رابطة حائزى الفلوينس

[bukla]

الف شكر علي رد حضرتك و ان شاء الله هابقي اشوف الحديدة في المكان الي قلت عليه لان انا اصلا مرفعتش الكرويك من مكانه

و بالنسبة لمسامير الاستبن انا معايا الفئة الي ب 125 هية دي كمان مسامير الاستبن فيها مختلفة عن مسامير العجلة العادية؟؟؟؟؟ و لا دا بالنسبة للفئات الاعلي الي فيها جنوط 16 بس؟؟؟

و بعدين يا ريت يا جماعة حد يفيدنا نعمل ايه في الدوسات و الشبكة الي مستلمنهمش دول؟؟؟؟؟؟؟ انا مستلم من عند محمد زكي هل نشتكي في التوكيل و لا نعمل ايه؟؟

الشكر لله
المسامير للفئات اللى بجنط 16 لأن الاستبن بيبقى فردة عادية

السلام عليكم

عايز اشترى دواسات للفليونس
اجيب منين؟ و انى نوع من الدواسات؟

و اللى فى التوكيل بكام؟
وهل فيها دواسة للشنطة؟

الدواسات ان عرفت انها مش بتتوزع مع العربية لكن دى بتبقى عبارة عن هدية من المكان اللى بتشترى منة ممكن يدهالك و ممكن لأ
و عرفت كمان انها مش دواسات مخصوص للفلوينس ولا حاجة انما هى دواسات شمواة عليها علامة رينو كانت نازلة من ايام الميجان وهى بتباع كاكسسوارات فى التوكيل تمنها معدى ال 400 جنية

[sanset]

يا بوكلا الدواسات سادة مش عليها علامة الرينو بس هية للفلونس عشان الدواسات الامامية فيها كلبسات بتركب فى الارضية ولو بصيت على الارضية هتلاقى مكان الكلبسات وانا سألتلكم فى التوكيل يوم مرحت عشان كود الكاسيت قالى كل العربيات نزلة بالدواسات والشبكة
والنبى يا بوكلا اهتم بموضوع الدردرة بتاعة النقلة التانية انا بجد متنرفز جدا منها

[sanset]

لا يا بوكلا انت مطنشنى خالص احنا متعودناش منك على كدة

[engahmedmahfouz]

حد يا جماعة سئل على الgps ولا اية النظام........
انا رايح معرض اوتوماك و هشوف اية الاخبار هناك و احجز إن شاء الله.
انا ناوي احجز إلي ب158000 بس لسة مش مقرر 100%.....يعني مثلا معرفش اسوق من غير باركنج سنسر (بس دة ممكن اركبو في التوكيل) و نفسي في إلاحساس بتاع فتحة السقف اصلي ناوي اقعد بالعربية 7-10 سنة فا عابز استمتع..
ايه رائيكم و ما خاب من استشار

[Amr_Moh]

مشاء الله عاجبني و العنوان "حائزي الفلونس" تحسسك بالقيمة المرتفعة

[Gabrial]

لا يا بوكلا انت مطنشنى خالص احنا متعودناش منك على كدة

يا فندم أستاذ bukla قال امبارح إنه مضغوط في الشغل كان الله في عونه ،غير كدة الراجل الله يباركله عمره ما تأخر على حد .

[sanset]

دي حاجة انا متأك منها فعلا عمرة متأخر علي حد وربنا يعينة لانة فعلا شخصية محترمة وخدوم جدا جدا بس الأمر ميمنعش ان نحسسة ودة الأكيد ان الرابطة من غير الكينج ليس لها معني او طعم انا مكنش قصدي اضايق حد وعموما انا اسف

[Gabrial]

دي حاجة انا متأك منها فعلا عمرة متأخر علي حد وربنا يعينة لانة فعلا شخصية محترمة وخدوم جدا جدا بس الأمر ميمنعش ان نحسسة ودة الأكيد ان الرابطة من غير الكينج ليس لها معني او طعم انا مكنش قصدي اضايق حد وعموما انا اسف

يا باشا مفيش ضيق أبداً،ولا داعي للأسف احنا كلنا إخوات مع بعض ،أنا بس كنت بوضح الموضوع لحضرتك ،تقبل تحياتي يا باشا .

[adfarouk]

حد يا جماعة سئل على الgps ولا اية النظام........
انا رايح معرض اوتوماك و هشوف اية الاخبار هناك و احجز إن شاء الله.
انا ناوي احجز إلي ب158000 بس لسة مش مقرر 100%.....يعني مثلا معرفش اسوق من غير باركنج سنسر (بس دة ممكن اركبو في التوكيل) و نفسي في إلاحساس بتاع فتحة السقف اصلي ناوي اقعد بالعربية 7-10 سنة فا عابز استمتع..
ايه رائيكم و ما خاب من استشار

لو عايز تستمع فعلاً و الحمد لله الفلوس متوفرة ..... اتكل على الله و احجز اللي بـ 158,000

عربية بسم الله ما شاء الله مش ناقصها حاجة

وبرضة المسألة مش بس استمتاع دي كمان أمان اكتر بسبب الستة اير باج

صلي صلاة استخارة و توكل على الله

[momovm]

السلام عليكم
انا يا جماعة محتار مش عارف اعمل اية العربية الفلونس عجبانى جدا بس فيى ناس كتير مخوفانى من الرينو عشان اعطلها كتير وان كل عطل كان بيبقى مكلف جدا ارجو الافادة وشكرا

[tamagogo]

سيبك من كلام الناس. لو مشيت وراهم مش هتلاقي عربيه حلوه. الكيا بتتقلب لوحدها وشيفروليه منصور مش كويس والاكسنت اسطوانة الدبرياج بتيجي بايظه والفيرنا بتجيلها بارومه والكورولا بايظه والسيفيك واطيه وبتجيب طنابير والاوكتافيا قطع غيارها نااااار ومابتتصلحش وطبعا مش هتكلم على الصيني وكل عربيه هتلاقي فيها قطط فطسانه.

انت عندك عربيه محترمه وماركه محترمه وتوكيل محترم جدا وضمان 3 سنين واسعار صيانات و قطع غيار معقوله. ولو لاحظت هتلاق ناس معاها ميجان وبتجيب الفلونس يعني ماحرمتش ولا حاجه

الحاجه الوحيده اللى تخليك تقلق سعر اعادة البيع عشان سمعه قديمه ارجو انها تتغير انما غير كده اعتقد كله ممتاز.

[elmadawy]

حد يا جماعة سئل على الgps ولا اية النظام........
انا رايح معرض اوتوماك و هشوف اية الاخبار هناك و احجز إن شاء الله.
انا ناوي احجز إلي ب158000 بس لسة مش مقرر 100%.....يعني مثلا معرفش اسوق من غير باركنج سنسر (بس دة ممكن اركبو في التوكيل) و نفسي في إلاحساس بتاع فتحة السقف اصلي ناوي اقعد بالعربية 7-10 سنة فا عابز استمتع..
ايه رائيكم و ما خاب من استشار

نفس الحكايه عندي وهو اني عايزها في بعض الكماليات ال في الجين 2 وال واخد عليهم مثل الباركنج سنسر ومثبت السرعه والجديد في الفلوانس فتحت السقف وغيره بس هس عربيه محترمه وجميله فعلا

[elmadawy]

الحاجه الوحيده اللى تخليك تقلق سعر اعادة البيع عشان سمعه قديمه ارجو انها تتغير انما غير كده اعتقد كله ممتاز.

ان شاء الله مع مرور الوقت وانتشار العربيه تتغير هذه السمعه

[heromiro]

سيبك من كلام الناس. لو مشيت وراهم مش هتلاقي عربيه حلوه. الكيا بتتقلب لوحدها وشيفروليه منصور مش كويس والاكسنت اسطوانة الدبرياج بتيجي بايظه والفيرنا بتجيلها بارومه والكورولا بايظه والسيفيك واطيه وبتجيب طنابير والاوكتافيا قطع غيارها نااااار ومابتتصلحش وطبعا مش هتكلم على الصيني وكل عربيه هتلاقي فيها قطط فطسانه.

انت عندك عربيه محترمه وماركه محترمه وتوكيل محترم جدا وضمان 3 سنين واسعار صيانات و قطع غيار معقوله. ولو لاحظت هتلاق ناس معاها ميجان وبتجيب الفلونس يعني ماحرمتش ولا حاجه

الحاجه الوحيده اللى تخليك تقلق سعر اعادة البيع عشان سمعه قديمه ارجو انها تتغير انما غير كده اعتقد كله ممتاز.

11111111111111111

[engahmedmahfouz]

يا وحوش انا رايح إنشاء الله معرض اوتوماك و بإذن الله ها احجز الفلوينس
بس لاخر مرة عشان اتوكل على الله

1- renault fluence high line
2- hond civic الفئة إلي في حدود 157000 إلي تقريبا" فاضية
3- ford focus ghia (شكلها مش بطال مع اللإعتبار إنها الماني و دي في حد زاتها ميزة)

مع العلم هو دة الترتيب بتاعهم معايا......و عابز العربية تقعد 7-10 سنين