رابطة حائزى الفلوينس

[m_marmoush]

دة بيتظبط من الكاسيت نفسه ....من ال settings بتلغي ال automatic answer

بالظبط بتخلى ال Hold على Manual مش Automatic فى كاسيت العربية

[mohammedgido]

يا جماعة مفيش حد يعملنا مقارنة بين العربية 2013 الجديدة والي قبلها في الشكل ويكون بالصور
يعني ايه التغيرات الي طرأت في الشكل من المقدمة والمقصورة الدخلية وبالصور لو امكن

[Tarek1]

سؤال يا.جماعة بعد اذنكم. هو المفروص اضبط ضغط هواء الكاوتش للعربية بعد ما استلمتها؟

انا استلمت العربية من أسبوع بس حاسس ان العافشة ناشفه شويه.

تحياتى

[cheetos_892005]

http://www.nilemotors.net/Nile/128650-a.html (حصريا اسعار معظم قطع غيار الفلوينس)

ممكن تحديث للاسعار ديه لانها من سنتين ؟؟؟

و يا ترا حاجتها اتوفرت بره ولا لسه؟؟؟

يا ريت اللي يعرف حد عايز يبيع فلوانس 2012 الفئة 2 اوتوماتيك اللي كانت ب 142 الف

يقول بس تبقى اخرها ماشية 20 30 الف كيلو

و شكراااااااااا

[Tarek1]

أنا أستلمت العربية من أسبوعين تقريبا و عملت حوالي 600 كم و قلت أعمل تقرير يا رب يكون فيه أفاده. أنا هقول ملاحظاتي علي العربية. أنا مش متخصص ف سمحوني لو الكلام مش علمي.

أولا العربية ما شاء الله من جوه فخمه و متميزه و ده كان تعليق كل اللي ركبها. الخامات و التقفيل فعلا كويس. و الأوبشنز و التكنولوجيا في العربية عاليه أوي. القاعده مريحه و مختلفه عن عربيتي اللانسر. أنا عجباني أكتر قاعدة الفلوانس.

ألموتور فعلا الطلعه بطيئه شويه بس مش موت يعني. أنا مجربتش أشد عليها علشان التليين.

بالنسبه للتكيف مأقدرش أحكم عليه في البرد ده. بس أنا ملاحظ انه متقلش سحب العربيه.

الفرامل حلو جدا و كمان الباور بتاعها ما شاء الله ممتع. و الغريب ان العربيه سلسه في المناوره مع أني كنت خايف منها علشان حجمها. يمكن علشان الباور خفيف و كمان أنا حاسس أن زاويه الدوران بتاعه الدركسيون كبيره ف بتسهل المناوره

اللي معجبنيش فيها أني حاسس أن الموتور خشن شويه خصوصا في السلانسيه و الأول بحس بيها!!!

و كمان العافشه حاسس أنها ناشفه شويه, بس يمكن الكاوتش منفوخ زياده.

بردو لاحظت ان في اصوات مع دوست الفرامل مش عارف ليه, يمكن علشان لسه جديده! بس اللانسر ما كانتش كده.

دي ملاحظاتي و أسف للأطاله و يا رب يكون فيه افاده. و أنا جاهز للرد عن أي استفسار.

تحياتي.

[mo7elmy]

مبروك يا طارق انا برضو عامل 600 كيلو وفعلا كلامك مظبوط عن فخامة العربية وقعدتها والاوبشنز وتقل العربية فى طلعتها كل دة مظبوط وكمان استهلاكها فى البنزين كويس انما العفشة هتلاقى الكاوتش فعلا منفوخ زيادة هو بيجى منفوخ زيادة روح قلل وتروح عند بنزينة احسن لان وان ماشى من كام يوم ولد قالى الكاوتش يا باشا نايم وطبعا كنت قريت هنا ان فى ناس كتير اتعرضت للنصب فى الموضوع دة فطنشت ومشيت حبة قدام بعيد عنه ونزلت لاقيت الكاوتش تمام ومفيش حاجة فحذارى من اى محل كاتوشات الا لو انت عارفه.... وصوت دوسة الفرامل دى مش عندى فاستنى حبة يمكن تروح وطبعا لو مرحتش روح اعمل صيانة ال5000 وقولهم ومبروك مرة تانى على العربية وفعلا اختيار ربنا وفقنا بيه الحمد لله وكمان ربنا اكرمنى وكنت اخر دفعة فبل طلعة الدولار

[hollowmanegypt]

يا جماعة انا قريت في احدي المشاركات ان البلوتوث بتاع العربية بيشغل اغاني و روحت جربتها و مفيش حاجة اشتغلت فهل الكلام ده صحيح و له لا؟

[KiDmAn_87]

اولا الف مبروووووووووووووووك يا باشا ....انا العربية معايا يقالها شهر و بجد ماشاء الله تحفة هي دلوقتي عاملة 1300 كيلو بس كل اللي انت بتتكلم فيه ده هيختفي تماما بعد اول 1000 كيلو بس هو السؤال اللي انا عايز اساله دلوقتي انا عايز ابتدي احرق استنى بعد 1500 ولا ال 3000؟؟؟؟

[Gamal.Eid]

باركولى وادعولى استلمت فلونس 2013 خليجى لانى بالرياض امس الحمد لله

[Tarek1]

مبروك يا طارق انا برضو عامل 600 كيلو وفعلا كلامك مظبوط عن فخامة العربية وقعدتها والاوبشنز وتقل العربية فى طلعتها كل دة مظبوط وكمان استهلاكها فى البنزين كويس انما العفشة هتلاقى الكاوتش فعلا منفوخ زيادة هو بيجى منفوخ زيادة روح قلل وتروح عند بنزينة احسن لان وان ماشى من كام يوم ولد قالى الكاوتش يا باشا نايم وطبعا كنت قريت هنا ان فى ناس كتير اتعرضت للنصب فى الموضوع دة فطنشت ومشيت حبة قدام بعيد عنه ونزلت لاقيت الكاوتش تمام ومفيش حاجة فحذارى من اى محل كاتوشات الا لو انت عارفه.... وصوت دوسة الفرامل دى مش عندى فاستنى حبة يمكن تروح وطبعا لو مرحتش روح اعمل صيانة ال5000 وقولهم ومبروك مرة تانى على العربية وفعلا اختيار ربنا وفقنا بيه الحمد لله وكمان ربنا اكرمنى وكنت اخر دفعة فبل طلعة الدولار

الله يبارك فيك، و الف مبروك ليك انت كمان و يرزقك خيرها و يكفيك شرها. و هي ان شاء الله فعلا اختيار موفق. شكرا على النصيحة هاقلل و غالبا هى دى المشكله.

فى نقطة تانية، التوكيل مصر ان تغير الزيت بعد 10000 كم و انا اعرف ان العربية الزيرو بيتغيرلها الزيت بعج اول 1000 او 2000 كم لان الموتور الجديد بيكون فيه رايش فالاول. بس الوكيل قالى الكلام ده فى العربيات الكورى، انما الاوروبى لا!!

انا الحقيقة مش مقتنع و عايز اغير عدد 1000 كم، انت ناوى تعمل ايه؟

[wael-mohamed]

الله يبارك فيك، و الف مبروك ليك انت كمان و يرزقك خيرها و يكفيك شرها. و هي ان شاء الله فعلا اختيار موفق. شكرا على النصيحة هاقلل و غالبا هى دى المشكله.

فى نقطة تانية، التوكيل مصر ان تغير الزيت بعد 10000 كم و انا اعرف ان العربية الزيرو بيتغيرلها الزيت بعج اول 1000 او 2000 كم لان الموتور الجديد بيكون فيه رايش فالاول. بس الوكيل قالى الكلام ده فى العربيات الكورى، انما الاوروبى لا!!

انا الحقيقة مش مقتنع و عايز اغير عدد 1000 كم، انت ناوى تعمل ايه؟

الاخوة الاعزاء الافاضل
الف مبروك على العربيات وربنا يديكوا خيرها ويكفيكوا شرها .
بالنسبة للزيت هتغيره في التوكيل على 10000 وطبعا هتروح صيانة ال5000 علشان العربيات الاوروبي بتلين اولا في المصنع وبيتغير زيت بعد تلينها وبالتالي مبتغيرش بعد 1000 ذي الكوري .
والكلام ده من خبرتي مع رينو من كليو سنة 2002 الى فلوانس 2012
والعربية بقلها معايا كده سنة تقريبا ولو في اي سؤال انا جاهز

[Tarek1]

اولا الف مبروووووووووووووووك يا باشا ....انا العربية معايا يقالها شهر و بجد ماشاء الله تحفة هي دلوقتي عاملة 1300 كيلو بس كل اللي انت بتتكلم فيه ده هيختفي تماما بعد اول 1000 كيلو بس هو السؤال اللي انا عايز اساله دلوقتي انا عايز ابتدي احرق استنى بعد 1500 ولا ال 3000؟؟؟؟

الله يبارك فيك و شكرا على الرد. للاسف معنديش فكرة عن موضوع الحرق ده. بس انا ناوى اكون حريص و استنى 3000 كم.

ربنا يبارك لك فيها،
تحياتى

[wael-mohamed]

باركولى وادعولى استلمت فلونس 2013 خليجى لانى بالرياض امس الحمد لله

الف مبروك والعربية الشكل الجديد والا القديم وهل فعلا معها هدية اي فون

[Tarek1]

الاخوة الاعزاء الافاضل
الف مبروك على العربيات وربنا يديكوا خيرها ويكفيكوا شرها .
بالنسبة للزيت هتغيره في التوكيل على 10000 وطبعا هتروح صيانة ال5000 علشان العربيات الاوروبي بتلين اولا في المصنع وبيتغير زيت بعد تلينها وبالتالي مبتغيرش بعد 1000 ذي الكوري .
والكلام ده من خبرتي مع رينو من كليو سنة 2002 الى فلوانس 2012
والعربية بقلها معايا كده سنة تقريبا ولو في اي سؤال انا جاهز

شكرا على الرد، كويس ان في حد عنده خبرة يطمنا.

انا ليا سؤال تانى بعد اذن حضرتك ايه نوع الزيت اللى حضرتك حطيته فى الفلوانس؟؟؟

تحياتى

[hollowmanegypt]

يا جماعة انا قريت في احدي المشاركات ان البلوتوث بتاع العربية بيشغل اغاني و روحت جربتها و مفيش حاجة اشتغلت فهل الكلام ده صحيح و له لا؟

ايه يا اخونا محدش رد عليا