رابطة حائزى الفلوينس

[Hany Saad]

فى طريقة سهلة جداً لقفل العربية لو الكارت بطاريته ضعفت أو كده....
بعد ما تطفى العربية....أفتح باب السواق...
دوس لمدة 5 ثوانى على زرار السنتر اللى فى نصف الطابلوه لغاية لما تسمع السنتر قفل، كل ده و انت فاتح الباب....
انزل من العربية و اقفل باب السواق....و الف مبروك...العربية كلها سوجرت....

[mtalaat]

check automatic gear box اية معناها حصلت مرة واحدة والفتيس هبد هبدة جامدة طفيت و دورت راحت وبعدها مظهرتش تانى

[bukla]

check automatic gear box اية معناها حصلت مرة واحدة والفتيس هبد هبدة جامدة طفيت و دورت راحت وبعدها مظهرتش تانى

السلام عليكم و رحمة الله و بركاته
اعتقد انه يجب انك تروح التوكيل في اقرب وقت علشان يكشفوا علي العربية و يشوفوا ايه اللي محتاج يتغير في الفتيس قبل ما يكون فيه مشكلة صغيرة و تكبر
بالتوفيق ان شاء الله

[m_marmoush]

check automatic gear box اية معناها حصلت مرة واحدة والفتيس هبد هبدة جامدة طفيت و دورت راحت وبعدها مظهرتش تانى

هية عربيتك فلوانس ولا ميجان ؟ وموديل كام؟

[mtalaat]

هية عربيتك فلوانس ولا ميجان ؟ وموديل كام؟

فلوانس 2011

[osama ebrahim]

السلام عليكم
انا معايا فلوانس اوتوماتيك 2013 بقيت في الفتره الاخير بسمع صوت طقطقه من داخل العربيه لما بكون ماشي في ارض مكسره ودايس فرامل شاكك ان الصوت ممكن يكون من الفرش بتاع الابواب ... بس مش متأكد حد تعرض للموضوع دا قبل كده ... شكرا

[hady.msry]

السلام عليكم
انا معايا فلوانس اوتوماتيك 2013 بقيت في الفتره الاخير بسمع صوت طقطقه من داخل العربيه لما بكون ماشي في ارض مكسره ودايس فرامل شاكك ان الصوت ممكن يكون من الفرش بتاع الابواب ... بس مش متأكد حد تعرض للموضوع دا قبل كده ... شكرا

انا عندى نفس المشكله والعربيه موديل 2013 e2 وكنت فى التوكيل بعمل صيانه وقلتلهم على العيب ولكن قلولى انت محتاج سروجى يكشف على الفرش وللأسف السروجى فى توكيل العامريه وانا بعمل الصيانه فى سموحه

[hady.msry]

ندااااااااااااء هااااااااااااااام للإخوه فى الصفحة انا معيا فلوانس e2 2013 ومن يوم ماجبتها وانا حاسس ان التكييف مش ولا بد وكل مرة كنت اروح التوكيل اعمل صيانة كنت اشتكى من التكييف وكان الرد دائما تمام يا فندم احنا غسلنا السربنتينه ومره يقولوا ضبطنا شحن الفريون ومره نضفنا فلتلر الهواء وللأسف بعد مأخرج الاقى التكييف زى ما هو وأخر مرة اتكلمت معاهم بحده شويه بسبب التكييف فا قلولى الفلتر هو الى عامل المشكلة ودفعت 370 جنيه الإن الفلاتر لا يسير عليها الضمان وبعد ما خرجت برضه التكييف زى ما هو بصراحه مش عارف اعمل ايه اى حد يقدر يدلنى على حل لو سمحتم لأن الصيف داخل ومش هستحمل

[ahmedelfeky]

انا ساعات بسمع الصوت ده وحاليا انتقل من الباب الشمال للباب اليمين ههههه بس ده لما بيبقي الشارع طالع نازل ومتبهدل يعني

[Hany Saad]

check automatic gear box اية معناها حصلت مرة واحدة والفتيس هبد هبدة جامدة طفيت و دورت راحت وبعدها مظهرتش تانى

ده Solenoid valve بتاع الفتيس او البوابة التى تتحكم فى ضغط مسار الزيت داخل الفتيس
لو حضرتك لسه تحت الضمان.....يتم تغييرها فى الضمان مع تغيير زيت و اعادة برمجة السوفت ويير و بتنتهى المشكلة تماماً
مفيش خطورة و لو حصلت تانى اطفى و دور هتلاقيها راحت و لكن يفضل حلها فى القريب

تحياتى

[ahmed_m_ashraf]

بالنسبة لصوت "الطقطقة" أو "تكتكة" لما تكون ماشي ف أرض مكسرة أنا معايا لوجان وبيحصل الموضوع ده بالذات لو فاتح الزجاج نص فتحة .. والسبب غالبا بيكون المسامير إللي رابطة مسطرة مكنة الزجاج بالزجاج نفسة محتاجة يتقرط عليها! ولما بيكون الزجاج مقفول عشان بيبقى مكبوس في المجرى بتاعته الصوت بيختفي. ممكن كمان يكون سبب الصوت هو السيخ المعدن الواصل من أكرة الباب الداخلية للكالون بيخبط في معدن الباب من جوه، هو بيبقى فيه مخده سفنج بينه وبين الباب بس بتهبط أو تتقطع مع الوقت. الظاهر إن مشاكل التقفيل في الرينو واحده :(

[karemof]

السلام عليكم,
أنا معايا فلوانس 2013 الشكل القديم, هو فعلا لما بكون ماشي بالراحة كده في شورع مكسرة أو مطبات و نقر بسمع صوت تنقير في الناحية اليمين و أوقات الشمال , أنا أعتقد أن دي رجرجة في زجاج الشباك نتيجة وجود "بوش" أو مسافة في مجرى الزجاج, علشان لما بقفل الزجاج أظن مبسمعش صوت الرجرجة دي والله أعلم.

[ahmadm]

السلام عليكم
عندى فلوانس 2011 عاملة 38 الف صوت تزيق جاى من اليمين و خلاص قربت اتجنن منة النهاردة بعد ما رجعت من الشغل جبت ال dw 40 و عديت على كاوتش الباب كلة اليمن ورا و قدام و على البلاستيك اللى ورا ما بين الكنبة و الكاوتش بتاع الباب و طبعا ولا اكنى عملت حاجة الصوت بيظهر لما حتى اطلع لقدام بالعربية متر واحد بيظهر هاشوف الصبح يمكن الدنيا تتحسن و كمان فى صوت لعين فى الفواصل او المطبات الجريدة سعات يظهر و سعات لاء اكن فية جرس او فلوس فضة خبطت فى بعض شكلى هاروح التوكيل اشوف الحوار دة
حاجة كمان حد جرب يلف الدركسيون يمين و شمال بسرعة و العربية واقفة بس شغالة ؟ زاى ما يكون فية حاجة سايبة بتلق ولا دية حاجة عادية ؟؟؟

[MohammedAladel]

من الواضح أن العيب عندك بنظام التعليق
ومن الخطأ أن تقوم برش الباب ب wd40 فهو يتلف الكاوتش
أنظر إلى جلب المقص اليمين وإلى بطاحة المساعد قد يكون إحداهما السبب فى فى هذا التزييق

[aboabdo]

السلام عليكم ياجماعة
أنا انضميت الي عائلة مالكي رينو فلوانس حديثا موديل 2012 الفئة الثانية ولكن عندي مشكلة صغيرة أن مكان الولاعة والذي باستخدمه لشحن الموبايل لا يعمل ولذلك أرجو من اخوانا في الرابطة لافادتي بسبب المشكلة وحلها ان امكن وجزاكم الله خيرا