رابطة حائزى الفلوينس

[Ahmed Farouq]

عفشجى محترم

السلام عليكم

ياريت لو حد يعرف عفشجى كويس للفلوانس

انا اشتريت فلوانس 2011 وانا عارف انها محتاجة شغل عافشة. غيرت بطاحات ومساعدين ومقصات فى التوكيل وحاسس العربية رجعت ناشفة جدا بعد 10 ايام

محتاج عفشجى بيفهم يبص ويقولى ايه المشكلة. انا اعرف ان الفلوانس ناعمة لكن مش حاسس بكده.

ارجو اصحاب الخبرة يفيدونى

[dr.oun]

انا عندي درده بين الاول و التاني في العربيه بس مش دايمه

ع حسب دوسة البنزين

مش عارف دي حاجه طبيعيه و لا لا

لانها بدأت تقلقني من العربيه

عربتيي فلوانس 2011

[Baron HK]

السلام عليكم ورحمة الله......دكاترة الفلوينس اللي موجودين بعد إذنكم أنا كنت محتاج مساعدة عشان أنا محتار جداااااااااااا بين أول فئة أوتوماتيك في الفلوينس وما بين اللانسر الشارك الخليجي اللي فيها فتحة سقف و2 أيرباج وفرامل abs لأن العربيتين تقريبا في نفس السعر....اللي شاددني للفلوينس الشكل والفخامة من برة ومن جوه وكمان قوة الماتور لأني سوقتها قبل كده لكن لقان جدا من سعر إعادة البيع وكمان أسمع إن التكييف زي تكييف الألماني "تحسه مروحة أكتر ما هو تكيف" خصوصا اني بنزل من فيرنا وما أدراك ما هو تكييف الفيرنا :) على الناحية الأخرى الشارك شداني جدا خصوصا ان بها تقريبا جميع الكماليات والاوبشنز من طارة مالتي لفتحة سقف لسبويلر خلفي وجنوط وايرباج وايه بي اس وكمان سعر قطع غيارها أرخص من الفلوينس وكمان سعر إعادة البيع أفضل من الفلوينس وأكيد تكييفها كمان....بكل حيادية ومش عشان انا بسأل في قسم الرينو فتيجوا على الشارك بزيادة d: تحياتي

[drcobra]

السلام عليكم ورحمة الله......دكاترة الفلوينس اللي موجودين بعد إذنكم أنا كنت محتاج مساعدة عشان أنا محتار جداااااااااااا بين أول فئة أوتوماتيك في الفلوينس وما بين اللانسر الشارك الخليجي اللي فيها فتحة سقف و2 أيرباج وفرامل abs لأن العربيتين تقريبا في نفس السعر....اللي شاددني للفلوينس الشكل والفخامة من برة ومن جوه وكمان قوة الماتور لأني سوقتها قبل كده لكن لقان جدا من سعر إعادة البيع وكمان أسمع إن التكييف زي تكييف الألماني "تحسه مروحة أكتر ما هو تكيف" خصوصا اني بنزل من فيرنا وما أدراك ما هو تكييف الفيرنا :) على الناحية الأخرى الشارك شداني جدا خصوصا ان بها تقريبا جميع الكماليات والاوبشنز من طارة مالتي لفتحة سقف لسبويلر خلفي وجنوط وايرباج وايه بي اس وكمان سعر قطع غيارها أرخص من الفلوينس وكمان سعر إعادة البيع أفضل من الفلوينس وأكيد تكييفها كمان....بكل حيادية ومش عشان انا بسأل في قسم الرينو فتيجوا على الشارك بزيادة d: تحياتي

متابع بشدة
انا فى نفس الحيرة
القلب بيقول فلوينس العقل بيقول شارك

[ahmed zayed]

الحمد لله تم استلام فلوانس 2015 هاي لاين بني
ما شاء الله قمة الفخامة من الداخل والخارج ومجموعة اوبشنات قمة في الروعة والراحة
المميزات من وجهة نظري : فخامة في كل تفاصيل السيارة وخصوصا من الداخل..شياكة العداد الديجتل..ثبات مرضي جدا..تكييف محترم جدا..مساحة الصالون كبيرة..والشنطة كمان تشيل زي ما انت عايز..
العيوب : كالكس صوته ضعيف جدا..تنبيه عدم ربط الحزام مزعج جدا وبيتأخر لغاية مايفصل..في غباء في نظام تشغيل بكرة الكاسيت وكمان البلوتوث..الكارت لو مشيت بعيد عن العربية وزجاجها كان مفتوح العربية بتقفل والزجاج يفضل مفتوح وكذلك الامر في فتحة السقف بتفضل مفتوحة لو مدستش علي زرار الغلق اللي في الكارت..صوت الباركنج سنسور واطي جدالدرجة انه ميتسمعس..وكمان اتضح ان الباركنج سنسور خلفي فقط

[Baron HK]

متابع بشدة
انا فى نفس الحيرة
القلب بيقول فلوينس العقل بيقول شارك

المشكلة يافندم ان كل الحقائق ظاهرة أمامي ورغم كده انا برضه لسه محتار جداااااااااااا.........خايف من الفلوينس انها متنزلش تاني كمان سنتين تلاتة وتبدأ قطع الغيار في الشح والطلب على السياة يقل ولما احب ابيع اخسر 30 او 40 الف جنيه وعلى الناحية الأخرى الشارك بنفس الشكل من 2008 تقريبا ومفيش جديد في شكلها وكمان من جوة حاسسها فقيرة نوعا ما ولا تقارن على الاطلاق بخامة الفلوينس سواء في الشكل الداخلي او الخارجي!

[ahmed.abbas]

السلام عليكم
يا جماعه معايا فلوانس 2015s3 بال smart keyالتوكيل بيقولي العربيه ملهاش جهاز انزار علشان حصلي محاوله سرقه مرتين
وفي ناس علي جروب فلوانس علي الفايس بوك قالولي انه بيتفعل من زرار السنتر اللي تحت زرار الانتظار بيداس عليه لمده 10ثواني العربيه بتدي زماره ويتفعل الانزار والباب مفتوح
حد يعرف يفدني في المعلومه دي ؟؟؟؟
اسف علي الاطاله

[Baron HK]

ممكن حد يفهمني خاصية الامبوليزر دي بتعمل ايه وبتشتغل ازاي؟

[ahmed eltaib]

السلام عليكم
يا جماعه معايا فلوانس 2015s3 بال smart keyالتوكيل بيقولي العربيه ملهاش جهاز انزار علشان حصلي محاوله سرقه مرتين
وفي ناس علي جروب فلوانس علي الفايس بوك قالولي انه بيتفعل من زرار السنتر اللي تحت زرار الانتظار بيداس عليه لمده 10ثواني العربيه بتدي زماره ويتفعل الانزار والباب مفتوح
حد يعرف يفدني في المعلومه دي ؟؟؟؟
اسف علي الاطاله

محاولة سرقة ازااااي ؟؟؟!!!
انا اللي عرفته من الناس هنا ان العربية دي تقريبا مستحيل سرقتها
انتوا هتوقعوا قلبي ليه بقى ؟؟
و ربنا يحفظهالك

[ahmed.abbas]

الحرامي كسر الزجاج وفتح العربيه من جوا فتحت ودخل
بس معملتش اي تنبيه
وطبعا هوا كان عايز يدور ويمشي بس ده الحمد لله مش ممكن علشان مش معاه الكارت

[ahmed eltaib]

الحرامي كسر الزجاج وفتح العربيه من جوا فتحت ودخل
بس معملتش اي تنبيه
وطبعا هوا كان عايز يدور ويمشي بس ده الحمد لله مش ممكن علشان مش معاه الكارت

حتى لو كان فك سلوك او كسر مكان الكونتاك برضه مش هتدور ؟؟.
و هل في التوكيل يرضوا يركبولي جهاز gps او انذار ؟؟؟

[ahmed.abbas]

انشاء الله مش هتدور وده بتاكيد من التوكيل
بس للاسف التوكيل رافض تركيب اي تعديل علي العربيه حتي لو هوا من المصنع زات نفسه بس في فئه اعلي خوفا منهم علي كنترول العربيه

[sherif25972]

السلام عليكم ورحمة الله وبركاته
الإخوة الأحباء يشرفنى أن أنضم إلى تلك الرابطة الجميله والمحترمة فأنا من عشاق الرينو وكنت أمتلك ميجان 2006 وقد أكرمنى الله وإشتريت فلوانس e3 من حوالى 4 أيام لونها شامبين وهى بسم الله ماشاء الله زى الفل وسيارة عائلية جدا وأتشرف أن أشارككم تلك الرابطة الجميله

[mohamedadel86]

السلام عليكم ورحمة الله وبركاته
الإخوة الأحباء يشرفنى أن أنضم إلى تلك الرابطة الجميله والمحترمة فأنا من عشاق الرينو وكنت أمتلك ميجان 2006 وقد أكرمنى الله وإشتريت فلوانس e3 من حوالى 4 أيام لونها شامبين وهى بسم الله ماشاء الله زى الفل وسيارة عائلية جدا وأتشرف أن أشارككم تلك الرابطة الجميله

الف مبروك عليك الجميله .. ربنا يباركلك فيها ويمتعك بيها ويكفيك شرها.

[sherif25972]

شكرا يا فندم على ذوق حضرتك :)