أعطال الكليو و طريقة الإصلاح واماكن الاصلاح من ملاكها

[khaled_elsahn]

السلام عليكم هو ياجماعة مفيش حد من الاعضاء ممكن يفدنى

[aymn2003]

لأ مبتنقص وكمان انا بحط ميه خضرا, كان قبل ملغيها الدواسه فيها ميه خضره , بعد مالغتها ميه عاديه , انا هنضفها وربنا يسهل , معلش عندي كام سؤال
رجلاش الدبرياج منين؟؟؟
وعداد السرعه بيفصل وانا ماشي ويشتغل لوحدو على العلم اني غيرت العدادات قبل كده عشان كان فاصل والشاشه الديجيتال باظت دا كده عداد ولا ترس السرعه العالفتيس؟؟
نور الفرامل مش شغال دي كده كهربه ولا مكنه الاستوب???

من فضلك سؤال حضرتك اشتريت العدادات بكام ومنين ؟

[Sameh00]

أقصي سبعة في التكييف

معايا Clio 2003
بالتكيف اخرها ١٠٠-١٢٠ km
من غيره بتفتح عادي جبت بيها ١٤٠ و كانت عاوزة تاني ، دا طبيعي ؟ ان السرعة في التكييف تقل كدا

[ahmed9adel]

لأ طبعا.أنا يتالتكييف و الشنط جبت بيها 180 عادى.

[Sameh00]

طيب تفتكر المشكلة في آيه !؟
ملحوظة : أنا عربيتي ١٢٠٠ cc
ولما سالت قالولي ان في التكيف يحبها هيبقي تقبل بس أنا مش متاكد من الكلام دا !

[ahmed9adel]

أنا برضو معايا 1200 و زى الفل بالتكييف أو من غير, فى كذا سبب ممكن يقلل سحب العربية. إبتدى بالحاجات الخفيفة. غير البوجيهات و فلتر الهواء و فلتر البنزيين. لو مفرقتش جرب نضف بوابة الهواء. لو مفرقتش ممكن تكون طلمبة البنزيين ضعيفة أو الموبينة ضعيفة.

[helmymohamed]

لو سمحتو انا عندى الدبرياج عالى اوى يعنى عشان اطلع لازم اسيب دبرياج عالاخر مع انى لسه مغير طقم الدبرياج وبرضو فضل عالى
..رحت لكذا ميكانيكى عشان اظبطو قالو مفيهاش رجلاش ...حد يعرف فين رجلاشها ده؟؟؟

[ahmedfouad]

هى الدبرياج بتاعها عالى ومالهوش رجلاش فعلاً

[khaledfawzy777]

لو سمحت حد يعرف بتاع تكييف كويس و يكون امين انا عندى التكييف كل لما اشحنه شهر و يبقى بيطلع هواء سخن روحت لواحد قالى مفيش تسريب بس التلاجه عايزه تتغير طب هو التلاجه تخلى العربيه تتطلع هواء سخن بعد شهر من الشحن

[M_Mahmoud]

السلام عليكم

[M_Mahmoud]

السلام عليكم، عندي مشكله عويصه في عربيتي رينو كليو 2003 1200،دواسه البنزين بتفصل و الموتور يعد يعلي و ينزل بدون استجابه، بدات لما كنت بعمل زبط للعربيه و بعدين الميكانيكي في صقر قالي الموتور مش ثابت روح حطها علي الكمبيوتر، الراجل الله يباركله مسح و حط سوفت تاني و شال الايرور، ومن ساعتها اللمبه نورت بتاع الايرور و هاتك ياعك، يمين شمال قالي دي بوابه، غيرت بوابه بواحده استيراد و نفس العيب، قالي الكمبيوتر بردو كاتب بوابه، غيرتها بواحده تانيه و بردو مفيش، الميكانيكي قالي تعالي نشوف حد تانب كمبيوتر، قالو بوابه بردو، قولتلو اتغيرت بدل المره اتنين، قال يبقي دفيره، مع العلم اني لسه مغيرها من شهر عشان كانت اتبهدلت من الحراره، غيرتها و نفس العيب، رجعت بتاعتب تاني، و بدأت الف علي صقر قريش كلها، و في الاخر قالولي احنا مش عارفين، لو فيه كنترول نجربو، و ملقتش كنترول اجرب بيه، اقل واحد بفك الشفره بالف جنيه و مش هيرجع، وانا فب الموال ده من اسبوع و ورمت فلوس فب حاجات محلتش المشكله، مبقاليش غير اني ارمي نفسي في التوكيل، افيدوني افادكم الله و كل سنه وانتم بخير

[shiko21]

السيد m-mahmoud
المشكلة مش في البوابة المشكله عندك
لازم تغير حساس الاكسلتير مش موجود
في أي مكان متتعبش نفسك موجود بس
في التوكيل. الحساس تحت البطارية
مباشرة .اتمني انك ترد علي و تقول عملت اية

[M_Mahmoud]

شكرا shiko 21 علي الرد، انا مستني بعد العيد ان شاء الله واروح التوكيل

[حسن النجار]

الأخوة المحترمين
أنا عضو جديد في المنتدي القيم ولاحظت لدى الكثير روح المبادرة في الرد على الاستفسارات بخصوص الرينو. .
أنا لسه شاري الرينو كليو 2003 وماكانش فيها مشاكل من حوالي 3 شهور ، ومنذ يومين ذهبت الى محطة خدمة لغسل السيارة وقام العامل برش ماء بكثرة داخل الكبوت (على المحرك) ، وقمت بعدها بقيادة السيارة ولاحظت أن صوت الموتور أعلى وأسمع صوت حركة سير (لم أكن أسمعه من قبل) ، والعربية بتفصل عند الطلوع بها في الغيار الأول أكثر من مرة ، كلما رفعت قدمي من على الدبرياش ألاحظ ارتفاع الصوت وتبطيل العربية، بالإضافة إلى ذلك وجود رجرجة شديدة في العربية على الغيارين الأول والثاني وعلى الغيارات الأعلى بدرجة أقل، ولا أعلم أين المشكلة.
فأرجوا المساعدة علماً بأني حدث تعلم القيادة .
وجزاكم الله خيراً

[M_Mahmoud]

السلام عليكم، بعد معاناه و تعب عرفت سبب فصل دواسه البنزين و الموتور اللي بيعلي و يوطي، طلع فيشه حساس الاكسيليتير اللي تحت البطاريه زي ما الاستاذ shiko 21 ماقال، و بعد ملقيتها و ركبتها فضل العيب موجود، بس المره دي لقينا كنترول نجرب بيه و المشكله اتعرف سببها، اشتري بقي كنترول منين، لاني مرتحتش للاستيراد الموجود عند الراجل، ' مش مضمون، و التوكيل اكيد هيبقي غالي قوي، منين اجيبو جديد و يعمل كام، و لو استيراد، مين مكان مضمون بيبيع، و سمعت عن حاجه اسمها كنترول و طقم دواره، بالمفاتيح كلها عشان ميتفكش اي تشفير، افيدوني اهل الخبره