رابطة حائزى الفلوينس

[Yahia aly]

هل هناك فروق جوهرية بين الشكل القديم والجديد ،،،طبعا اقصد فى المواصفات الفنية من موتور وفتيس؟ حيث انه إمامى فلوانس ٢٠١١ حالتها ممتازة الفئة الثالثة وبفاضل بينها وبين ال ٢٠١٤ ...ولكم جزيل الشكر

[Hany Saad]

جزاكم الله خيرا بالفعل تم تغيير الفيوس و اشتغلت الولاعة
لو سمحت عني سؤال آخر كنت عملت حادثة وحدث مشكلة بالمروحة وكنت بدمنهور ولم أجد المروحة فقام الكهربائي بتغييرها بواحدة اوكتافيا حتي استطيع السفر الي المنصورة حيث اقيم ومن ساعتها حاسس ان العربية بتاكل بنزين أعلي من الأول ومؤشر الحرارة اصبح زيادة عن الأول بالرغم من أن المروحة تعمل علي السرعتين فأرجو الافادة

يجب تغيير المروحة بواحدة بتاعت فلوانس حتى لو كانت استعمال.....فيه فرق بين الأتنين و العربية مش هتبقى مظبوطة معاك

تحياتى

[ALshahba]

هل هناك فروق جوهرية بين الشكل القديم والجديد ،،،طبعا اقصد فى المواصفات الفنية من موتور وفتيس؟ حيث انه إمامى فلوانس ٢٠١١ حالتها ممتازة الفئة الثالثة وبفاضل بينها وبين ال ٢٠١٤ ...ولكم جزيل الشكر

طبعا يوجد.......و يتميز الموديل الجديد عن القديم بالاتي:

1- موتور جديد كليا يعمل بكاتينه جنزير ويخرج قدره 115 حصان
2- بوجيهات طويلة المدي تتبدل عند 80-100 الف كم
3- فتيس جديد كليا من نوع CVT - XTronic
4- عداد ديجيتال بالكامل
5- تكييف جديد كليا من شركة نيسان
6- شكل الشبكه الاماميه مختلف وجديد
7- اضائة نهاريه
- واشباء اخري مفيده

فى امان الله

[Hany Saad]

هل هناك فروق جوهرية بين الشكل القديم والجديد ،،،طبعا اقصد فى المواصفات الفنية من موتور وفتيس؟ حيث انه إمامى فلوانس ٢٠١١ حالتها ممتازة الفئة الثالثة وبفاضل بينها وبين ال ٢٠١٤ ...ولكم جزيل الشكر

فيه فعلاً يا فندم فروق جوهرية بين الاتنين ، الجديدة بقى فيها الأتى:
- الموتور يابانى من نسيان و قدرة 115 حصان بدل 110
- الموتور اصبح على سير جنزير بدل من سير كاوتش
و ده ميزته انه مش ممكن يقطع و يدخلك فى نصف عمرة
و مفيش صيانة سير تقسيم مكلفة كل 60 الف كم
و لكن صوت الموتور اعلى شوية من القديمة
- بوجيهات الموتور بقت معمرة و بتتغير كل 100 الف كم
- فتيس جديد من نيسان xtronic cvt مفهوش احساس نهائى بالنقلات و لا النتشه المشهورة و كمان فيه توفير بنزين حوالى 15%
- تكييف جديدمن نيسان ادائه اعلى

دى التعديلات الجوهرية فى الشكل الجديد مقارنة بالقديم

تحياتى

[Yahia aly]

شكرًا جزيلا على الإفادة

[Yahia aly]

السلام عليكم جميعا
مش عارف اقولكم باركولي و لا واسوني
بس انا خلاص بقيت من مالكي الفلوينس رسمي

طبعا بعضكم عارف اني معايا باجيرو
لكن بعد قرارات حكومتنا المجيده في رفع الدعم عن ال 95 بل و الكسب منه
استخدام الباجيرو بقي غير مجدي اقتصاديا بالنسبه ليا
و لاني من لاقي فلوسي علي الارض فصعب انقل لل 92 و اخسر عربيتي

لذا كان قراري بشراء عربية تانية و تشاء الظروف اشنري عربية اختي الفلوينس و اللي كنت بشاركم بخبرتي من قيادتها

و العربية بقت تحت ايدي دلوقتي و اي استفسارات انا تحت امركم

فيه فعلاً يا فندم فروق جوهرية بين الاتنين ، الجديدة بقى فيها الأتى:
- الموتور يابانى من نسيان و قدرة 115 حصان بدل 110
- الموتور اصبح على سير جنزير بدل من سير كاوتش
و ده ميزته انه مش ممكن يقطع و يدخلك فى نصف عمرة
و مفيش صيانة سير تقسيم مكلفة كل 60 الف كم
و لكن صوت الموتور اعلى شوية من القديمة
- بوجيهات الموتور بقت معمرة و بتتغير كل 100 الف كم
- فتيس جديد من نيسان xtronic cvt مفهوش احساس نهائى بالنقلات و لا النتشه المشهورة و كمان فيه توفير بنزين حوالى 15%
- تكييف جديدمن نيسان ادائه اعلى

دى التعديلات الجوهرية فى الشكل الجديد مقارنة بالقديم

تحياتى

اولا انا شاكر لسيادتكم على حسن التعاون وسرعة الرد ... طيب اصرف نظر عن موديل ٢٠١١ و اجل الشراء ولا اشترى ٢٠١١ وبعدين ربنا يسهل بعد فترة وأغير ...بصراحة مش عارف خصوصا ان ثمن ٢٠١٤ غير مكتمل معى الان ولا أحب التقسيط شكرًا لكم

[EHAB ZAHRAN]

السلام عليكم انا عندي سيارة فلوانس 2012 بحس برجة هية مش جامدة خفيفة
و انا على سرعة 180 هل ده عادي برجاء الافادة

[EHAB ZAHRAN]

ايه مفيش حد موجود و لا ايه

[EHAB ZAHRAN]

بس بصراحة العربية الفلوانس دي الماظ

[Yahia aly]

السلام عليكم ... سؤالى هو عن سعر رينو الفلوينس موديل2011 مستعمل الفئة ال Dynamic فبريكا بالكامل العداد ٦٠ الف كم المالك اول يد تم عمل صيانة ال٦٠المطلوب 120 الف جم السعر ده نهائي ولم يقبل ان ينزل جنيه هل هو مناسب ام لا . برجاء الإفادة وشكرا لكم.

[Hany Saad]

السلام عليكم انا عندي سيارة فلوانس 2012 بحس برجة هية مش جامدة خفيفة
و انا على سرعة 180 هل ده عادي برجاء الافادة

اسف على التاخير فى الرد و اتمنى من الأحباب على الرابطة هنا مشاركتنا فى المنتدى نفسه لتعم الفائدة على الجميع و نقدر نتفاعل مع بعض أسرع

بالنسبة لسؤال حضرتك اول حاجة هتعملها انك ترصص الأربع عجلات و تجرب و تشوف
اعتقد الترصيص الجيد كفيل بظبط الرجة دى

تحياتى

[Hany Saad]

السلام عليكم ... سؤالى هو عن سعر رينو الفلوينس موديل2011 مستعمل الفئة ال dynamic فبريكا بالكامل العداد ٦٠ الف كم المالك اول يد تم عمل صيانة ال٦٠المطلوب 120 الف جم السعر ده نهائي ولم يقبل ان ينزل جنيه هل هو مناسب ام لا . برجاء الإفادة وشكرا لكم.

استاذ يحيى
لو حضرتك مستريح للعربية و حالتها كويسة.....توكل على الله و اكشف عليها فى التوكيل و خلص فيها بدل ما تستنى او تدخل نفسك فى أقساط
العربية الفلوانس ممتازة سواء قديم او جديد و هتنبسط منها جداً المهم تكون حالتها كويسة
بالتوفيق ان شاء الله
تحياتى

[Yahia aly]

استاذ يحيى
لو حضرتك مستريح للعربية و حالتها كويسة.....توكل على الله و اكشف عليها فى التوكيل و خلص فيها بدل ما تستنى او تدخل نفسك فى أقساط
العربية الفلوانس ممتازة سواء قديم او جديد و هتنبسط منها جداً المهم تكون حالتها كويسة
بالتوفيق ان شاء الله
تحياتى

استاذ هانى
شكر خاص لك وعلى اهتمامك ...ربنا يوفق الى ما فيه الخير

[ALshahba]

120 الف ج موديل 2011 !!!! ماشاء الله
ويقولك سعر الفلوانس بينزل جامد فى اعادة البيع !!!!!

ربنا يباركلك فيها

[EHAB ZAHRAN]

120 الف ج موديل 2011 !!!! ماشاء الله
ويقولك سعر الفلوانس بينزل جامد فى اعادة البيع !!!!!

ربنا يباركلك فيها

الفلوانس ماسكة سعر إعادة بيع زي الفل لأنها عربية جامدة انا معايا موديل 2012و جبتلي 128000جم لأن حالتها ممتازة