رابطة حائزى الفلوينس

[ALshahba]

ممكن حد يفهمني خاصية الامبوليزر دي بتعمل ايه وبتشتغل ازاي؟

هي خاصية منع تدوير العربيه باي مفتاح اخر غير مفتاحها لان مفتاحها به شريحه الكترونيه مبرمجه تعمل مع كونتاكت العربيه فقط
اما افلوانس فهي تعمل بزرار الكتروني عن طريق المفتاح الذكي ، وهو بدوره مبرمج الكتروني

فلاتقلق من سرقة السياره ان تدور بغير مفتاحها

في امان الله

[Amr Montasser]

الحمد لله تم استلام فلوانس 2015 هاي لاين بني
ما شاء الله قمة الفخامة من الداخل والخارج ومجموعة اوبشنات قمة في الروعة والراحة
المميزات من وجهة نظري : فخامة في كل تفاصيل السيارة وخصوصا من الداخل..شياكة العداد الديجتل..ثبات مرضي جدا..تكييف محترم جدا..مساحة الصالون كبيرة..والشنطة كمان تشيل زي ما انت عايز..
العيوب : كالكس صوته ضعيف جدا..تنبيه عدم ربط الحزام مزعج جدا وبيتأخر لغاية مايفصل..في غباء في نظام تشغيل بكرة الكاسيت وكمان البلوتوث..الكارت لو مشيت بعيد عن العربية وزجاجها كان مفتوح العربية بتقفل والزجاج يفضل مفتوح وكذلك الامر في فتحة السقف بتفضل مفتوحة لو مدستش علي زرار الغلق اللي في الكارت..صوت الباركنج سنسور واطي جدالدرجة انه ميتسمعس..وكمان اتضح ان الباركنج سنسور خلفي فقط

انا سمعت ان الكلاكس فردة واحدة بس و لو عايز تعلى صوته بتجيب فردة تانية من التوكيل.

بالنسبة لصوت الباركينج سينسور حضرتك بتتحكم فى درجة الصوت من زرار فى دراع مساحات المطر بيدخلك على قائمة من ضمنها ظبط ارتفاع صوت السينسور و اعتقد ليه 5 مستويات. لسه معليه من كام يوم.

[a.adam212]

انا سعيد اني بقيت احد ملاك الرينو فلونس بعد عناااء طويل فالمقارنات...وبحمد الله سبحانه وتعالي انه هداني للسياره دي...بس عندي استفسار بما اني مخدش الكاتالوج لسه...ايه لازمه الزرارين اللي عالطال اللي عليهم حرف r o؟؟؟
ياريت لو حد يفيدني

واكرر واقول انا ليا الشرف اني اكون من ملاك هده الحسناء الفرنسيه

تقبلو مروري

[Amr Montasser]

انا سعيد اني بقيت احد ملاك الرينو فلونس بعد عناااء طويل فالمقارنات...وبحمد الله سبحانه وتعالي انه هداني للسياره دي...بس عندي استفسار بما اني مخدش الكاتالوج لسه...ايه لازمه الزرارين اللي عالطال اللي عليهم حرف r o؟؟؟
ياريت لو حد يفيدني

واكرر واقول انا ليا الشرف اني اكون من ملاك هده الحسناء الفرنسيه

تقبلو مروري

أهلاً بضرتك فلوانساى معانا انا برضه لسه منضم للعائلة الجميلة دى من اسبوعين.

ازرار ال "O" و "R" بيستخدموا عند استعمال مثبت السرعة او محدد السرعة.

بفرض حضرتك عايز تثبت سرعة العربيةعلى 120 كم/س او تحدد سرعة العربية بحيث ان السرعة متزيدش عن نفس الرقم مهما تدوس بنزين فى حالة الضغط على زر "O" بيوقف الخاصية المستخدمة و يحفظ او يخزن السرعة اللى حضرتك ماشى عليها و بيكتب فوق الشاشة الصغيرة اللى بتعرض استهلاك البنزين و المسافة رسالة "120km/h Memorised". نفس الموضوع لو حضرتك دوست فرامل

زر "R" بيعيد استخدام اى من الخاصيتين بآخر سرعة متخزنة.

[a.adam212]

أهلاً بضرتك فلوانساى معانا انا برضه لسه منضم للعائلة الجميلة دى من اسبوعين.

ازرار ال "o" و "r" بيستخدموا عند استعمال مثبت السرعة او محدد السرعة.

بفرض حضرتك عايز تثبت سرعة العربيةعلى 120 كم/س او تحدد سرعة العربية بحيث ان السرعة متزيدش عن نفس الرقم مهما تدوس بنزين فى حالة الضغط على زر "o" بيوقف الخاصية المستخدمة و يحفظ او يخزن السرعة اللى حضرتك ماشى عليها و بيكتب فوق الشاشة الصغيرة اللى بتعرض استهلاك البنزين و المسافة رسالة "120km/h memorised". نفس الموضوع لو حضرتك دوست فرامل

زر "r" بيعيد استخدام اى من الخاصيتين بآخر سرعة متخزنة.

اشكر حضرتك عالرد وفعلا انا جربتهم وعملوا اللي حضرتك قلت عليه

[ahmed eltaib]

في الكتالوج فيه خاصية ان لو ضغط الهواء نقص في العجل بيبان ، بس مش لاقي الكلام ده عندي في الواقع ، فهل الخاصية دي موجوده فعلا او لا ؟؟؟
و كمان ازاي اخلي الساعه تشتغل على نظام 12 ، مش 24

[Amr Montasser]

في الكتالوج فيه خاصية ان لو ضغط الهواء نقص في العجل بيبان ، بس مش لاقي الكلام ده عندي في الواقع ، فهل الخاصية دي موجوده فعلا او لا ؟؟؟
و كمان ازاي اخلي الساعه تشتغل على نظام 12 ، مش 24

يا ريت لو حد من عتاولة الفلوانس يرد على موضوع ضغط العجل ده عشان عايزهو مش موجود أصلاً ولا فى هاى لاين بس و لا إيه؟

بالنسبة للساعة معتقدش ان فيها نظام ال 12 ساعة انا لسة باصص فى الكتالوج و ملقتش غير طريقة ظبط الساعات والدقائق و مجبش سيرة amو pm خالص رغم ان صورة الساعة فيها am.

[ahmed eltaib]

يا ريت لو حد من عتاولة الفلوانس يرد على موضوع ضغط العجل ده عشان عايزهو مش موجود أصلاً ولا فى هاى لاين بس و لا إيه؟

بالنسبة للساعة معتقدش ان فيها نظام ال 12 ساعة انا لسة باصص فى الكتالوج و ملقتش غير طريقة ظبط الساعات والدقائق و مجبش سيرة amو pm خالص رغم ان صورة الساعة فيها am.

1000 شكر يا ا/ عمرو ، انا لسه مستلمها من يومين و عمال استكشف فيها

[Dr. Assem]

الحمد لله . اشتريت فلوانس 2015 e3 شامبين و رايح ارخصها بكرة

متابع معاكم هنا بقالي اكتر من شهر و اخترت ان اول مشاركة ليا تكون مع استلام العربية

شكرا ليكم

[Amr Montasser]

الحمد لله . اشتريت فلوانس 2015 e3 شامبين و رايح ارخصها بكرة

متابع معاكم هنا بقالي اكتر من شهر و اخترت ان اول مشاركة ليا تكون مع استلام العربية

شكرا ليكم

مبروك ربنا يباركلك فيها و يديك خيرها و يكفيك شرها

[Ah.Ali]

السلام عليكم استلمت فلوانس امبارح يا احلى جروب طبعا الاوبشن كتير اوى وانا تايه خالص فيها لو حد يعرف يعمل شرح مختصر ليها يبقي جزاه الله خير او يضع لينك شارح للموضوع

[Amr Montasser]

السلام عليكم استلمت فلوانس امبارح يا احلى جروب طبعا الاوبشن كتير اوى وانا تايه خالص فيها لو حد يعرف يعمل شرح مختصر ليها يبقي جزاه الله خير او يضع لينك شارح للموضوع

مبروك ربنا يباركلك فيها و يديك خيرها و يكفيك شرها. و لو حضرتك عندك اى سؤال الاعضاء مش بيتاخروا فى اجابة اى استفسار

[bukla]

بسم الله الرحمن الرحيم
اعزائي احلى اعضاء في احلى منتدى
انا بكتب لكم علشان احتفل معاكم بمرور 5 سنوات من الاستمتاع بحيازة الجميلة فلوينس
الحمد الله ربنا يدمها نعمة و يحفظها من الزوال
و الف مبروك لكل الاعضاء المنضمين للرابطة و ربنا يبارك لهم فيها و يحفظنا جميعا من كل سوء
السلام عليكم و رحمة الله و بركاته

[mody basha]

بسم الله الرحمن الرحيم
اعزائي احلى اعضاء في احلى منتدى
انا بكتب لكم علشان احتفل معاكم بمرور 5 سنوات من الاستمتاع بحيازة الجميلة فلوينس
الحمد الله ربنا يدمها نعمة و يحفظها من الزوال
و الف مبروك لكل الاعضاء المنضمين للرابطة و ربنا يبارك لهم فيها و يحفظنا جميعا من كل سوء
السلام عليكم و رحمة الله و بركاته

عزيزى الأستاذ bukla وحشنا كتير بقالى فترة كبيرة لم ارى مشاركتك الهادفة ، انا شخصيا اتعلمت كتير فى الفلوانس من حضرتك احييك وكل عام وانت بخير على مرور 5 سنوات من الاستمتاع بالجميلة فلوانس. ومنتظر منك الكثير عن الجميلة والمحترمة فلوانس الشكل القديم.

[drcobra]

السلام عليكم استلمت فلوانس امبارح يا احلى جروب طبعا الاوبشن كتير اوى وانا تايه خالص فيها لو حد يعرف يعمل شرح مختصر ليها يبقي جزاه الله خير او يضع لينك شارح للموضوع

الف مبروك
انا زيك بالظبط وبستكشف فيها
ربنا يباركلك فيها