شاء الله مايحصلش - لقيت نفسك فى موقف صعب زى ده, إن شاء الله هاتفاجئ نفسك باللى هاتعمله.