رابطة حائزى الفلوينس

[mbisar]

حجز الفلونس

هو الفلونس e2 فيها نواكل بتاعت الفتيس و الباب ولا لأ و هل فيها بلوتوث و هل فيها مخدع خلفى
المشكله ان العربيه منزلتش فى المعارض خالص و دلوقتى مفيش اى ررينو فلونس كلهم اتباعوا
ان شاء الله النهارده اروح احجز فى التوكيل بعد الفطار بس كنت عايز اطمن لو حد جابها يقول ايه رأيه فيها ..

[foxy_moody]

يا رجالة الفلوانس انا صاحب الموضوع ده ارجوكي تفيدوني في هذه النقاط

http://www.nilemotors.net/Nile/369534-a.html

[karemof]

السلام عليكم,

عندي كام سؤال ليهم علاقة باستهلاك البنزين :

- هو التانك سعته 55 لتر ولا أكتر ولا أقل ؟
- الأستهلاك عندي بيكون ظاهر تقريبا 7.9 كم / لتر هل ده معقول جوه البلد ؟
- لما بيكون العداد قاري حولي 340 كم بيكون قراية البنزين تقريبا على آخر شرطة قبل المنطقة الصفرا اللي في العداد, وبيقول أني ممكن أمشي كمان 90 كم ولا حاجة, بس أنا بقول أمون أحسن , يا ترى أنا كده في الأمان ولا ممكن كمان أمشي زيادة وأنا مطمن ؟

[Gamal.Eid]

السلام عليكم حضرتك التانك سعته 60 لتر وليس 55 وفعلا عند الشرطة الاخيرة بيكون فيه حوالى 90 كم ممكن تمشيهم

[shadyawad]

السلام عليكم,

عندي كام سؤال ليهم علاقة باستهلاك البنزين :

- هو التانك سعته 55 لتر ولا أكتر ولا أقل ؟
- الأستهلاك عندي بيكون ظاهر تقريبا 7.9 كم / لتر هل ده معقول جوه البلد ؟
- لما بيكون العداد قاري حولي 340 كم بيكون قراية البنزين تقريبا على آخر شرطة قبل المنطقة الصفرا اللي في العداد, وبيقول أني ممكن أمشي كمان 90 كم ولا حاجة, بس أنا بقول أمون أحسن , يا ترى أنا كده في الأمان ولا ممكن كمان أمشي زيادة وأنا مطمن ؟

معلش بس ممكن اسألك سؤال
هو ال التانك (60 لتر) بيعمل معاك ف التفويله 340+90 = 430 كيلو ؟

[Gamal.Eid]

حضرتك التانك 60 لتر بيكفى اكتر من 650 كيلومتر داخل المدن

[karemof]

السلام عليكم,

عندي كام سؤال ليهم علاقة باستهلاك البنزين :

- هو التانك سعته 55 لتر ولا أكتر ولا أقل ؟
- الأستهلاك عندي بيكون ظاهر تقريبا 7.9 كم / لتر هل ده معقول جوه البلد ؟
- لما بيكون العداد قاري حولي 340 كم بيكون قراية البنزين تقريبا على آخر شرطة قبل المنطقة الصفرا اللي في العداد, وبيقول أني ممكن أمشي كمان 90 كم ولا حاجة, بس أنا بقول أمون أحسن , يا ترى أنا كده في الأمان ولا ممكن كمان أمشي زيادة وأنا مطمن ؟

حضرتك التانك 60 لتر بيكفى اكتر من 650 كيلومتر داخل المدن

السلام عليكم ,

معنى كده أن أنا الأستهلاك عندي عالي قوي ؟

في أكتر من زميل في المنتدى قال أن الأستهلاك بيكون في حدود 10 لتر لكل 100 كم .

هل أنا كده عندي مشكلة في الأستهلاك ولا في مؤشر البنزين ولا طريقة القيادة ولا ايه ........

[حسام فتحى]

ده عادى الاستهلاك عندى جوه البلد و دائرى حوالين ال 14 لتر لل100 كيلو يعنى تقريبا زى اللى حضرتك ذكرته( لو قسمت 100 على 14 يطلع كام كيلو للتر )ز

[m_marmoush]

الأستهلاك كدة طبيعي فى الزحمة و التكييف

[shadyawad]

14 لتر في ال 100 كيلو يعتبر كتير جدا جدا
انا اللى اعرفه الرانج الطبيعي للعربيات من 7 ل 11 لتر فى ا100 كيلو

انا بس عايز اعرف هو كل الناس هنا استهالكهوم كده .. ياريت ياجماعه انا قربت اجيب واحده ان شاء الله والمعلومه دي تفرق معايا قوي

[Gamal.Eid]

فعلا 14 لتر كتير انا من ساعة ما جيبت العربية الاستهلاك حتى فى الزحمة والتكييف شغال موصلش 10 لتر ابد كان ما بين ال8 وال9لتر كل 100 كيلو حسب قراءة السيارة وده فى السعودية الرياض

[حسام فتحى]

اسف يا جماعه انا اقصد استهلاكها ١٠,٤ لتر فى ١٠٠ كيلو ببنزين ٩٢ -اسف مره تانيه على الخطا -وعلى فكره الميجان ٢ فى الخليج كانت بتعمل اقل من كده بكتير و سحبها كان احسن حتى وهيه محمله ٥ افراد و شنطه مليانه- لكن ده كان ببنزين ٩٥ -و ماتنسوش ان فى اوروبا البنزين ٩٨ -واضح ان معدل الاستهلاك المكتوب فى الدعايه مايخصش بنزين ٩٢-بصرف النظر عن ظروف زحمه الشارع

[shadyawad]

اسف يا جماعه انا اقصد استهلاكها ١٠,٤ لتر فى ١٠٠ كيلو ببنزين ٩٢ -اسف مره تانيه على الخطا -وعلى فكره الميجان ٢ فى الخليج كانت بتعمل اقل من كده بكتير و سحبها كان احسن حتى وهيه محمله ٥ افراد و شنطه مليانه- لكن ده كان ببنزين ٩٥ -و ماتنسوش ان فى اوروبا البنزين ٩٨ -واضح ان معدل الاستهلاك المكتوب فى الدعايه مايخصش بنزين ٩٢-بصرف النظر عن ظروف زحمه الشارع

الف شكر على ردك

[ahmedelfeky]

هي تقريبا Average معايا حوالي من 7.5 ل 8.5 بالتكييف جوه البلد وبره

[حسام فتحى]

حضرتك قصدك 7.5 -8.5لتر لكل 100 كيلو بنزين 92؟