أعطال الكليو و طريقة الإصلاح واماكن الاصلاح من ملاكها

[ALshahba]

يعني نقدر نحصر المشاكل كالاتي:
1- طرمبة البنزين----تغببر
2- طرمبة المياه والثرموستات----كشف دوري وتغيير ان لزم
3- كشف دوري علي الكهرباء -----عند سماع اصوات مختلفه

طيب ممكن حضراتكم تفيدوني لاني بتفرج الايام دي علي كليو وشفت 2002 1.2 سي سي فى حاجات عاملة 100,000كم وحاجات بتعمل فى 80,000كم ,, تفتكرو السعر يكون كام

شكرا اليكم

[montybakry]

من فترة كدة وانا واقف فى اشارة او بحط رجلى على الدبرياج الاقي العربيه بتطفى لوحدها فى الاول كنت بقول دى غلطة من رجلى بس العربيه كانت بتغلبني فى الدوارة وكانت بتعملها معايا فى اماكن زحمه جدا بعد ما الموضوع دة اتكرر معايا كتير رحت ل الميكانيكى بتاعى اول ما شرحت اللى بيحصل من غير ما يعمل جاجة قلى سبيد سينسور قولتله فى اى احتمال تانى قالى سبيد سينسور هي دلوقت بتطفى وبتغلبك فى الدوارة بعد كدة موش هاتدور غير لما تبرد قلتله خلاص نغيرة
عى فكرة تغيرة ساهل جدا هو مكانه تحت فلتر الهواء وبعد ماغيرة فصل البطاريه عشان يشيل ال erro من على الكمبيوتر والحمد لله محصلش حاجة تانى ....
لو حد حصل معاه الموضع دة ميقلقش دى حاجة بسيطه جدا

حصلت معايا وف التوكيل بيقولوا سعره 800 جنيه الكلام ده حقيقي؟؟

[ramy_gamal]

800 !!!!!!!!!!!!!!!كتير جدا غيرة برة اوفر كتير

[msalah_mail]

سلام عليكم

انا معايا الكليو من 6 شهور وعامله لغاية دلوقتي 54 الف كم وماغيرتلهاش من ساعة ماجبتها مستعمله الا سير الكاتينة وكاوتش وبطارية

بس العربية دلوقتي بتنتش منى على الأول والتاني ولازم اكبسلها دبرياج

رحت لواحد قاللي بوجيهات واتسرعت وجبت نوع كده فرنساوى بس مش شامبيون

رحت لواحد تاني قاللى دى الموبينة

كل دول كانو ف اسماعيلية ودلوقتي انا قررت أخرج بره اسماعيليه خالص لأني مابحبش الفتايين

أفيدونا جزيتم عنا خيراً

[sayed68]

بسم الله الرحمن الرحيم اللهم صل على محمد وعلى آله وصحبه أجمعين
مشكوووووور والله يعطيك الف عافيه

[عمرو عمارة]

عندي مشكلة رجة بسيطة لما أزود بنزين وبالكشف وجدت الصليبة بالكوبلن اليمين متاكل والحلة الداخلية إلي بيركب فيها الصليبة عايزة تغير ( بيقولوا عليها القولة )......غيرت الصليبة ولكن المركز قالي الحلة الداخلية مش بتباع لوحدها ولازم الكوبلن كله يتغير.....الفرنساوي بـ 900جم !!

ملحوظة : العربية عاملة 250 ألف كم

حد عنده فكرة إذا كانت الحلة دي بتباع إنفرادي
دي صورة ليها

[ramy_gamal]

عندي مشكلة رجة بسيطة لما أزود بنزين وبالكشف وجدت الصليبة بالكوبلن اليمين متاكل والحلة الداخلية إلي بيركب فيها الصليبة عايزة تغير ( بيقولوا عليها القولة )......غيرت الصليبة ولكن المركز قالي الحلة الداخلية مش بتباع لوحدها ولازم الكوبلن كله يتغير.....الفرنساوي بـ 900جم !!

ملحوظة : العربية عاملة 250 ألف كم

حد عنده فكرة إذا كانت الحلة دي بتباع إنفرادي
دي صورة ليها

مساء الفل يا استاذ عمرو والله ليك وحشه
انا من فترة كدة غيرت صليبه الكوبلن بردة اليمين بس الاعراض كانت لما الف الدركسيون شمال على الاخر يكون فى صوت رهييب جدا والعربيه متبقاش عايزة تمشى اللى فهمته انها بتهرب من مكانها وبعد ماغيرتها ب شهرين عملتها تانى معايا طبعا كنت هتجنن عشان يضيع المشكله دى ركب وردة عشان متهربش بس مجبليش سيرة الحله الداخليه
عندك فكرة الحل دة مفيد ولا لأ

[عمرو عمارة]

مساء الفل يا استاذ عمرو والله ليك وحشه
انا من فترة كدة غيرت صليبه الكوبلن بردة اليمين بس الاعراض كانت لما الف الدركسيون شمال على الاخر يكون فى صوت رهييب جدا والعربيه متبقاش عايزة تمشى اللى فهمته انها بتهرب من مكانها وبعد ماغيرتها ب شهرين عملتها تانى معايا طبعا كنت هتجنن عشان يضيع المشكله دى ركب وردة عشان متهربش بس مجبليش سيرة الحله الداخليه
عندك فكرة الحل دة مفيد ولا لأ

أستاذ جمال الله يخليك......كيف حالك

سبحان الله.....وأنا بقول الوردة إلي عندي دي جت منين ؟
لما كنت في فرنش موتورز إلي في الرحاب قالي الوردة دي غريبة وممكن يكون في مشكلة في الشمعدان أو المساعد وقالي على واحد أروح أكشف عنده مقاسات أبعاد العربية قبل ما ركب الكوبلن الجديد

المهم أنا لسة جي من برة.....روحت لميشيل حليم وسألته على الحلة دي وقالي لأ لازم الكوبلن كله.....الأصلي بـ900جم والتركي بـ400جم وقالي التركي شغال زي الفل وأنا بصراحة بثق في حاجة ميشيل حليم عن تجارب كثيرة
أخدت الكوبلن التركي ووصف لي ميكانيكي تبعه ركبهولي في نص ساعة وأخد 30جم
العربية ما شاء الله رجعت جديدة وسحبها ناعم جداً ومفبش الرعشة دي خلاص

أعتقد يا أستاذ جمال إن حلة الكوبلن الداخلية عندك في طريقها للتأكل وممكن تبتدي تحس برعشة في السحب وخاصة في المطالع لأن الوردة بتضغط الصليبة بداخل الحلة فبتالي التأكل بيزيد

أيضاً قيل لي إن الوردة إلي بتركب دي بتبوظ البلية والله أعلم

[ramy_gamal]

فعلا انا ساعات بحس بالرعشه دى بس بسيط جدا و بقول انا بيتهيئلى ربنا يستر
بس كنت عايز اسال على موضوع ابعاد العربيه حضرتك عملته فين وهل عندك ظهر مشكله

[عمرو عمارة]

فعلا انا ساعات بحس بالرعشه دى بس بسيط جدا و بقول انا بيتهيئلى ربنا يستر
بس كنت عايز اسال على موضوع ابعاد العربيه حضرتك عملته فين وهل عندك ظهر مشكله

الرعشة البسيطة دي هتبتدي تزيد وتحس بيها خصوصاً في المطالع وإنت على الخامس بين الـ70 و100كم

أنا مروحتش أكشف قياس أبعاد العربية بعد ما الميكانيكي فهمني موضوع الوردة دي وإنها حركة معروفة وكل مشكلتي كانت الرعشة البسيطة دي..... والعربية كانت متزنة ومفيش حدف لإي جهة ولا تأكل في الكاوتش وده إلي كان مطمني

الموضوع مش خطير بالدرجة دي.....بس غير مريح وإنت سايق العربية وأكيد حتوصل لمرحلة الإنزلاق الكامل

إنت بس إعمل حسابك على شراء كوبلن عشان تطمن وحوشله من دلوقتي حتى تشيل 100 جم على جنب من كل شهر

[ramy_gamal]

الرعشة البسيطة دي هتبتدي تزيد وتحس بيها خصوصاً في المطالع وإنت على الخامس بين الـ70 و100كم

أنا مروحتش أكشف قياس أبعاد العربية بعد ما الميكانيكي فهمني موضوع الوردة دي وإنها حركة معروفة وكل مشكلتي كانت الرعشة البسيطة دي..... والعربية كانت متزنة ومفيش حدف لإي جهة ولا تأكل في الكاوتش وده إلي كان مطمني

الموضوع مش خطير بالدرجة دي.....بس غير مريح وإنت سايق العربية وأكيد حتوصل لمرحلة الإنزلاق الكامل

إنت بس إعمل حسابك على شراء كوبلن عشان تطمن وحوشله من دلوقتي حتى تشيل 100 جم على جنب من كل شهر :oc_sun1[1]:

طيب الوردة اتحططت ليه !!!!!!!!!! اكيد بتسد فراغ صح ولا لأ لما قولت كدة ل الميكانيكى معرفش يرد عليا قالى عشان تحكم الصليبه فا دة اللى مخوفنى يكون فى مشكله فى ابعاد العربيه وبعدين لما باظت اول مرة وغيرتها باظت تانى ولما حطيت الوردة لغايه دلوقتى مفيش مشاكل مش عارف المشكله فى ابعاد العربيه ولا فى الكوبلن نفسه مع ان دة الكوبلن الاصلى بتاع الفابريكه
بس على العموم انا فعلا همل زى ماقلتلى هحوشله من دلوقتى تحسبا لاي مشكله

[عمرو عمارة]

لا تقلق إن شاء الله مفيش مشكلة في الجزء اليمين ده خالص

إنت هتعرف بنفسك لما تفك الكوبلن القديم هتلاقي مرخي خالص وفيه خلوص جامد عند الحلة الداخلية إلي راكبة فيها الصليبة وهو ده الفراغ المكون من التأكل وبالتالي بيركبوا الوردة دي عشان الصليبة متهربش من مكنها

[ramy_gamal]

لا تقلق إن شاء الله مفيش مشكلة في الجزء اليمين ده خالص

إنت هتعرف بنفسك لما تفك الكوبلن القديم هتلاقي مرخي خالص وفيه خلوص جامد عند الحلة الداخلية إلي راكبة فيها الصليبة وهو ده الفراغ المكون من التأكل وبالتالي بيركبوا الوردة دي عشان الصليبة متهربش من مكنها

تمام انا فهمت من كلامك ان المشكله فى الكوبلن مش العربيه الف شكر على المعلومه

[ahmed_samir12]

ممكن نصيحة من اهل الرينو كليو تحديدا ان شاء الله قررت اشترى عربية جديد وكنت بقارن بين الرينو الكليو والفيات السينا نفس السنه موديل 2002 ونفس السعر . أختار إيه ياريت تفيدونى ؟

[tkdemad]

السلام عليكم ورحمة الله وبركاتة
هذة اول مشاركة لية انا عندي كليو موديل 2002 1200 سى سى واجهتني عدة مشاكل منها
الفتيس صعب في الغيار الاول بيعض ركبتلة كاوتشة واتعدل وبعد فترة كان بعض احيان مش بيجيب مرشدين الميكانيكي ظبط شوية في الصاجة بتاعة الحارات وماشي الحال بس بردة الاول بعض احيان يعض لكن شغال
حدث تسريب لمياة الرداتير بالكامل داخل الصالون الميكانيكي لاغي خرطوم السخن وكلة تمام
العربية بتسخن جدا ولمبة الانجكشن بتنور والعربية متستحملش تمشي في الزحام اكثر من 10 دقائق ولازم اركنهالما تبرد العربية خالص والحل ركبت خرطوم في مدخل فلتر الهواء واصل في ابعد مكان عن الموتور علشان يدخل هواء بارد للموتور واتحلت المشكلة
وكان مركز الصيانة كشف علي العربية علي الكمبيوتر وقال بوابة الانجكشن ممكن تتنظف ولو منفعتش تتغير وتم التنظيف والمشكلة زي ماهي والحمد لله لما ركبت الخرطوم اتحلت المشكلة ولا غيرنا البوابة ولا حاجة
كانت العربية فجاة تبطل ومتدرش الابعد عناء مافيش احساس بالمرش خالص مع وجود الكهرباء رحت لكهربائي وربط كابل الموبينة كويس واتحلت المشكلة
مقاومة الحرارة بتشتغل عند 97 وتنزل عند 92 ودة نسبة عالية بالنسبة للجو عندنا في مصر وكل حاجة في العربية سليمة والرداتير سالك وطرمبة المية شغالة وغسلت السربنتينة في البنزيمة كويس عملت فكرة كدة من اختراعي في مقاومة الحرارة وبقت بتشتغل 92 الي 85 والحمد لله كلة تمام وفي الزحام تمام