رابطة حائزى الفلوينس

[heromiro]

بصرحه أنا مش حاسيس بالموضوع ده خالص أنا شايف أنا الفتيس اكثر من رائع
ممكن يكون الموضوع مرتبط بنوع البنزين أنا بحط 95
ممكن أعرف أنتم بتحطه بنزين كام ؟

[bukla]

انا كمان بحط بنزين 95 بس زى ما قولت الحكاية دى مش بتظهر كتير هيا احيانا بحس بيها

[heromiro]

في حاجه معرفش حد خد باله منها ان دوست الفرامل اعلي من دوست البنزين الموضوع ده يوجع القدم خصوصا الزحمة عاش بنغير من بنزين لفرامل كتير
في حاجة تانية صوت المروحه بيكون عالي قوي
ايه رايكم في الموضوعين دول

[sanset]

واللة يا جماعة انتو احلا اعضاء فى الدنيا انا بجد كنت قلقان جدا لدرجة لما ملقتش حد رد علية حجزت تست درايف عشان اتاكد بنفسى قبل مروح التوكيا اصل التانى بييجى بدردرة ودة ممكن يؤثر على قواعد الموتور انا فى الميجان ديما فى شدة فى النقلات ونزلتلة سوفت وير بس الفلونس بصراحة اريح بمراحل بس الدردرة دى معكننانى

[sanset]

فعلا صوت المروحة عالى بس مش قوى والصوت بعد متبطل بيروح سنة ثم ينقطع
متقلقش

[sanset]

الف حمد للهعلى سلامتك يا بوكلا و الله كنت قلقان عليك
انا قلت انك بعتنا

[sanset]

بالله عليكم يا اخوانى الى يروح التوكيل قبل التانى يسأل على الدردرة الى بتحصل لما ينقل على التانى
وربنا يطمنا ان شاء الله

[heromiro]

متقلقش هي طبيعي كده كل الناس هنا اجمعت على كده
جرب حط بنزين 95

[tareksedra]

انا عندى نفس الاحساس مابين النقله الاولى و التانيه رجه خفيفه والحقيقه انا قلقت و رحت التوكيل فرع المقطم و كنت قلقان و عصبى جدا المهم رغم الضغط اللى كان على فرع المقطم لكن الناس كانوا فى منتهى الادب و الاخلاق و امتصوا توترى و تم تجربه العربيه من قبل مدير المركز و قال لى ده طبيعى بس الحقيقه انا ما اقتنعتش فالراجل بكل ذوق جاب لى عربيه من عنده غالبا احدى سيارات التست درايف لانها كانت من السيارات الديمو فى اول عرض للعربيه لون فرشها بيج المهم خلانى اجرب العربيه لغايه ما تأكدت ان الموضوع طبيعى لكن الحقيقه انا برضه مستغربه شويه انتم ايه رأيكم

[sanset]

---

#ff0000واللة يا جماعة انا مش عارف اقول لكم اية على تواصلكم معى ومع بعضكم فعلا اعضاء محترمين ومنتدى محترم ولا انسا صاحب الفكرة والملك بوكلا

[heromiro]

أنا عندي سيتروين c4 هي فرنساوي برده مفيش مقارنه بين الفتيس ده وفلوينس السيتروين فيها دبه جامده قوي بحس الفتيس ممكن يقع التوكيل بيقول طبيعي
أنا رأي بلاش نوهم نفسنه والاحسن ان نستمتع بالعربيه ولا أنتم ايه رايكم ؟

[sanset]

أنا عندي سيتروين c4 هي فرنساوي برده مفيش مقارنه بين الفتيس ده وفلوينس السيتروين فيها دبه جامده قوي بحس الفتيس ممكن يقع التوكيل بيقول طبيعي
أنا رأي بلاش نوهم نفسنه والاحسن ان نستمتع بالعربيه ولا أنتم ايه رايكم ؟

مش عارف اصلها لو دبة او نتشة مش مهم ممكن اتعود عليها بس انا بحس بدردرة زى ميكون حاجة مفكوكة ومبتخدش اكثر من ثوانى وعموما ناخد رأى الاعضاء



[caution]

اللون الأحمر مخصص للمشاركات الإدارية فقط
القوانين العامه الواجب اتباعها لجميع الاخوه أعضاء المنتدى
مشرف الأوروبى 1أ

30-5-2010

12.24 pm

[/caution]

[ahmed_aly_78]

يا ريت يا جماعة حد يفيدني في التالي:
1. استهلاك البنزين 92 كام؟ و هل هو عالي مقارنة بالسيارات الأخرى 1600؟
2. هل هي مريحة في السفر والعفشه ناعمه؟ يعني اقرب للكورولا ولا للفانتازيا؟
3. هل هناك فرق في الراحة (خصوصا الكراسي) بين الفئتين 125 & 135؟
4. هل الفئة 125 فيها مثبت سرعة و تحكم من عجلة القيادة؟ (الحقيقة أنا متخوف من التكنولوجي العالية في 135خصوصا مع التقفيل التركي).

[amro_abuabdo]

انا كمان استلمت من التوكيل فى العبور من غير دواسات يا ترى مين المكان دة اللى بيدى دواسات هدية مع العربية
بالنسبة لحديدة القطر دور كويس ان شاء الله حتلاقيها هى بتبقى موجودة تحت الكوريك مدفوسة فى الجزء الفلين اللى فى ضهر الشنطة الاهم منها لاقيت المسامير بتاعة الاستبن فى كيسها البلاستيك ولا لأ دى اهم لأن من غيرها لو عجلة نامت مش حتعرف تركب الاستبن علشان مساميرة مختلفة عن مسامير الجنط الاصلى

الف شكر علي رد حضرتك و ان شاء الله هابقي اشوف الحديدة في المكان الي قلت عليه لان انا اصلا مرفعتش الكرويك من مكانه

و بالنسبة لمسامير الاستبن انا معايا الفئة الي ب 125 هية دي كمان مسامير الاستبن فيها مختلفة عن مسامير العجلة العادية؟؟؟؟؟ و لا دا بالنسبة للفئات الاعلي الي فيها جنوط 16 بس؟؟؟

و بعدين يا ريت يا جماعة حد يفيدنا نعمل ايه في الدوسات و الشبكة الي مستلمنهمش دول؟؟؟؟؟؟؟ انا مستلم من عند محمد زكي هل نشتكي في التوكيل و لا نعمل ايه؟؟

[tarek7elmy]

عايز اشترى دواسات للفليونس

السلام عليكم

عايز اشترى دواسات للفليونس
اجيب منين؟ و انى نوع من الدواسات؟

و اللى فى التوكيل بكام؟
وهل فيها دواسة للشنطة؟