للاسف اشتريت ميجان

[ashraf3]

السلام عليكم ورحمة الله وبركاتة
واضح من عنوان المشاركة اني نادم على شراء الميجان
فقد اشتريت سيارة ميجان 2005 منذ ايام قليلة رغم ان لدي سيارة اوبترا لكني اعجبت بها من قراءتي عنها وبصراحة احسست بعدم الراحة النفسية عند قيادتها على خلاف الاوبترا حيث اني لم اكشف عليها في التوكيل واعتمدت على احد الاشخاص الخبرة في هذا المجال ولكني ندمت على ذلك للاسباب الاتية
1- جميع الابواب تصدر اصوات كما لو كانت غير مغلقة جيداً
2- يوجد صوت طقة تُسمع من الخلف في الناحية الشمال
3- لون السيارة باهت الى حد كبير
4- الكارت الثاني لا يعمل
5- تسارع السيارة بطئ جداً
6- ال سي دي بة احد السيديهات محشور بها ولا يريد ان يخرج
7- ولكن ما جعلني اقلق بالفعل هو انني عند سفري الى شرم الشيخ لاحظت ان السيارة لا تستجيب معي ووقفت على سرعة 110كم فقط ولا تريد ان تزيد السرعة مهما ضغط على دواسة البنزين ولكن عندما ضغط مرة واحدة لاحظت ان عداد ال ار بي ام ارتفع جدا ثم بدأت السيارة في زيادة السرعه حتى توصلت الى سرعة 130 كم س فقط واحسست برعشة غريبة في السيارة مع ظهور رسالة Check GearBox وعندما تعود السرعة الى اقل من 110 كم س تعود الى وضعها السابق في عدم زيادة السرعة عن 110 رغم ان مالكتها القديمة قالت لي انها لايوجد بها مثبت سرعة
8- توجد رائحة بنزين داخل السيارة بعد التفويل وتختفي عندما يقل منسوب البنزين في التنك
فرجاء الى اهل الخبرة افيدوني عن السبب وكيفية العلاج وياليتني لم اشتري سيارة مستعملة
وشكراً لكم جميعاً

[crayvor]

السلام عليكم ورحمة الله وبركاتة
واضح من عنوان المشاركة اني نادم على شراء الميجان
فقد اشتريت سيارة ميجان 2005 منذ ايام قليلة رغم ان لدي سيارة اوبترا لكني اعجبت بها من قراءتي عنها وبصراحة احسست بعدم الراحة النفسية عند قيادتها على خلاف الاوبترا حيث اني لم اكشف عليها في التوكيل واعتمدت على احد الاشخاص الخبرة في هذا المجال ولكني ندمت على ذلك للاسباب الاتية
1- جميع الابواب تصدر اصوات كما لو كانت غير مغلقة جيداً
2- يوجد صوت طقة تُسمع من الخلف في الناحية الشمال
3- لون السيارة باهت الى حد كبير
4- الكارت الثاني لا يعمل
5- تسارع السيارة بطئ جداً
6- ال سي دي بة احد السيديهات محشور بها ولا يريد ان يخرج
7- ولكن ما جعلني اقلق بالفعل هو انني عند سفري الى شرم الشيخ لاحظت ان السيارة لا تستجيب معي ووقفت على سرعة 110كم فقط ولا تريد ان تزيد السرعة مهما ضغط على دواسة البنزين ولكن عندما ضغط مرة واحدة لاحظت ان عداد ال ار بي ام ارتفع جدا ثم بدأت السيارة في زيادة السرعه حتى توصلت الى سرعة 130 كم س فقط واحسست برعشة غريبة في السيارة مع ظهور رسالة check gearbox وعندما تعود السرعة الى اقل من 110 كم س تعود الى وضعها السابق في عدم زيادة السرعة عن 110 رغم ان مالكتها القديمة قالت لي انها لايوجد بها مثبت سرعة
8- توجد رائحة بنزين داخل السيارة بعد التفويل وتختفي عندما يقل منسوب البنزين في التنك
فرجاء الى اهل الخبرة افيدوني عن السبب وكيفية العلاج وياليتني لم اشتري سيارة مستعملة
وشكراً لكم جميعاً

أغلب الظن انها اوتو والفتيس عاوز يتغير.. وبالنسبة لصوت الأبواب بيتسمع من الباب نفسه ولا الزجاج؟
حاجة تانية العربية عاملة كام كيلو؟ واشتريت بكام؟الحالة اللي بتقول عليها دي غالبا معدية ال 140 150 ألف وماتعملهاش صيانات كتير.. غالبا كانت عربية تأجير. شيك علي التيل والطنابير والزيوت.

بص من الآخر.. عليك وعلي التوكيل يطلعلك تقرير كامل بيها.

نقطة كمان.. طالما اشتريت جديد ماتشتريش مستعمل بعده غير لو حالة شاذة جدا.

[وائل مختار]

واضح فعلا انك استعجلت فى الشراء على العموم حصل خير وده لا يقلل ابدا من الميجان لانها عربيه محترمه جدا جدا جدا لكنها محتاجه اهتمام ، رأى الشخصى انك تبيع العربيه دى وبلاش تتدخل نفسك فى متاهات بما انك مش مستريح ليها بلاش تدخل فى اصلاحات ومصاريف وفى الاخر مش هتبقى مبسوط برضه ،،، بالتوفيق

[ashraf3]

أغلب الظن انها اوتو والفتيس عاوز يتغير..

يتغير ؟؟ لية ؟ وبكام ؟

وبالنسبة لصوت الأبواب بيتسمع من الباب نفسه ولا الزجاج؟

من الباب نفسة

حاجة تانية العربية عاملة كام كيلو؟
واشتريت بكام؟

12000 كم

الحالة اللي بتقول عليها دي غالبا معدية ال 140 150 ألف وماتعملهاش صيانات كتير.. غالبا كانت عربية تأجير. شيك علي التيل والطنابير والزيوت.

كانت مع بنت

بص من الآخر.. عليك وعلي التوكيل يطلعلك تقرير كامل بيها.

نقطة كمان.. طالما اشتريت جديد ماتشتريش مستعمل بعده غير لو حالة شاذة جدا.

عندك حق بس اللي حصل

[speed_magnum]

مش هزعلك واقلك انك اتسرعت وكان المفروض تكشف في التوكيل والذي منه. ...
بس ميزة العربيات دي انها لما بيكون فيها عيب ويتصلح بتحس انك ركبت عربيه جديده. .....
وديها التوكيل وهناك هيجيبولك من الاخر

[ashraf3]

واضح فعلا انك استعجلت فى الشراء على العموم حصل خير وده لا يقلل ابدا من الميجان لانها عربيه محترمه جدا جدا جدا لكنها محتاجه اهتمام ، رأى الشخصى انك تبيع العربيه دى وبلاش تتدخل نفسك فى متاهات بما انك مش مستريح ليها بلاش تدخل فى اصلاحات ومصاريف وفى الاخر مش هتبقى مبسوط برضه ،،، بالتوفيق

واضح فعلاً ان انا استعجلت وانضحك علية
ومعقولة ابيع تاني وانا لسة شاريها من ايام ؟ اكيد حخسر فيها
عموما شكراً مستر crayvor ومستر وائل مختار

[ashraf3]

مش هزعلك واقلك انك اتسرعت وكان المفروض تكشف في التوكيل والذي منه. ...
بس ميزة العربيات دي انها لما بيكون فيها عيب ويتصلح بتحس انك ركبت عربيه جديده. .....
وديها التوكيل وهناك هيجيبولك من الاخر

لا زعلني لان واضح ان انا فعلاً اتسرعت أوي
وربنا يستر حتى اعود من شرم الشيخ
ولك مني جزيل الشكر

[د.محمود صلاح]

لا تندم على ما فعلت قدر الله وماشاء فعل :-

امامك خسارتين لا محالة اختار لك احدهما :-

اعادة بيع السيارة وانت ونصيبك

تصليح ما يلزم من خلل في التوكيل او في ورش متخصصة في الحرفيين .. اعتقد ان المشاكل بسيطة ومش هتكلف اكتر من 5 الاف جنيه لو اتعرفت ايه هي صح واتبدلت القطع التالفة صح ..

والميجان سيارة رفاهية حلوة اوي بس لو صيانتها منتظمة بدون اهمال في التوكيل وتكاليف الصيانات طبعا من 700 جنيه وانت طالع لتصل الى 2200 كل 60 الف كم بسبب تبديل طلمة المياه والسيور وخلافه ... وما تستغربش او تستغلى الفلوس دي لأن اي سيارة حديثة هو كده نظامها وإلا نرجع للادا وال 128 وال 132 ... والخ

[crayvor]

سيدي الفاضل انا الحمد لله بعت واشتريت حوالي 5 عربيات وباجيبلك من الآخر.. سوق السيارات 90% منه ماشي بالنصب الا من رحم ربي.

محلات تأجير السيارات صاحب المحل عمره ما كان أهبل عشان يخلي العربية باسمه..
بيخليها باسم الأولاد / الزوجة / شركاء من الباطن.. أي حاجة المهم لما ييجي يبيع تبان انها بتاعة شاب- فتاه - سيدة - موظف حكومي.. المهم تبقي بعيد عنه عشان ازالة الشك.. نفس الكلام دي عربية ايجار ومكتوبة باسم واحدة ليس الا.. أكبر دليل عندك في كام نقطة:

الأبواب بتطلع صوت وانا كنت بتأكد انه الباب مش مجرد الزجاج عارف ليه؟ حتلاقي دايما العربيات المتأجرة اللي بتبقي ف الأفراح أو لو (لا مؤاخذة) مأجرها حبة سرسجية تلاقيهم بينزلو الزجاج وبيقعدو ع الباب.. ده طبعا بيخلي مفصلات الباب والباب نفسه يريحو ويروحو ف داهية

نقطة تانية:
انت قولت 12 ألف أو 120 ألف.. لو 12 ألف بحالة العربية دي يبقي صاحب العربية كان فاصل فيشة عداد الكيلو. أما لو 120 ألف فهل فيه "فتاه" بتمشي 47 كيلو يوميا؟ لأن 120 ألف كيلو عشان تعملهم في 7 سنين محتاج تعمل يوميا 47 كيلو بدون يوم واحد راحة للعربية.

نقطة تالتة:
هل صاحب عربية زي الميجان حايطنش موضوع الكاسيت ده ويسيبه علي حاله كدة؟

أما موضوع الفتيس فا دي حاجة في دماغي ان النقلة الخامسة فيها حاجة غلط فا العربية شغالة علي 4 نقلات بس.. لما حاولت تدي كيك داون العربية جابت آخر الرابع (الار بي ام علي لغابة الرد زون) فحاولت تنقل للخامس ماعرفتش ومن هنا طلعلك رسالة Check Gearbox معناها ان فيه حاجة غلط والنقلة مش شغالة.. برضه مجرد نظرية مش قادر أاكدها بس معني ان الار بي ام بيدي معاك ان الموتور نفسه تقريبا سليم.

الطقة اللي ورا حضرتك مش موضح بالضبط بس دي حاجة من 3 - تيل يا طنبور يا مساعد.

بص عندك حل من اتنين.. اما انك تروح التوكيل تشوف العربية من أول ما تدخل لغاية ما ان شاء الله تطلع عروسة تكلفك كام.. يا اما تبيع علي طول لو مش عاوز توجع دماغك.. بس وضح العربية فيها ايه للي حاتبيعله عشان ربنا يباركلك في الفلوس حتلي لو حاتخسر.. تخسر حبة وربنا يعوضك فيهم ان شاء الله أحسن ما تاخد حبة زيادة مافيهمش بركة.

وبعد كدة الناس دي مابتخافش غير من كلمة واحدة.. التوكيل.. ماتشتريش غير بعد الفحص في التوكيل وأي نصاب بيتحجج بأي حجة زي: مافيش وقت - ماتقلقش دي عربية زي الفل - عيب عليك حاتشك فيا (علي أساس انه كان أخويا قبل كدة) - دي ناس مفترية.. أصل مستعجل ولو ماخلصتش معايا فيه واحد حايخلص بكرة الصبح.. كل دول ابعد عنهم

وللعلم توكيل رينو بيبيع عربيات رينو استعمال بضمانه الشخصي.. أحسنلك لو شفت حاجة من هناك

[hossam_elwani]

ارجو تغيير عنوان الموضوع الى (للاسف اشتريت ميجان من غيرما اكشف فى التوكيل)

تزييق الابواب حله هو wd40

التسارع والخنقه ممكن يكون حساسات وفلاتر وتنظيف بوابه ومش اكتر

[crayvor]

لا تندم على ما فعلت قدر الله وماشاء فعل :-

امامك خسارتين لا محالة اختار لك احدهما :-

اعادة بيع السيارة وانت ونصيبك

تصليح ما يلزم من خلل في التوكيل او في ورش متخصصة في الحرفيين .. اعتقد ان المشاكل بسيطة ومش هتكلف اكتر من 5 الاف جنيه لو اتعرفت ايه هي صح واتبدلت القطع التالفة صح ..

والميجان سيارة رفاهية حلوة اوي بس لو صيانتها منتظمة بدون اهمال في التوكيل وتكاليف الصيانات طبعا من 700 جنيه وانت طالع لتصل الى 2200 كل 60 الف كم بسبب تبديل طلمة المياه والسيور وخلافه ... وما تستغربش او تستغلى الفلوس دي لأن اي سيارة حديثة هو كده نظامها وإلا نرجع للادا وال 128 وال 132 ... والخ

مع احترامي لوجهة نظرك طبعا بس الحاجات دي بلاش أي حد يلعب فيها غير التوكيل.. وتوكيل رينو محترم لو فيه أي حاجة اتعملت غلط هو مسئول يعيدها من تاني أحسن ما يوديها لواحد يا يطلعهاله ملكة يا تطلع خرابة انت وحظك.

ارجو تغيير عنوان الموضوع الى (للاسف اشتريت ميجان من غيرما اكشف فى التوكيل)

تزييق الابواب حله هو wd40

التسارع والخنقه ممكن يكون حساسات وفلاتر وتنظيف بوابه ومش اكتر

فيه بس سوء تفاهم بسيط.
الأبواب مش بتزيق الأبواب ملخلخة وهي مقفولة

[ashraf3]

لا تندم على ما فعلت قدر الله وماشاء فعل :-

امامك خسارتين لا محالة اختار لك احدهما :-

اعادة بيع السيارة وانت ونصيبك

تصليح ما يلزم من خلل في التوكيل او في ورش متخصصة في الحرفيين .. اعتقد ان المشاكل بسيطة ومش هتكلف اكتر من 5 الاف جنيه لو اتعرفت ايه هي صح واتبدلت القطع التالفة صح ..

والميجان سيارة رفاهية حلوة اوي بس لو صيانتها منتظمة بدون اهمال في التوكيل وتكاليف الصيانات طبعا من 700 جنيه وانت طالع لتصل الى 2200 كل 60 الف كم بسبب تبديل طلمة المياه والسيور وخلافه ... وما تستغربش او تستغلى الفلوس دي لأن اي سيارة حديثة هو كده نظامها وإلا نرجع للادا وال 128 وال 132 ... والخ

فعلاً حاجة تحير
بس مضطر احاول اصلح اللي فيها ولو على مراحل بس 5 الاف جنية تكاليف اصلاح + 2200 تكاليف صيانة ال 120 الف كم
وطبعاً لازم استغرب الفلوس دي شوية علشان انا عندي اوبترا مبتكلفنيش المبالغ دي
ولك مني الشكر والتحية

[Ahmed Selim]

السلام عليكم ورحمة الله وبركاتة
واضح من عنوان المشاركة اني نادم على شراء الميجان
فقد اشتريت سيارة ميجان 2005 منذ ايام قليلة رغم ان لدي سيارة اوبترا لكني اعجبت بها من قراءتي عنها وبصراحة احسست بعدم الراحة النفسية عند قيادتها على خلاف الاوبترا حيث اني لم اكشف عليها في التوكيل واعتمدت على احد الاشخاص الخبرة في هذا المجال ولكني ندمت على ذلك للاسباب الاتية
1- جميع الابواب تصدر اصوات كما لو كانت غير مغلقة جيداً
2- يوجد صوت طقة تُسمع من الخلف في الناحية الشمال
3- لون السيارة باهت الى حد كبير
4- الكارت الثاني لا يعمل
5- تسارع السيارة بطئ جداً
6- ال سي دي بة احد السيديهات محشور بها ولا يريد ان يخرج
7- ولكن ما جعلني اقلق بالفعل هو انني عند سفري الى شرم الشيخ لاحظت ان السيارة لا تستجيب معي ووقفت على سرعة 110كم فقط ولا تريد ان تزيد السرعة مهما ضغط على دواسة البنزين ولكن عندما ضغط مرة واحدة لاحظت ان عداد ال ار بي ام ارتفع جدا ثم بدأت السيارة في زيادة السرعه حتى توصلت الى سرعة 130 كم س فقط واحسست برعشة غريبة في السيارة مع ظهور رسالة Check GearBox وعندما تعود السرعة الى اقل من 110 كم س تعود الى وضعها السابق في عدم زيادة السرعة عن 110 رغم ان مالكتها القديمة قالت لي انها لايوجد بها مثبت سرعة
8- توجد رائحة بنزين داخل السيارة بعد التفويل وتختفي عندما يقل منسوب البنزين في التنك
فرجاء الى اهل الخبرة افيدوني عن السبب وكيفية العلاج وياليتني لم اشتري سيارة مستعملة
وشكراً لكم جميعاً

السلام عليكم

أولاً قدر الله و ما شاء فعل

ثانياً إجاباتي كالأتي

1- جرب ترش wd40 على مفصلات و كوالين الأبواب و الشنطة
2- محتاج وصف أكتر
3- هل اللون كان كده من ساعة ما أشتريتها ولا حصل فيه تغيير ؟
4- الكارت التاني برضه مش شغال فجأة و لا مكنش شغال من الأول ؟ و هل بيفتح الأبواب بس ولا بيدور العربية بس ولا مش بيعمل دي ولا دي ؟
5 و 7 - من الواضح أن السيارة كان صاحبها غير مهتم بصيانتها....

ممكن تشوف البوجيهات و فلتر البنزين و فلتر الهواء كبداية قبل ما تشوف حاجة تاني.
6- جيب كارت شخصي ( business card ) و دخل طرفه فى السي دي بزاوية مايلة لتحت بحيث أنه يكون تحت السيديهاية مع الضغط على زرار eject.
8- حاول تخللى حد يبصلك على طرمبة و عوامة البنزين.........بيبقى فيهم جوان كاوتش من جوة العربية المفروض بيمنع تسريب البنزين........ممكن تلاقي الجوان ده بايظ...........بس خللى بالك علشان فك الطرمبة محتاج مفتاح خاص مش هتلاقيه غير عند حد متخصص رينو.......غير كده ممكن يكسر له الطرمبة لأنها بلاستيك.

[ashraf3]

سيدي الفاضل انا الحمد لله بعت واشتريت حوالي 5 عربيات وباجيبلك من الآخر.. سوق السيارات 90% منه ماشي بالنصب الا من رحم ربي.

واضح اني اتنصب علية

محلات تأجير السيارات صاحب المحل عمره ما كان أهبل عشان يخلي العربية باسمه..
بيخليها باسم الأولاد / الزوجة / شركاء من الباطن.. أي حاجة المهم لما ييجي يبيع تبان انها بتاعة شاب- فتاه - سيدة - موظف حكومي.. المهم تبقي بعيد عنه عشان ازالة الشك.. نفس الكلام دي عربية ايجار ومكتوبة باسم واحدة ليس الا.. أكبر دليل عندك في كام نقطة:
الأبواب بتطلع صوت وانا كنت بتأكد انه الباب مش مجرد الزجاج عارف ليه؟ حتلاقي دايما العربيات المتأجرة اللي بتبقي ف الأفراح أو لو (لا مؤاخذة) مأجرها حبة سرسجية تلاقيهم بينزلو الزجاج وبيقعدو ع الباب.. ده طبعا بيخلي مفصلات الباب والباب نفسه يريحو ويروحو ف داهية

طبعاً دة احتمال كبير بس شربتها وانتهى الموضوع

نقطة تانية:
انت قولت 12 ألف أو 120 ألف.. لو 12 ألف بحالة العربية دي يبقي صاحب العربية كان فاصل فيشة عداد الكيلو. أما لو 120 ألف فهل فيه "فتاه" بتمشي 47 كيلو يوميا؟ لأن 120 ألف كيلو عشان تعملهم في 7 سنين محتاج تعمل يوميا 47 كيلو بدون يوم واحد راحة للعربية.

العربية عاملة 112000 كم

نقطة تالتة:
هل صاحب عربية زي الميجان حايطنش موضوع الكاسيت ده ويسيبه علي حاله كدة؟

لا اعلم

أما موضوع الفتيس فا دي حاجة في دماغي ان النقلة الخامسة فيها حاجة غلط فا العربية شغالة علي 4 نقلات بس.. لما حاولت تدي كيك داون العربية جابت آخر الرابع (الار بي ام علي لغابة الرد زون) فحاولت تنقل للخامس ماعرفتش ومن هنا طلعلك رسالة check gearbox معناها ان فيه حاجة غلط والنقلة مش شغالة.. برضه مجرد نظرية مش قادر أاكدها بس معني ان الار بي ام بيدي معاك ان الموتور نفسه تقريبا سليم.

طيب والحل

الطقة اللي ورا حضرتك مش موضح بالضبط بس دي حاجة من 3 - تيل يا طنبور يا مساعد.

الطقة دي باسمعها لما اعدي على اي مطب او مجرد اي علو او حفرة بسيطة في الطريق
بص عندك حل من اتنين.. اما انك تروح التوكيل تشوف العربية من أول ما تدخل لغاية ما ان شاء الله تطلع عروسة تكلفك كام.. يا اما تبيع علي طول لو مش عاوز توجع دماغك.. بس وضح العربية فيها ايه للي حاتبيعله عشان ربنا يباركلك في الفلوس حتلي لو حاتخسر.. تخسر حبة وربنا يعوضك فيهم ان شاء الله أحسن ما تاخد حبة زيادة مافيهمش بركة.

يأخي انا بايع سيارة قبل كدة والله قلت للشاري على كل شئ لدرجة انة قالي في النهاية ( انت طيب اوي ومش كل حاجة في العربية تقلها ) وبقينا اصدقاء جداً حتى اليوم
والحمد لله عمري ما هلجأ للغش حتى لو خسرت ثمنها كلة

وبعد كدة الناس دي مابتخافش غير من كلمة واحدة.. التوكيل.. ماتشتريش غير بعد الفحص في التوكيل وأي نصاب بيتحجج بأي حجة زي: مافيش وقت - ماتقلقش دي عربية زي الفل - عيب عليك حاتشك فيا (علي أساس انه كان أخويا قبل كدة) - دي ناس مفترية.. أصل مستعجل ولو ماخلصتش معايا فيه واحد حايخلص بكرة الصبح.. كل دول ابعد عنهم

هو دة اللي حصل معايا للأسف وخدعوني ببساطة

وللعلم توكيل رينو بيبيع عربيات رينو استعمال بضمانه الشخصي.. أحسنلك لو شفت حاجة من هناك

اما اصلح العربىه اللي معايا وابيعها الاول
وانا شاكر ليك جداً

[ashraf3]

ارجو تغيير عنوان الموضوع الى (للاسف اشتريت ميجان من غيرما اكشف فى التوكيل)

تزييق الابواب حله هو wd40

التسارع والخنقه ممكن يكون حساسات وفلاتر وتنظيف بوابه ومش اكتر

اية هو wd40
والمهم ان التكلفة في النهاية متكنش كبيرة
مع خالص شكري