أسباب سوء سمعة الميجان (الحلقة الخامسة : اسئلة و اجوبة )

[farahat]

شاكر لك اهتمامك بالتعليق على كل مداخلة وهذا ما شجعني أن أضيف تساؤلي الذي وضعته بقسم المقارنات ولكن لا أحد يجيب، فإذا كان لديكم من المعلومات ما يفيد بهذا الخصوص أرجو إضافتها وجزاكم الله خيرا.

نص المداخلة في قسم المقارنات وهي للمقارنة بين سيات ليون فيس ليفت ورينو ميجان 3 الجديدة:

طب لو حبينا نسهل الموضوع، يعني نقسمها إلى عشرة رؤوس مواضيع مثلا وندي كل واحدة فيهم درجة من 10 ونجمع الدرجات لكل سيارة بحيث يكون الإجمالي من 100 يعني 90% أو 80% وهكذا، وبقترح العشرة عناصر التالية
1- الشكل الخارجي ودي طبعا مسأله أذواق
2- حجم الصالون الداخلي وتجهيزاته ونوعية الخامات المستخدمة فيه
3- عوامل الأمان والثبات على الطرق (كله بأمر الله ولكن نأخذ بالأسباب)
4- قدرة الموتور ونعومة الأداء
5- نظام نقل السرعات ومدى اعتماديته (يعني هل له مشاكل معروفة)
6- نظام التعليق وكفاءة العفشة ومدى نعومتها وملاءمتها للشارع المصري الحبيب
7- كفاءة التكييف وتأثيره على السحب
8- توفر قطع الغيار والعمر الافتراضي لها
9- سعر إعادة البيع (إن شاء الله مش ناوي أبيع قبل 3-4 سنوات)
10- التوكيل من حيث كفاءته وحسن المعاملة ومواعيد التسليم
طبعا لو المقارنه بتذكر خواص كل من السيارتين وتدعمها بالصور يبقى شيئ رااااائع وفي انتظار مشاركتكم

أولاً أحب اشكر حضرتك على ذوقك واسلوبك


بالنسبة لسؤال حضرتك كنت اتمنى يكون عندي معلومات تفيدك ، لكن لأسف سؤال حضرتك يتطلب إن الاجابة تكون مبنية على إنطباع شخصي أو خبرة بالسيارتين ، و بما إن احنا اتعودنا هنا إن إلي مايعرفش ميفتيش ، و للأسف أنا لم أجرب أي وحدة فيهم فأنا مش هقدر أفيدك ، أتماً حد من السادة الأعضاء يكون عنده الخبرة أو المعلومة الكافية لاجبت سؤالك ،
وربنا يوفقك للخير إن شاء الله

[h_shendy]

شاكر لك موضوعيتك واحترم فيك صراحتك، فللأسف نادرا ما تجد أحد يقول لا أعرف في هذه الأيام، شكرا مرة أخرى

[wawoo]

شاكر لك اهتمامك بالتعليق على كل مداخلة وهذا ما شجعني أن أضيف تساؤلي الذي وضعته بقسم المقارنات ولكن لا أحد يجيب، فإذا كان لديكم من المعلومات ما يفيد بهذا الخصوص أرجو إضافتها وجزاكم الله خيرا.

نص المداخلة في قسم المقارنات وهي للمقارنة بين سيات ليون فيس ليفت ورينو ميجان 3 الجديدة:

طب لو حبينا نسهل الموضوع، يعني نقسمها إلى عشرة رؤوس مواضيع مثلا وندي كل واحدة فيهم درجة من 10 ونجمع الدرجات لكل سيارة بحيث يكون الإجمالي من 100 يعني 90% أو 80% وهكذا، وبقترح العشرة عناصر التالية
1- الشكل الخارجي ودي طبعا مسأله أذواق
م 8.5
ل7.5
2- حجم الصالون الداخلي وتجهيزاته ونوعية الخامات المستخدمة فيه
م 8
ل7
3- عوامل الأمان والثبات على الطرق (كله بأمر الله ولكن نأخذ بالأسباب)
م 8.5
ل 7.5
4- قدرة الموتور ونعومة الأداء
م 7
ل 7
5- نظام نقل السرعات ومدى اعتماديته (يعني هل له مشاكل معروفة)
م 7
ل 7
6- نظام التعليق وكفاءة العفشة ومدى نعومتها وملاءمتها للشارع المصري الحبيب
م 8
ل 8
7- كفاءة التكييف وتأثيره على السحب
م 8.5
ل 7
8- توفر قطع الغيار والعمر الافتراضي لها
م 8
ل 7
9- سعر إعادة البيع (إن شاء الله مش ناوي أبيع قبل 3-4 سنوات)
م 7
ل 6
10- التوكيل من حيث كفاءته وحسن المعاملة ومواعيد التسليم
م 8
ل 6
طبعا لو المقارنه بتذكر خواص كل من السيارتين وتدعمها بالصور يبقى شيئ رااااائع وفي انتظار مشاركتكم

النتيجة من فى رايى :
ميجان =78
ليون = 70

ممكن تشوف الموضوع دة فى صور للميجان 3 الجديدة و تجارب مختلفة

http://www.nilemotors.net/Nile/126125-megane-iii.html

[h_shendy]

هذا كلام زين، هل من مزيد، شاكرين مهللين

[Gabrial]

هذا كلام زين، هل من مزيد، شاكرين مهللين

حضرتك ممكن تشوف الموضوع دة ،إن شاء الله يفيدك ،بالتوفيق إن شاء الله.

http://www.nilemotors.net/Nile/132325-seat-leon-dsg-vs-renault-megan-iii-hb.html

[retaliation]

شكرا يا عالمي

[ahmedlebro]

السلام عليكم كان ليه إستفسار صغير ممكن أعرف إيه هي مقابلة رينو دي وبتعملوها فين
معلش عشان أنا عضو جديد ومعايا ميجان هاتشباك ٢٠٠٥ sbd

[yasser_2204]

يبقى دلوقتي المشكلة في ادارة الجودة في رينو التي لم تراقب بصورة صارمة على المواد المجمعة من الشركات الاخرى . غير مقبول نهائيا للزبون ان يذهب للتوكيل لتغيير او اصلاح اي شيئ ولو بدون مقابل بدعوى رداءة الخامات او التجميع خارج فرنسا. فالخاسر الحقيقي هو الشركة التي تضع اللوجو على السيارة

[schrief]

سلام عليكم أستاذ فرحات أعجبنى بشدة شرحك المتميز عن الميجان بارك اللة فيك أود أستفسر منك
أفكر فى شراء سيارة ميجان 2005 او 2006 ولكن طبيعة عملى تتطلب السفر الكثير الى الاسكندرية حوالى 4 ايام فى الاسبوع حيث اذهي صباحا من القاهرة الى الاسكندرية واعود قبل المغرب مرة اخرى الى القاهرة
هل الميجان مناسبة للسفر الكثير وما كمية إستهلاك البنزين المناسب لمثل هذة السفريات ؟

[farahat]

سلام عليكم أستاذ فرحات أعجبنى بشدة شرحك المتميز عن الميجان بارك الله فيك أود أستفسر منك
أفكر فى شراء سيارة ميجان 2005 او 2006 ولكن طبيعة عملى تتطلب السفر الكثير الى الاسكندرية حوالى 4 ايام فى الاسبوع حيث اذهي صباحا من القاهرة الى الاسكندرية واعود قبل المغرب مرة اخرى الى القاهرة
هل الميجان مناسبة للسفر الكثير وما كمية إستهلاك البنزين المناسب لمثل هذة السفريات ؟

أشكرك أستاذ شريف على ثقتك الغالية .
رأي الشخصي إن الميجان سيارة مناسبة جداً لطلب حضرتك ، لأنها سيارة سريعة ومريحة ، وحضرتك بنظام استهلاكك دة مش هتشتيكي من بعد شكاوي الملاك الأخرين لموديلات 2005-2006 ، يعني مثلاً حدريك مشوارك طوالي يعني مش هتقابل النتشة الشهيرة بتاعة الفتيس ما بين الأول والتاني وإلي ناس كتير بتضايق منها (ولو انها مش مشكلة أصلاً ).
العفشة ناعمة جداً ومريحة وفي نفس الوقت ثابتة ، مش هتحس انك سايق غير يمكن بعد سرعة 170 ، وبالتالي في السفر هتكون مريحة جداً ليك .


بالنسبة للإستهلاك دة هيكون متوقف على قيادة حضرتك ، لو حضرتك هتجري وتشد جامد (يعني هتعدي ال-120 فما فوق ) هتلاقي الإستهلاك في حدود 7 لتر لكل 100 كيلو ، يعني حوالي 30 لتر في السفرية ، لكن لو ماشي في حدود المعقول (يعني 90 -100 ) هتلاقي الإستهلاك في حدود 5.6 إلى 6 لتر لكل 100 كيلو يعني السفرية كلها هتاخد حوالي 23-24 لتر ، دة على أساس إن مشوار اسكندرية حوالي 400-450 كيلو .


النقطة الأهم في الموضوع دة إن كدة إستهلاك حضرتك هيكون حوالي 2000 كيلو في الإسبوع (سفر زائد مشاوير )، يعني تقريباً هتعمل العشرة الآف كيلو بتوع الصيانة في ظرف شهر أو أكتر شوية ، يعني لازم تكون مهيأ إن كل شهر في بند صيانة دورية وكل 6 شهور في صيانة شاملة ، عشان تحافظ على السيارة وتفضل معاك بدون أي مفاجأت .


وبالتوفيق إن شاء الله

[darkman7764]

اشكركم على الموضوع واخيرا لقيت مكان افضفض فيه عن عربيتى الميجان:
1- اشتريت السيارة فى ابريل 2007 وفى اكتوبر 2007 سافرت السعودية وهى عاملة 7000
2- فى صيف 2008 فى الاجازة وفى مرسى مطروح زجاج السيارة الامامى يمين وقع واضطريت للعودة للقاهرة
3- اصلحت السلك المقطوع بتبديل الماكينة بالكامل فى التوكيل ب 2000 جنيه
4- غيرت البطارية (مقبولة بما انها كانت مركونة سنة)
5- كل التابلوه الامامى عليه فيلم رقيق اسود وقشر وبقى شكلها زبالة (مرفوعة فى جراج ومتغطية)
5- فى صيف 2009 وقع الزجاج الامامى يسار (والله العظيم) وتم تغييره ب 2000 مع ان الماكينة سليمة بس الوير
6- واحد بتاع دليفرى كسر زجاج الفانوس الامامى يمين ودفعت 1500 لتغييره
7- فى صيف 2010 فرامل اليد لا تصل الى مشوارها والمطلوب 2400 لتغييرها ورفضت وماشى من غيرها
8- فى ديسمبر 2010 ارسلت السيارة مع صديق لعمل صيانة ال 30 الف وبعد مارجعت اجازة سريعة فى ابريل 2011 اكتشفت ان التكييف لايعمل
9- ذهبت للتوكيل قالو ان كمبرسور التكييف محروق ولازم يتغير وبما ان السيارة مر عليها اكثر من 3 سنوات فهى خارج الضمان والمطلوب 6000 كمبرسور و1000 مصنعيات
10- ارسلت لفرنسا وللشركة العالمية ولطوب الارض طالبا منهم تقرير فنى بما انى مهندس كهرباء عن اسباب احتراق الكمبرسور وفين الفيوزات والحماية وكيف يحدث هذا والسيارة عاملة 30 الف وخاصة ان هذا حدث بعد خروجها من الصيانة والحمد لله ردوا عليا وقالوا مافيش تقرير وكل اللى نقدر نعمله نديك خصم 15% على اللكمبرسور.طبعا رفضت وماشى من غير تكييف
11- اخيرا المدام كسرت وش الفانوس الامامى يسار ومطلوب 1500 لتصليحه

حد ياخدها ويبدل ب شيرى او Q&Q

[Ahmed Selim]

11- اخيرا المدام كسرت وش الفانوس الامامى يسار ومطلوب 1500 لتصليحه

حد ياخدها ويبدل ب شيرى او q&q

ممكن حضرتك تشتريه من بره التوكيل بحوالى 400 أو 500 جديد تايوانى.

[Ahmed Selim]

1- اشتريت السيارة فى ابريل 2007 وفى اكتوبر 2007 سافرت السعودية وهى عاملة 7000
2- فى صيف 2008 فى الاجازة وفى مرسى مطروح زجاج السيارة الامامى يمين وقع واضطريت للعودة للقاهرة
3- اصلحت السلك المقطوع بتبديل الماكينة بالكامل فى التوكيل ب 2000 جنيه
4- غيرت البطارية (مقبولة بما انها كانت مركونة سنة)
5- كل التابلوه الامامى عليه فيلم رقيق اسود وقشر وبقى شكلها زبالة (مرفوعة فى جراج ومتغطية)
5- فى صيف 2009 وقع الزجاج الامامى يسار (والله العظيم) وتم تغييره ب 2000 مع ان الماكينة سليمة بس الوير
6

معلش سؤال يا باشمهندس....

يعنى أيه الزجاج وقع.....هل قصدك أنه حاجة كسرته و لا أيه بالظبط ؟
و سلك أيه اللى أتقطع.....سلك ماكينة الأزاز ؟
و برضه نصيحة......حضرتك حاطط نفسك فى خانة التوكيل بس ليه ؟
يعنى ماكينة الأزاز أستيراد أعتقد بحوالى 400 أو 500 لأن الباب كله كان فى حدود ال 1500 إستيراد

[Col. Eng. Khaled]

الباب كامل إستيراد تمنه 800 جنيه لسه شاريه لزميل لنا في المنتدى

[Ahmed Selim]

الباب كامل إستيراد تمنه 800 جنيه لسه شاريه لزميل لنا في المنتدى

عود أحمد يا كبيرنا