رابطة حائزى الفلوينس

[ahmadm]

من الاضافات في فلوانس عن ميجان مساحات المطر يمكن التحكم في طريقه رشها للمياه و بالتالى لا تعيق الرؤيه اثناء عملها --- و كارت تشغيل السياره لا تحتاج لاخراجه من جيبك ووضعه في السياره يكفى وجوده في جيبك لتفتح سيارتك و تشغلها ثم تقلق ابوابها اوتوماتيكيا عند ابتعادك عنها-- ما افتقده في ميجان 2 هو الاير باج الجانبيه (الستاره) التى انقذت حياتى في حادث انقلاب للسياره على سرعه عاليه خرجت منه بحمد الله بدون خدش بفضل عوامل الامان الرائعه في الميجان

السلام عليكم ربنة يباركلك فى العربية بس لية سؤال هو حضرتك مشترى الفلوانس من مصر ولا السعودية ؟ و كمان حضرتك عرفت ازاى موضوع ان الكمبروسر بقا يابانى دية ؟؟

[حسام فتحى]

الله يبارك فيك ،،حكايه الكومبرسور يابانى من معرض السبع اتوموتيف اللى اشتريت منه العربيه لكن فعلا التكييف اقوى من الميجان و مثل اليابانى و الكورى لكن باسلوب صحى لا يضر فى رايى ،، و سيارتى فلوانس E3 face lift تجميع تركى من مصر ،، الخليجى شوفتها فى السعوديه صناعه كوريه من شركه سامسونج المملوكه لرينو و المحرك اقل تعقيدا من الاوروبيه ربما لصرامه قوانين حمايه البيئه فى اوروبا ،، الخليجيه تكييفها ممتاز و الفتيس cvt وهو ما تم تعديله فى النموذج التركى القادم لمصر face lift ليتساوى الاثنان الان فى هذا ،، عفشه النموذج التركى الفيس ليفت قويه تناسب الشوارع بمصر و يوجد ٩ سماعات ،، الاوبشن فى الخليجى اقل حتى لا تدخل فى شريحه سعريه اعلى يشغلها سياره اخرى لنفس الشركه على ما اعتقد و هذا غير موجود فى مصر نظرا لزياده الجمارك بشده فوق ١٦٠٠cc و بالتالى من لديه ٢٠٠ الف مثلا سيتجه لاوبشنس اعلى و ليس موديل اعلى كما فى الخليج ،،الاهم هو ان فى الخليج يوصى باستعمال بنزين ٩٥ اما فى مصر الشكل الجديد ليس لديه اى مشاكل مع بنزين ٩٢ الا بالطبع اختلاف الاداء للاحسن،، و طبعا الفيس ليفت اشيك من الفلوانس الخليجى الكورى ،، و ما اعلمه ان الموتور من رينو الشركه الام و الكومبريسور يابانى لكن يفضل التاكد لحين سؤال التوكيل فى صيانه ٥٠٠٠

[ALshahba]

انا سألت التوكيل بنفسي وقالي
الفتيس والموتور ==> ياباني من شركة نيسان اليابانيه
التكييف ==>ياباني من نيسان
استهلاك البنزين ==>7.5 لتر لكل 100 كم , يعني 13كم لكل 1 لتر
تم تعديل الرشاشات واصبحت اطول من الطراز السابق للتغذية المباشره (وطبعا اغلي)
نظام دخول الهواء تم تعديل مجري الدخول لتكون شبه مستقيمه لدخول الهواء للاحتراق فى اقل زمن واقل كمية بنزين
الجنط ==> مقاس 17 بوصه رياضي 215 / 55
فى الفئة التوب لاين ممكن اضافة عدد4 حساسات لاسلكيه توصل بالمساعد بالقرب من الكاوتش للاشعار بضغط الكاوتش وميل السياره

[حسام فتحى]

شكرا على المعلومات القيمه --لكن عمليا استهلاك البنزين داخل القاهره اكتلر من كده --حوالى 10 لتر لكل 100 كيلو -بنزين 92- اما عن التكييف فسبق و ان شكرت فيه لكن النهارده درجه الحراره من 36 الى 39 و لم يكن مرضى الا عند ضبطه على low يعنى اقل من 18
و ده غريب لان اليابانى و الكورى تلاجه من لحظه التشغيل
و حكايه درجه الحراره المطلوبه فى الاتوماتيك مش حقيقيه بالمره فاذا ضبطته على 19 مثلا ينزلهالك فعليا ل 24 تقريبا و ده غريب جدا لان التكييف يابانى من نيسان بينما اتفه كورى الفيرنا مثلا تلاجه مش فاهم ايه المشكله

[hoshoss]

سؤال يا جماعة ... إزاى أفتح شنطة الفلوانس أوتوماتيك من غير ما ألمسها ؟؟؟؟

[ahmedelfeky]

والله انا كمان عايز اعرف انا لما بضغط علي زرار الشنطه ف الكارت بيفتح الشنطه بس من غير ماترفع الغطا بتاعها

[حسام فتحى]

لا اعتقد ان الشنطه تتفتح لوحدها فى الفلوانس ونفس الشئ كان فى الميجان ٢

[mshawkys]

استفسار بخصوص فلوانس ٢٠١٣ e3 هل يمكن اجراء مكالمة او البحث فى دليل التليفون من خلال عجلة القيادة كما فى الفلوانس القديمة ؟ ولا لازم من كاسيت العربيه ؟

[ALshahba]

ايه اخبار الكاتينه الجنزير يا جماعه ....... ليها تأثير فى علو صوت الموتور ولا مافرقتش

[ahmedelfeky]

ايه اخبار الكاتينه الجنزير يا جماعه ....... ليها تأثير فى علو صوت الموتور ولا مافرقتش

لحد 170 الصوت هادي وجميل وانا شايفه مش عالي حتي ع السرعات العاليه

[ALshahba]

170 سرعه عاليه جدا ...... يعني من الطبيعي ان الموتور صوته يعلي بعدها او عندها

[ahmedelfeky]

170 سرعه عاليه جدا ...... يعني من الطبيعي ان الموتور صوته يعلي بعدها او عندها

والله حضرتك انا كنت راجع من شرم ساعتها الوصله اللي من شرم لراس سدر علي سرعه 160 ل 170 كان صوت الموتور مسموع بس مش مزعج بالنسبه ليا طبعا ع ال 100 صوت الموتور مش مسموع نهائيا الار بي ام بيكون 2 او 2.3 حاجه زي كده وانا ع ال 170 ماكنش وصل 5 جايز لاني كنت في نفس اتجاه الريح لان العربيه كانت ممكن تجيب كمان بس انا مازودتش عشان كان معايا 3 افراد تانين وطفلين وانا بطبعتي مش من هواه السرعات العاليه لكن كان في ظروف اضراريه ساعتها

جو الجراج بيبقي صوت الموتور عالي زي اي عربيه خصوصا عند بدايه التشغيل ف الصباح

[ahmedelfeky]

استفسار بخصوص فلوانس ٢٠١٣ e3 هل يمكن اجراء مكالمة او البحث فى دليل التليفون من خلال عجلة القيادة كما فى الفلوانس القديمة ؟ ولا لازم من كاسيت العربيه ؟

والله لازم حضرتك تضغط علي زرار TEL عشان تختار بين ال history او phonebook في كاسيت العربيه وتقلب بعدها من البكره اللي في الدريكسيون وتضغط اتصال او انهاء من الدريكسيون برضه الموديل القديم ماعنديش فكره بصراحه لو اي حد من الاعضاء عنده راي تاني ياريت يقولنا جايز اكون غلطان
عامه انا غير راضي عن مستوي الشرح في المانيوال بتاعه العربيه سواء للكاسيت او ال drivers handbook

[dr_ahmed80]

مطلوب شراء فلونس 2013 كسر زيرو
للاتصال: د./ أحمد 01001817449

[tarek7elmy]

اين نجد تيل فرامل للفلوينس فى القاهرة

اريد شراء تيل فرامل خلفى وامامى
حد يعرف حد بيبيع تيل فى القاهرة بس مش التوكيل علشان اسعاره باأت عالية جدا
500 +800