رابطة حائزى الفلوينس

[MARTINDALE]

السيد المحترم - هانى
أهلا بك عضوا جديدا فى منتدى الفلوانس - أنا برضه عضو جديد وشارى e3s فى نهاية فبراير الماضى - الشكل القديم - وعامل 4300 كيلو
أوافقك الرأى فى كل المميزات والعيوب اللى حضرتك سردتها - عدد المميزات 14 وعدد السيئات 6 - معنى كده ان السيارة ممتازة
بس فعلا عيب مؤشر البنزين مضايقنى جدا وبالتالى مش قادر اصدق حسابات كومبيوتر العربية بخصوص الاستهلاك و المتوسط والمسافة المتبقية وبالتالى فقدنا ميزة كومبيوتر الرحلات - وده عيب انا شايفه يضايق
أنا لسة ماعملتش صيانة ال5000 - وبيقولوا ان التوكيل بيغير طرمبة البنزين ببلاش مش العوامة لانها غير متوافقة مع بنزين 92- عموما هاشوف
مش هاقدر افيدك فى موضوع استهلاك البنزين لانى مش مصدق كومبيوتر العربية - بس هو مدينى المتوسط 10 كيلو لكل لتر بنزين شامل داخل المدينة والسفر
عايز اشيد بفرامل السيارة - بجد محترمة - العربية وقفت فى مكانها من سرعة 150 لا سنة يمين و لا سنة شمال و كانت هايلة فى ملفات السخنة - بجد عفشة جامدة و ثبات محترم

وتقبل تحياتى

العوامه بتتغير في التوكيل بدون اي نقاش .

[Alaa A.Khair]

اصدقاء المنتدي الاعزاء النهارده ركبت 4 جنوط سبور16 اصلي بتوع الفلوانس (استيراد) بحالة الزيرو اشتريتهم من الحرفيين لان سيارتي فئة e2 بدون جنوط سبور.والحمد لله ركبتلهم طقم كاوتش جديد bridgestone turinza وبصراحه الجنوط فرقت جدا في شكل السيارة وفي المشي .اسأل الله ان يعطينا خيرهم وان يكفينا شرهم.

ما شاء الله ربنا يباركلك فيهم و في العربية و يستر طريقك و طريقنا جميعا. . استأذنك اشتريت الجنوط منين في الحرفيين و كانوا عاملين كأم فلوس .. و هل التوكيل بيقبل أن العربية تركب جنوط من برة
أنا عربيتي الشكل الجديد فئة آل e2.
و شكرا مقدما.

[hady.msry]

معلومه مهمه
تعرضتلخبطه فى عتب السياره(الجزء الموجود اسفل الابواب ) بسبب احد الارصفه المرتفعه مما ادى الى تشوه العتبه اسفل الباب الخلفى مما احزننى جدا لصعوبة اصلاح هذة المنطقه ولكننى اكتشفت بعد الاتصال بالتوكيل انه يوجد فتحات فى العتبه وعليها غطاء بلاستيك يتم عن طريقها اصلاح هذة الخبطه وهو مامكنى من اصلاح هذة الخبطه بسهوله

[Magdy kamel]

[marq="3;right;3;scroll"]
انا مش عارف اسمه بس انا كنت موصي واحد صاحبي يجبلي طقم من بورسعيد وفعلا اشتراه وهو جاي القاهره يوم الثلاثاء مساءا والطقم عامل 3200 جنيه لو عايزه مفيش مشكله بس لاحظ انك لازم تغير طقم الكاوتش لان الجنوط مقاس 16 والكاوتش عند حضرتك مقاس 15 فمش هينفع يركب وانا اشتريت طقم الكاوتش البريدجستون التورينزا ب950 جنيه الفرده وده احسن نوع تركبه,
بالتسبه للضمان ماعتقدش انهم هيرفضوا الجنوط خاصة انها جنوط السيارة الاصليه بس يفضل ان حضرتك
تسألهم افضل والف الف مبروك علي السياره وربنا يعطيك خيرها ويكفيك شرها وانا في الخدمه.

[Magdy kamel]

مقارنه هامه بين الميجان 2 والفلوانس
تلاحظ لي كثرة اسئلة اعضاء المنتدي الاعزاء عن معدل استهلاك البنزين للجميله( الفلوانس )وبما اني من عشاق الرينو من ايام السوبر سانك ثم الرينو 9 تم الرينبو ثم ميجان 1 ثم ميجان2 فقد رأيت من واجبي ان اعرض هذه المقارنه مع الوضع في الاعتبار الفارق في وزن السيارتان (الفلوانس اثقل).
1-عند بدا الحركه من الصفر الي سرعة 50 كيلو في الساعه للميجان2 يتراوح معدل استهلاك البنزين مابين 12 الي 15 لتر لكل 100 كيلو وتتناقص مع ازدياد السرعه الي مابين 9 الي 7 لتر لكل 100كيلو وهذا طبقا لقراءة كمبيوتر الرحلات.
2- الفلوانس عند بدا الحركه من صفر الي 50 كيلو في الساعه فان معدل الاستهلاك يكون ما بين 14 الي 19 لتر لكل 100 كيلو ثم نلاحظ تناقص ملموس جدا بعد بلوغ سرعة 50 كيلو يبدأ ب 8 لترات وحتي 4.5 لتر لكل 100 كيلو طبفا لقراءة كمبيوتر الرحلات,
نخلص من هذه المقارنه الي ان استهلاك الميجان 2 افضل في استهلاك البنزين داخل المدن الا ان الفلوانس تتفوق بجدارة في قلة استهلاك الوقود في الطرق السريعه حيث اني قد قمت بتجريه عمليه للفلوانس اثناء السفر الي العين السخنه وهي كالاتي.
-فولت تانك الينزين الي رقبة التانك وسافرت من منزلي بالمعادي الي قرية ستلا دي ماري بالسخنه المسافه 135 كيلو بالتمام والكمال ثم فولت السياره الي رقبة التانك وكانت النتيجه 8.7 لتر بمتوسط سرعه 120 كيلو في الساعه.
ارجو ان اكون افدت الاعضاء الاعزاء وشكرا علي مروركم الكريم

[hady.msry]

ذهبت امس الى التوكيل وذلك بسبب وجود بخار زيت خفيف على جسم الماتور ولكن المهندس اوضح لى ان ذلك طبيعي وليس هناك اى خطأ وان هذا الزيت موجود على كل المواتير للعربات الفلوانس فأرجوا من الساده اعضاء المنتدى التأكد من مواتير سيارتهم هل عليها اثار زيت خفيفه ولا مهندس التوكيل لم يكن صريح معى

[omar el gamal]

السلام عليكم انا عضو جديد وهذة اول مشاركه لى ولقد تعمدت تصفح المنتدى كاملا قبل ان اشارك وانا معى فلوانس 2013 e2 وتقريبا عمله 6000 كم وهذا تقريرى عنها اولا: الايجابيات
1-شكل رائع فخم يثبت نفسه بجوار اى سيارة اعلى منها سواء من الداخل او الخارج
2-ثبات جيد جدا على جميع السرعات وفى جميع الطرق
3-اتساع داخلى سواء للكبينه او الشنطه
4-وسائل امان محترمه (نوعية الصاج-الاير باج-دعمات فولاز فى الابواب وخلف الاكسدام الامامى والخلفى-aps)
5-عفشه خدمه شاقه وناعمه واحساس حقيقى بقوة العربه
6-سهولة ومتعة التعامل مع العربه اثناء القيادة
7-نوعية الخامات المصنعه منها العربه (التبلوه- الفرش-الزراير-البطاريه- الكاوتش-الزجاج.......الخ)جيد جدا
8-الباور الخاص بعجلة القيادة فى غاية الروعه
9-العربه مصفحه بالكامل من اسفل
10-عزل جيد جدا
11- استهلاك الوقود ممتاز لعربه بهذا الحجم
12-سعرها بالنسبه لمثيلتها من الموديلات الاخرى يجعلها فى الصدارة
13-توكيل محترم
14-فرامل افضل مايكونس
ثانيا السلبيات
1-بطئ التسارع فى بداية التحرك (وهذة الملحوظه موجود فى معظم العربات الاوروبى ولها غرض لتامين السائق من الاندفاع بسرعه مفاجئه من السكون)
2-نتشه بين الغيار الاول والثانى
3-عدد 4 نقلات فقط للفتيس وهو مايؤدى الى ارتفاع عدد لفات الماتور على السرعات العاليه وبالتالى سماع صوت الماتور وتقليل عمرة الافتراضى
3-عدم دقة عوامة البنزين وعجز التوكيل عن ايجاد حل جزرى للمشكله
4-تكييف لا يليق بعربه كهذة فيجب ان يحقق التكييف جميع الرغبات وان كنت اعتقد ان الشركة اختارت هذة النوعيه اعتقادن منها انها تلائم الجو المعتدل عندنا والدليل على ذلك ان العربات الخليجى افضل فى التكييف
5-سماع صوت الماتور مع اى ضغط على دواسه البنزين
6- ظهور بخار زيت على جسم الماتور ولا اعرف سببه وهل عندى فقط ام هناك احد ظهر عنده ذلك

وبعد هذا التقرير اقول بصدق انى سعيد انى امتلك هذة العربة وخصوصا ان السلبيات التى ذكرتها غير مؤثرة بالدرجه التى تقلل من كفائة العربه وارجو ان نتعاون فى هذا المنتدى المحترم على تبادل الخبرات والنصائح فيما بيننا والله الموفق

----------------------------------------------------------------------------------
تحليل رائع واتفق معاك 100%

[omar el gamal]

ذهبت امس الى التوكيل وذلك بسبب وجود بخار زيت خفيف على جسم الماتور ولكن المهندس اوضح لى ان ذلك طبيعي وليس هناك اى خطأ وان هذا الزيت موجود على كل المواتير للعربات الفلوانس فأرجوا من الساده اعضاء المنتدى التأكد من مواتير سيارتهم هل عليها اثار زيت خفيفه ولا مهندس التوكيل لم يكن صريح معى

---------------------------------------------------------------------------------------
لا تقلق انا عندى نفس الشئ...وعندما لاحظتة وسألت فى التوكيل وانا بعمل صيانة قالولى شئ عادى من تغير الزيت والفلتر وكدة.....

[mohamedekhalil]

الى احلى اعضاء باحلى منتدي
لدواعي السفر اعرض سيارتي للبيع
وقلت طبعا ان مفيش غير المنتدى هنا اللي ممكن اعرض فيه عربيتي عشان كل الناس هنا بتفهم يعني ايه رينو فلوانس وكمان مقدرين قيمتها من غير ما اطول عليكم
عربيتي هي الفئة الثانية اوتوماتيك E3 اللي هي فيها جميع الكماليات ماعدا فتحة السقف اما السينسور بارك فانا مركب لها سينسور بارك العربية موديل 2012 ماشية 27000 كم فقط اللي عايزها يكلمني وهانتفق على السعر سوى 01066088840 اللون ذهبي
والله الموفق

[hosam_m3]

مساء الخير يا شباب الرينو انا عندى مشكله قارفانى جدا وهي ان فيه هواء سخن طالع من ناحيه الدواسه الشمال اللى عندى تحت الدريكسيون و روحت للتوكيل قالى لا مفيش حاجه و ف اخر اليوم قالولى فعلا حاسينا بالهواء السخن و المشكله كانت مش عارف فى اللباد اللى بين العازل و الدواسه كان ساقط لتحت و رفعانه فوق.بس بعد ماجربت العربيه بعدها بيومين لقيت نفس المشكله تانى ..حد عنده اى افكار او اقتراحات او حلول؟؟

مشكورين مقدما

[Alaa A.Khair]

[marq="3;right;3;scroll"]
انا مش عارف اسمه بس انا كنت موصي واحد صاحبي يجبلي طقم من بورسعيد وفعلا اشتراه وهو جاي القاهره يوم الثلاثاء مساءا والطقم عامل 3200 جنيه لو عايزه مفيش مشكله بس لاحظ انك لازم تغير طقم الكاوتش لان الجنوط مقاس 16 والكاوتش عند حضرتك مقاس 15 فمش هينفع يركب وانا اشتريت طقم الكاوتش البريدجستون التورينزا ب950 جنيه الفرده وده احسن نوع تركبه,
بالتسبه للضمان ماعتقدش انهم هيرفضوا الجنوط خاصة انها جنوط السيارة الاصليه بس يفضل ان حضرتك
تسألهم افضل والف الف مبروك علي السياره وربنا يعطيك خيرها ويكفيك شرها وانا في الخدمه.

تسلم يا باشا .. ان كنت باعرف المعلومة للمستقبل لأن لسه مش في النية اني أجنط دلوقتي .. علي الاقل لما أخلص الالتزامات اللي علي العربية او تخف شوية ان شاء الله .. متشكر جدا لحضرتك و لمشاركتك المفيدة

[Magdy kamel]

العفو واهلا وسهلا بحضرتك

[horas3000]

السلام عليكم يا رجاله
حد يعرف مكان فلتر التكيف فين
و هل الفلوينس فيها فلتر تكيف اصلا

[hosam_m3]

السلام عليكم يا رجاله
حد يعرف مكان فلتر التكيف فين
و هل الفلوينس فيها فلتر تكيف اصلا

انا كنت لسه بغيره النهارده و كنت زيك مش عارف مكانه بس عرفته.. الكرسي اللي جنب السواق تحت درج التابلوه من الشمال هتلاقي بلاستيكه بتتفك هى جزء من الكونسول الامامى بعد ما بتتفك بتلاقي كمان بلاستكه ده اللي بتقفل على الفيلتر فكها و مد ايدك هتلاقي الفلتر شده كل ده بتعملوه و انت نايم على ظهرك في الدواسه بس انصحك تروح لحد

[horas3000]

انا كنت لسه بغيره النهارده و كنت زيك مش عارف مكانه بس عرفته.. الكرسي اللي جنب السواق تحت درج التابلوه من الشمال هتلاقي بلاستيكه بتتفك هى جزء من الكونسول الامامى بعد ما بتتفك بتلاقي كمان بلاستكه ده اللي بتقفل على الفيلتر فكها و مد ايدك هتلاقي الفلتر شده كل ده بتعملوه و انت نايم على ظهرك في الدواسه بس انصحك تروح لحد

الف شكر يا زعيم