هل توكيل رينو فى مصر سحب جميع الفلوانس للإصلاح ؟

[Sharky]

بارك الله فيك
مجهود تشكر عليه

شكرا لذوقك

يا باشا لا شكر على واجب

احنا هنا كلنا فى المنتدى اخوات و اللى بيقدر يساعد فى حاجة بيعملها عالطول
و همنا كلنا هنا ان نايل موتورز يبقى مصدر للمعلومات الصحيحة مش الإشاعات

[Waleed_Fathy]

يا باشا ممكن ماتفرقش معاك انت
لكن فارقه مع توكيل رينو فى مصر لإن اللى قال الكلام الغلط دا موزع معتمد لرينو فى مصر و احتمال كبير انه يكون فيه جزاء رادع ليهم من التوكيل على الإشاعات اللى بيطلوعها

على فكرة انا مابهاجمكش
بالعكس احنا بنحاول نوضح المعلومة الصحيحة للأعضاء
و أكيد انت كمان عايز توصل للمعلومة الحقيقة بعيدا عن الإشاعات

من فضلك مازالت فى انتظار معرفة انهى فرع للمصرية للسيارات
و نمرة تليفون العميل

شاركى باشا انا احييك على المجهود الرائع ده
بارك الله فيك

[wawoo]

اخر حاجة : انا مش عارف انا بتهاجم قوى كدة لية انا سمعت حاجة ممكن تفيد ناس لو عرفوها و تضر ناس لو معرفوهاش قلت انقلها زى ما هية
يا جماعة براحة شوية و بلاش تعصب للرينو , انا بردو معايا ميجان زيكوا بس بردو المفروض اننا نتاكد من الكلام دة الاول.

لو ترجع للمشاركة الاصلة اللى انت كتبها حتلاقى انك كاتب "النهاردة توكيل رينو اعلن عن سحب كل عربيات الرينو الفلوينس من السوق بسبب عيوب فى العفشة و الفتيس و الكلام دة موثوق منة عشان انا موظف فى بنك و عندى عميل كان المفروض يستلم فلوينس النهاردة و لما راح يستلم المعرض قالو الكلام دة

يعنى انت كاتب الكلام على انة خبر و واقع و بتأكد كلامك و تقول انة كلام "موثوق منة "
طيب اية اللى خلى الكلام موثوق منة "لمجرد ان فى معرض قالو الكلام دة" ..

و لما شاركى طلب منك اسم العميل و اسم المعرض بتقول مش حتفرق ..ازى مش حتفرق و انت عوزنا نتاكد من كلامك ونتاكد من معلوماتك ...

بصراحة كلامك متناقض و متضارب و حولت تدخل تويوتا فى الموضوع "مش عارف اية علاقة تويوتا بالقصة دى كلها "..و تلمح كمان لمشاكل فى الميجان السابقة "بردو اية علاقة دة بالفلوينس"
و لا دة على اساسا ان لو فى مشكلة فى موديل يبقى كل انتاج الشركة معيوب مثلا ...

الخلاصة انك لو فعلا عاوز تفيد فى الموضوع اللى انت طرحتة دة يبقى تقول على " اسم العميل" و "اسم المعرض" اللى اطلق الكلام دة و اعتقد المعلومة دى مش حترضك ولا تضر العميل بتاعك فى حاجة بالعكس دة العميل بتاعك حيستلم العربية الى حجزها فعلا و تتحل المشكلة..

انما كلام فى المطلق كدة ..يبقى اسمحلى مش حيفيد فى شى ...

[wawoo]

الفلوانس يبدو إنها هتتحمل ولو بنسبة الإرث العائلى الثقيل زى الميجان...و أنا هناك شفت واحد معاه فلوانس أعلى فئة على ما يبدو....و مش عارف شكوته إيه...بس مهندس الاستقبال طلع معاه يجربوا العربية و بعدين رجعوا بيها و قعدوا يطلعوا بيها فوق الرضيف و ينزلوا و يحطوا حجارة و يطلعوا فوقها و ينزلوا...
.

ههههه بيطلعو و ينزلو من على الرصيف وحجارة ...هو صاحب العربية كان فاكر انة بيشترى عربية دفع رباعى ولا اية ...

[Hany Saad]

[QUOTE=pioneerahmed;3872920222]اولا سورى للتاخير
ثانيا :


ممكن يكون كلامك دة صح و ممكن يكون غلط بردو لان الكلام الى اتقالى منطقى جدا ان الوكيل سحب كل العربيات الى لسة متباعتش عشان يصلع عيوب العفشة و الفتيس و منطقى جدا انة يكتم على الخبر زي دة بالظبط الى شركة تويوتا عملتة و بعد كدة اتسرب الموضوع و بعدين يا باشا متنكرش ان الميجان الى موديل 2004 و 2005 و 2006 كان فيها فعلا نتشة فى الفتيس


أحب أوضح إنى مش بهاجم شخصك الكريم و لا بشكك فى كلامك....

القاعدة بتقول...كلما زاد الطلب على السلعة كلما زادت الإشاعات عليها من المنافسين لتحطيم هذا النجاح.....

من الملاحظ إن الفلوانس هو الحصان الأسود الرابح خاصة فى السيارات الأوروبية و عامله مبيعات متفوقه جدا و حجوزات لفترات طويله...توكيل محترم و مزج جيد بين الشكل و المواصفات......

من الطبيعى جدا أن تهاجم سيارة بمثل هذا النجاح و لو على سبيل الحقد ليس إلا....العربية رائعة بشهادة ملاكها...يوجد بعض الشكاوى من العفشة و بعض القليل من الفتيس و لكن ليس بالقدر الذى يوقف مسيرة نجاحها......

لو أنا كنت توكيل فى مصر....و عرفت إن فيه مشكله....مش ممكن أسحب الموجود فى السوق مهما كانت الظروف إلا لو مشكلة هتودى بحياة السائق و ذلك لعدم تعود الشعب المصرى على عملية السحب....سحب يعنى عربيات بايظة يعنى سمعة راحت فى الأرض يعنى فقدان مكاسب بالملايين يعنى مبيعات اللوجان كمان هتقف و و و.....

لكن ممكن أصلح اللى عندى فى المخازن قبل نزولهم السوق و أتعامل مع السيارات المسلمة على إنها شكاوى فردية.....

من المستغرب برده إن التوكيل يرد على زبون رد زى كده....ممكن بمنتهى البساطة يقوله الشحنة هتتأخر و التسليم هيتأجل... أنا واثق إن الزبون هياخدها بصدر رحب لأنه عايز العربية.....

طبعا ممكن كلام حضرتك يكون صحيح و مشكور على النصيحه للأعضاء...لكن من خبرات سابقة مع المصرية و إشاعتها نتوقع دائما منهم الأسوء.....

[chato_eg]

ا

هى العربية فعلا اتباع منها كتير زيها زى الكورولا بالظبط بس مش عشان المهندس اعد يطلع و ينزل من فوق الرصيف يبقى كدة تمام انا معرفش و الله اعلم بس كذا واحد من اللى اشتروا الفلوينس الى هما عملاء البنك عندى قالوا ان العفشة بتاعتها ناشفة شوية بس بصراحة مقابلتش حد واجه فيها اى عيوب تانية

الفلوانس عفشتها ناشفة مقارنة بإيه ؟؟؟......أكيد عربيات آسيوى....الفرنساوى أنعم و أطرى الأوروبى كله....

ههههه بيطلعو و ينزلو من على الرصيف وحجارة ...هو صاحب العربية كان فاكر انة بيشترى عربية دفع رباعى ولا اية ...

صاحب العربية هو إللى كان لسه مصر على العيب و هو إللى كان طالع و نازل بيها على الرصيف و الحجارة...المهندس الأول كان جوه العربية و بعدين طلع وقف بره و أذنه عند العجلة اليمنى...فى الآخر مافيش حاجة ظهرت..و الراجل مشى....
you either trust the car or let ur fear drive you
كتير بتبقى الناس موسوسة من العربية الجديدة..خصوصا فى وجود الضغوط النفسية اللى المجتمع المحيط بيحطها عليهم....و إسأل الوحوش القدامى لما ركبوا الميجان فى 2005 حصل معاهم إيه

[chato_eg]

هى العربية فعلا اتباع منها كتير زيها زى الكورولا بالظبط بس مش عشان المهندس اعد يطلع و ينزل من فوق الرصيف يبقى كدة تمام انا معرفش و الله اعلم بس كذا واحد من اللى اشتروا الفلوينس الى هما عملاء البنك عندى قالوا ان العفشة بتاعتها ناشفة شوية بس بصراحة مقابلتش حد واجه فيها اى عيوب تانية



مش هتفرق يا استاذ احمد مين موظف المصرية ولا انهى فرع للمصرية لان بالمنطق لو الكلام دة فعلا حصل اكيد هيكتموا علية و مش هيعلنوة ابدا اهم حاجة ان كل الى عايز يشترى فلوينس يصبر شوية لحد لما نشوف الكلام دة صح و لا فعلا حركة من المصرية عشان معندهاش ستوك


اخر حاجة : انا مش عارف انا بتهاجم قوى كدة لية انا سمعت حاجة ممكن تفيد ناس لو عرفوها و تضر ناس لو معرفوهاش قلت انقلها زى ما هية
يا جماعة براحة شوية و بلاش تعصب للرينو , انا بردو معايا ميجان زيكوا بس بردو المفروض اننا نتاكد من الكلام دة الاول.

ما هو يا إما التوكيل بيسحب العربيات و بيرجع ينفى الكلام ده قدام شاركى و كده مش حلو
يا إما المصرية بيطلعوا إشاعات مغرضة لأسبابهم الخاصة و ده مش من مصلحة الناس
احنا لا نهاجم شخصك...و لا نوفر الدعم المعنوى للتوكيل
مصلحة الناس العامة هى فى المقام الأول و الأخير
لو العربيات فعلا بتتسحب يبقى الناس إللى استلمت فعلا أولى بتصليح العيب قبل العربيات الجديدة إللى لسه ما اتسلمتش تتصلح
و لو هى إشاعة مغرضة أو تصرف لا مسئول من رجل مبيعات...يبقى إللى بيقول كلام كدب مراد به باطل يستحق تحمل العواقب فى الدنيا و فى الآخرة
فى كلا الحالتين...حضرتك ذكرت إن معلومتك موثقة...و العميل يخصك....يبقى اكسب ثواب فى الناس إللى استلمت و الناس إللى هتستلم و ساعد شاركى فى استبيان الحقيقة

[neversighs]

فين يا جماعه Bukla و Dr dido و Wal و كل اللي استلم السياره ؟

[neversighs]

يا جماعه الوكيل في مصر ما يقدر يخفي شئ.. لو فيه اي عيوب فالسياره رينو الفرنسيه هي اللي هتسحب والعالم كلو هيعرف زي ما حصل في كل الشركات في الفتره الاخيره وزي ما حصل مع رينو نفسها لما سحبت فلوينس الكوريه من الخليج .
بس باعتبار اني احد مالكي السياره من 15 يوم فقط اعترف اني مش مرتاح من العفشه الى حد ما كمان احيانا بحس ان الفتيس بيهنج .. لكن انا ما زلت في فترة التليين وحكمي غير نهائي ارجو من مالكي الفلونس القدامى التدخل بالرأي .

[bukla]

بسم الله الرحمن الرحيم
اية يا جماعة الاشاعات اللى هلت علينا فاجئة دى عربيات اية اللى تتسحب علشان عفشة ناشفة و اية هية المشاكل اللى فى الفتيس انا الحمد الله العربية معايا و داخلة على اربع شهور عامل بيها 6000 كيلو و معنديش اى مشاكل فى الفتيس
و بالنسبة للعفشة انا لسة من يومين كنت فى مشوار فى حتة الله يسامحة اللى اضطرنى اروحها اسمها بشتيل مع الاعتذار لسكانها لكنها منطقة بشعة توهت فيها و لقيت نفسى ماشى على ارض مكسرة و مدغدغة و مقالب زبالة العربية بقت تتشال و تتهبد فى المطبات لدرجة انى قولت انا مش ممكن حخرج من المكان دة بالعربية سليمة لكن بسم الله ما شاء الله خرجت و العربية زى الفل و فى منتهى النعومة
واضح ان نجاح العربية و عدم توافرها عند المصرية مقابل عربيات تانية عندهم مرطرطة ما بتتباعش خلاهم يحاولوا استغلال سمعة الميجان (المظلومة) السابقة مع قصة تويوتا علشان يغيرو تفكير الزباين لعربيات تانية
و لان الكلمة امانة حيحاسبنا عليها ربنا كنت اتمنى من صاحب الموضوع انة كان يعمل حاجة من اتنين
اما يتاكد من الكلام من مصادر تكون موثوق بيها و تكون فى مكان اتخاذ قرار زى التوكيل او جهاز حماية المستهلك و يقولنا عليهم علشان السادة الاعضاء يتاكدوا برضة
او يكتب الموضوع بصيغة الاشاعة و ليس بصيغة الموضوع المؤكد

[pioneerahmed]

يا جماعة مبدئيا انا نقلت الكلام الى اتقالى بالحرف الواحد من موظف و الله انا ما فاكر اسمو لانى كلمتة فى التليفون فى المصرية فرع الميرغنى بقولوا العميل الى المفروض يستلم الفلوينس مستلمهاش لية قالى الوكيل سحب كل الفلوينس من السوق عشان مشاكل فى الفتيس و العفشة فسالتوا يا عم انت متاكد قالى اة متاكد و طبعا هو مش من مصلحتة انة يكدب لان اصلا العميل شاف العربية و مندوب البنك عندنا اخد رقم الشاسية بتاعها عشان انا بنك اسلامى و النظام ان البنك بيشترى العربية الاول و بعدين يبيعها للعميل فالعربية كانت عندة و محجوزة و ميقدرش يبيع العربية و دة بينفى من اساسة فكرة انة معندوش ستوك منها.

فطبعا اول لما سمعت الكلام دة حاولت اكلم التوكيل على 16202 بس محدش رد علية وقت طويل قلت يمكن عشان ناس كتير بتستفسر بخصوص الموضوع فقمت مكلم مندوب للبنك عندنا فى معرض تانى اسمة اوتو رضا حمزة و سالتة الموضوع دة صح قالى اة

و على اساس الكلام دة انا قلت الكلام دة موثوق منة

[Sharky]

ممكن اسم العميل و نمرة تليفونه و رقم شاسيه العربية

[ahmed92]

خاطر ورد فى بالى ان المصرية للسيارات مش عايز يسلم العميل لحد ما يشوف موضوع زيادة الاسعار بناء على زيادة الجمارك
اهوا يقول نكسب تلات اربع تلاف جنية من الهوا والله اعلم

[tareksedra]

الموضوع و الخبر كله غير منطقى لان لو كان فى اى مشكله ورينو هتسحب الفلوينس لاصلاح مشكله ما فبالتأكيد الموضوع مش هيكون محلى فقط فى مصر و كان الخبر نزل على كل سايتات السيارات و فى دول اخرى مش بس فى مصر وكانت كل الجهات المهتمه بالسيارت على مستوى العالم تناقلت الخبر انما للاسف احنا عايشين فى نظريه المؤامره و بنتخيل اشياء زى ان التوكيل هيصلح العربيات اللى عنده و مش هيقول على المشكله و كأننا مقطوعين من شجره وعايشين فى جزيره لوحدنا طيب حد سمع ان رينو عندها مشاكل فى الفلوينس على مستوى العالم؟؟؟؟ انا العربيه معايا من 3 شهور و مش هتكلم عن اداء العربيه و لا امكانياتها لانها اقل ان يقال ان العربيه دى سياره للصفوة اداء و شكلا لكن هقول ياريت ما ننجرش لحروب تجاريه اقل ان يقال عنها انها غير محترمه

[bukla]

انا اتصلت انهاردة بالتوكيل لسؤالة عن الموضوع دة قال لى ان الكلام دة غير منطقى و غير صحيح بالمرة و كمان طلب منى اسم المندوب دة علشان يفهم هو بيقول كدة لية ويعرف يتعامل معاة و كان تفسيرة للحكاية دى ان المندوب عمولتة من العربية دى اقل من عربيات تانية فيمكن بالمحاولة دى يغير تفكير الزبون لعربية يكون عمولتة منها اكبر
كمان اتصلت بالمصرية للسيارات فرع الميرغنى علشان اسأل على العربية على انى بفكر احجزها فرد عليا مندوب المبيعات ان العربية موجودة و سألتة على انى سمعت كلام عن ان العربية فى مشاكل فى عفشتها و الفتيس بتاعها قال لى ان الكلام غير صحيح بالمرة و ان العربية ممتازة بشهادة كل اللى اشتروها من عندهم
الطلب الاخير من صاحب الموضوع ان يحاول مشكورا بأى طريقة يجيب اسم المندوب و رقم تليفونة زى ما الاخ شاركى طلب علشان نفهم منة هو جاب الكلام دة منين