رابطة حائزى الفلوينس

[Hany Saad]

ببساطه و سريعا .. احب اشكر كل اعضاء مالكى فلوانس ... بعد تجربه لمده شهر و سفر متواصل حوالى 2500 كيلو متر اسبوعيا ... على سرعه مابين 140 كيلو و 180 كيلو فى الساعه ... مع اكل افراد الاسره بالكامل .. السياره اثبتت نجاح انا فوجئت بيها فعلا و فى الاداء و التسارع و الثبات و التماسك و القوه فى العزم ... السياره فعلا صفقه ناجحه ...
بطبيعه شغلى انا مقيم فى السعوديه و عندى برادو 2014 وقبلها كان عندى باجيرو و كرولا و الينترا و سيراتو ..
بعد تجربه مع الفلوانس على الطريق للغردق و شرم الشيخ و السخنه .. الحمدلله العربيه جميله جدا وادائها فوق الممتاز ..
احب اشكر كل شخص قدم دعم حتى لو كان بنصيحه او بكلمه فى السياره دى ,,, بحق القيمه الماديه لا تقارن بالامكانيات والاداء .. ودى شهاده

ألف مبروك لحضرتك و أن شاء تتهنى بيها أنت و الأسرة و الكريمة
فعلاً ده أنطباع غالبية الملاك.....عربية ممتازة كقيمة مقابل المال
و رائعة جداً فى السفر

تحياتى

[Abu Reem]

مساء الفل على الاعضاء الكرام

تنصحوني اجيب فلوانس (e3 ( 2015 منين مع العلم الوكيل بياخد شهرين وبصراحه بحب انجز وبكره الانتظار

غريبة ان الوكيل بياخذ شهرين السيارة متوفرة في كل مكان في المعارض.... عموما.....السيارة سعرها في المعارض مثل التوكيل ..فشوف اقرب معرض لك...بس يكون سمعته كويسة.... بس اهم حاجة ( تراجع أوراق السيارة )......وتتأكد ان رقم الشاسيه في الأوراق هو لسيارتك...وان شهادة الافراج الجمركي...مازال صلاحيته سارية......لان في ورقة لما تستلم السيارة لو كان تاريخها عدى 15 يوم هتحتاج تجددها من المرور قبل ان تذهب....لترخيص السيارة

[mimohsen]

غريبة ان الوكيل بياخذ شهرين السيارة متوفرة في كل مكان في المعارض.... عموما.....السيارة سعرها في المعارض مثل التوكيل ..فشوف اقرب معرض لك...بس يكون سمعته كويسة.... بس اهم حاجة ( تراجع أوراق السيارة )......وتتأكد ان رقم الشاسيه في الأوراق هو لسيارتك...وان شهادة الافراج الجمركي...مازال صلاحيته سارية......لان في ورقة لما تستلم السيارة لو كان تاريخها عدى 15 يوم هتحتاج تجددها من المرور قبل ان تذهب....لترخيص السيارة

اشكرك على ملاحظاتك ... انا اتعاملت مع الليثي قبل كده وكانوا ممتازين ... لقيت عندهم اللون اللي انا عايزه (الكريمي) وخلال كام يوم هاخلص فيها ان شاء الله

[M. Hassan]

محتار..اشتري فلوانس ولا لأ؟

بسم الله
السلام عليكم
دي أول مشاركة ليا في المنتدى بشكل عام.
أنا ناوي أشتري عربية، وعندي مشكلة.
أنا بحاول ألاقي حاجة تجمع بين السعر المناسب والكماليات والأمان.
الاختيارات اللي قدامي كانت أوكتافيا (أقل فئة 190 ألف)، سنترا (175 ألف)، كورولا (أقل فئة 185 ألف)
من كام يوم حد قاللي على الفلوانس وروحت شوفتها، واكتشفت التالي:
1- من حيث الأمان، العربية أعلى حاجة في الفئة دي (6 أيرباج، عوارض جانبية، ABS، ،EBD، ISOFiX وغيره)
2- من حيث الكماليات، برده أعلى حاجة في الفئة دي (كل حاجة ألكترونية، بلوتوث، LED خلفي وأمامي، زينون، فتحة سقف، وغيره)
3- من حيث السعر، أو القيمة مقابل المال، هي الأحسن بين كل العربيات التي ذكرتها فوق.

المشكلة بقى:
- في ناس بتخوفني من انخفاض القيمة عند أعادة البيع
- بسمع أن أي حاجة فيها لازم تتصلح في التوكيل عشان مش كتير اللي بيفهم فيها عشان كل حاجة فيها الكترونية
- بحس أن البودي (الجسم) بتاعها ضعيف.
- أنا ميال عموماً للياباني، بس أعلى حاجة في الكورولا مثلا سعرها أعلى كتير (224 ألف) وكمان كماليات أقل وأقل في مواصفات الأمان. السنترا حلوة، وسعرها أقل (175) بس كمان كماليات أقل كتير وأقل في مواصفات الأمان وعربية جديدة لسه
- بحب الأوكتافيا جدا، وركبتها قبل كده، بس برده فئة ال 190 ألف فاضية تقريبا من الكماليات وأقل في مواصفات الأمان برده

أنا محتار جداً...وكل اللي محتاجه النصيحة من اللي راكبين فلوانس جديد وقديم، من حيث الأعطال، العيوب، قطع الغيار (التوافر والأسعار)، كفاءة العربية وعزمها، وأي ملاحظات تانية عليها.
أكون شاكر لو رديتوا عليا بسرعة لأني مستعجل، وأعتقد أنكم أفضل من يمكن أن ينصحني عن العربية..ببساطة لأنكم جربتوها.
عذرا على الإطالة...تحياتي

[تامر.محمد]

بسم الله
السلام عليكم
دي أول مشاركة ليا في المنتدى بشكل عام.
أنا ناوي أشتري عربية، وعندي مشكلة.
أنا بحاول ألاقي حاجة تجمع بين السعر المناسب والكماليات والأمان.
الاختيارات اللي قدامي كانت أوكتافيا (أقل فئة 190 ألف)، سنترا (175 ألف)، كورولا (أقل فئة 185 ألف)
من كام يوم حد قاللي على الفلوانس وروحت شوفتها، واكتشفت التالي:
1- من حيث الأمان، العربية أعلى حاجة في الفئة دي (6 أيرباج، عوارض جانبية، abs، ،ebd، isofix وغيره)
2- من حيث الكماليات، برده أعلى حاجة في الفئة دي (كل حاجة ألكترونية، بلوتوث، led خلفي وأمامي، زينون، فتحة سقف، وغيره)
3- من حيث السعر، أو القيمة مقابل المال، هي الأحسن بين كل العربيات التي ذكرتها فوق.

المشكلة بقى:
- في ناس بتخوفني من انخفاض القيمة عند أعادة البيع
- بسمع أن أي حاجة فيها لازم تتصلح في التوكيل عشان مش كتير اللي بيفهم فيها عشان كل حاجة فيها الكترونية
- بحس أن البودي (الجسم) بتاعها ضعيف.
- أنا ميال عموماً للياباني، بس أعلى حاجة في الكورولا مثلا سعرها أعلى كتير (224 ألف) وكمان كماليات أقل وأقل في مواصفات الأمان. السنترا حلوة، وسعرها أقل (175) بس كمان كماليات أقل كتير وأقل في مواصفات الأمان وعربية جديدة لسه
- بحب الأوكتافيا جدا، وركبتها قبل كده، بس برده فئة ال 190 ألف فاضية تقريبا من الكماليات وأقل في مواصفات الأمان برده

أنا محتار جداً...وكل اللي محتاجه النصيحة من اللي راكبين فلوانس جديد وقديم، من حيث الأعطال، العيوب، قطع الغيار (التوافر والأسعار)، كفاءة العربية وعزمها، وأي ملاحظات تانية عليها.
أكون شاكر لو رديتوا عليا بسرعة لأني مستعجل، وأعتقد أنكم أفضل من يمكن أن ينصحني عن العربية..ببساطة لأنكم جربتوها.
عذرا على الإطالة...تحياتي

هو انا مش راكب العربية بس باعتبر نفسي متابع جيد
العربية ممتازة كقيمة مقابل السعر لكن للحق الكورولا كأمان تزيد عن الفلوانس الesp و تقل عنها انها 2 ايرباج اماميين بس في مقابل 6 ايرباج في فئةالفلوانس اللي ب188 الف

بالنسبة لاعادة البيع , هي مش الكورولا اللي بتغلى بعد ما بتستعمل , لكن الفلوانس ماسكة نفسها بصورة معقولة اوي
كذلك رينو و نيسان حاليا شركة واحدة فلا اتوقع ان السنترا هايبقى فيها حاجة مش في الفلوانس , و الله اعلم برده
بالنسبة لقطع الغيار فالفلوانس هي احسن اسعار قطع غيار في فئتها لحد دلوقت

المنافسة عموما حادة و قوية جدا بين الفلوانس فئة 188 الف و الكورولا تاني فئة اللي فيها شوية كماليات معقولة اظن بحوالي 190 ألف و الاتنين يستاهلوا

[ahmed.teawater]

اشكرك على ملاحظاتك ... انا اتعاملت مع الليثي قبل كده وكانوا ممتازين ... لقيت عندهم اللون اللي انا عايزه (الكريمي) وخلال كام يوم هاخلص فيها ان شاء الله

الكريمى e2 الى حضرتك شوفتها؟صح
اصل انا كونت هناك برده

[mimohsen]

الكريمى e2 الى حضرتك شوفتها؟صح
اصل انا كونت هناك برده

انا كنت في فرع ناحية الطيران ... انا اقصد e3 كريمي ... هي مش عنده ... بس الحمدلله جابهالي النهارده واستلمتها والترخيص على يوم الاحد ان شاء الله

[mimohsen]

سؤالين يا رجاله

العربيه فلوانس e3 2015 ... وطيعا فيها الكارت الذكي ... ازاي افتح الكونتاكت بس من غير ما اشغل العربيه عشان لو عايز اطلع سي دي او اقفل شباك مثلا ... وهل ازاز الشبابيك مش بيقفل لوحده لما اقفلها

[just_magdy1]

سؤالين يا رجاله

العربيه فلوانس e3 2015 ... وطيعا فيها الكارت الذكي ... ازاي افتح الكونتاكت بس من غير ما اشغل العربيه عشان لو عايز اطلع سي دي او اقفل شباك مثلا ... وهل ازاز الشبابيك مش بيقفل لوحده لما اقفلها

البديل لفتح الكونتاكت فى الفلوانس انك تحط الكارت فى المكان المخصص ليه تحت الكاسيت وتعمل إللى انت عايزه بدون ماتدور المحرك
وغلق النوافذ من خلال الضغط مرتين متتاليتين علي مكان البصمه او الضغط مرتين متتاليتين علي زرار القفل فى الريموت

[Karim Hegab]

كان معايا كورولا 2011 و بعدها فلوانس 2014 ... ماشاء الله الثبات و العزم فى الفلوانس افضل بكتير من الكورولا خصوصا فى فى الطرق المفتوحه و السرعات العاليه .. وده لأن الفلوانس اعرض و اتقل من الكورولا فبيكون الثبات اعلى ... عن تجربه بحق ... الفلونس كأداء انا فوجئت بيها ...

[just_magdy1]

استفسار سريع من رجالة الفلوانس بخصوص التكييف فى زرارين جنب بعض الاول مكتوب عليه off وده أنا عارفه التانى عليه AC off وده اللي بسأل عن وظيفته

[Hany Saad]

استفسار سريع من رجالة الفلوانس بخصوص التكييف فى زرارين جنب بعض الاول مكتوب عليه off وده أنا عارفه التانى عليه ac off وده اللي بسأل عن وظيفته

off: هيقفل نظام التكييف بالكامل
ac off: هيقفل كباس التكييف و يسيب المروحة شغالة فقط و تقدر تعليها و توطيها من زرار المروحة اللى ناحية الشمال

تحياتى

[just_magdy1]

off: هيقفل نظام التكييف بالكامل
ac off: هيقفل كباس التكييف و يسيب المروحة شغالة فقط و تقدر تعليها و توطيها من زرار المروحة اللى ناحية الشمال

تحياتى

عشت وسلمت هاني باشا

[mimohsen]

البديل لفتح الكونتاكت فى الفلوانس انك تحط الكارت فى المكان المخصص ليه تحت الكاسيت وتعمل إللى انت عايزه بدون ماتدور المحرك
وغلق النوافذ من خلال الضغط مرتين متتاليتين علي مكان البصمه او الضغط مرتين متتاليتين علي زرار القفل فى الريموت

الف شكر على الاهتمام

[Ahmed Anwer]

يا شباب أنا الحمد لله و عقبالكم خرجت من الضمان

و عايز ابتدي اصاين العربية مع مركز محترم و أمين و أسعاره و قطع غياره كويسة

غير التوكيل لأن كده كفاية توكيل

حد عنده ينصحني بيه و يفضل في مناطق شرق القاهرة

مدينة نصر ، النزهة ، الحرفيين ،، كده يعني

عشان صقر قريش مستبعدها شوية