ميجان: ايه حكايه الاسعار العجيبه؟

[SaberMan]

شوف حضرتك الاتنين ممتازين بختصار الميجان فخمه فى نفس الوقت بحسها عمليه عن الهوندا بصراحه بتحرك بيها مش خايف من الخرابش تركن براحتك و عزل أعلى . فيها باكيتات عملاقه , جناب وأكصدامات ده مثلا مش فى الهوندا غير أنها عاليه يعنى لو مسافر مكان شوارع مكسره و بهدله الميجان مبتخزلنيش نورها بليل بيفرش جامد و بعدين كل واحده فيهم بشخصيه يعنى الميجان تحس انك محترم فى نفس الوقت التصميم غريب بيدى على شبابى , انتا راكبها و لما تحب تجرى ما شاء الله بتأدى ده غير الفرامل أقوى

الهوندا الموتور بيوسولك طول منتا سايق ده أذا لقيت حته للجرى بأمان,صوت الموتورعلى الطريق اوطى التكيف أحسن شاسيه أوطى كتير و الأيرو دايناميك أعلى و ده باين فى تصميم البرابريز القدمانى مع الكبوت جاين بزاويه تسهل مرور الهوا دا غير لما أحس ان كبرت و عايز ارجع روح التين ادجيرزز هههههه اركب الهوندا تديك الجو ده
الاتنين أحسن من بعض ما شاء الله و البيختار بيحتار والله
لسه شايف موضوع مقارنه شرى بين السيفيك و الفلوانس دخلت أعلق و لقيت الموضوع راح على عربيه ألمانى كاعاده مع انى بحب الألمانى جدا بس قربت أزهق من المبالغه فى القوة .

[Hany Saad]

شوف حضرتك الاتنين ممتازين بختصار الميجان فخمه فى نفس الوقت بحسها عمليه عن الهوندا بصراحه بتحرك بيها مش خايف من الخرابش تركن براحتك و عزل أعلى . فيها باكيتات عملاقه , جناب وأكصدامات ده مثلا مش فى الهوندا غير أنها عاليه يعنى لو مسافر مكان شوارع مكسره و بهدله الميجان مبتخزلنيش نورها بليل بيفرش جامد و بعدين كل واحده فيهم بشخصيه يعنى الميجان تحس انك محترم فى نفس الوقت التصميم غريب بيدى على شبابى , انتا راكبها و لما تحب تجرى ما شاء الله بتأدى ده غير الفرامل أقوى

الهوندا الموتور بيوسولك طول منتا سايق ده أذا لقيت حته للجرى بأمان,صوت الموتورعلى الطريق اوطى التكيف أحسن شاسيه أوطى كتير و الأيرو دايناميك أعلى و ده باين فى تصميم البرابريز القدمانى مع الكبوت جاين بزاويه تسهل مرور الهوا دا غير لما أحس ان كبرت و عايز ارجع روح التين ادجيرزز هههههه اركب الهوندا تديك الجو ده
الاتنين أحسن من بعض ما شاء الله و البيختار بيحتار والله
لسه شايف موضوع مقارنه شرى بين السيفيك و الفلوانس دخلت أعلق و لقيت الموضوع راح على عربيه ألمانى كاعاده مع انى بحب الألمانى جدا بس قربت أزهق من المبالغه فى القوة .

مشكور جدا على تعبك....أسأل مجرب و لا تسأل طبيب.....

[SaberMan]

شكرا على ايه باشا ياما أتعلمت حاجات منكم قسم الرينو شكرا بجد ليكم وحوش الميجان .

[marwan_147]

يا جماعة معلش يعنى انتو بتتكلمو من منطلق انكم تملكون ميجان ولاكن مع الاسف فعلا الميجان سعرها مضروب بالنار واللى عايذ يبيع مش حيدور على خسارة والاهم انة دة سوق السيارة يعنى مثلا واحد محتاج يبيع لاى سبب كان حيقول لا دة سوق عرض وطلب الميجان سيارة رائعة ولاكن هوة دة السوق ومحدش حيقدر يغيرة

[Ahmed Selim]

أذكر فيما أذكر أن عضو فاضل جاب أعلان عن عربية ميجان موديل 2005 من على النت مطلوب فيها 58 ألف أول الكلام

العربية تشوف صورها على النت تحس أن فى حاجة غريبة.......و بعدين الموضوع طول فى الكلام عن العربية و عن الأسعار

اقولت أقطع الشورت فى البسين و كلمت الراجل اللى عامل أعلان

أنا : السلام عليكم.......العربية لسه موجودة
الراجل : أيوة
أنا : طيب بأختصار عشان منضيعش وقت بعض.....انا كان معايا ميجان و بعتها عشان جالى شغل برة و دلوقتى رجعت و عاوز أجيب واحدة تانية.......و العربية أنا عارفها كويس جداً.......العربية اللى حضرتك عاملها أعلان دى سليمة ولا أيه النظام ؟؟؟؟؟
الراجل : العربية مغيرة النص الورانى بس الموتور و الفتيس و الكمبيوطر ( على رأيك يا طارق ) تمام و زى الفل !!!!!!!!!!!!!!!!!!!!!!!
أنا : شكراً

للأسف معظم العربيات الميجان فى السوق يا أما كانت عاملة حادثة و أتحسبت total loss على صاحبها و بعد كده شركة التأمين باعتها لتاجر أو يكون صاحبها صلحها أى كلام فى أى حتة و أضعف الأيمان تماماً ان بيكون صاحب العربية مش مهتم بصيانتها و يمكن تكون ما شمتش ريحة التوكيل.

بين كل العربيات المعروضة من الفئات السابقة.............لما تلاقى عربية نضيفه أكيد هتروح فى الرجلين مع العربيات اللى متسواش للأسف.

لما جيت أسافر فكرت أبيع و لا لأ......أبيع و لا لأ.....و بعدين توكلت على الله و قولت مش هبيع
العربية كويسة و زى الفل و مجرد هتكلفنى بطارية جديدة و تغيير زيت لما أجى نازل أجازة و أحتاجها.

[M.almaghraby]

نفس الشيء للسيتروين.....!!

[rana_abdalla]

المشكلة الوحيدة فى هبوط سعر الرينو بانواعها هىارتفاع اسعار قطع الغيار ةالميجان 2 حسب تجربتى عربية فخمة ومزاياها كثيرة وتعادل اوكتافيا فنتازيا بل افضل . وبالتالى الطلب عليها محدود مقارنة بالانواع الاخرى فى مستوى رفاهيتها .... والحل فى راى ان يتكون رابطة من مالكى الرينو نكتب شكوى او مذكرة ونرسلها بالاميل الى الشركة الام بفرنسا والى الوكيل فى مصر بالاضرار والمبالغ المالية الباهظه التى تدفع فى التوكيل وكذا قطع الغيار المغالى فيها مما ادى الى تدهور سمعة السيارة فى مصر ... وبالاطلاع على اسعار بعض قطع غيار السيارة فورد باخبار السيارات ارخص بمراحل من سيارة مصنعة فى تركيا ....... هيا بنا نخطوا هذة الخطوة

[SaberMan]

فكره ممتازه بجد عايزين حد من الوحوش السبق لهم أرسال اميلات مشاكل مع التوكيل و نظبط الميل ده , و ( ممكن) يقبى ميل بطريقه بروفيشنال أكتر
مثال أسم صاحب العربيه فلان
رقم شاسه
رقم موتور
و الوحوش هنا كتار ممكن نعمل حاجه ياريت نفكر و لو حد عندو خبره بالمواضيع ده يخدمنا .. حرام بجد دى مش أسعار خالص دى الهوندا موديلات 97 قربت تقبى اغلى

[م.احمد زكريا]

مع ان مش معايا ميجان بس عايز اقول وجهة نظر ..... الاوروبي حرام تستغنى عنه قبل 10 سنين

.يعني تعمل حساب استهلاك 10% كل سنة

ولو فرضنا انك بتعمل 15000 كم في السنة كمتوسط يعني هاتكون العربية عاملة 150000 كم في 10 سنين وده ولا حاجة في عمر السيارات الاوروبية

يبقى انت كدة ركبت عربية محترمة جدا لمدة طويلة ولما تبيعها مش هاتحس انك خسرت فيها كتيير لأنك خلاص خدت خيرها كله واتشبعت بيها

[heha]

للأسف دى ثقافة شعب اللى خلانى لما جيت أبيع اللانوس بتعتى بعد 10 سنين ورشه بره وعمله 300 ألف كم ب 39 ألف جنيه وطالع عينها وعين ال----- بالسعر ده وللعلم أنا كنت مشتريها زيرو سنة 99 ب 39 ألف جنيه واللى واخدها كان طاير بيها وبيقوللى أمال أنت جبت أه قولتله ميجان 2010 (أخر دفعه نزلت من الميجان 2) قاللى ليه عملت فى نفسك كده على العموم كلها سنه وأجى أبدل معاك أديلك اللانوس تانى وتدفعلى الفرق كنت عاوز أمسك فيه وأضربه

بس للعلم دى مش مشكلة الميجان بس دى مشكلة كل الأوربى فى مصر عشان إحنا شعب أتربى على ال 128&131&132 واللى كان ربنه يكرمه أوى يبقه بيجو 504 يا جماعه دى ال bmw بتتقطع والبيجو ال 406 والله أخويه كان جايبها 2004 ب 227 ألف باعها من سنه ب 80 ألف والعربيه ذى الفل أتخن 406 دلوقتى واللى مامشيتش مستحييييييييييل تجيب 90 ألف

فاللى عايز يتمتع يجيب أوربى واللى يفكر فى إعادة البيع الأوربى مش سكته

وكفايه كده عشان حرقة الدم

[adfarouk]

فاللى عايز يتمتع يجيب أوربى واللى يفكر فى إعادة البيع الأوربى مش سكته

[bobo2009]

للأسف دى ثقافة شعب اللى خلانى لما جيت أبيع اللانوس بتعتى بعد 10 سنين ورشه بره وعمله 300 ألف كم ب 39 ألف جنيه وطالع عينها وعين ال----- بالسعر ده وللعلم أنا كنت مشتريها زيرو سنة 99 ب 39 ألف جنيه واللى واخدها كان طاير بيها وبيقوللى أمال أنت جبت أه قولتله ميجان 2010 (أخر دفعه نزلت من الميجان 2) قاللى ليه عملت فى نفسك كده على العموم كلها سنه وأجى أبدل معاك أديلك اللانوس تانى وتدفعلى الفرق كنت عاوز أمسك فيه وأضربه

بس للعلم دى مش مشكلة الميجان بس دى مشكلة كل الأوربى فى مصر عشان إحنا شعب أتربى على ال 128&131&132 واللى كان ربنه يكرمه أوى يبقه بيجو 504 يا جماعه دى ال bmw بتتقطع والبيجو ال 406 والله أخويه كان جايبها 2004 ب 227 ألف باعها من سنه ب 80 ألف والعربيه ذى الفل أتخن 406 دلوقتى واللى مامشيتش مستحييييييييييل تجيب 90 ألف

فاللى عايز يتمتع يجيب أوربى واللى يفكر فى إعادة البيع الأوربى مش سكته

وكفايه كده عشان حرقة الدم

عندك حق فعلا

بس مفيش عمل