أعطال الكليو و طريقة الإصلاح واماكن الاصلاح من ملاكها

[saadabdelaziz]

مساعدة

ياجماعة معلش اتحملوني شوية انا لسة شاري رينو كليو 2001 عاملة 98الف كيلو المشكلة اني من الاسماعيلية ومفيش حد متخصص في الرينو تعبت جدا كل شوية اروح لميكانيكي صوت العربية علي بيوصل علي عداد لفات الموتور 15 مابينزلش كلشان كدة بتاكل بنزين ومفيش حد عارف يظبطها قررت انزل القاهرة بس عاوز توكيل كويس يظبطلي العربية واخلص مرة واحدة لان شغلي كتير والعربية بتعطلني جانبها كمان بحس ان سحبها في اول الطلعة مش سريع ولما اجيب عليها 140 لازم علشان ازود اخف رجلي عن البمزين شوية وبعدين ازود مش عارف دا الطبيعي ولا دي مشكلة عاوز احط العربية علي جهاز كمبيوتر اشوفها بس مش عارف اروح فين ارجو الافادة

[kimo]

ياجماعة معلش اتحملوني شوية انا لسة شاري رينو كليو 2001 عاملة 98الف كيلو المشكلة اني من الاسماعيلية ومفيش حد متخصص في الرينو تعبت جدا كل شوية اروح لميكانيكي صوت العربية علي بيوصل علي عداد لفات الموتور 15 مابينزلش كلشان كدة بتاكل بنزين ومفيش حد عارف يظبطها قررت انزل القاهرة بس عاوز توكيل كويس يظبطلي العربية واخلص مرة واحدة لان شغلي كتير والعربية بتعطلني جانبها كمان بحس ان سحبها في اول الطلعة مش سريع ولما اجيب عليها 140 لازم علشان ازود اخف رجلي عن البمزين شوية وبعدين ازود مش عارف دا الطبيعي ولا دي مشكلة عاوز احط العربية علي جهاز كمبيوتر اشوفها بس مش عارف اروح فين ارجو الافادة

مشكلة زيادة عدد لفات الموتور دة طبيعى فى حالة الجو اليومين دول الRPM بتزيد شوية لحد العربية ما تسخن بس لو بيوصل 1.5 وعايز تظبطة على 1 فية حاجة اسمها idle valve على الشمال وانت واقف امام الكبوت وخارج منه فيشة اسلاك فك الفيشة وفك الفالف مسمارين مربوطين على هذا الشكل/ هيطلع معاك صباع معدنى نظفة كويس بالبنزين دون ان تلف الصباع مهم جدا وركب وشوف لو مانزلش الRPM فك تانى ولف الصباع ربع لفة مع عقارب الساعة

[saadabdelaziz]

شكرا اخي كيمو علي سرعة الرد بس لو امكن وعندك صورة ل idle valve ياريت اشوفها او تحددلي اكتر مكانه لاني مش متخصص اوي
اشكرك مرة اخري

[kimo]

هى الرينو الكليو 2001 كانت معايا دولوقتى معايا 2004 والموتورين مختلفين عند دخول مواسير التكييف فى الكابينة افتح الكبوت وبص على ناحية الشمال هتلاقى جزء زى المكعب افقى وفية واحد تانى راسى دة لا خليك فى الافقى

[saadabdelaziz]

هحاول وابلغك
بس لو ممكن تقولي علي حد كويس وسعرة معقول اروحله يظبطلي العربية ويكشفعليها مرة واحدة واخلص لان طبيعة شغلي صعبة بسافر كتييييييييييييييير ومابستغناش عن العربية بسهولة يعني لو حد سريع وكويس تبقي خدمتني عاوز ابعتلك تليفوني تكلمني بس مش عارف قوانين المنتدي تسمح ولا لا علي العموم لو تسمح ابعتلي رقمك وانا اكلمك
سلام وشكرا علي متابعتك

[kimo]

هحاول وابلغك
بس لو ممكن تقولي علي حد كويس وسعرة معقول اروحله يظبطلي العربية ويكشفعليها مرة واحدة واخلص لان طبيعة شغلي صعبة بسافر كتييييييييييييييير ومابستغناش عن العربية بسهولة يعني لو حد سريع وكويس تبقي خدمتني عاوز ابعتلك تليفوني تكلمني بس مش عارف قوانين المنتدي تسمح ولا لا علي العموم لو تسمح ابعتلي رقمك وانا اكلمك
سلام وشكرا علي متابعتك

اعتقد ان الادارة مش هتمانع فى رقم التليفون
رقمى 0123730112

[Aymsad]

تجربتي مع الرينو

السلام عليكم
ازيكو يا جماعه انا معايا رينو كليو 2001 كانت مع والدي 5 سنين وبقالها معايا اكتر من سنتين هي عامله دلوقتي 160000
الصراحه عربيه زي الفل الاعطال اللى انا فاكرها هاقولوكو عليها
اولا طبعا طلمبة البنزين واتغيرت في الضمان ولسه شغاله مع اني سامع صوتها من يجيي اكتر من سنه وحالق والميكانيكي قالي غيرها بس انا ماشى عليها دلوقتي بعد ما صوتها علي اكتر من 50000 من حين لاخر كده بديها المنظف ده اللى بيتحط مع البنزين
عداد السرعه كان بيهيس وبعدين قطع خالص طلع سنسور ب 320 جنيه
العربيه كانت بتسخن ساعات واكتشفت ان الرداتير واخد هوا
نصيحه للاخ اللي بيقول عربيتو بتسخن ممكن يكون الرداتير واخد هوا نتيجة ان القربه مخرومه او انت بتزودها ميه وهي سخنه
محدش يزود ميه الا والعربيه بارده تماما فبل متدور
ولو حتي كانت سخنه و دايرها لان ده هيدخل هوا ومش هيخلي المروحه تشتغل
ممكن انت تشغلها انك تشغل التكييف هيخلي المروحه تدور على السرعه العاليه ويبرد العربيه عشان تتأكد ان المروحه مفيهاش مشكله
اكملكو بعدين بقى

[meso76]

أنا معايا كليو 2003 عاملة حوالى 80000 كم ، والعربية الحمد لله ممتازة ، لكن طبعا حصلتلى مشكلة طلمبة البنزين (ودى يمكن اهم نقطة ضعف فى الكليو)، غيرتها فى التوكبل ب 1800ج ... وفى التوكيل قالوا ان تفادى المشكلة دى بسيط جدا وهو انك ديما تخلى مستوى البنزين فى التنك لاينقص عن الربع واعتبار هذا المستوى خط احمر لايجب تعديه ... وفعلا انا ماشى على النصيحة دى وفيما عدا ذلك كله تمام معايا

[عمرو عمارة]

بالأمس بعد خروجي من الشغل وقفت أصلي المغرب وبعد ما خرجت من الجامع لقيت بقعة مية خضرا كبيرة تحت عربيتي .....بصيت تحت العربية وشايف نقط بتنزل.....فتحت الكابوت لقيت الإربة تقريباً فضيت.....قعدت ألف وادوور حوالين الموتور عشان أعرف التسريب ده جاي منين ومفيش فايدة......المهم زودت مية ورهوان على شارع دمشق (الحمد لله كنت جنبهُ قدراً ) روحت لمحمد عصام بتاع قطع الغيار ولقيت عنده ميكانيكي رينو.....يمين شمال مش عارفين النقط الي نازلة دي جاية منين.....كل الخراطيم والكيعان سليمة!!!....وبعد عناء وجد مكان التسريب وكان من مشترك المياه الي تحت فلتر الهوا وراكب على وش السليندر وده بيكون جواه الثرموستات الي بيدخل المياه لوش السيلندر....كان مشروخ والجوان باعه باظ

دي صورة المشترك ( الثرموستات )



ثمن الثرموستات 250 جم

[ضيف]

الحمد لله على قد كده
كعمر إفتراضي من 2003 بالإضافة لعدد الكيلومترات.
هو مش برده كل حاجة لها أجل؟

[shockoprinz]

أريد أشتري كليو بس محتار

يا شباب أرجوا النصيحة قدامي عربية كليو 2005 1200 cc العربية مع واحد صاحبي أستعماله ممتاز و محافظ علي الصيانة الدورية في التوكيل --- صاحبي أشترا العربية سنة 2007 من واحد معرفة ب 66 ألف بس العربية ساعتها كانت عاملة 60000 ك دلوقتي العربية عاملة 128000 ك بصراحة أنا متردد علشان العداد و السعر--- صاحبي طلب في الأول 50000 جنية بس أنا قلت له 48000 بس نظرآ لأن العربية حالتها حلوا قوي و أنا شايفها من برة زي الزيرو لو سمحتم أرجوا النصيحة بخصوص السعر و عدد الكيلوات وإذا كان 128000 ك طبيعي و مناسب للسعر ولا لأ ..... جزاكم الله كل خير

[shockoprinz]

يا شباب أرجوا النصيحة قدامي عربية كليو 2005 1200 cc العربية مع واحد صاحبي أستعماله ممتاز و محافظ علي الصيانة الدورية في التوكيل --- صاحبي أشترا العربية سنة 2007 من واحد معرفة ب 66 ألف بس العربية ساعتها كانت عاملة 60000 ك دلوقتي العربية عاملة 128000 ك بصراحة أنا متردد علشان العداد و السعر--- صاحبي طلب في الأول 50000 جنية بس أنا قلت له 48000 بس نظرآ لأن العربية حالتها حلوا قوي و أنا شايفها من برة زي الزيرو لو سمحتم أرجوا النصيحة بخصوص السعر و عدد الكيلوات وإذا كان 128000 ك طبيعي و مناسب للسعر ولا لأ ..... جزاكم الله كل خير

[foshiahmed]

أنا شايف أن العربيه مش وحشه بالنسبه لسعرها وطالما ماشيه وبتروح التوكيل يبقي توكل علي الله

[عمرو عمارة]

طريقة عمل مفتاح مشفر جديد للكليو

http://www.nilemotors.net/Nile/showthread.php?t=67663

[highlinker]

هي طلمبة البنزين دي ايه وظيفتها بالزبط ؟؟
وازاي احافظ عليها ؟؟