للاسف اشتريت ميجان

[amrelsha3er]

اية هو wd40
والمهم ان التكلفة في النهاية متكنش كبيرة
مع خالص شكري

ده اسبراى يافندم زجاجه صفراء مش هتعدى 20ج هترش على المفصلات لو فى حاجه تقيله مع الفتح والقفل هتنعمها ده زى مزيل مصدا كده
بس عملى جدا فى موضوع تزييق الابواب ده
ربنا معاك بصراحه بس محدش بيشترى سياره عميانى كده مع احترامى ليك
ربنا معاك مره تانيه

[تامر.محمد]

السلام عليكم ورحمة الله وبركاتة
واضح من عنوان المشاركة اني نادم على شراء الميجان
فقد اشتريت سيارة ميجان 2005 منذ ايام قليلة رغم ان لدي سيارة اوبترا لكني اعجبت بها من قراءتي عنها وبصراحة احسست بعدم الراحة النفسية عند قيادتها على خلاف الاوبترا حيث اني لم اكشف عليها في التوكيل واعتمدت على احد الاشخاص الخبرة في هذا المجال ولكني ندمت على ذلك للاسباب الاتية

1- جميع الابواب تصدر اصوات كما لو كانت غير مغلقة جيداً

بسيطة , شوية wd40 على المفصلات و الكوالين و يبقى كله تمام ان شاء الله

2- يوجد صوت طقة تُسمع من الخلف في الناحية الشمال

اكشف

3- لون السيارة باهت الى حد كبير

لو سودا بالخصوص فالاسود بتاع الميجان عموما الميتاليك فيه عالي و بيخليه شكله باهت , لكن عموما عليك و على ديتيلرز او اتو سبا يلمعوها لك تلميعة محترمة , بتفرق شويتين

4- الكارت الثاني لا يعمل
6- ال سي دي بة احد السيديهات محشور بها ولا يريد ان يخرج

وديهم لحد يشوفهم

5- تسارع السيارة بطئ جداً
7- ولكن ما جعلني اقلق بالفعل هو انني عند سفري الى شرم الشيخ لاحظت ان السيارة لا تستجيب معي ووقفت على سرعة 110كم فقط ولا تريد ان تزيد السرعة مهما ضغط على دواسة البنزين ولكن عندما ضغط مرة واحدة لاحظت ان عداد ال ار بي ام ارتفع جدا ثم بدأت السيارة في زيادة السرعه حتى توصلت الى سرعة 130 كم س فقط واحسست برعشة غريبة في السيارة مع ظهور رسالة check gearbox وعندما تعود السرعة الى اقل من 110 كم س تعود الى وضعها السابق في عدم زيادة السرعة عن 110 رغم ان مالكتها القديمة قالت لي انها لايوجد بها مثبت سرعة

اوبس , لازم تكشف على الفتيس , و يا رب بسيطة

8- توجد رائحة بنزين داخل السيارة بعد التفويل وتختفي عندما يقل منسوب البنزين في التنك
فرجاء الى اهل الخبرة افيدوني عن السبب وكيفية العلاج وياليتني لم اشتري سيارة مستعملة
وشكراً لكم جميعاً

ألف باء شرا الميجان انها يتكشف عليها كويس :(

[ashraf3]

فيه بس سوء تفاهم بسيط.
الأبواب مش بتزيق الأبواب ملخلخة وهي مقفولة

صح هو دة
تقبل تحياتي

[ashraf3]

السلام عليكم

أولاً قدر الله و ما شاء فعل

ثانياً إجاباتي كالأتي

1- جرب ترش wd40 على مفصلات و كوالين الأبواب و الشنطة
2- محتاج وصف أكتر
3- هل اللون كان كده من ساعة ما أشتريتها ولا حصل فيه تغيير ؟
4- الكارت التاني برضه مش شغال فجأة و لا مكنش شغال من الأول ؟ و هل بيفتح الأبواب بس ولا بيدور العربية بس ولا مش بيعمل دي ولا دي ؟
5 و 7 - من الواضح أن السيارة كان صاحبها غير مهتم بصيانتها....

ممكن تشوف البوجيهات و فلتر البنزين و فلتر الهواء كبداية قبل ما تشوف حاجة تاني.
6- جيب كارت شخصي ( business card ) و دخل طرفه فى السي دي بزاوية مايلة لتحت بحيث أنه يكون تحت السيديهاية مع الضغط على زرار eject.
8- حاول تخللى حد يبصلك على طرمبة و عوامة البنزين.........بيبقى فيهم جوان كاوتش من جوة العربية المفروض بيمنع تسريب البنزين........ممكن تلاقي الجوان ده بايظ...........بس خللى بالك علشان فك الطرمبة محتاج مفتاح خاص مش هتلاقيه غير عند حد متخصص رينو.......غير كده ممكن يكسر له الطرمبة لأنها بلاستيك.

الحمد لله على كل شئ
اما بخصوص ردك
1 - فكما قال السيد crayvor ان الابواب بتلخلخ مش بتزيق , فما الحل
2 - طقة دي جاية من طقطقة هههههه
صوت كما لو ان هناك قطعة حديد بتخبط من داخل الشنطة , مش عارف انا عارف اوصف ولا لا
3 - لا اللون كدة من ساعة ما اشترتها لاني لسة شاريها من ايام قلائل
4 - الكارت مش شغال من الاول
5 و7 يبدو ذلك
6 - هحاول اعمل كدة
8 - ان شاء الله
وانا شاكر جداً على اهتمامك

[ashraf3]

ده اسبراى يافندم زجاجه صفراء مش هتعدى 20ج هترش على المفصلات لو فى حاجه تقيله مع الفتح والقفل هتنعمها ده زى مزيل مصدا كده
بس عملى جدا فى موضوع تزييق الابواب ده
ربنا معاك بصراحه بس محدش بيشترى سياره عميانى كده مع احترامى ليك
ربنا معاك مره تانيه

بس الابواب بتخبط وهي ماشية مش موضوع صدا
وفعلاً محدش بيشتري عربية بالطريقة دي بس حصل للاسف الشديد
والف شكر لك
وشكر لمستر تامر.محمد , والعربية لونها احمر مش اسود يامستر تامر
ومكشفتش عليهاقبل مااشتريهااهئاهئ
وللجميع ( اهئ ) احترامي (اهئ) وتقديري
ولا اراكم الله مكروة في ميجان لديكم

[amrelsha3er]

بس الابواب بتخبط وهي ماشية مش موضوع صدا
وفعلاً محدش بيشتري عربية بالطريقة دي بس حصل للاسف الشديد
والف شكر لك
وشكر لمستر تامر.محمد , والعربية لونها احمر مش اسود يامستر تامر
ومكشفتش عليهاقبل مااشتريهااهئاهئ
وللجميع ( اهئ ) احترامي (اهئ) وتقديري
ولا اراكم الله مكروة في ميجان لديكم

ماترجع البيعه واعمل مشكله ازاى تم البيع يافندم معلش متسكتش على حقك ولا هو البيع من فتره ولا ايه الل حصل فى حاجه غلط ياباشا هو حد اشترهالك وانت مكنتش موجود مثلا؟؟ اصل اللى انت بتقوله ده من اول تجربه كل ده هيبان!!!!!
قلبى معاك:(:(:(:(

[crayvor]

بس الابواب بتخبط وهي ماشية مش موضوع صدا
وفعلاً محدش بيشتري عربية بالطريقة دي بس حصل للاسف الشديد
والف شكر لك
وشكر لمستر تامر.محمد , والعربية لونها احمر مش اسود يامستر تامر
ومكشفتش عليهاقبل مااشتريهااهئاهئ
وللجميع ( اهئ ) احترامي (اهئ) وتقديري
ولا اراكم الله مكروة في ميجان لديكم

بص ماحدش بيتعلم بالساهل واحمد ربك علي كل شيء.
كام حاجة كدة حاتخلص ان شاء الله بأقل خسائر من برا التوكيل.
1- موضوع الأيواب روح لمتخصص أبواب خليه يشوفلك المفصلات.. لو عاوزة استعدال ماتخليهوش يضغط عليها ويجيبها بالعافية كدة حايضعفها أكتر وشوية كمان وترجع تاني.. هات طقم مفصلات كامل من نص عربية وخليه يركبهالك. خليه كمان يشيك علي اللوك محكم ولا فيه بوش.
2- موضوع الطقطقة دي 99% في العفشة.. يا مساعد يا مقص ودي من المستهلكات مش حاجة تضر.. روح لعفشجي وقوله عاوز أكشف ع العفشة كلها وبالمرة يشوف لو فيه حاجة كدة ولا كدة ويربطلك عفشة.
3- موضوع التسارع والفتيس ده في الميجان بالذات أرجوك طالما دخلت ف فتيس وموتور وكدة التوكيل التوكيل التوكيل... خليه يفحص ويشوف فيها ايه ومقايستها تتكلف كام.. وان شاء الله خير.
4- رائحة البنزين ممكن تكون قربة البنزين مخرومة في نقطة عالية شوية.. فول العربية واقف بيها ف مكان ساعة أو اتنين.. وشوف لو فيه حاجة بتنقط.. لو مافيش انت بس ماتخليش اللي بيفول يملاها لحد الزور.
النقاط الجاية لو بعد ما خلصت ال 4 نقاط اللي فوق حسيت ان العربية بقت حاجة تانية وناوي ان شاء الله تحتفظ بيها
4- لون السيارة باهت: لو اللون باهت بس الدهان نفسه كويس ممكن تجلد العربية بالكامل لون أحمر.. دور علي car wrapping أو لو عاوز تدهن برضه براحتك.. أهم حاجة ماتدهنش السقف مهما يحصل.
5- السي دي روح لحد متخصص كماليات مالتيميديا للسيارات ممكن يخلصه يومها أو ياخده يومين تلاتة.. في الأغلب بتكلف ف حدود 150 ل 200 جنيه ان شاء الله مش حاتزيد عن كدة.. أو شخلع نفسك بقي وبدله بحاجة بشاشة DVD ب GPS وكدة.

وربنا يسهلها للي فيه الخير ان شاء الله.

[Ahmed Selim]

الحمد لله على كل شئ
اما بخصوص ردك
1 - فكما قال السيد crayvor ان الابواب بتلخلخ مش بتزيق , فما الحل
2 - طقة دي جاية من طقطقة هههههه
صوت كما لو ان هناك قطعة حديد بتخبط من داخل الشنطة , مش عارف انا عارف اوصف ولا لا
3 - لا اللون كدة من ساعة ما اشترتها لاني لسة شاريها من ايام قلائل
4 - الكارت مش شغال من الاول
5 و7 يبدو ذلك
6 - هحاول اعمل كدة
8 - ان شاء الله
وانا شاكر جداً على اهتمامك

1- جربت تروح لحد بتاع أبواب يربط مفصلات الأبواب و يشوفها موزونة و لا لأ.
2- دى فاهمها يا باشا بص قصدي شرح أكتر للصوت.........بيحصل أمتى عامل زي صوت أيه ؟
عموماً ممكن تكون حاجة بسيطة زي الكوريك مش محطوط فى مكانه أو أى حاجة معدن فى شنطة العربية و بيخبط معاك مع الحركة..........و ممكن تكون من المساعدين أو البطاحات.
3- حاول تروح لحد يلمعها و شوف ظروفها أيه.
4- كان فيه فيديو هنا بيوضح طريقة تصليح الكارت...........هدور عليه و أجيبهولك.

الباقي أكشف زي ما قوتلك و ربنا يسهل و تطلع حاجات بسيطة.

[Ahmed Selim]

الموضوع أهو........الموضوع بسيط بس عاوز واحد بيشتغل بماكينة اللحام كويس.

http://www.nilemotors.net/Nile/3874509924-post3.html

[ashraf3]

أ/ amrelsha3er
اخي انا شاريها من حوالي اسبوع فقط وازاي حرجها بعد ما دفعت الثمن واخدت التوكيل
بس دي اول مرة اشتري عربية استعمال ودي السيارة الرابعة لية والثلاثة السابقين كانوا زيرو

أ/ crayvor
انا شاكر ليك لانك بسطلي الموضوع جداً والحمد الله على كل شئ

أ/ Ahmed A.Maksoud
انا لسة مروحتش لحد يشوفها على الاطلاق لاني اخدتها وسافرت على شرم مباشرة والعربية مفهاش حاجة في الشنطة تخبط لان دي اول حاجة بحثت عنها
عموماً انا بفكر الاول اعمل فيها الحجات البسيطة زي البوية والعفشة والابواب قبل ذهابي الى التوكيل ولكن ما هي الاماكن التي تنصحونني بها في هذة الامور
وانا عاجز عن الشكر لكم جميعاً ولكم مني كل امتنان وتقدير

[sfgtrehk]

أ/ amrelsha3er
اخي انا شاريها من حوالي اسبوع فقط وازاي حرجها بعد ما دفعت الثمن واخدت التوكيل
بس دي اول مرة اشتري عربية استعمال ودي السيارة الرابعة لية والثلاثة السابقين كانوا زيرو

أ/ crayvor
انا شاكر ليك لانك بسطلي الموضوع جداً والحمد الله على كل شئ

أ/ ahmed a.maksoud
انا لسة مروحتش لحد يشوفها على الاطلاق لاني اخدتها وسافرت على شرم مباشرة والعربية مفهاش حاجة في الشنطة تخبط لان دي اول حاجة بحثت عنها
عموماً انا بفكر الاول اعمل فيها الحجات البسيطة زي البوية والعفشة والابواب قبل ذهابي الى التوكيل ولكن ما هي الاماكن التي تنصحونني بها في هذة الامور
وانا عاجز عن الشكر لكم جميعاً ولكم مني كل امتنان وتقدير

السلام عليكم

حلا لمشكلة الابواب انزل شارع مجلس الامة - مجلس الشعب - جهة ميدان اللاظوغلى وقبل سوق الاتنين بجوار بتوع شبك السيارات

الاسطى خالد ملك ضبط الابواب بمصر كلها وملك ضبط وتشغيل اللى ملوش علاج
وهيجيب لك اللى يكشف عالفتيس والعفشة و الدوكو من عابدين ملوك الصنعة

بسعر معقوول جدا وحرفية عالية جدا

ضيع عنده اليوم وبعد كده هترتاح سيادتك

[crayvor]

السلام عليكم

حلا لمشكلة الابواب انزل شارع مجلس الامة - مجلس الشعب - جهة ميدان اللاظوغلى وقبل سوق الاتنين بجوار بتوع شبك السيارات

الاسطى خالد ملك ضبط الابواب بمصر كلها وملك ضبط وتشغيل اللى ملوش علاج
وهيجيب لك اللى يكشف عالفتيس والعفشة و الدوكو من عابدين ملوك الصنعة

بسعر معقوول جدا وحرفية عالية جدا

ضيع عنده اليوم وبعد كده هترتاح سيادتك

للأسف انا من اسكندرية مش حاقدر أفيدك ف الموضوع ده..
بس فيه اختلاف في وجهات النظر مع العضو اللي رد..
لما تروح بعربية لواحد فيه نقطتين اياك تنساهم
1- علي ايده لغاية ما يخلص.. ماتسيبهوش وتمشي لأي سبب كان.
2- لو عاوز يرشحلك واحد أهلا وسهلا انما ياخد هو العربية يلفها ع الأقارب والأصدقاء وانت تلوص بينهم لأ وألف لأ.. خليك اسأل في المنتدي لأني الزبون بيرشح اللي بيشتغل صح انما الصنايعي حايرشحلك صاحبه.

[MohammedAladel]

لا تقلق ...... فيه صنايعية كتير فى صقر قريش والحرفيين ......... التوكيل أسعاره عالية بالنسبة لهم ..... العربية مش معقدة وناس كتير بتشتغل فيها ....... بالنسبة ل check gearbox ممكن يكون حاجة مش فاكر اسمها سولونيد للفتيس بتتغير ... أو ممكن تكون كويل ضارب وهتحسه لو فيه رجة فى العربية ..... بالنسبة للون : وديها أى car care يلمعوها
بالنسبة للسى ديهاية زى وإنت بتضغط على زر الأخراج استعمل اسطوانة تانى دخلها بطريقة معينة هتطلع معاك الأسطوانة المحشورة بإذن الله
بالنسبة للكارت عرفت منين إنه بايظ ..... ممكن يكون البطارية بتاعته فارغة ... جرب تشغل بيه العربية كدا ؟؟ ..... على العموم هو بيتصلح http://www.nilemotors.net/Nile/3874509924-post3.html وابحث ع يوتيوب فيه فيديوهات تانى
عايزك تتأكد من إنه الكارت الأًلى للعربية قارن بين الكارتين اللى معاك ....... كل كارت بيبقى فيه مفتاح احتياطى بيفتح الباب فى حالة عدم عمل الكارت ..... جرب تفتح بيه العربية من الكارتين عشان تتأكد إن الكروت دى خاصة بعربيتك ومش متغيرة قبل كدا بواحد مش أصلى

[ashraf3]

السلام عليكم

حلا لمشكلة الابواب انزل شارع مجلس الامة - مجلس الشعب - جهة ميدان اللاظوغلى وقبل سوق الاتنين بجوار بتوع شبك السيارات

الاسطى خالد ملك ضبط الابواب بمصر كلها وملك ضبط وتشغيل اللى ملوش علاج
وهيجيب لك اللى يكشف عالفتيس والعفشة و الدوكو من عابدين ملوك الصنعة

بسعر معقوول جدا وحرفية عالية جدا

ضيع عنده اليوم وبعد كده هترتاح سيادتك

وعليكم السلام ورحمه الله
شكراً جزيلاً لك عزيزي sfgtrehk

[ashraf3]

للأسف انا من اسكندرية مش حاقدر أفيدك ف الموضوع ده..
بس فيه اختلاف في وجهات النظر مع العضو اللي رد..
لما تروح بعربية لواحد فيه نقطتين اياك تنساهم
1- علي ايده لغاية ما يخلص.. ماتسيبهوش وتمشي لأي سبب كان.
2- لو عاوز يرشحلك واحد أهلا وسهلا انما ياخد هو العربية يلفها ع الأقارب والأصدقاء وانت تلوص بينهم لأ وألف لأ.. خليك اسأل في المنتدي لأني الزبون بيرشح اللي بيشتغل صح انما الصنايعي حايرشحلك صاحبه.

شكراً لك يا أخي على النصيحة