أعطال الكليو و طريقة الإصلاح واماكن الاصلاح من ملاكها

[kotkat]

يا جماعة الخير انا معروض عليا رينو كليو 2006 منوال ب 60 الف جنيه ما شيه 34 الف كيلو
و 2005 اوتوماتيك ليه مركبلها ماتور 1400 استيراد ب 40 الف جنيه
وواحد ثالث كليو ماشيه 140 الف كيلو ب 55 الف جنيه

اختار اهنى واحده فيهم يارب حد يفيدنى انا عاوز اشترى العربية دى و لا ابعد عنها

[kotkat]

يا جماعة الخير انا معروض عليا

1-رينو كليو 2006 منوال ب 60 الف جنيه ما شيه 34 الف كيلو

2- كليو موديل 2005 اوتوماتيك الراجل لسه مركبلها ماتور 1400 استيراد ب 40 الف جنيه

3-وواحدة ثالثة كليو ماشيه 140 الف كيلو ب 55 الف جنيه

اختار اهنى واحده فيهم يارب حد يفيدنى انا عاوز اشترى العربية دى
و لا ابعد عنها و اشوف حاجه تانيه مع العلم انا عاوز عربية اوتوماتيك متتعبنيش هل فتيسها الاتوماتيك كويس و لا عامل مشاكل معاكم

[m.hegazynecc]

انا معايا كليو 1200 موديل 2005 عندي لمبة عبارة عن مربع بداخلة سخان وتحت المربع حلقتين متصلين ببعض .المفروض اني لما بفتح الكونتاكت اللمبة بتضئ وبعدين تنطفأ فببدأ ادور
المهم دلوقتي اللمبة مش عاوزة تطفي فشيكت علي جميع السلوك والحساسات وبدلتها مع واحد صاحبي معاه نفس السيارة (كلها سليمة).... لحد ما بدلت الكنترول فظهرت نفس المشكلة عنده.
فهل كده الكنترول محتاج سوفت؟؟؟ بيتعمل فين وبكام؟؟؟؟؟؟؟؟؟؟؟

[ahmed9adel]

اللمبة ده معناها "Check Engine" و ليها أسباب كتير. أيه الأعراض اللى عندك غير ان اللمبة منورة؟

[moradlamey]

انا عندى رينو كليو 2003 1200cc
مشكلتى تتلخص فى انى العربية بتنط ساعات وانت بتطلع ولازم احمل زيادة على البنزين وانا بسيب رجلى من على الدبرياج عشان اتلاشى هذة المشكلة ولو فى زحمة بتخنق من الحركة دى وممكن لو نسيت وطلعت عادى من غير مزود بنزين تبطل وممكن لو ضربت فرامل فجاة وجيت اطلع تانى بسرعة بردو تبطل او تتكتم واحس انها هتبطل تانى حاجة الفرامل لما بكون سريع ساعات بتحجر لو جيت ادوس عليها وساعات لا رحت لميكانيكى نضف البوابة وعملت سرفيس كامل للموتور وكشف عليها بالكمبيوتر طلعلة انى حساس دواسة الفرامل بايظ هل دة ممكن يكون السبب ولو هو دة لو شلت فيشة الحساس هتمنع ولا لازم بعد مشلها افصل كابل البطارية عشان اشيلها من الكمبيوتر ولا دة كلة مينفعش ولا مش هو السبب اصلا فى النطة مع العلم انى النطة دى مش منتظمة يعنى بتحصل كتيير وساعات مبتحصلش والعربية بتتحرك من الثبات للحركة بنعومة وسلاسة بس فى الاغلب بتنط ودة اهم عندى من مشكلة الفرامل وهل جهاز اعطال الميكانيكى زى الكهربائى زى اللى فى التوكيل ولا فى فرق ارجو الرد بسرعة يا اهل الخبرة

[raouf mahsoob]

الاقصر

لو سمحت عاوز 2 كوبلم امامي
وعلبه دركسيون اسكترا
بكام ومنين افيدوني
عربيه رينو كليو 2003
1200 cc

[Ophth.mohamed]

يا جماعه افيدونا بعد كم المشاكل اللي ظهرت اشتري كليو ولا لا من الاخر ادامي واحدة 2003 اتوماتيك كامله 170 الف كيلو علي 42 الف

[ahmed.zahra]

المهم الحالة. لو حالتها كويسة يبقى سعر كويس طبعا

[mohabselim]

دفيرة ماتور

السلام عليكم
معايا رينو كليو 2005 اوتوماتيك 1400، عندي مشكله في دفيرة الماتور ولازم اشتري دفيره بديله.
المشكله التانيه اني لفيت كتير مش لاقي الدفير خالص.
عايز حل يا رجاله مش عارف اعمل ايه.
وشكرا

[msoliman2006]

سؤال عن الفني بتاع حضرتك

[QUOTE=ramy_gamal;3872775423]

معلش انا لسه شايف رسالتك النهاردة بس
قطع الغيار فى الوشاحى فى محطه الرمل وفى المهندس فى السيوف قدام قريه عبد الوهاب
الميكانيكى بتاعى عند المطار ولد ممتاز وكان شغال فى التوكيل وفاهم العربيه كويس جدا

معلش بعد السنين دي كلها اني اسألك عن الميكانيكي ده بما اني هجيبها فمحتاج حد فهمان ف اسكندرية اكمل معاه والخبرة بتريح
فدلني عليه من فضلك و لو رقم تليفون يبقى هايل