هل البيجو فى انهيار

[mecho]

من خلال ترددى على توكيل غمرة . لاحظت ان التوكيل تقريبا لايمتلك قطع غيار كما انة لا يمتلك اى نظام ادارى كباقى التوكيلات حيث انى قابلت اصحاب سيارات يزورو التوكيل للمرة الرابعة لنفس السبب. و العيوب ثابتة فمثلا :
1- اصحاب ال 406 عندهم مشكلة فتيس مستعصية و لا يتم حلها
2- اصحاب ال307 عندهم تنتيشة وغيروا البوجيهات اكثر من مرة
3- اصحاب الروا يصروخو من كل حاجة فى السيارة
4- اصحاب البارس و انا منهم يشتكوا من جهل الفنيين بالسيارة
5-مشكلات عامة و هى ان غالبا السيارة لاتخرج من التوكيل فى نفس اليوم مادامت فى حاجة لاى قطعة غيار

اما من لم يعانو من التوكيل فهذا فضل من الله
و ليس لان البيجو سيارة جيدة

[mecho]

http://www.peugeotsucks.co.uk/

اختبار الرضاء عن السيارة

http://motoring.asiaone.com/Motoring/Motorworld/Story/A1Story20080630-73734.html

[mecho]

بيجو فعلا فى انهيار

http://webapp01.ey.com.pl/EYP/WEB/eycom_download.nsf/resources/Dealer_Satisfaction_eng/$FILE/Dealer_Satisfaction_eng.pdf

[the-hero]

أزاى يا باشا ممكن يكون كلامك صحيح بس ده فى حاله انك معندكش خلفيه ومعلومات عن العربيه اللى ركبها وفى ناس كتير خارج التوكيل كويسين وبيشتغلوا تمام وده مش معنى أن التوكيل وحش
وفيه ناس كتير بتشكر فيه وفى ادائه بس يعيبه اسعارة المرتفعه بس بالنسبه لل روا والبارس فديه صفقات مشبوه والتوكيل اتورط فيها وملهمش فعلا قطع غيار متوافرة ان مكنتش منعدمة أصلا
لكن ال 406 الموديل أقل من 2002 كان فيه عيب الفتيس نازل من الشركة الام وتم تعديله فى الموديلات العاليه والعيب ده مش فى مصر بس لأ فى كل العالم
وحكاية البيجو فى انهيار مش صحيحة ليه
كانت ال 504 ومازالت من افضل العربيات اللى نزلت مصر الى الان لقوة ماتور والهيكل والمتانه ورخص قطع الغيار العربيه ديه الوحيدة اللى ثبتت كفائه لحد دلوقتى
لما الضريبة ال 2000 سي سي عليت وكمان الازمه العالميه سعرها نزل زى كل العربيات بس هيا كانت رينجها عالى أصل قبل كدا
يعنى كانت بتعمل من 25 الف الى 55 الف تخيل عربيه مو 1979 وعمله السعر ده وكمان الناس بتدور عليها وعاوزها فده بيدل على قوة الماركة بيجو ومن سعتها الكل بيحلف بالعربيات البيجو هتى الجهلة
لكن مش عشان سعر الموديلات القديمة قل يبقى البيجو فى انهيار وعلى فكرة البيجو بتتصدر قائمة اغلى العربيات القديمه برضه من نفس الموديل
يعنى لو 504 مضبوطه بتعمل فى حدود 35000 دلوقتى
وبالنسبة للجديد فحجات تحفة يعنى عندك ال 307 السولار خدت احسن عربيه بتوفر بنزين فى العالم لأنها مشيت 1200 كم ب 60 لتر
ده غير الجوايز العالمية فى التصميم والامان
فمش معنى ان فيه تأصير فى انواع وموديلات أغلبها مش عالمية ومتنتميس لبيجو الفرنسية بصلة فده معناه ان عربيات بيجو فى النازل
وأسأل الاعضاء كمان لو مش مصدقنى اى واحد مستحيل يبيع ولو فكر يبيع عمرة ميركب غير بيجو برضه

[the-hero]

مع احترامى لكلامك سيارات بيجو من أعرق السيارات الاوربية المنافسة للشركات للألمانيه والتفوقهة عليها فى بعض الموديلات

[mecho]

يا باشا كلامك عاطفى مش واقعى . زى كدة الكلام عن ان المصريين عظماء العالم بافعال الفراعنة . ادخل على الروابط و شوف العام بيقول اة على البيجو الحديثة و الكلام دة بيتقال فى دول العالم الاول الى عندهم الخدمات فى التوكيلات احسن مننا 1000 مرة . البيجو تحتل مراكز متاخرة جدا فى احصائيات رضاء العملاء و صلاحية المنتج . انا معظم الى اعرفهم عندهم اى بيجو بعد ال 405 الفرنسى عايزين يرموها فى الزبالة( انا لسة موصلتش للمرحلة دية ). و بعدين انت بتقول ان التوكيل كويس . لو بتقارنة (خصوصا بتاع غمرة وهو الفرع الرئيسى ) ب ميكانيكى فى الشارع تعبان يبقى الكلام صح لكن و بتقارنة بتوكيل تويوتا او هوندا مثلا يبقى صفر على الشمال .
" دا انا شوفت واحد بيسال فى التوكيل ينفع احط بنزين 90 المهندس قالة حسب المحطة . لية هو مفيش كاتالوج " بلاش روح شوف اصحاب العربيات الى بيصرخو لان عربيتهم اتخبطت لان الناس مبتعرفشى تسوق جوة التوكيل . اعتقد انك زرت توكيل غمرة من عدة سنوات مرة او مرتين

[mecho]

شوف ما هو اسوا فى الموديلات الاحدث

http://807faults.co.uk/

انا فقط اريد ان انصح من هو مقدم على شراء سيارة ان يكون على علم بما سيواجهه . السيارة شكلا وقوة رائعة . و لكن مشاكل كثيرة مع دعم فنى ضعيف

[the-hero]

يا باشا كلامك عاطفى مش واقعى . زى كدة الكلام عن ان المصريين عظماء العالم بافعال الفراعنة . ادخل على الروابط و شوف العام بيقول اة على البيجو الحديثة و الكلام دة بيتقال فى دول العالم الاول الى عندهم الخدمات فى التوكيلات احسن مننا 1000 مرة . البيجو تحتل مراكز متاخرة جدا فى احصائيات رضاء العملاء و صلاحية المنتج . انا معظم الى اعرفهم عندهم اى بيجو بعد ال 405 الفرنسى عايزين يرموها فى الزبالة( انا لسة موصلتش للمرحلة دية ). و بعدين انت بتقول ان التوكيل كويس . لو بتقارنة (خصوصا بتاع غمرة وهو الفرع الرئيسى ) ب ميكانيكى فى الشارع تعبان يبقى الكلام صح لكن و بتقارنة بتوكيل تويوتا او هوندا مثلا يبقى صفر على الشمال .
" دا انا شوفت واحد بيسال فى التوكيل ينفع احط بنزين 90 المهندس قالة حسب المحطة . لية هو مفيش كاتالوج " بلاش روح شوف اصحاب العربيات الى بيصرخو لان عربيتهم اتخبطت لان الناس مبتعرفشى تسوق جوة التوكيل . اعتقد انك زرت توكيل غمرة من عدة سنوات مرة او مرتين

احنا عيشين فى مصر مش فى أسيا ولا اوربا اللى حضرتك بتقارن بيها
ازاى كلامي عاطفى البيجو ماركة لها اسم فى السوق المصرى مش لينا دعوة بدول العالم الاول لأن العربيات البيجو اصلا مش منتشرة كتير يعنى فى دول الخليج نادرة مش عشان وحشة عشان مبتمشيش مع الاجواء الحارة وكذالك امريكا وامريكا الجنوبية وبعدين المركات اللى محتله الصدارة البورش والرينج روفر يعنى عربيات رياضه ونادرة اساسا فى مصر وكمان غير كدا وكدا ديه عربيات فرز اول لكن لو هنتكلم بواقعية المأسا اللى فى مصر يعنى بقي قارن ياسيدى بقي بالنسر والتيوتا والهيونداى والبروتن والاسبرانزا والهوندا والمزدا وكل المتاح وأسعارهم بالعربيات بيجو هتلاقى البيجو امتن وأقوى وفرنسي وشكل وبرستيج ومش منتشرة وأوبشن وكمبيوتر كمان وفى نفس السعر
والمستعمل هكذا
عندك البارس احسن ولا الهيونداى ولا اللانوس ولا الشيرى ولاالنوبيرا ولا اللنسر
انا وجهه نظرى الشخصيه مفيش عربيه عليها القيمة تتركب بجد وتستريح فيها غير البيجو لأنى ببساطة سوقت كل الموديلات ديه وكنت مخدوع فيها اوى اوى اوى وحسيت انى راكب لعبة مش عربيه ده اللنسر كانت بتنط من على الارض وانا ماشى 120 على الدائر ويافرحتى راكب يابانى موديل حديث
كله بكش انت بس دور بجد عن حلول للمشاكل اللى مديأك وهتفرج الكل بيزهق من مشاكل عربيته والعربيات ما اكتر مشاكلها
والناس فلحين بس يقوروا ويحقدوا علينا يجوا يشوفوا ويدفعوا المبالغ ديه وهما يعرفوا ان الله حق

[the-hero]

وعلى فكرة بالنسبة لعربيتى أنا بفكها حته حته ده طبعا بعد المشاكل والعقد اللى وجهتنى فى الأقول بس كنت بتفرج وأتعلم واسأل وأشتغل معاهم بأيدى وظروطه بس جابت فيدة بس متتدايقش من مشاكل التوكيلات روح مراكز الخدمة وهما ممكن يشرحولك هناك أزاى تعالج المشاكل اللى بتوجهاك فى التوكيل فيها ناس محترمة جدا جدا وخصوصا مودرن سيرفس وخالى بالك لو عربيتك يارس فانت المسؤل عن اختيارك ليها وتستحمل ندرة قطع الغيار ياعم وان شاء الله هتفرج

[mecho]

بلاش اسيا . شوف استفتاء ال BBC اهو من بلد جنب فرنسا . على فكرة نفس الوضوع ينطبق على الرينو

http://www.topgear.com/content/carsurvey/2006/features/08/2.html

[the-hero]

ونفس الموضوع بينطبق على بي ام واودى وتيوتا ولكزس ومستوبيشى ونيسان وكرزيلر كله داون
يعنى مبيعاته وانتشاره بيقل بس منقدرش نشكك فى كفائه النواع ديه
وكمان ياعم فيه ازمه عالميه ده شركت فورد فلست

[Ahmed Selim]

التقارير اللى بتقول عليها دى بتوضح أيه ؟؟
( لينك asiaone )
بيقول أن فى موديلات معينة من رينو و موديلات معينة من بيجو مش عاجبة العملاء برة مصر.....و فى نفس القائمة برضه فى مرسيدس و فيات وفولكس فاجن....هل معنى ده أن كا عربيات رينو وبيجو و مرسيدس و فيات وفولكس فاجن وحشة وأن الشركات دى فى أنهيار ؟؟؟؟؟

بالقطع لأ......

( ملف ال PDF )
ده بصراحة أنا مش فاهم حضرتك بتستشهد بيه على أيه؟؟؟
خاص بالسوق البولندى و سنة 2007.....يعنى ما لهوش لازمة دلوقتى وكمان بيتكلم كذا حاجة منهم رضاء العملاء عن خدمة ما بعد البيع وعن المنتج اللى أشتروه
وبرضه فى نفس التقرير تلاقى شركة زى سانج يونج متفوقة على عمالقة الألمانى مرسيدس و أودى و أوبل.......مش غريبة شوية ؟؟؟

[crazylambada]

يا جماعة التكنولوجيا الزيادةغبيةاوي
انا لما كنتشغال في مودرن سيرفس توكيل بيجو و هيونداي مركز خدمة معتمد
جت عربية بيجو 307 جديدة لنج موديل 2008
مبتدورش طلع السبب بعد وضع السيارة على الكمبيوتر
ان صاحبتها كانت ماشية عليها و العربية سخنت بس كملت بيها لحد البيت
فالترموستات بتاعها فيه نظام انه بيدي اشارة للكمبيوتر بتاع العربية
بالتحذير و في حالة عدم انصياع قائد السيارة بمجرد توقفه للسيارة
الكمبيوتر بيدي امر بعدم ادارة السيارة ثانيا و يتم الغاء هذا الاورد بوضع السيارة على كمبيوتر المركز
يعني تتشال بالونش
طبعا الاعتمادية للسيارة سيئة جدا
انا عارف انه كده بيحافظ على العربية
بس لو فيه ظروف او حاجة من ديه تعمل ايه
عربيتك سخنت في الطريق ووقفت بيها تهدىها وتبردها
تيجي تدورهامتدورش و تحتاس في الطريق لوحدك
علشان كده محبتهاش و محبتش التكنولوجيا ديه اللي تمنعني من التواصل مع محرك السيارة بنفسي للطوارئ فقط
انا مبقولش البيجو وحشة
بس المبالغة فيالشيئ ممكن يقلب للضد
وطبعا احسن مركز خدمة للبيجو هو مودرن سيرفس بلا منازع
و انصح بيه للجميع

[Sharky]

لو حضرتك بصيت على اللينك بتاعك
حتلاقى برضه شركة زى تويوتا الصانع الأول فى العالم فى المركز السابع يعنى نزلت مركزين عن تقرير السنة إللى قبليها
يعنى كل سنة بتنزل عن السنة إللى قبلها
دى غير مرسيدس إللى أرتفعت عن السنة إللى قبلها و بقت فى المركز الـ 30 !!!

[Ahmed Selim]

يا جماعة التكنولوجيا الزيادةغبيةاوي
انا لما كنتشغال في مودرن سيرفس توكيل بيجو و هيونداي مركز خدمة معتمد
جت عربية بيجو 307 جديدة لنج موديل 2008
مبتدورش طلع السبب بعد وضع السيارة على الكمبيوتر
ان صاحبتها كانت ماشية عليها و العربية سخنت بس كملت بيها لحد البيت
فالترموستات بتاعها فيه نظام انه بيدي اشارة للكمبيوتر بتاع العربية
بالتحذير و في حالة عدم انصياع قائد السيارة بمجرد توقفه للسيارة
الكمبيوتر بيدي امر بعدم ادارة السيارة ثانيا و يتم الغاء هذا الاورد بوضع السيارة على كمبيوتر المركز
يعني تتشال بالونش
طبعا الاعتمادية للسيارة سيئة جدا
انا عارف انه كده بيحافظ على العربية
بس لو فيه ظروف او حاجة من ديه تعمل ايه
عربيتك سخنت في الطريق ووقفت بيها تهدىها وتبردها
تيجي تدورهامتدورش و تحتاس في الطريق لوحدك
علشان كده محبتهاش و محبتش التكنولوجيا ديه اللي تمنعني من التواصل مع محرك السيارة بنفسي للطوارئ فقط
انا مبقولش البيجو وحشة
بس المبالغة فيالشيئ ممكن يقلب للضد
وطبعا احسن مركز خدمة للبيجو هو مودرن سيرفس بلا منازع
و انصح بيه للجميع

يعنى حضرتك شايف أن لما مؤشر الحرارة يعلى عن الطبيعى ويخش فى الأحمر والسواق مش واخد باله يبقى أنهى حل الأحسن ؟؟
1- العربية تعمل اللى عملته ده
2- العربية تكمل مشاوير عادى لحد ما الموتور يبوظ

أذا كان السواق أصلاً مخدش باله أن الحرارة عليت ( وعادة هتلاقيها مصحوبة بتنبيه صوتى فى صورة صفارة ).....كل ده واللى سايق مش واخد باله.......يبقى أنهى حل الأحسن ؟