تقييم ميجان 3 على الطرق المصريه

[blazer]

ألعربيه دى تحفه بس بصراحه لما تقارنها بلبرافو تحس بأنك هتخير ماتور و جير بوكس افضل!

[M.Osman]

ما شاء الله ... انيقة جداً ربنا يبارك لك فيها و شكراً على التقرير

[M.Radwan]

تقرير ممتاز يا باشا
وخليتنا حبينا الميجان 3 أكتر واكتر،

[chato_eg]

مافهمتش قصدك من النقله التانيه العجيبه اللى مقسومه لنصفين ياريت حضرتك توضح اكتر

فتيس الميجان II عبارة عن 4 نقلات زى الفلوانس و الميجان III
مش عارف هل هو نفس الفتيس و لا لأ .....أنا أعرف إن إسمه فى الآخر DP2 تقريبا و ده معناه إنه جيل أكثر تطورا عن ال DP0 الموجود فى الميجان II
النقلة الثانية فى الميجان II ...بتحس إنهم نقلتين متجمعين فى واحدة...بمعنى إن العربية لما تنقل من الأول للثانى و أثناء النقلة الثانية صوتها بيعلى و ال RPM كمان و عند نقطة معينة بيروح كله يهدى و ينزل و بعدين يرجع يعلى تانى و فى الآخر تقوم نقلة للثالث...
الموضوع ده سواءا على D أو بال + و ال - .... و دى حاجة بتاخد وقت على الواحد ما يتعود عليها...خصوصا لو بتنقل يدوى من ال + و ال - ممكن تتصور إن توقيت النقلة الثالثة قد حان...مع إنك لو نقلت هتلاقى رقم 3 بيعمل flashing وصوتها مش مظبوط بمعنى إنك نقلت بدرى.....
فأنا شايف إن كان ممكن أداء العربية يكون أفضل كتير جدا لو الفتيس كان 5 نقلات و النقلة الثانية " العجيبة " دى اتفصلت فعلا ل 2 منفصلتين...خصوصا إن توقيت و تجميع النصف الأول منها مزعج و هو ده إللى بيخلى تسارعها أقل.....لإنها لو زى الأول و الثالث أو حتى النصف الثانى من النقلة الثانية..ما كنش حد يتجرأ و يقول عليها بطيئة أبدا

[Elsarrawy]

الف مبروك على العربية وربنا يباركلك فيها ويدلك خيرها ويكفيك شرها
بس انا كان نفسي العربيه دي تنزل بالموتور التربو الـ 130 حصان ومع الفتيس الجديد الي فيه اسطوانتين دبرياج زي dsg بتاع فولكس بجد كانت هاتبقى وهم وكانت هاتبقى افضل من البرافو والجولف 6 كمان
مين عارف يمكن دفعة 2012 تنزل بالمواصفات دي حتى لو زاد سعرها شويه بس ساعتها هاتستاهل فعلاً انها تتربع على عرش السيارات الي في فئتها

[Mohd_Adel_Amin]

ماشاء الله ربنا يبارك لك فيها , العربية دي بدأت تلعب في دماغي علشان اخليهم ثلاثي :)

[bukla]

اولا الف مبروك على اول 10000 كيلو و عقبال تقرير ال 100000 على خير ان شاء الله ربنا يكفيك شرها و يحفظك فيها و يديك خيرها
ثانيا الف شكر على التقرير المميز و اللى بيدى وصف دقيق لاحساسك بالعربية اثناء متعة القيادة مع شرح مبسط لسهولة استخدام ازرار التحكم فى الدركسيون كما فى الفلوينس تماما
اما عن الشكل الخارجى فانا عايز اقولك ان انا من اشد المعجبين بعربيتك ما شاء الله و كان نفسى اجيبها بدل الفلوينس بس حجم الشنطة اللى فى الفلوينس كنت فى اشد الاحتياج لية
مبروك مرة تانية

[Mustafa_Farouk]

تقرير جميل ..
ايه عيوب ظهرت معاك؟
ايه كان نفسك يكون موجود ف العربية تانى؟
اخبار الصيانة ؟
شكراا

ربنا يديك خيرها و يكفيك شرها ويديمها عليك و على أهل بيتك نعمة و يصونهالك من كل شر....
i need to know the answer for the above questions

[د.محمود صلاح]

النقلة الثانية بالفعل في الميجان على مرحلتين ... الأر بي ام بيعلى ثم ينخفض ويعلى ثم يديك الثالث

[tareksedra]

أنا محتاج توضيح أكتر للفروق بينها و بين الأسترا
هل فعلا الأسترا أداءها رياضى أكتر ؟
و الموتور ده فعلا بيكون أحسن على الطرق المفتوحة أكتر من خنقة داخل المدينة...لكن أنا بأحس إن العيب فى الفتيس ال 4 نقلات أكتر من الموتور....
الغيارات مش مرتاحة فى وضع ال 4 نقلات و خصوصا النقلة الثانية العجيبة دى إللى مقسومة لنصفين....نفسى أفهم الحكمة وراء التصميم بالشكل ده....و أجرب النقل اليدوى ال 5 سرعات أو الأوتماتيك ال 5 سرعات إللى بيبقى فى المواتير ال 2000 سى سى

فتيس الميجان ii عبارة عن 4 نقلات زى الفلوانس و الميجان iii
مش عارف هل هو نفس الفتيس و لا لأ .....أنا أعرف إن إسمه فى الآخر dp2 تقريبا و ده معناه إنه جيل أكثر تطورا عن ال dp0 الموجود فى الميجان ii
النقلة الثانية فى الميجان ii ...بتحس إنهم نقلتين متجمعين فى واحدة...بمعنى إن العربية لما تنقل من الأول للثانى و أثناء النقلة الثانية صوتها بيعلى و ال rpm كمان و عند نقطة معينة بيروح كله يهدى و ينزل و بعدين يرجع يعلى تانى و فى الآخر تقوم نقلة للثالث...
الموضوع ده سواءا على d أو بال + و ال - .... و دى حاجة بتاخد وقت على الواحد ما يتعود عليها...خصوصا لو بتنقل يدوى من ال + و ال - ممكن تتصور إن توقيت النقلة الثالثة قد حان...مع إنك لو نقلت هتلاقى رقم 3 بيعمل flashing وصوتها مش مظبوط بمعنى إنك نقلت بدرى.....
فأنا شايف إن كان ممكن أداء العربية يكون أفضل كتير جدا لو الفتيس كان 5 نقلات و النقلة الثانية " العجيبة " دى اتفصلت فعلا ل 2 منفصلتين...خصوصا إن توقيت و تجميع النصف الأول منها مزعج و هو ده إللى بيخلى تسارعها أقل.....لإنها لو زى الأول و الثالث أو حتى النصف الثانى من النقلة الثانية..ما كنش حد يتجرأ و يقول عليها بطيئة أبدا

الف شكر على التوضيح المفصل

[Hany Saad]

أنا عندى تفسير بسيط لعملية الإحساس بنقلتين عند التانى...و هو التورك كونفرتر الموجود فى العربية....اللى بيقوم بمقام الدبرياج فى العربيات المانيوال علشان كده بنحس بالفصله دى و كأنك بالظبط دوست على الدبرياج و سبت....

فائدته هى التحكم فى الغيارات و مقارنة طاقة الدخول مع الخروج و تظبيط معدل إستهلاك الوقود تبعا لنتيجة المقارنة و زيادة عزم السيارة .

بيشتغل على ثلاث مراحل:

- مرحلة أولى (السكون) مع بداية تحرك السيارة
-مرحلة تانية (التسارع) مع التحرك حتى الغيار الثانى
مرحلة ثالثة (التعشيق) و هو الإحساس اللى بنحسه بعد النقله التانية.

A torque converter is a modified form of fluid coupling that is used to transfer rotating power from a prime mover, such as an internal combustion engine or electric motor, to a rotating driven load. Like a basic fluid coupling, the torque converter normally takes the place of a mechanical clutch, allowing the load to be separated from the power source. As a more advanced form of fluid coupling, however, a torque converter is able to multiply torque when there is a substantial difference between input and output rotational speed, thus providing the equivalent of a reduction gear


A torque converter has three stages of operation:

• Stall. The prime mover is applying power to the pump but the turbine cannot rotate. For example, in an automobile, this stage of operation would occur when the driver has placed the transmission in gear but is preventing the vehicle from moving by continuing to apply the brakes. At stall, the torque converter can produce maximum torque multiplication if sufficient input power is applied (the resulting multiplication is called the stall ratio). The stall phase actually lasts for a brief period when the load (e.g., vehicle) initially starts to move, as there will be a very large difference between pump and turbine speed.

• Acceleration. The load is accelerating but there still is a relatively large difference between pump and turbine speed. Under this condition, the converter will produce torque multiplication that is less than what could be achieved under stall conditions. The amount of multiplication will depend upon the actual difference between pump and turbine speed, as well as various other design factors.

• Coupling. The turbine has reached approximately 90 percent of the speed of the pump. Torque multiplication has essentially ceased and the torque converter is behaving in a manner similar to a plain fluid coupling. In modern automotive applications, it is usually at this stage of operation where the lock-up clutch is applied, a procedure that tends to improve fuel efficiency.
• منقول من WIKIPEDIA

طبعا ده رأى الشخصى...يحتمل الصواب أو الخطأ أو التعديل....

[mohaismail]

اخبار العزل ايه
هل صوت الموتور وصوت الطريق مسموع ؟

[chato_eg]

طبعا أنا شاكر للمهندس Meggieboy جدا على الشرح و التوضيح.....
بس أنا مش بأحس بال torque converter فى النقلات الأخرى ...هى النقلة الثانية بس...و يمكن هى دى إللى الناس ما كنتش متعودة عليها و تصوروا إنها مشكلة سنة 2005 أول ما العربية نزلت

يا ترى ال DP2 أخباره إيه ؟؟؟؟....

[Hany Saad]

طبعا أنا شاكر للمهندس Meggieboy جدا على الشرح و التوضيح.....
بس أنا مش بأحس بال torque converter فى النقلات الأخرى ...هى النقلة الثانية بس...و يمكن هى دى إللى الناس ما كنتش متعودة عليها و تصوروا إنها مشكلة سنة 2005 أول ما العربية نزلت

يا ترى ال DP2 أخباره إيه ؟؟؟؟....

طبعا أنا مش خبير قوى فى التورك كونفرتر لكن على حسب الفكرة البسيطة اللى عندى :

لما حضرتك تكون على الأول و التانى هو بيطلع العزم مضاعف بنسبة 2:1 (يعنى لو الترس الأول نسبته 2.5:1 مع وجود التورك كونفرتر و نسبة التكبير المضاعفة نصل إلى نسبة تكبير 5:1) و بكده يساعد العربية تتحرك بسرعة فى الطلعة الأولى و يتغلب على تقلها دون إستخدام ترس كبير للغيار الأول...و بعد الغيار التانى بيبتدى يحصله حاجة إسمها lockup اللى ساعتها حضرتك بتحس بالنقلة التانية اللى فى الغيارالتانى ( أو اللى بنسميها النتشة) و ساعتها هو دورة مش موجود و بيطلع العزم غير مكبر بنسبة 1:1 فبتحس بنقلات العربية فقط اللى هى ناعمة جدا.

torque converter multiples torque 2:1 at low rpm so that a moderate-ratio first gear (2.5) can be used. The torque converter multiplication and the 2.5 gear give a 5:1 stall ratio, and this combination provides excellent acceleration from a stop. Second gear is 1:5 ratio and Third is 1:1 (direct drive), so the steps between each gear are relatively small, which provides efficient and smooth shifts. .

مش عارف قادر أوصل الفكرة و لا لأ ؟

يعنى هو شغال تكبير من بداية التحرك دون أن نشعر به و لما بيبطل تكبير فى منتصف النقلة التانية ساعتها بنحس بيه علشان ساعتها بناخد عزم الموتور دايركت دون تكبير يعنى بينتهى دوره وقت شعورك بالنقلة اللى داخل نقلة.

بالنسبة للDP2 هيكون الفرق فى الكفاءة و ليس فكرة العمل...

[esslynx]

انا اسف على التاخير فى الرد على الاسئله و انا هحاول اوضح كل النقط فيها


1- بالنسبه للاسترا هى معموله علشان تدى احساس رياضى بمعنى الكاوتش 16 205 55 فى الاسترا و الميجان 16 205 60 فيبان انه جنط الاسترا اكبر و بصراحه احلى كمان غير كده لالسترا ارتفاعها اقل حوالى 2-3 سم عن الميجان و لما بتبقى الاسترا مليانه ممكن تخبط فى المطبات العاليه غير انه ظهر الاسترا بيحدف لو واخده ملف على فاصل كوبرى مثلا طبعا الناس هتقول علشان torsion beam بس ده مش بيحصل مع ميجان و زى ما بقول التحكم فى الميجان ممتاز لاقصى درجه فى ناس بتقول دى كده play station انا بقول ده precise handling

2-الفتيس ال dp2 : موضوع انه اربع نقلات مش عيب انا شايف انه مناسب جدا لقوه الموتور ممكن استهلاك البنزين اعلى 10% عن استرا والصوت اعلى حاجه بسيطه على lower rpm و اقل فى higher rpm عن الاسترا
غير انه فتيس الاسترا بيدى احساس النقله المانيوال كل نقله سواء اتوماتيك او مانيوال انما الميجان بيدى حاجه بسيطه جدا فى الاتوماتيك و مش بيدى ده خالص فى المانيوال و جربت الموضوع ده كتير جدا و خصوصا لما كانت فى مشكله الفلوانس اللى كانت هنا برضه

3-صوت الموتور معقول حتى على 5000-6000 rpm و على 100 بتيجى على 2750 rpm العربيه تحس انها معموله للسفر و ممكن تتكلم فى الموبايل من غير ما حد يعرف انك بره البيت اصلا

4- ايه العيوب : زى ما قولت كنت البرافو اكتر حاجه داخله دماغى جدا بس اوماترا كان نسخه من منصور بالنسبه ليا علشان كده روحت على eim احسن و اريح و حصوصا انه المعادله كانت توكيل كويس وشكل جديد وتحكم احسنو فرامل اكبر و اخسر ثانيتين و نقلتين و استهلاك بنزين اقل و حوالى 40 كجم وزن بس هو فعلا ميجان لو كانت نزلت ب كمان 2 ايرباجز و الموتور tce 130 اى فتيس مش مشكله كنت بقت رقم 1 هنا و حدش يقدر يتكلم ربع كلمه
عيب تانى انها دايما عرضه لمحاولات الخبط و الاغتيال من اى حد و حصل فعلا بس كانت بسيطه الحمدلله و بعدين علشان مش منتشره اوى ممكن كل شويه حد يوقفك يسأل عن العربيه و غير كده محتاجه نظافه علطول لانه البلد عندنا زى الفل

5 - نسيت اقول على شويه اختلافات بسيطه عن الفلوانس : انه الميجان فيها capless fuel tank و بيفضل غطا التنك يتفتح طول ما المفتاح فى العربيه بمجرد ما تتقفل العربيه التنك بيتقفل مش فاكر كان فى حد قبل كده اتكلم فى النقطه دى قبل كده
تانى حاجه الاستبن تحت الشنطه بره العربيه و تغيره سهل جدا و بالمناسبه الجنط made in china بس العربيه مشيت فى كل الطرق تقريبا و مفيش مشاكل نهائى لانى كنت متخوف من الموضوع ده بس انا مسكت الجنط وقارنته بالاسترا و الاتنين نفس الوزن تقريبا يمكن علشان كده شكله مش اوى علشان يحافظ على قوته
تالت الكبوت طبعا طريقه الرفع مختلفه بين ميجان و فلوانس

6- الصيانه: انا عملت الصيانات فى العبور 5000 مجانا و مجرد مراجعه سوائل و تربيطات مش اكتر اخدت حوالى ساعتين لانه كان عندى الbuzzer مش شغال غير انه كنت عايز ا شغل daytime running lights
صيانه ال10000 تغيير زيت و فلتر كلفت 560 جنيه عبار عنى 335 تقرييا زيت و فلتر ( 5 لتر توتال كوارتز+فلتر)
و مصنعيه 180 و الضربيه 10% و دىلا يمكن اللى كنت مستغربها لانه ده تغير زيت مش اكتر بس زى مابقول حاولى 10%-15% زياده عن مقار مثلا لما بغير زيت الاسترا

7- اخر نقطه هيليها علاقه بال torque converter و الفرامل : هو العمليه بتحصل فى موقف كالاتى:
تكون دايس بنزبن و بعدين فجأه تحصل حاجه ترفع رجلك بسرعه من البنزين و تدوس فرامل ..رفعه الرجل بسرعه من دواسه البنزين بتشغل حاجه اسمعها braking anticipation و ده توقع انك هتدى بعدها فرامل فال torque converter بيحول عزم اكبر و بينزل نقله علشان لما ترجع تدوس بنزين تانى العربيه تتطلع علطول من غير lag دى يمكن من اذكى الحاجات فى ميجان

طبعا لو فى اى اسئله تانى اتفضله و اسف انى اتاخرت