تقييم ميجان 3 على الطرق المصريه

[chato_eg]

يمكن أستاذ أحمد سواقته رياضية شوية علشان كده العربية بتشبع الغيارات و بتنقل متأخر...طبعا حضرتك أكيد عارف الadaptation بتاع الجيربوكس لطريقة سواقتك و إمتى بتنقل...

.

بس ال adaptation مش بيكون بشكل دائم
لحظى فقط
يعنى كل مرة بتتحرك بالعربية الصبح بتكون كل العربيات زى بعضها
الانتقال من برنامج يتناسب مع نمط قيادة إلى برنامج آخر لنمط آخر بيكون من خلال متابعة طريقة القيادة منذ بدء التحرك

ثم إن عربية العقيد خالد موديل 2008 و طريقة النقل فيها مختلفة عن عندى مع إن العقيد خالد سواقته أهدأ منى بكتير
مش عارف...

[chato_eg]

معقوله جداا و غير كده بالنسبه لل dp2 موضوع ال lock up بتاع ال torque converter مش موجود للدرجه دى اقل من ثانيتين و مش بييقى موجود على المانيوال و ممكن اى حد يتفضل يجرب الموضوع ده عندى و فعلا ميجان عجبانى جدا و غير ما كنت متوقع نهائى من كلام الناس الغريب عليها

على فكرة...هى برضه ثانيتين فى الميجان II ...مش بتقعد كتير للدرجة دى...بس هى كانت مستغربة جدا زمان فى 2005 لإن ما كنتش الفتيسات الجديدة شائعة وقتها...
النهاردة ال MM-T فيه كلام...و ال Easy-Tronic فيه حكاوى و ال DSG هو كمان طلع فيه لغو و الله أعلم ال Dual-Logic فيه إيه
طبعا فتيس الميجان بعيد عن التقنيات دى...لكن حقيقى تنوع البرامج فيه و خيار النقل اليدوى تعتبر giant leap فى عالم الفتيسات الأوتوماتيك فى الفئة دى فى الوقت ده

[adfarouk]

تقرير ممتازززززززززززز يا باشا

ربنا يباركلك فيها

[dramir1]

بسم الله ما شاء الله عربية جميلة ربنا يبارك لك فيها

[MedaSam]

التقرير ممتاز فعلا ........ بس هوه صاحب الموضوع اتوقف و لا أنا بيتهيألي !

[esslynx]

التقرير ممتاز فعلا ........ بس هوه صاحب الموضوع اتوقف و لا أنا بيتهيألي !

لا واخد اجازه

[tareksedra]

لا واخد اجازه

حمد الله على السلامه

[dramir1]

التقرير ممتاز فعلا

[esslynx]

انا احب اشكر كل اللى رد على التقرير و كل الدعوات دى و لو كنت اعرف كنت عملته من اول يوم و كل سنه و حضرتكم طيبين و رمضان كريم

[OldVic]

انا احب اشكر كل اللى رد على التقرير و كل الدعوات دى و لو كنت اعرف كنت عملته من اول يوم و كل سنه و حضرتكم طيبين و رمضان كريم

احنا اللى متشكرين :) و لكن عندى سؤال، هى عربيتك هى ال Dynamic ولا ال Dynamic S ؟ و حاجة كمان، أنا بأغير من كولت 2007 (موتور مايفيك 1.5 \ 110 حصان \ 145 Nm \ فتيس automated manual transmission و هو 6 سرعات أمامية) هل تفتكر حأحس ان الميجان بطيئة أو مملة فى القيادة؟ أنا لا أجرى كثيرا غير على الطرق المفتوحة كالصحراوى مثلا.

شكرا مقدما :)

[esslynx]

احنا اللى متشكرين :) و لكن عندى سؤال، هى عربيتك هى ال Dynamic ولا ال Dynamic S ؟ و حاجة كمان، أنا بأغير من كولت 2007 (موتور مايفيك 1.5 \ 110 حصان \ 145 Nm \ فتيس automated manual transmission و هو 6 سرعات أمامية) هل تفتكر حأحس ان الميجان بطيئة أو مملة فى القيادة؟ أنا لا أجرى كثيرا غير على الطرق المفتوحة كالصحراوى مثلا.

شكرا مقدما :)

لا العفو على ايه هى العربيه الdynamic s فتحه سقف و جلد
اللى اكيد انه الميجان مش ممله و لا بطيئه لانه انت هتقدر تجيب لحد 160 و انت فاكر انك ماشى على 80 مثلا و بالتالى انت مش هتحس بالطريق غير لو فتحت الشباك تانى حاجه و ده اللى انا متاكد منه و هيفرق معاك عن الكولت انه التحكم فى الميجان الجديده لازم تجربه بنفسك علشان متفتكرش انى ببالغ بس كفايه انه تبقى عارف انه انت مش قلقان نهائى مهما تجرى جرب العربيه فى توكيل رينو بنفسك و ان شاء الله تعجبك و تغير فكرتك عن العربيات الفرنسيه زى ما غيرت افكار ناس كتير

[OldVic]

أشكرك جدا، بس معلش سؤال أخير، هى ال Dynamic الدريكسيون بتاعها جلد و العدادات حواليها كروم زى ال Dynamic S ولا لأ؟

أنوى فعلا تجربة السيارة بعد الانتهاء من تعويض الكولت مع شركة التأمين :(

[esslynx]

أشكرك جدا، بس معلش سؤال أخير، هى ال dynamic الدريكسيون بتاعها جلد و العدادات حواليها كروم زى ال dynamic s ولا لأ؟

أنوى فعلا تجربة السيارة بعد الانتهاء من تعويض الكولت مع شركة التأمين :(

تقريبا فيها اللى بيختلف الكراسى و السقف و ان شاء الله يخلص معاك موضوع التأمين ده على خير انا عارف انهم بيطولوا اوى فى التعويضات دى

[mohaismail]

ما شاء الله عربية جميلة جدا
اخبار العزل بتاعها ايه وهل صوت الطريق والموتور مسموع

[esslynx]

ما شاء الله عربية جميلة جدا
اخبار العزل بتاعها ايه وهل صوت الطريق والموتور مسموع

مسموع على اكتر من 110 120 بس مش مزعج يعنى لو بتسمع راديو مش هتحس بحاجه بس لو واقف فى اشاره مثلا هتحس انه العربيه مش شغاله يعنى هى هاديه جدا فى وسط البلد و بتطلعلها صوت فى الطرق السريعه