إتعرضت لحادثة بسبب عدم عمل فرامل الـ 301

[Ashraf Fawzy]

الحمد لله ذهبت اليوم 31/3/2015 لجهاز حماية المستهلك بالمهندسين (قسم إدارة السيارات) و تم تحديد ميعاد اللجنة الفنية اللى هاتستمع لشكوتى و تأخذ القرار فى فحص العربية فنياً للوقوف على ملابسات الحادث (و ده غالباً بيتم بمعرفة كلية الهندسة جامعة القاهرة).



و أحب أشكر الأساتذة المحامين بجهاز حماية المستهلك (و على صفحتهم الرسمية على الفيسبوك) على حسن إستقبالهم و تعاونهم معى لإنهاء الإجراءات فى أقرب وقت ممكن للوصول إلى حقيقة الأمر و ليأخذ كل ذى حق حقه.

[mhkorayem]

الحمد لله ذهبت اليوم 31/3/2015 لجهاز حماية المستهلك بالمهندسين (قسم إدارة السيارات) و تم تحديد ميعاد اللجنة الفنية اللى هاتستمع لشكوتى و تأخذ القرار فى فحص العربية فنياً للوقوف على ملابسات الحادث (و ده غالباً بيتم بمعرفة كلية الهندسة جامعة القاهرة).



و أحب أشكر الأساتذة المحامين بجهاز حماية المستهلك (و على صفحتهم الرسمية على الفيسبوك) على حسن إستقبالهم و تعاونهم معى لإنهاء الإجراءات فى أقرب وقت ممكن للوصول إلى حقيقة الأمر و ليأخذ كل ذى حق حقه.

ربنا معاك وينصرك على كل ظالم

[AHMED__ZIZO]

ربنا معاك
ما ضاع حق وراءه مطالب

[zarkoor]

يابشا الصنى اتعمل عليها هنا دعاية غيىر طبيعية و الاف الناس اشتروها بسبب الموضوع دة و هنا بردة اتعمل عليها حفلة متعملتش لعربية مع ان مصر مليانة عربيات كلها مشاكل عموما انا فرحان ان نيسان اول مصنع يرجع قيمة عربية لعميل و يثبت انهم محترمين

معلش انا لسة شايف الموضوع ده
طبعا استهلاك التيل له دعوه بطريقة السواقه
مع احترامي انا حاليا مالك ل bmw328 موديل 2014 مغيره لاول مره على 14 الف كم

و قبلها مرسيدس c250 موديل 2010 قعدت معايا اربع سنين وكنت بغيره على 12 الف كم وكمان غيرت ديسكات فرامل عل 45 الف كم
السبب طبعا طريقة سواقتي .. جري بسرعة و تهدئه قبل المطبات الظريفة اللى قبل كل تقاطع

[2CODE]

ايه الجديد معاك ؟ ياريت تكون اتواصلت اخيراً مع حماية المستهلك مره تانية

[2CODE]

معلش انا لسة شايف الموضوع ده
طبعا استهلاك التيل له دعوه بطريقة السواقه
مع احترامي انا حاليا مالك ل bmw328 موديل 2014 مغيره لاول مره على 14 الف كم

و قبلها مرسيدس c250 موديل 2010 قعدت معايا اربع سنين وكنت بغيره على 12 الف كم وكمان غيرت ديسكات فرامل عل 45 الف كم
السبب طبعا طريقة سواقتي .. جري بسرعة و تهدئه قبل المطبات الظريفة اللى قبل كل تقاطع

خليني ارد عليك في نقاط لو سمحت !!!!

1- اولاً انت قلت 14 الف ولكن المشار اليه هو 4000 !!!! واعتقد الرقم يصنع فارق اساساً !!!

2- انت قلت انك بتجري وبتفرمل قبل المطب ودي طريقة سواقة والي اخره .... وهو مش بيعمل ربع اللي انت بتعمله في العربية علشان ببساطة العربية عنده متقدرش تعمل كل ده !!!!!

فأيه سبب يخلي التيل يتغير على 4000 كيلو ؟؟؟؟

ياريت تكون وصلتك الفكره

ولعلمك انا 13700 كيلو في الـX1 Sport 2014 عندي وباقي بس اني امشي على الحيطة بالعربية مش اجري وافرمل بس وكنت لسه عامل صيانة الـ12 الف والتيل يمشيني ضعف اللي مشيته وزيادة !!!!

[Ashraf Fawzy]

ايه الجديد معاك ؟ ياريت تكون اتواصلت اخيراً مع حماية المستهلك مره تانية

ربنا يبارك فيك على السؤال, بإذن الله تعالى جلستى / اللجنة الفنية الإسبوع القادم و اللى هاقدم فيها مطالبى و بناءً على نتيجة الجلسة هاتتحدد خطوتى القادمة من تصعيد للموقف ضد توكيل بيجو أو لا, و لعل و عسى ربنا يهديهم للقرار الصائب و يتحملوا نتيجة خطأ موظفيهم و يستعيدوا إحترام عملائهم ليهم. .... (وَإِن جَنَحُواْ لِلسَّلْمِ فَاجْنَحْ لَهَا وَتَوَكَّلْ عَلَى اللّهِ إِنَّهُ هُوَ السَّمِيعُ الْعَلِيم) صدق الله العظيم

[2CODE]

ربنا يبارك فيك على السؤال, بإذن الله تعالى جلستى / اللجنة الفنية الإسبوع القادم و اللى هاقدم فيها مطالبى و بناءً على نتيجة الجلسة هاتتحدد خطوتى القادمة من تصعيد للموقف ضد توكيل بيجو أو لا, و لعل و عسى ربنا يهديهم للقرار الصائب و يتحملوا نتيجة خطأ موظفيهم و يستعيدوا إحترام عملائهم ليهم. .... (وَإِن جَنَحُواْ لِلسَّلْمِ فَاجْنَحْ لَهَا وَتَوَكَّلْ عَلَى اللّهِ إِنَّهُ هُوَ السَّمِيعُ الْعَلِيم) صدق الله العظيم

صحيح بس نصيحة حتى لو عرضوا عليك تصليح العربية ببلاش متركبهاش تاني العمر غالي وانت شوفت الموت بعنيك في العربية دي

والمشكلة اللي فيها مش مشكلة توكيل مصري لأ دي العربية نفسها فيها العيب ده يعني حتى لو اتصلحت العربية هتلاقي نفس مشكلة الفرامل تاني

الحل الوحيد المقبول هو استرجاع قيمة السيارة مره اخرى وكل واحد يروح لحاله ويشبعوا هم بعربياتهم

[Ashraf Fawzy]

صحيح بس نصيحة حتى لو عرضوا عليك تصليح العربية ببلاش متركبهاش تاني العمر غالي وانت شوفت الموت بعنيك في العربية دي

والمشكلة اللي فيها مش مشكلة توكيل مصري لأ دي العربية نفسها فيها العيب ده يعني حتى لو اتصلحت العربية هتلاقي نفس مشكلة الفرامل تاني

الحل الوحيد المقبول هو استرجاع قيمة السيارة مره اخرى وكل واحد يروح لحاله ويشبعوا هم بعربياتهم

ربنا يبارك فيك على النصيحة, و بإذن الله ماعنديش أى نية لقبول موضوع التصليح حتى و لو هايغيروا وحدة الفرامل بالكامل, مقدرش أنسى تعمد موظفينهم إهمال شكوتى من الفرامل قبل الحادثة أكثر من مرة و فى مركزين (أبو رواش و غمرة) و رفضهم كتابة شكوتى و خناقهم معايا فى أبو رواش لما أصريت إن العربية تدخل بأوردر عمل و تتكتب شكوتى (و برده مكتبوهاش فى الاخر).

و ده بسبب إنى كنت من الناس اللى قدمت شكوى جماعية (و مقترح تقديم الشكوى الجماعية) بخصوص التيل و خرطوم الردياتير و شيلهم لغطاء وحدة الكنترول (و طبعاً إنت عارف إن عدم بيعهم لغطا الكنترول و تقديمه مجاناً بسبب شكوتنا الجماعية حرمهم من سبوبة حلوه, فحصل إهمال متعمد من جانبهم لشكوتى من الفرامل و التيل).

فى الوقت اللى هما بيغيروا تيل و طنابير للناس اللى بتعملهم دعاية للعربية تبع الضمان سابونى ماشى بتيل تالف بيصفر و وحدة فرامل فيها مشكلة.

ضيف عليها إتهامهم ليا على الفيسبوك أمام الجميع (من أفراد أسرتى و أصدقائى فى العمل و خارج العمل) إنى بتبلى عليهم, "رضاء عملاءنا من أهم أولوياتنا و خصوصاً لضخامة الحادث و التكاليف المتكبدة لعدم وجود تأمين", و لما رديت على إتهامهم ليا عملولى بلوك من على الصفحة, يعنى مش عايزينك عميل عندنا.

ضيف عليها إن المهندس محمد عطيه اللى قرأ بيانات جهاز الإيه بى إس و قالى إن سرعة العربية كانت 45 كيلو قبل توقف وحدة الإية بى إس عن العمل (و ده بيأكد كلامى إن حصل عطل فى وحدة الفرامل و إتسبب فى حادثتى) تراجع عن كلامه قدام المهندس حسين مسؤل خدمة ما بعد البيع و قال "أنا مش فاكر إنى قولت كدا, و إحنا فيها أنزل أجيبلك قراءة البيانات" و أخد نفسه و مشى من المركز من غير ما يجيب قراءة البيانات.

و لما أصريت على إنى أخد عربيتى و أمشى (بعد ما فشلت فى إنى أخليهم يجيبولى قراءة بيانات العربية وقت الحادثة), المهندس محمد مجدى قالى "إحتمال بيانات كمبيوتر العربية تبقى إتمسحت" فهل فعلاً مسحوها و لا دى محاولة ترهيب أخيرة إنك مش هاتاخد مننا حق و لا باطل.

و كل شويه على النت واحد يقولى أنا عندى مشكلة برده فى العربية, و لما أقوله قدم شكوى فى حماية المستهلك زى ما أنا مقدم و فيه ناس تانية مقدمة عشان تبقى شكوى جماعية, يقولى "يا عم العالم دى مظبطة جهاز حماية المستهلك و مش هاخد حق و لا باطل منهم", و دى بقى غالباً محاولة ترهيب أخرى فاشلة من جانبهم عشان أسحب شكوتى من الجهاز و أقبل باللى هما يعرضوه.

ناهيك عن كل محاولاتى لحل الموضوع بصورة ودية معاهم و اللى هما أخدوها بإستهتار و إستخفاف (زى ما ذكرت فى الأسابيع الماضية) حتى بعد إتصالى ببيجو فرنسا اللى معملتش حاجه أكثر من إنها حولتنى لبيجو مصر, فما كان منى غير تقديم شكوى لحماية المستهلك.

بعد كل ده مقدرش أستأمن توكيل بيجو على حياتى و على حياة أسرتى, و حسبى الله و نعم الوكيل فى كل الناس اللى أقنعتنا بالعربية و بالتوكيل و كانوا على علم بكل المساوئ اللى إحنا قابلناها مع العربية و مع التوكيل.

[catmoon]

انت ليه مصر ان العيب من العربيه ومش منك ورد فعلك....اى حد بيعمل حادثه عمره مابيجيب اللوم والعيب عليه ولااازم تبقي العربيه السبب...ومعيوبه ويطلع فيها القطط الفطسانه بالرغم انه اشتراها عن اقتناع وكانت افضل عربيه في نظره وهتكون الافضل لو معملش حادثه انما تحصل الحادثه كل ده بيضيع ....وده لايمنع احتمال وجود عيب صناعه في اى عربيه ايا كانت بس ده بنسبه ضئيله خاااصة لما يكون براند كبير .....بشكل عام ربنا ييصبرك يقويك بس راجع نفسك الاول قبل ماتمشي في سكه انت الغلطان فيها في لاول والخاسر فيها في النهايه وعلشان فكرك مايروحش بعيد انا ولا شغال في التوكيل بس حبيت انقلك كلام يمكن محدش قالهولك قبل كده...تقبل تحياتى

[2CODE]

انت ليه مصر ان العيب من العربيه ومش منك ورد فعلك....اى حد بيعمل حادثه عمره مابيجيب اللوم والعيب عليه ولااازم تبقي العربيه السبب...ومعيوبه ويطلع فيها القطط الفطسانه بالرغم انه اشتراها عن اقتناع وكانت افضل عربيه في نظره وهتكون الافضل لو معملش حادثه انما تحصل الحادثه كل ده بيضيع ....وده لايمنع احتمال وجود عيب صناعه في اى عربيه ايا كانت بس ده بنسبه ضئيله خاااصة لما يكون براند كبير .....بشكل عام ربنا ييصبرك يقويك بس راجع نفسك الاول قبل ماتمشي في سكه انت الغلطان فيها في لاول والخاسر فيها في النهايه وعلشان فكرك مايروحش بعيد انا ولا شغال في التوكيل بس حبيت انقلك كلام يمكن محدش قالهولك قبل كده...تقبل تحياتى

اخي الكريم catmoon الاستاذ اشرف مش اول واحد يشتكي الشكوى دي

ولو متابع القسم من زمان هتعرف الكلام ده كويس ان في عملاء كتير حصل معاهم نفس المشكلة

لكن دي كانت اكبر مره حصل فيها حادثة بسبب توقف الفرامل بشكل كامل

[catmoon]

انا متابع الصفحه هنا كويس ومافيش العملا الكتير ال اشتكو من الفرامل زى ما حضرتك بتقول اه في ناس بس قليله زىها زى اى عربيه وممكن كانت عيب صناعه في كام عربيه او مشكلة رد الفعل عندهم زى ما انا بقول هنا لانها لو زى مابتقول كنا سمعا كل يو حادثه خصوصا الجيش وهيئة قناة السويس اشترو منها فوق ال ٥ الاف
عربيه

[Ashraf Fawzy]

أولا هارد على الإستاذ اللى بيتهمنى فى أمانتى, لو سمحت أقرأ الموضوع فى الصفحة الأولى و إقرأ كل الإضافات اللى انا كاتبها وصولاً لإضافتى إمبارح فى الصفحة الأخيرة اللى إنت بتتهمنى فيها, و إنت تعرف مين اللى فاقد المصداقية و عديم الأمانة.

[Ashraf Fawzy]

النهاردة زى ماحضراتكم عارفين انا كنت فى اللجنة الفنية التابعة لجهاز حماية المستهلك برئاسة اللواء أحمد بركات و المهندس عماد ممثلاً لشركة سى دى سى إم (الوكيل الرسمى و الوحيد لشركة بيجو).

كانت طلباتى:

1- فحص وحدة الفرامل و الإيه بى إس

2- شهادة من الشركة بتفيد إن التيل و الطنابير عندى مطابقين للمواصفات القياسية العالمية

و نتيجة الجلسة: سأقوم بفحص سيارتى فى كلية هندسة بالمطرية يوم 27 إبريل القادم للوقوف على أسباب الحادث و فحص وحدة الفرامل و الإيه بى إس و فحص التيل و الطنابير "إذا ما إستدعى الأمر ذلك".

حاجه اخيرة, كل المحاولات بإستخدام أساليب علم النفس المختلفة لمحاولة إحباطى و ردعى عن الدفاع عن حقى , هارد عليها بالأية القرآنية الكريمة:

"وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ"

[Ashraf Fawzy]

و شئ غريب و متناقض فى كلام الإستاذ كاتموون, منين بتقول "مافيش العملا الكتير ال اشتكو من الفرامل زى ما حضرتك بتقول اه في ناس بس قليله زيها زى اى عربيه وممكن كانت عيب صناعه في كام عربيه" و قبلها بتقولى "انت ليه مصر ان العيب من العربيه ومش منك ورد فعلك" ... مش ممكن تكون عربيتى من الكام عربية اللى فيهم عيب صناعة؟!! و لا عشان أنا قلت إمبارح "حسبى الله و نعم الوكيل فى كل الناس اللى أقنعتنا بالعربية و بالتوكيل و كانوا على علم بكل المساوئ اللى إحنا قابلناها مع العربية و مع التوكيل", و لا لإن التوكيل صدم بعد كل محاولات الترهيب ليا فى الفترة الأخيرة إنى برده رحت النهارده الجهاز و لسه ماشى فى الإجراءات؟!! و بإذن الله حقى و حق الناس الكتير اللى شوفتهم النهاردة مقدمين شكاوى فى شركة بيجو راجع؟!!

أول رد يتبادر فى ذهنى على جملة "خاااااصة لما يكون براند كبير", بأمارة البيجو 301 1400 سى سى الخاصة بالجزائر و اللى ظهر فيها مشكلة خلت الشركة تستدعيهم كلهم للإصلاح.

طب سيبك من كل اللى فات, النهاردة فى جلسة حماية المستهلك الخاصة بيا - و فى وجود ممثل شركة بيجو - تم إخبارى بوجود العديد من الشكاوى المقدمة من مالكى البيجو 301 بخصوص وجود مشكلة فى الفرامل و إن مش أنا الوحيد اللى قابلته نفس المشكلة.

و كل يوم بيظهر ناس على الساحة بتشتكى على صفحات الفيسبوك من تعرضهم لحادث بسبب ضعف أداء الفرامل بتاعة عربيتهم ( مع العلم إن الناس دى مأمنة و الموضوع مش هايفرق معاهم), و إن شاء الله بعد شهر و إثنين و ثلاثة هانسمع عن المشاكل اللى كان التوكيل بيغطى عليها بصورة أو بأخرى.

كفايانا بقى تغطية على بلاوى الشركات و التوكيلات, زى ما بيخدوا فلوس زى ماهما ملزمين يقدموا منتج سليم مطابق للمواصفات و يقدموا خدمات فنية على المستوى الكافى بتدارك المشاكل قبل وقوعها.