رابطة حائزى الفلوينس

[ahmedelnadry]

ممكن تسعير فلونس الفئة الثانية موديل 2011 عداد 8000 كم ؟؟

أتمنى من السادة الأفاضل بمنتدى رينو فلوانس المساعدة فى تقييم سعر سيارة فلوانس من الفئة الثانية أوتوماتيك 2011 بعداد 8000 كم و شكرا

[ahmedelnadry]

يازجالة حد يرد علينا أو ينصحنا نعمل إيه علشان نقيم سعر العربية الفلوانس 2011 الفئة الثانية بعداد 8 آلاف كم

[horas3000]

مع كامل احترامي يا باشا
بس ده موضوع لمالكي الفلوينس
و اي سعر هتسمعة هنا مش هيبقي واقعي قوي لانه هيكون السعر اللي اي حد فينا هيكون نفسه يبيع عربيته بيه
و اعتقد ده السبب ان محدش رد عليك لحد دلوقتي لان محدش فينا عايز يغشك او يديك معلومة خاطئة

عموما في موضوع مخصص لتسعير العربيات المستعمله ممكن حضرتك تدور عليك و تعرض سؤالك هناك عشان تاخد معلومه صح

[ahmedelfeky]

مع كامل احترامي يا باشا
بس ده موضوع لمالكي الفلوينس
و اي سعر هتسمعة هنا مش هيبقي واقعي قوي لانه هيكون السعر اللي اي حد فينا هيكون نفسه يبيع عربيته بيه
و اعتقد ده السبب ان محدش رد عليك لحد دلوقتي لان محدش فينا عايز يغشك او يديك معلومة خاطئة

عموما في موضوع مخصص لتسعير العربيات المستعمله ممكن حضرتك تدور عليك و تعرض سؤالك هناك عشان تاخد معلومه صح

+1111111111

[ahmadm]

السلام عليكم ورحمة الله وبركاته
ان شاء الله بفكر اشترى فليوانس بس فى مشكلة مخوفانى جدا جدا عايز اخد رايكم فيها.انا شوفت وسمعت 3او4 حوادث منهم اتنين فى شغلى كل الحوادث تعوييم ودخول فى الجزيرة الوسطى ولما فكرت اشتريها سوقت عربية واحد صاحبى ووصلت ل150 كم/س والدركسيون خفيف جدا جدا ومش بيقل التقل المناسب للسرعة " هوة بيتقل بس تقل بسيط " يعنى الدركسيون مش لامم العربية خالص وده خوفنى وسالت احد سواقين الشغل وهوة شغال عليها وقالى نفس الكلام.فعايز رايكوا ضرورى ضرورى لان العربية عجبانى جدا بس دى الحاجة الى مخوفانى اوى لدرجة انى بدات افكر فى الكروز على الرغم من انى شايف الفليوانس افضل.اسف للاطالة وبرجاء النصيحة

ممكن حضرتك تقرا الموضوع دة

http://www.nilemotors.net/Nile/330841-2012.html

[Magdy kamel]

مشكلة الشكمان في الفلوانس

يجماعة انا عربيتي فلوانس 2010 ومحافظ عليها جدا بس عند مشكله كبيره .علبة البيئه باظت فجاه وبدأت تصدر اصوات شخلله لان جزء من الكربون اللي بداخلها تكسر ودخل في العلبه اللي في الوسط والعلبه الاخيره والشكمان كله بيشخلل والتوكيل رفض تغيير الشكمان مع انه فاضل ثلاثة اشهر في الضمان عربيتي عامله 68000 كيلو اغلبهم سفر للعين السخنه ومحافظ عليها ونفس المشكله حصلت معي في سيارتي السابقه ميجان2 وغيرت الشكمان كله بواحد استيراد حسبي الله ونعم الوكيل في شكمانات رينو وفي توكيل رينو

[karemof]

السلام عليكم يا وحوش الفلوانس,

كان عندي سؤالين صغيرين :

- ازاي ممكن أجرب عمل ال abs , أنا كنت جربت كده على حتة فيها حصى ورمل و دوست الفرامل جامد حسيت أنها زي ما تكون بتنشف تحت رجلي, أعتقد أنها بتشتغل عند حالات معينة بس ؟

- من ساعة ما جبت العربية ما غسلتهاش , عايز أغسلها , تنصحوني أغسل البادي والرفارف حولين العجل بس ؟ أظن بلاش أغسل موتور ؟

[yalahwy2010]

يجماعة انا عربيتي فلوانس 2010 ومحافظ عليها جدا بس عند مشكله كبيره .علبة البيئه باظت فجاه وبدأت تصدر اصوات شخلله لان جزء من الكربون اللي بداخلها تكسر ودخل في العلبه اللي في الوسط والعلبه الاخيره والشكمان كله بيشخلل والتوكيل رفض تغيير الشكمان مع انه فاضل ثلاثة اشهر في الضمان عربيتي عامله 68000 كيلو اغلبهم سفر للعين السخنه ومحافظ عليها ونفس المشكله حصلت معي في سيارتي السابقه ميجان2 وغيرت الشكمان كله بواحد استيراد حسبي الله ونعم الوكيل في شكمانات رينو وفي توكيل رينو

أدام العربية ما زالت فى الضمان.....يبقى التوكيل مسؤل عن تغيير علبة البيئة
روح انت واعملهم مشاكلة لو عصلجوا....ولا ما رضيوش اعمل شكوى لرنو فرنسا او فى جهاز حماية المستهلك

[Magdy kamel]

طالما الفرامل حجرت او نشفت تحت رجلك ده معناه ان ال abs شغال وبحله ممتازه لان وظيفته الرئيسيه ان السياره متسحفش او تلف حول نفسها عند الفرمله في ارض مبتله او عليها زيت او حصي

[mo7elmy]

ايوة تمام طالما ان الفرامل حجرت معاك يبقى شغال لانه حصل معايا لانى كنت ماشى براحة بص كنت بكلم الى جنبى مرة واحدة لاقيت الى قدامى وقفت فدوست فجاة من تحجير الفرامل حسيت كأن حد حك فى العربية ودى كانت اول مرة احس بيها..... ومن كام يوم يوم حسيت بيها برضو واانا كنت داخل على مطب وحبيت اهدى بس بسرعة

[Magdy kamel]

شكرا لمرورك العطر لكن التوكيل رفض تغيير الشكمان بحجة اني باغير الزيت والفلاتر بره التوكيل مع ان الصيانات الكبيره مثل صيانة ال 60000 الف تمت في التوكيل ودفعت فيها دم قلبي ...هو ده العادي بتاع توكيل رينو لازم تروح كل 10000 كيلو علشان يسرقوك والا تخرج من الضمان وعلي سبيل المثال الغطاء البلاستيك الخارجي للمرايه الجانبيه اتكسر وسألت عليه في التوكيل لاقيتوه ب350 جنيه زائد الضريبه مع ان المرايه كامله بتتباع في السوق ب550 جنيه

[yalahwy2010]

شكرا لمرورك العطر لكن التوكيل رفض تغيير الشكمان بحجة اني باغير الزيت والفلاتر بره التوكيل مع ان الصيانات الكبيره مثل صيانة ال 60000 الف تمت في التوكيل ودفعت فيها دم قلبي ...هو ده العادي بتاع توكيل رينو لازم تروح كل 10000 كيلو علشان يسرقوك والا تخرج من الضمان وعلي سبيل المثال الغطاء البلاستيك الخارجي للمرايه الجانبيه اتكسر وسألت عليه في التوكيل لاقيتوه ب350 جنيه زائد الضريبه مع ان المرايه كامله بتتباع في السوق ب550 جنيه

انا مش هدافع عن التوكيل....لكن معلش هم عندهم حق
هم حرامية فى المصنعية......لكن لو التزمت بالصيانات جوة التوكيل .....هتاخد حقك تالت ومتلت فى الضمان............وعن تجربة
وبالنسة لأسعار التوكيل......هو السوق سعره مابيختلفش كتير عن سعر التوكيل لو نوعية قطع الغيار واحدة.....لكن التقليد والحاجات المضروبة او صناعة تركى.......بصراحة بيبقى خسارة فيها الفلوس............انا اشتريت قبل كدة للميجان 2 قبل ما ابيعها بطاحات تركى....كانت الواحدة ب 130 جنيه تقريبا..........وباظت بعد شهر.............ومساعدين مونرو ......برضه باظوا علطول......وعفشة الميجان ما اتظبطتش الا لما اشتريت استيراد......يعنى أصلى بس مستعمل.....
لكن الجديد المضروب....او تركى مثلا..........فعلا خسارة فيه الفلوس
يبقى يا أصلى او استيراد

[aly_elhawary]

السلام عليكم يا وحوش الفلوانس,

كان عندي سؤالين صغيرين :

- ازاي ممكن أجرب عمل ال abs , أنا كنت جربت كده على حتة فيها حصى ورمل و دوست الفرامل جامد حسيت أنها زي ما تكون بتنشف تحت رجلي, أعتقد أنها بتشتغل عند حالات معينة بس ؟

- من ساعة ما جبت العربية ما غسلتهاش , عايز أغسلها , تنصحوني أغسل البادي والرفارف حولين العجل بس ؟ أظن بلاش أغسل موتور ؟

ال abs بيشتغل لما تكون ماشى على سرعة وتضغط فرامل بقوة بتعرف أنه إشتغل لما تلاقى دواسة الفرامل بتترعش تحت رجلك مش بتنشف
أما موضوع الغسيل فممكن تغسل البادى والشاسيه أما الموتور ممكن تعمله بالهواء فقط

[Ali Wika]

اما البلوتوث فهو سهل جدا و ممتع فى نفس الوقت
فى الكاسيت زرار المنيو (مكانة يمين تحت) تضغط علية و بعدين تلف البكرة اللى فى الكونترول اللى خلف الدركسيون لغاية منيو البلوتوث و تضغط علية ثم اتبع الكلام المكتوب على الشاشة
الممتع فية انك بجانب استعمال التليفون فى المكالمات العادية ممكن عن طريق البلوتوث تستخدم تليفونك (لو فية الامكانية) كوحدة صوت بمعنى انك تشغل اى اغانى من موبايلك تسمعها فى سماعات العربية بصوت واضح و قوى و نقى جدا

السلام عليكم ورحمة الله انا عضو جديد فى رابطة حائزى الجميلة فلوانس وامللك الهاى لاين 2013 عندى سؤالين انا استعمل السيارة انا وزوجتى فهل ممكن بلتوث السيارة يتعرف على اكثر من موبايل والسؤال التانى كيف يمكن ضبط ساعة السيارة وتقبولو فائق احترامى لاجمل منتدى

[horas3000]

السلام عليكم ورحمة الله انا عضو جديد فى رابطة حائزى الجميلة فلوانس وامللك الهاى لاين 2013 عندى سؤالين انا استعمل السيارة انا وزوجتى فهل ممكن بلتوث السيارة يتعرف على اكثر من موبايل والسؤال التانى كيف يمكن ضبط ساعة السيارة وتقبولو فائق احترامى لاجمل منتدى

و عليكم السلام يا زعيم و الف مبروك علي العربية
بالنسبه لاسالتك
ايوه يمكن اضافه لغايه 5 اجهزة تقريبا علي البلوتوث سواء كموبايل او مشغل موسيقي
و الساعه بتتظبط من المينيو اللي في الكاسيت بس مش متذكر الخطوات بالظبط بس دور و هتلاقيها بسهوله ان شاء الله