أعطال الكليو و طريقة الإصلاح واماكن الاصلاح من ملاكها

[ghareep999]

بسم الله الرحمن الرحيم
معايا رينو كليو 2003 1200 سي سي اشترتها من شهرين وتم عمل الاتي
1 تم تغير طرمبة البنزين والموبينة والبوجيهات والبوابة والدينمو ومسامير الميزان وحاسس البور وفيشة حساس الكرنك والبليتين الخلفية والسيور والفلاتر كلها وتنضيف الرشاشات وشداد موتور
غيرت البوابة لان العربية بتتنطط في الغيار الاولني وده عيب بوابة
وفجاءة ظهر عيب وهو صوت العربية غير منتظم وتحس كأنها هتبطل علشان كده غيرت الدينمو
ومطلعش السبب ده ؟
قررت اني احطها علي جهاز كشف الاعطال وظهر العيب وهو ضغط العوا اللي داخل للموتور مش مظبوط علشان كدة كان صوتها غير منتظم
هتلاقي خرطومين داخلين في الموتور خرطوم بنزين وخرطوم هوا تتبع سير لبخرطون الهوا هتلاقي في الاخر حاجة شبة منظم البوتجاز بايظ ومفيش منه لا جديد ولا مستعمل حد يدلنا ننكم القيه فين؟

[haithamhasan38]

السلام عليكم لو سمحتم ياشباب عايز حد يفدنى فى معرفة وظيفة منظم الهواء فى الكليو 1200 وهل البوابة وحساس الايدل يؤثرو فى استهلاك الوقود ؟

متااااااااااااابع

[ghareep999]

الأحد 26 صفر 1435[
بسم الله الرحمن الرحيم
انا محمد عضو جيد احب اعرض عليكو المشكلة وحلها علشان الناس كلها تاخد بالها
انا اشتريت رينو كليو 2003 1200 سي سي كانت عامله 173 الف من شهرين تم عمل الاتي
تغير سيور الكاتينة وشداد وسير التكييف والدينمو وتغير كل زيوت العربية فتيس وموتور وباور والفلاتر كلها هو ا وزيت وبنزين
اول مشكله واجهتني .... لقيت الزيت ضارب في العربية ومغرقه المصفحة كشفت عليها لقيت ان حساس البور ضارب زيت تم تغيره ولقيت كوتش الكوبلين مفطوعة وزبت الفيتيس وعلشان كدة الغيارات كانت بتعضعض
تاني مشكله ....... العربية في الغيار الاولني كانت بتنطط كانك مديها غيار غلط فغيرت البوابة ونضفت الرشاشات
اتظبطت الغيارات
تالت مشكلة لقيت غطا زيت معرق وفية رين ابيض كأن الزيت مطحن فحكيت مع صحبي حاتم معاه بيجو 307 وقالي الزيت وحش وقلي غير الزيت انا كنت حاطط شل الجركن الاحمر غيرت لموبيل بقيت فعلا كان عيب زيت
رابع مشكلة لحظت بعديها علي طول لقيت العربية بتبرجل والنور عمال يعلي ويوطي والعربية بتفف غيرت الدينمو لقيت العيب موجود فقلت لصحبي قالي غير البوجيهات من التوكيل لان البوجية لية رقم اذا اتغير يخلي العربية تتفف
كنت حاطط بوجيهات فرتساوي رقمها 212 والقديمة رقمها 114 غيرت لبوجيهات الماني بوش 205 فرقت العربية في صوت الموتور وفي السحب بس والنور مطفي بنا النور ييأيد العربية تتفف علي خفيف اوي والنور بيعلي ويوطي قيست الشحن الكهربائي قالي كاتوت الشحن الداخلي تعيش انت يا حج غيرت الكاتوت والشحن انتظم والعربية انتظمت الحمد لله
الدروس المستفاده
1 . اختار الزيت اللي بناسب العربية الافضل موبيل ومن البنزينة
2.غير البوجيهات بتفس الرقم بتاع القديم
3. ركب قطع الغيار الاصلية لانها تفرق

[ghareep999]

ممكن تشتري الازاز العربية امامي او خلفي واي ازاز من بتوع الاستراد يوجد في عزبة شلبي بالمطرية
وهتلاقي في محل حاتم في عين شمس بشارع العشرين بيبيع قطع غيار جديد وبيبيع استيراد وعندك منتصر عند مزلقان العشرين جمب محل حاتم

[shiko21]

مرحبا انا عضو جديد وعندي مشكلة مش عارف حلها انا معيا رينو كليو 2002 1200cc عاملة 173000 كلم
المشكلة هو ان العربية هي وماشية تكتم وصوت الشكمان يكتم و لمبة الاتشيك تنور و تطفي و سحب العربية يقل و كل ما أدوس بنزين أحس أنها بتتكتم أكتر الأغرب أني غيرت البوجيهات و غيرت فلتر البنزين و أشترت طلمبة بنزين بس لسة ما غيرتهاش و الغريب اني حاسس أن ضخ البنزين قدام الخرطوم الي بيدي الماتور ضعيف وانا من القصير البحر الاحمر و أقدر أقولكم أن مفيش ميكانيكية خالص للرينو أعمل أية

[wael_adly]

اصدقائى الاعزاء تسمحولى اخذ من وقتكم شوية واحكليكم على اللى حصلى فى مركز محمود عثمان (عثمان موتورز) - شارع محمد اشتناوى متفرع من شارع فيصل (بعد محطة التعاون)
رحتلهم عشان عندى مشكلة صغيرة عبارة عن ان العربية لما بدور الكنتكت شغال والمارش شغال بس ما بتدورش غير بعد 4 أو 5 دقايق المشكلة التانية أن جوان غطاء التكهات جايب زيت:
وديت العربية الساعة 10 صباحا استلموا منى العربية وخذوا بيانتى وبيانات العربية ومشيت على انتظار تليفون منهم انهم خلصوا
وبعد مكالمت كثيرة رحت استلم العربية لاقيت العربية حالتها ساءت عن الاول كتير بقت بتقطع جامد وبتطلع رحيت بنزين نى ومكتومه سالتهم ايه اللى حصل قالولى
1. البوجيهات عندك مش بتعات العربية رغم انى مغيرهم قريب وجايبهم من بائع قطع غيار رينو وهما حطو طقم قديم من عندهم عشان اجرب بيه العربية وتمن البوجيهات 185 جنيه
2. الشيخ عادل قال ان طرمبة البنزين عندى ضعيفة ولازم تتغير رغم انى لما بفتح كونتكت بسمع صوت الطرمبة شغاله ممكن تغيرلها ماتور 250 جنيه
3. البوابة عندك لازم تتغير وتمنها 3500 جنيه
4. حساس الحرارة بايظ وتمنه 400 جنيه وعايز فيشه تمنها 200 جنيه
5. حساس الشكمان بايظ وتمنه 1000 جنيه والمفاجأة انت ما عندكش علبة بيئة ودى مش موجودة بتتركب فى العربية وقت صنعها فقط
6. حساس الكرنك بايظ وتمنه 500 وفيشه 350 جنيه
7. المروحه دى مش بتاعته عايز مروحه 500 جنيه
8. سيرفوا الفرامل عايز يتغير
9. احنا غيرنا زيت وفلتر 500 كيلو 350 جنيه
10. جوان غطاء التكهات 350 بتركيبه
وحسسونى ان العربية ما تنفعش تمشى اصلا رغم انى كنت رايحلهم بيها وهى بتجيب سرعة 140
وبعد كلام وشد وجذب دفعت 700 جنيه تغيير زيت 5000 كيلو وفلتر وجوان غطاء التكهات ومشيت بالعربية
تانى يوم سمعت صوت حاجة بتخبط فى الماتور وهى دايرة فتحت الكبوت لاقيت قربة المياه مشروخة رغم انها كانت سليمة قبل ما اروح عند عثمان والصوت يخبط ويروح صحابى دلوني على المهندس على فى المقطم ماكدبتش خبر خت رقمه واتصلت بيه وقلتله على المشكلة قال مش فاضى تعاللى بعد يومين رحتله زى ما قال وحكيت على كل اللى حصل عند عثمان بص على العربية وقال هنغير قربت المياة وتجيب طقم بوجيهات وتجيب موبينه والعربية هتظبط قلت ماشى اروح اجبهملك واجى قالى مش فاضى النهاردة تعال بعد 4 ايام عشان عنده شغل قلت ماشى ورحتله الساعة 7 الصبح خذ العربية ومشيت رحت على شغلى رجعتله الساعة 5 مساءا ماكنش عمل حاجة فى العربية وبدا شغل فيها الساعة 7 مساء وحسسنى انه بيفهم وفك الوش وقعد ينضف البوابة ويرش اسبراى وركب الحاجة اللى قال عليها وطلعنا نجرب وكانت المفاجأة العربية زى ماهى وصوت الخبط موجود والتقطيعه موجودة وكأن العربية متكتفة ومش قادرة تمشى(بس مرضاش ياخذ فلوس مصنعيه) وقالى على ميعاد اجيله تانى بس مش قبل 4 ايام عشان عنده شغل والعربية فيها شغل كتير ومشيت من عنده على انتظار الميعاد الاخر ؟ اكلمه مايرضش ـ اكلمه يقولولى تعبان مافتحش النهارده ـ مايرضش زهقت سألت على مكانيكى تانى قالولى على الاسطى على عز الدين رحت خت ميعاد ووديت العربية الراجل فعلا صنيعى شاطر ظبط العربية ورجعها احسن من الأول والحمد الله وتعب فيها ربنا يبارك له
العيوب اللى وجدها :
1. غطاء التكهات اللى عمله محمود عثمان فوتو مسامير عمود التكهات خلوا التكهات تخبط فى وش السلندر
2. البوابة سليمة والطرمبة سليمة (الرشاشات هى اللى مش كويسه)
3. فى خرم فى الشكمان رغم انى عند عثمان سألتهم على الشكمان ليكون مخروم قالولى لا
4. غير طقم جوانات
5. غير رشاشين واعمل الصح بجد فى العربية وختها اكنها عربية تانية
وفى النهاية اقدر اقلكم ان عثمان موتورز اللى فى محطة التعاون عالم نصابين ومش بيفهموا حاجة عايزين ياخدوا فلوس وخلاص بالاضافة انهم ماعندهمش صنايعيه شويت عيال صغيره لا بيعرفوا يقروا ولايكتبوا والشيخ والبيه ابو نظاره منظره فقط لا غير

[ghareep999]

احمد الميكانيكي قي شارع الزهراء عين شمس الشرقية امام جامع الغباشي وعندة جهاز كشف الاعطال وجمبيه حاتم بتاع قطع الغيار الرينو جديد واستراد وحاجتة مضمونة

[ghareep999]

غير كوعة المياة الملتصقة بالموتور لان الترموستات اللي في الكوعة القديمة عندك باظت او علقت واوعي تلغي الترموستات

[ghareep999]

نفس المشكلة دي كانت عندي وطلع حساس دواسة البنزين هتلاقي بتاعة سودة مبيرة مثبتة بقاعدة البطارية ومش هتلاقي منها جديد واستيراد نادر هتلاقيها عند محل حاتم للرينو استيراد بشارع العشرين من شارع الزهراء عين شمس بس علي حظي ساعتها مالقتش منها استيراد فرحت فرتش موتورز بجسر السويس توكيل معتمد وغيرتها 1375 ج ومصناعية 250ج
لو لمبة التشك الصفراء لوحدها هي اللي بتنور تبقي حساس دواسة البنزين ولو لمبة التشك الصفراء ولمبة الحرارة تبقي البوابة وبردة هتلاقيها عند حاتم وسعرها 800 ج بس نصيحة لو طلعت البوابة خليه يفكهالك من علي موتور استيراد

[ghareep999]

السلام عليكم لو سمحتم ياشباب عايز حد يفدنى فى معرفة وظيفة منظم الهواء فى الكليو 1200 وهل البوابة وحساس الايدل يؤثرو فى استهلاك الوقود ؟

منظم الهواء شكله عامل زي منظم البوتجاز وظيفته بينظم كمية الهواء اللي داخله للموتور ومن غيرة وبعد الدواره تلاقي العربية فيها رجة لمدة دقيقة وطبعا بتاثر علي استهلاك البنزين
الايدل دة شكله زي الصباع وظيفته ظبط الموتور من خلاله اي يجعله منتظم نظبط منه السلانسية

[ahmedfouad]

يا جماعة اى حد عاوز اى حاجة فى الكليو يكلمنى
انا الحمد لله عندى الريبير مانوال بتاعها ومشترى كل عدتها
وبشتغل فى عربيتى بايدى وبعمل كل حاجة بنفسى

بغير الزيت موتور
وفتيس
وفلتر زيت وهواء وبنزين
وبنظف البوابة الالكترونية بنفسى الحمد لله

وغيرت الكبالن
وفكيت الرشاشات نظفتهم
وغيرت رشاشين
وفكيت حساس دواسة البنزين ونظفته

وغيرت الطنابير الامامية
وغيرت التيل الخلفى وكل فترة برجلشه

ونظفت حساس الشكمان
و غيرت حساس المانفولد

وركبت بطاحتين قدام
وغيرت المساعدين الخلفين
وربطت العفشة

وغيرت واير الدبرياج بردوا

اللى مش هعمله فى العربية بنفسى اكيد
الشنبر
او العمرة
او شغل الفتيس

وبصراحة مش عارف الشكاوى من الناس اللى المفروض ده اكل عيشها ايه ؟ وازاى؟

ازاى اروح لميكانيكى اصلح حاجة حاجة تانية تبوظ
لنا الله

[ahmedfouad]

يا جماعة اى حد عاوز اى حاجة فى الكليو يكلمنى
انا الحمد لله عندى الريبير مانوال بتاعها ومشترى كل عدتها
وبشتغل فى عربيتى بايدى وبعمل كل حاجة بنفسى

بغير الزيت موتور
وفتيس
وفلتر زيت وهواء وبنزين
وبنظف البوابة الالكترونية بنفسى الحمد لله

وغيرت الكبالن
وفكيت الرشاشات نظفتهم
وغيرت رشاشين
وفكيت حساس دواسة البنزين ونظفته

وغيرت الطنابير الامامية
وغيرت التيل الخلفى وكل فترة برجلشه

ونظفت حساس الشكمان
و غيرت حساس المانفولد

وركبت بطاحتين قدام
وغيرت المساعدين الخلفين
وربطت العفشة

وغيرت واير الدبرياج بردوا

اللى مش هعمله فى العربية بنفسى اكيد
الشنبر
او العمرة
او شغل الفتيس

وبصراحة مش عارف الشكاوى من الناس اللى المفروض ده اكل عيشها ايه ؟ وازاى؟

ازاى اروح لميكانيكى اصلح حاجة حاجة تانية تبوظ
لنا الله

[hermena]

انا عندى لمبة الكهربا تظهر كتير جدا معايا وبعد ما ادوس بنزين جامد مرة او مرتين تروح وبعد وقت اول ما العربية ترجع هادية تظهر تانى وتفضل ترج العربية مع السحب وهكذا وكرهت العربية بسبب كده رغم انى غيرت حساس المانفول بواحد استعمال خارج والعلامة اختفت يومين ورجعت تانى وربطت الضفيرتين اللى ورا الموتور وبرضه وقت ورجعت تانى مش عارف اعمل ايه

[hermena]

لمبة الكهربا تظهر كتير

انا عندى لمبة الكهربا تظهر كتير جدا معايا وبعد ما ادوس بنزين جامد مرة او مرتين تروح وبعد وقت اول ما العربية ترجع هادية تظهر تانى وتفضل ترج العربية مع السحب وهكذا وكرهت العربية بسبب كده رغم انى غيرت حساس المانفول بواحد استعمال خارج والعلامة اختفت يومين ورجعت تانى وربطت الضفيرتين اللى ورا الموتور وبرضه وقت ورجعت تانى مش عارف اعمل ايه

[احمد محمد سيد]

السلام عليكم يا اهل الكليو ...

انا مقبل على شراء كليو بس الواحد لما قرأ الموضوع احتار يجيبها ولا ميجبهاش ؟

ممكن اعرف ايه الحاجات اللي ابص عليها ساعة فحص السيارة ؟

و متوسط اسعارها كام لل1200 cc و الل 1400 cc ؟

وشكرا