أسباب سوء سمعة الميجان (الحلقة الخامسة : اسئلة و اجوبة )

[magmastar]

السلام عليكم يا أهل الخير
أرجوالأفادة مافائدة ترمستات الي في كوع الحراره الميجانولكم جزيل الشكر

[Ahmed Selim]

السلام عليكم يا أهل الخير
أرجوالأفادة مافائدة ترمستات الي في كوع الحراره الميجانولكم جزيل الشكر

تقريباً على ما افتكر كان بيحدد أمتى دورة التبريد تشتغل و أمتى تفصل.........و أعتقد لو بايظ ممكن يقرا معاك درجة حرارة أعلى أو أقل من الطبيعى.

[gebreel]

الله ينور بجد علشان انا بموت في حاجة اسمها ميجان و نفسي اجبها و اخر حاجة سمعتها من الناس بقى
ان واحد كان سايق على 80 عادي خالص و ميدان قدامه فيه جزيرة في النص قام الكومبيوتر افش و خلى الدركسيون يقفش و راح داخل في الجزيرة و العربية مش فاكر قالي جابت ايه؟!

[bishoy02010]

الله ينور بجد علشان انا بموت في حاجة اسمها ميجان و نفسي اجبها و اخر حاجة سمعتها من الناس بقى
ان واحد كان سايق على 80 عادي خالص و ميدان قدامه فيه جزيرة في النص قام الكومبيوتر افش و خلى الدركسيون يقفش و راح داخل في الجزيرة و العربية مش فاكر قالي جابت ايه؟!

الإيشاعة ديه سببها ان واحد حصل معاه الموضوع ده فعلا هنا وكان واحد حاكيها فى المنتدى انه كان على كوبرى والدركسيون افش وهوة بيلف ووقف من غير اضرار بس محدش لسه عرف سبب كده إيه

[newuser2009]

مفيش دخان من غير نار
و فعلا سمعه العربيه وحشه جدا
كل لما اقول لحد عايز اشتريها يتخض و يرفض بكل ما اوتي من قوه
و ممكت يمسك في خناقي كمان
دي تقريبا العربيه الوحيده اللى الناس مختلفه عليها كليا
ناس كرهينها جدا و ناس حابينها جدا
بس طالما السوق مش قابلها كده تبقى مش مناسبه للسوق المصري
و قطع غيارها عاليه جدا جدا
مش معقول يعني اغير المرايه مثلا ب 1200 جنيه
السوق عايز العربيه اللي تعتمد عليها و قطع غيارها رخيصه و متوفره
و اخيرا لولا اختلاف الاذواق لبارت السلع

[newuser2009]

الإيشاعة ديه سببها ان واحد حصل معاه الموضوع ده فعلا هنا وكان واحد حاكيها فى المنتدى انه كان على كوبرى والدركسيون افش وهوة بيلف ووقف من غير اضرار بس محدش لسه عرف سبب كده إيه

دي كارثه كبيره
ازاي مش عارفين السبب
ازاي عربيه زي دي تعمل كده
دي ال 128 ما بتعملهاش
يمكن علشان كده عاملين ال 6 اير باج

و الله فعلا عربيه تخوف

[ahmedfd]

الميجان عربية كويسة جداً و منتشرة و الفكرة إن بعض الناس زي ما بيقولوا في أمريكا ..are not getting along with it
يعني في أمريكا مبيركبوش ولا بيجو ولا رينو ولا أوبل ولا سيتروين ولا فيات ... مش معنى كدة إنها عربيات وحشة... مجرد كيمياء

على الجانب الآخر عندنا في مصر فيه ناس بتعشق الرينو و خصوصاً الميجان و الدليل إنها فعلاً منتشرة بس ساعة البيع للأسف الإنطباعات المسبقة عن قطع الغيار و التكنولوجيا و الكلام ده بيأثر على سعر إعادة بيعها.

و على فكرة مراية جنب كاملة أصلي معتقدش هتقل في التوكيل عن السعر ده في الكورولا أو المازدا أو السيفيك أو الإلنترا أو السيراتو.

[أحمد كمال]

دي كارثه كبيره
ازاي مش عارفين السبب
ازاي عربيه زي دي تعمل كده
دي ال 128 ما بتعملهاش
يمكن علشان كده عاملين ال 6 اير باج :u_thin1[1]:

و الله فعلا عربيه تخوف

هي ما حصلتش مع حد و لا حاجة

هي واحد شاف عربية قفشت و ونش جه شالها ...... ايه بقى ملابسات الموقف محدش عارف .... و العربية و لا تخوف و لا حاجة

الميجان عربية كويسة جداً و منتشرة و الفكرة إن بعض الناس زي ما بيقولوا في أمريكا ..are not getting along with it
يعني في أمريكا مبيركبوش ولا بيجو ولا رينو ولا أوبل ولا سيتروين ولا فيات ... مش معنى كدة إنها عربيات وحشة... مجرد كيمياء

على الجانب الآخر عندنا في مصر فيه ناس بتعشق الرينو و خصوصاً الميجان و الدليل إنها فعلاً منتشرة بس ساعة البيع للأسف الإنطباعات المسبقة عن قطع الغيار و التكنولوجيا و الكلام ده بيأثر على سعر إعادة بيعها.

و على فكرة مراية جنب كاملة أصلي معتقدش هتقل في التوكيل عن السعر ده في الكورولا أو المازدا أو السيفيك أو الإلنترا أو السيراتو.

+1

[Sharky]

مفيش دخان من غير نار
و فعلا سمعه العربيه وحشه جدا
كل لما اقول لحد عايز اشتريها يتخض و يرفض بكل ما اوتي من قوه
و ممكت يمسك في خناقي كمان
دي تقريبا العربيه الوحيده اللى الناس مختلفه عليها كليا
ناس كرهينها جدا و ناس حابينها جدا
بس طالما السوق مش قابلها كده تبقى مش مناسبه للسوق المصري
و قطع غيارها عاليه جدا جدا
مش معقول يعني اغير المرايه مثلا ب 1200 جنيه
السوق عايز العربيه اللي تعتمد عليها و قطع غيارها رخيصه و متوفره
و اخيرا لولا اختلاف الاذواق لبارت السلع

انت نفسك قولتها الناس مختلفة عليها
ناس بتحبها جدا (و دول ملاكها و الدليل ملاك المنتدى أكتر من 30 واحد ) و ناس بتكرها (دول معظمهم غير ملاكها و اللى خافيين من التكنولوجيا و بيكرهو يعملوا صيانة فى التوكيل )

هي ما حصلتش مع حد و لا حاجة

هي واحد شاف عربية قفشت و ونش جه شالها ...... ايه بقى ملابسات الموقف محدش عارف .... و العربية و لا تخوف و لا حاجة

دا حقيقى دا غير ان الإشاعة دى طالعة عليها من 2005 :-)

[Col. Eng. Khaled]

أقول لحضراتكم حاجة أول مرة أتكلم عنها

أخويا الكبير لما عرف إني نويت خلاص على ميجان ، حكالي إنه شاف في إشارة بمنطقة

جياناكليس (ش أبو قير) إسكندرية واحد ببسكلته خبط إكسدام أمامي لميجان واقفة في الإشارة

راح الإكسدام وقع ، أكيد أخويا (على الأقل بالنسبة لي) مش كداب (و دي حقيقة) ، و العبد لله مش بالغباء بعد كل

إللي سمعته في الوقت دا و برضه أشتريها زيرو بالشيء الفلاني .........

لكن كل حاجة و لها ظروفها ، أستخرت و أخدت بالأسباب و إشتريت . الحمد لله رب العالمين

و من فضل الله العربية محققة لي ما أتمناه كسلعة و توكيل .

لكن أشتري من غيرما أدرس كويس السلعة بالنسبة لإحتياجاتي و ظروفي أكيد حشيل

زلط

[Ahmed Selim]

مفيش دخان من غير نار
و فعلا سمعه العربيه وحشه جدا
كل لما اقول لحد عايز اشتريها يتخض و يرفض بكل ما اوتي من قوه
و ممكت يمسك في خناقي كمان
دي تقريبا العربيه الوحيده اللى الناس مختلفه عليها كليا
ناس كرهينها جدا و ناس حابينها جدا
بس طالما السوق مش قابلها كده تبقى مش مناسبه للسوق المصري
و قطع غيارها عاليه جدا جدا
مش معقول يعني اغير المرايه مثلا ب 1200 جنيه
السوق عايز العربيه اللي تعتمد عليها و قطع غيارها رخيصه و متوفره
و اخيرا لولا اختلاف الاذواق لبارت السلع

أولاً المراية مش ب 1200 فى التوكيل.........بحوالى 2300

و سعرها مش غالى قوى بأعتبار فئة العربية و مقارنتها بالعربيات اللى من نفس الفئة.

برة التوكيل فى مراية ب 300 جم
و قطع الغيار برة التوكيل مش غالية......زيها زى قطع غيار اليابانى الأصلية....مش المضروبة.

و مين اللى قالك أن السوق مش قابلها...........أنزل سوق الجمعة و أنت سايق واحدة و شوف كام تاجر ( تاجر مش زبون ) هيوقفك عشان يشتريها.

هى مشكلتها كلها تتلخص فى الناس اللى مش عارفة حاجة و بتطلع أشاعات عليها

دي كارثه كبيره
ازاي مش عارفين السبب
ازاي عربيه زي دي تعمل كده
دي ال 128 ما بتعملهاش
يمكن علشان كده عاملين ال 6 اير باج

و الله فعلا عربيه تخوف

معرفش أنت عارف أن الدركسيون بتاعها باور كهرباء ولا لأ........بس هنفترض أنك عارف

تفتكر أيه اللى هيحصل لو صاحبها كان بيصلحها عند كهربائى أو ميكانيكى كفتة بوظلة ال lock mechanism ؟؟؟؟؟

و عموماً العربية اللى بيبقى فيها ال lock mechanism بايظ أصلاً مش بترضى تدور......

[أشرف العدوي]

الإيشاعة ديه سببها ان واحد حصل معاه الموضوع ده فعلا هنا وكان واحد حاكيها فى المنتدى انه كان على كوبرى والدركسيون افش وهوة بيلف ووقف من غير اضرار بس محدش لسه عرف سبب كده إيه

ده انا الي شوفت الموضوع ده
على الكوبري بتاع الجيزة
بس انا ما كانش قصدي اطلع اشاعة و الله و لا حاجة
هي حاجة حصلت قدامي و كانت العربية دايرة و العجل معوج ( علشان الراجل بعد ما طلع من الملف جه يعدل الدركسيون ما عدلش )
المهم انا بصراحة ما وقفتش كتير علشان ما اعمل ش زحمة على الكوبري لان واضح ان كان في سواق تاكسي واقف بيساعدة


انا بس ليه ملاحظة و مش عارف إذا كان ليها دخل في مشكلة الراجل ده و لا لاء

الي عارف الكوبري ده ( هو كوبري معدني ) و عبارة عن الواح صاج متسفلتة
الفواصل بين الواح الصاج عالية شوية ( هي بالطول مش بالعرض )
مرة كنت ماشي عادي على الكوبري ده و في الملف الملعون ده مشيت بالعجلة الي ناحيتي على حافة الفاصل ده
الفاصل دخل جوة نقشة الكاوتش وبقت العربية كأنها ماشية على شريط قطر لقيتها بتلف مع الفواصل و مالهاش دعوة بيا خالص و كنت هتقلب يوميها
ممكن ده يكون جزء من مشكلة الراجل ده و الله اعلم

بس و الله انا ما كنتش قاصد اطلع اشاعة
و لما حصلي الموقف بتاع الفاصل و افتكرته دلوقتي قولت ربما يكون ده السبب

[h_shendy]

سلسلة رائعة

حقيقة لقد استمتعت بجميع حلقات الموضوع اللي كنت محتاج أقراه من زمااان، فأنا من عشاق الميجان 2، ولكن الأوشعات اللي منتشره حواليها والكلام الغير دقيق أجل قرار شرائي لها حتى ضاعت فرصة شرائها زيرو فالميجان 3 على الأبواب وشكلها بصراحه مش زي سابقتها، التي أعتقد انها من أفضل السيارات المتواجدة في السوق في هذه الفئة ويمكن الفئة الأعلى منها لما تحتويه من عوامل الأمان والرفاهية، شكرا مرة أخرى على السلسة الرائعة وجعلها في ميزان حسنات من أصدرها.

[farahat]

حقيقة لقد استمتعت بجميع حلقات الموضوع اللي كنت محتاج أقراه من زمااان، فأنا من عشاق الميجان 2، ولكن الأوشعات اللي منتشره حواليها والكلام الغير دقيق أجل قرار شرائي لها حتى ضاعت فرصة شرائها زيرو فالميجان 3 على الأبواب وشكلها بصراحه مش زي سابقتها، التي أعتقد انها من أفضل السيارات المتواجدة في السوق في هذه الفئة ويمكن الفئة الأعلى منها لما تحتويه من عوامل الأمان والرفاهية، شكرا مرة أخرى على السلسة الرائعة وجعلها في ميزان حسنات من أصدرها.

بارك الله فيك و وفقك إلى ما فيه الخير
و ربنا يجعل الكلام دة مفيد للجميع بفضل الله

[h_shendy]

شاكر لك اهتمامك بالتعليق على كل مداخلة وهذا ما شجعني أن أضيف تساؤلي الذي وضعته بقسم المقارنات ولكن لا أحد يجيب، فإذا كان لديكم من المعلومات ما يفيد بهذا الخصوص أرجو إضافتها وجزاكم الله خيرا.

نص المداخلة في قسم المقارنات وهي للمقارنة بين سيات ليون فيس ليفت ورينو ميجان 3 الجديدة:

طب لو حبينا نسهل الموضوع، يعني نقسمها إلى عشرة رؤوس مواضيع مثلا وندي كل واحدة فيهم درجة من 10 ونجمع الدرجات لكل سيارة بحيث يكون الإجمالي من 100 يعني 90% أو 80% وهكذا، وبقترح العشرة عناصر التالية
1- الشكل الخارجي ودي طبعا مسأله أذواق
2- حجم الصالون الداخلي وتجهيزاته ونوعية الخامات المستخدمة فيه
3- عوامل الأمان والثبات على الطرق (كله بأمر الله ولكن نأخذ بالأسباب)
4- قدرة الموتور ونعومة الأداء
5- نظام نقل السرعات ومدى اعتماديته (يعني هل له مشاكل معروفة)
6- نظام التعليق وكفاءة العفشة ومدى نعومتها وملاءمتها للشارع المصري الحبيب
7- كفاءة التكييف وتأثيره على السحب
8- توفر قطع الغيار والعمر الافتراضي لها
9- سعر إعادة البيع (إن شاء الله مش ناوي أبيع قبل 3-4 سنوات)
10- التوكيل من حيث كفاءته وحسن المعاملة ومواعيد التسليم
طبعا لو المقارنه بتذكر خواص كل من السيارتين وتدعمها بالصور يبقى شيئ رااااائع وفي انتظار مشاركتكم