سعر الرينو داستر

[CryptonX]

معلش يعنى ممكن تفهمنى ازى بالسعر دة حيشتغل نفسة ...

اول سبب و هو البديهي .. ان السيارة بتنتج او حتنتج في المغرب , و بالتالي يمكن استيرادها بدون جمارك نهائيا .. و بالتالي اول نسخة لها لن تتعدى ال 85 الف جنيه .

ده كدة بس اول سبب بديهي تسعيري , ز ي الي اشتروا اللوجان لما كانت روماني اول مانزلت مصر و بعدها بكام شهر نزلت مغربي ارخص و بمواصفات احسن و شكل احسن !

طيب هاتلى حضرتك سيارة اخرى بنفس الثمن فيها تكنولوجيا نيسان فى الدفع الرباعى و ممكن تختار فيها دفع ثنائى او رباعى او السيارة تختار اوتومتك الدفع المناسب و فيها احدث انظمة الاى بى اسى Bosch 8.1 ABS,و نظام EBV للتوزيع الالكترونى للفرامل و فيها جسم السيارة بالكامل مغطى بطبقة حماية اخرى ضد الصدء و ضد العوامل الخارجية .واسفل السيارة مدعم و محصن بالكامل بما فيها طبتين اماكن العجل و كل دة بدعم من مهندسين رينو و نيسان فى التصميم الهندسى و الخبرة..

اي شركة في العالم ممكن تاخد LICENSE من نيسان او من اي شركة اخرى لاستخدام تكنولوجيا عتيقة زي الي 4x4 الي تقريبا مفيش شركة في العالم مش عندها التكنولوجيا دي .. و دي مش حاجة يعني تحتسب للسيارة .

ثانيا , اول موديل الي ب 108 الف جنيه مفيهوش اصلا هذا النظام و بالتالي هي مجرد سيارة هاتشباك عالية بجودة متوسطة و خامات متوسطة بسعر سيارات انضف منها الف مرة .

حتة ال ABS و BOSH و جسم محمي و مش عارف ايه دي خدع تسويقية بحتة .. يعني بصراحة عاملة زي السيارات الصينية الي تقولك فيها نظام BOSH و تعليق من PORSCHE مع موافقتي طبعا ان اكيد الداستر انضف الف مرة من اي سيارة صينية انا بتكلم على مبدا تسويق السيارة بالمكونات الداخلية .

انا معنديش اعتراض على السيارة كسيارة و بدليل نجاح اختها الصغيرة اللوجان , و الداستر ماهي الا نسخة " عالية " من اللوجان بنفس الشاسيه و المحركات و بالتالي اعتراضي على فرق السعر و ده قلته ان حيتحل لما المغربي تنزل .

لو حنتكلم على سيارة من فئة الداستر الاولى الي هي مش دفع رباعي اصلا ..

يبقى عندك اي سيارة MPV من ماركات مشهورة و بنفس الاسعار تقريبا ... لان ساعتها مش حتفرق كونها SUV ولا MPV .

( كيا كارنر - تريوس - فيتارا - ليفينيا - حتى الماتركس .. الخ الخ )

اعتقد بهذا التصميم و بهذا المستوى و بهذا السعر... المنافسين ببساطة حيقعدو فى البيت ..هذة السيارة بكل سهولة تتفوق على حاجة زى الجراند فيتارا و تتفوق عليها فى حاجات كتير غير كدة مافيش منافسين فى هذة الفئة وبهذا السعر ممكن نقول عليهم عربيا 4x4 بجد ..

[/QUOTE]

التصميم دي اذواق بس انا شايفه عادي جدا مش مميز ..
السعر مش مميز خالص ..
حاول تقنع واحد يدفع 150 الف جنيه مصري في النسخة الكاملة ال 4X4 الي غالبا حتكون مانوال !
في سيارة مصممة للدول النامية و انها تكون اقتصادية ..
بدون كماليات حديثة مثل السيارات الاوروبية الحقيقية و بدون اي لمحيات جمال داخلية .. السيارة تقربيبا نفس صالون اللوجان بالظبط .. بس ب 150 الف جنيه .

لما تنزل مغربي و بتدا من 85 الف مثلا الي باكلتير اوي 110 ساعتها حتفق معاك , و لكن صعب اوي اني اقول عليها تتفوق على جراند فيتارا او سيارات من " فكر تصميمي " اخر .. الا يمكن في السعر .

[M.Radwan]

مش عارف الناس داخلة شمال في العربية من قبل ما يشوفوها حتي
ولا حتى الأسعار الرسمية بتاعتها تنزل!!!
مستعجلين ليه بكرة العربية تنزل ونشوف الناس هتشتري ولا لأ،

[wawoo]

مش عارف الناس داخلة شمال في العربية من قبل ما يشوفوها حتي
ولا حتى الأسعار الرسمية بتاعتها تنزل!!!
مستعجلين ليه بكرة العربية تنزل ونشوف الناس هتشتري ولا لأ،

الله ينور عليك يا فوكسو ... سابق لاوانة اننا نتكلم عن اى نقد قبل ما نشوف العربية بنفسنا و نشوف رد فعل الناس عليها فى المعرض و فى الشارع بعد كدة ..

لكن انا ليا نظرة فى كل عربية واقدر اكون راى مبدائى من الصور و من موصفات العربية ..و حتى الان رايى انها حتكون فعلا سيارة جيدة جدا فى فئتها و تليق باسم رينو و نيسان و حتكون منافس قوى جدا فى الفترة القادمة فى الفئة دى..

و افتكرو كلامى دة بعد ما تشوفها فعلا على الطبيعة و فى الشارع..

[wawoo]

انا معنديش اعتراض على السيارة كسيارة و بدليل نجاح اختها الصغيرة اللوجان , و الداستر ماهي الا نسخة " عالية " من اللوجان بنفس الشاسيه و المحركات و بالتالي اعتراضي على فرق السعر و ده قلته ان حيتحل لما المغربي تنزل .

صحيح انها نسخة عالية من اللوجان ..لكن مش معى كدة انها نفس شاسية اللوجان بالضبط يعنى ..اكيد يعنى تم عملية تقوية الشاسية عشان تتحمل اكتر شوية و عشان الدفع الرباعى

انا حساس كدة يا كريم انك معجب بالسيارة و لكن عندك شوية تحفظات ..لكن اعتقد لما حتشوفها على الطبيعة حتغير رايك و يمكن تفتنع فعلا بيها ..

بخصوص موضوع المغرب ..الشركة كانت واضحة ان السيارة حتصنع مصنع رومنيا فقط حتى الان ..و مافيش اى معلومات بخصوص تجميع فى دول اخرى حتى الان ...لو عاوز تستنى حاجة كدة مش قبل سنتين او ثلاثة لما تحصل ...\

[M.almaghraby]

مع احترامي لاي حد .. بس الي يشتري عربية زي دي بالتمن ده يبقى " بيشتغل " نفسه ....

استنى لما تنزل مغربي و تمنها الاصلي المفروض لا يتعدي ال 80 - 90 الف جنيه .

لا لا يا كريم اختلف معاك تماما

[Cell_k]

رينو داستر بـ 118 ألف جنيه و الناس بتعترض !!

و فى ناس عايزنها بـ 80 الف جنية !!

لا لا خلاص متنزلهاش يا عم لوران احنا مش عارفين نعمل ايه للبلد ديه ؟؟

لوجان مش عاجب داستر مش عاجب نعملهم ايه علشان يعرفوا قيمة رينو !

ده كان رأى تخيلى لادارة تسويق رينو الام بصراحة اكيد جالهم شلل نصفى من السوق المصرى .

[myself112]

انا عندى احساس انها هتكون عربية كويسة ...... ده مجرد احساس , الله اعلم لما تنزل ونشوفها على الحقيقة , هل هغير رأى ده ولا لأ ....
عموما يا خبر النهاردة بفلوس بكرة يبقى ببلاش .

[harizy]

حتى لو مانيوال، العربية إمكانيتها بالنسبة لسعرها مش وحش أوى، خصوصاً لو قارنتها بالتريوس، متهيألى العربية هتعمل شغل جامد ومبيعات هايلة، خصوصاً وأن رينو احتمال تنزل بموديل جديد فى شهر أغسطس، يعنى رينو هيبقى ليها خمس موديلات فى سنة واحدة ( لوجان ـ فلوينس ـ إسكالا ـ داستر + الموديل الجديد) كده فعلاً بتهدد عرش الكورى الكيا والهيوانداى

[harizy]

أنا كمان عايز أضيف بالنسبة لميزات العربية دى أنها لو زى اللوجان فعلاً ده = تكنولوجيا بسيطة + قطع غيار مش غالية ودى طبعاً عناصر يجب إضافتها عند المقارنة مع التريوس أو التيجو، وبعدين إيناس الدغيدى ويسرا ضربوا التيجو لما عملوا فيلم (تيجو نرقص) وده كان قبل الدسترا ما تنزل بمراحل. هههه معلش القافية حكمت.

[elassar2010]

وبعدين إيناس الدغيدى ويسرا ضربوا التيجو لما عملوا فيلم (تيجو نرقص) وده كان قبل الدسترا ما تنزل بمراحل. هههه معلش القافية حكمت.

[egytamer]

معرقش الناس لية مستعجلة في الحكم علي العربية السعر اعتقد انو كويس لسة لما نشوف العربية ونشوف ثبات العربية وامكانياتها وخامتها وبعد كدا نحكم عليها.

[heha]

يبقوا يقابلوني لو لقوا حد يشتريها بالسعر ده !!! دي روماني يعني زي اللوجان و التابلوة بتاعها فقير جداً جداً تقريباً زي بتاع اللوجان و مفيش منها لا أوتوماتيك و لا فتحة سقف.

يعني ماتفرقش عن الصيني سواء التيجو أو غيرها مع العلم ان التيجو فيها أوتوماتيك و فتحة سقف و إكسسوارات كتير

أي بني أدم عاقل يشتري الفليوانس ولا يحط مليم في دي .... خصوصاً أنهم منزلها مصر يجربوها الأول و بعدين هيبيعوها في الخليج يجربوها السنة الجاية و بعدين ينزلوها أوروبا في 2012. بعد ما يكونوا عملوا التجارب علي الفئران اللي هيدفعوا فيها 108 ولا 118 الف

++++++++++++++++++1


بصراحه موضوع التابلوه ده صح جدا فقير جدا

[CryptonX]

++++++++++++++++++1


بصراحه موضوع التابلوه ده صح جدا فقير جدا

المزيد من سكان كوكب الارض الي فاهمني !

[wawoo]

يا جماعة التبلوة فقير انا معاكم ..و موافق كمان

لكن فكرو فيها من النحية العملية ..دى عربية 4x4 يعنى مش مطلوب فيها قوى التبلوة يكون مبهر يعنى و معظم الوقت حتشتغل فى اماكن عمل و اماكن نائية ..يعنى هى سيارة عملية اكتر و مناسبة لاستعمال معين و ظروف معينة
اللى حيحتاج عربية زى دى مش حتفرق معاة قوى الناحية الجمالية دى بالرغم انها من الخارج اجمل من المنافسين ..

لو محتاج حاجة جميلة و اخر تصميم عندك مودلات كتير نازلة سيدان و هاتش باك فيها الرفاهية و الجمال المطلوب ..

[wawoo]

يا جماعة التبلوة فقير انا معاكم ..و موافق كمان

لكن فكرو فيها من النحية العملية ..دى عربية 4x4 يعنى مش مطلوب فيها قوى التبلوة يكون مبهر يعنى و معظم الوقت حتشتغل فى اماكن عمل و اماكن نائية ..يعنى هى سيارة عملية اكتر و مناسبة لاستعمال معين و ظروف معينة
اللى حيحتاج عربية زى دى مش حتفرق معاة قوى الناحية الجمالية دى بالرغم انها من الخارج اجمل من المنافسين ..

لو محتاج حاجة جميلة و اخر تصميم عندك مودلات كتير نازلة سيدان و هاتش باك فيها الرفاهية و الجمال المطلوب ..