للاسف اشتريت ميجان

[MohammedAladel]

هو الرجرجة ممكن تكون كويلات غالبا ... بوجيهات ... قواعد موتور

بالنسبة للعربية أنا شايف إن الحاجة الغريبة اللى فيها .... أصوات الأبواب ودى فعلا اللى مش طبيعية لأن معايا العربية على طول أفتح أقفل أفتح أقفل والأبواب زى ما هى مفيهاش أى حاجة دا معناه إن الأبواب كانت مطحوووووووونة شغل وغير طبيعى زى ما قال الناس الشباب اللى بيقعدوا على الأبواب فى عربيات التأجير ... بس معتقدش إن الميجان بتتأجر برضه

ولونها البهتان برضه ممكن تكون راشة أو الركنة فى الشمس من الطبيعى أنها تبهت اللون ... وممكن تلاقى الفوانيس كمان بهتانة ودا يؤكد الكلام

ربنا يباركلك فيها والاعطال دى كلها غير مكلفة إن شاء الله لا تقلق

[MohammedAladel]

عايزك تشوف الكويلات اللى عندك رأسها لونها إيه وقولى ؟؟

[ashraf3]

انا اسف يا جماعة بس انتوا حسستونا ان الراجل شاري مشنة مش عربية وعلشان مشاكل مش ضخمة يعني ومن فضل حضرتك توضح الاتي :
1- العربية فيها خبطات كتير ورشه والا لا
2- بالنسبة لموضوع الصوت في الابواب الاخ الفاضل الذي نصح برش wd40 مظبوط وده بيترش على الاوكر وكوالين الباب
3- بالنسبة للسيدي مفيش مشكلة والا معناه ان العربية ايجار وكلام من ده انا عربيتي فلوانس الفئة الثالثة 2012 والسي دي اتحشرت لخطاء مني ومصلحتهاش لغاية دلوقتي يعني عادي بيحصل
4- بالنسبة لعدم السحب سيادتك بعد ماشتريت العربية المفروض تعمل طقم صيانة يعني تغير مجموعة كاتينة وبوجيهات وفلاتر ( زيت وهواء وتكييف ) وتخلي حد يكشف على مباين العربية علشان موضوع checkgearbox ( انصحك بواحد اسمه عادل في المعادي صقر قريش ) ده مشهور وعملنا العيب ده في عربية واحد صحبي قبل كده
5- بالطبع لما تغير الحاجات دي ان شاء الله هتنبسط من العربية جدا
6- بالنسبة للون فممكن من الركنه في الشمس 7 سنين يدوبك و ممكن تلمعها عند اي بتاع دوكو واعمل للعربية كار كير وروقها كده هتنبسط منها ان شاء الله
ولا داعي نهائيا من هذا التشاؤم واستعجال الخسارة لان كل الي ربنا بيجيبه كويس وربنا يباركلك فيها ويكفيك شرها وعلى فكرة الكلام الي بقولوا ده عن خبرة مش اي كلام يعني

شكراً عزيزي وجزاك الله خيراً
اهوة شوية شوية الاحباط بيقل

[ashraf3]

هو الرجرجة ممكن تكون كويلات غالبا ... بوجيهات ... قواعد موتور

بالنسبة للعربية أنا شايف إن الحاجة الغريبة اللى فيها .... أصوات الأبواب ودى فعلا اللى مش طبيعية لأن معايا العربية على طول أفتح أقفل أفتح أقفل والأبواب زى ما هى مفيهاش أى حاجة دا معناه إن الأبواب كانت مطحوووووووونة شغل وغير طبيعى زى ما قال الناس الشباب اللى بيقعدوا على الأبواب فى عربيات التأجير ... بس معتقدش إن الميجان بتتأجر برضه

ولونها البهتان برضه ممكن تكون راشة أو الركنة فى الشمس من الطبيعى أنها تبهت اللون ... وممكن تلاقى الفوانيس كمان بهتانة ودا يؤكد الكلام

ربنا يباركلك فيها والاعطال دى كلها غير مكلفة إن شاء الله لا تقلق

الابواب بتخبط وانا ماشي كما لوكانت الابواب غير محكمة الغلق
بالنسبة للفوانيس هو الفانوس الشمال بهتان جداً بس مش عارف هو عاوز يتسنفر من جوة ولا من برة
واسمحلي من غير ما تستغرب انا معرفش الكويلات دي فين واشوفها ازاي انا طول عمري كنت بجيب عربيات جديدة واركب وبس ومليش في حاجة تانية وبفضل الميجان دي بدأت اتعلم حجات كتير
مع خالص تقديري لحضرتك

[youssef_u]

بالنسبة للدهان اعمل wax او تشميع وده يخليها تلمع زي الجديدة

[Moratoz]

في واحد وراء البحث الجنائي في صقر قريش بيلمع الفوانيس من برة ومن جو. وبيرجعهم جداد انا مرة عملت فوانيس a4 هناك وطلعت حلوه الحمد لله

[ashraf3]

بالنسبة للدهان اعمل wax او تشميع وده يخليها تلمع زي الجديدة

شكراً لك يا أخي

[ashraf3]

في واحد وراء البحث الجنائي في صقر قريش بيلمع الفوانيس من برة ومن جو. وبيرجعهم جداد انا مرة عملت فوانيس a4 هناك وطلعت حلوه الحمد لله

شكراً لك
وان شاء الله لما انزل من شرم حروح لة

[MohammedAladel]

الكويلات دى هى وحدات توصيل الكهرباء للبوجيهات الأشعال يعنى coil موجودة على وش الموتور .....فيه 4كويل ..... على كل بوجيه واحد
زى ما باين فى الصورة صورة ال 4 كويلات رأسها لونه فضى أو رصاصى زى اللى عندى بالضبط
طبعا إنت ممكن تعرف أنهى كويل اللى بايظ ممكن يكون 1 بس أو أكتر من واحد .... ممكن يكون قاطع خالص أو مهرب
أنت بتشيل الفيشة اللى واصلة ليه وتلاحظ هل طرأ أى تغيير على صوت المحرك لو حصل يبقى الكويل دا سليم لو محصلش يبقى هو دا الكويل البايظ

وممكن ما يبانش غير على سرعة معينة بيبتدى يبان ضعف الكويل
زى ما باين فى الصورة فيه غطاء أسود .... فيه عربيات بيبقى فوق الغطاء الأسود دا غطاء بلاستيك تانى فضى كان بينزل فى 2005 و 2006 لكن 2007 نزل بالغطاء الاسود العريان دا بس

[Moratoz]

من ساعة ما ابتديت القراءه عن الميدان وانا نفسي اعرف إيه الكويل دا وهوا فين بس مكسوف اسأل علشان لقيت كل من بالمنتدي يتكلم عنه كأمر مسلم فشكرا جداً علي الصورة والتوضيح ئلي مش عاوز شرح

[abdo_2812]

السلام عليكم ورحمة الله وبركاته

أولا مبروك عليك العربية وربنا يديك خيرها ويكفيك شرها
ثانياً أنا طبعاً مش هضيف جديد على اللي قاله أساتذتنا في المنتدى واللي منهم من كان سبب في شرائي للميجان أصلاً واللي تبقى منهم وأقصده هنا هو الكبير أحمد عبدالمقصود :)

ثالثاً بقى وده الأهم: بخصوص العربية لو كانت العربية فابريكة وانت متأكد انها لا قدر الله معملتش حادث كبير قبل كده أو شيئ من هذا القبيل وكمان موتورها لم يصل لدرجة ان يتعمله عمرة قبل كده فلا تستعجل عليها (الكلام ده ممكن تتأكد منه عن طريق تاجر سيارات محترف خصوصاً موضوع العربية فابريكة ولا لأ)وكل مادون ذلك ممكن إصلاحه في رأيي والله أعلم !

رابعاً: لما اشتريت عربيتي من حوالي سنة وثلاثة أشهر كانت موديل 2008 وعاملة 150000 كم أغلبهم سفر (بالمناسبة ده مش مقياس ثابت في الحكم على السيارة بمعنى إنه لو كان مالكها محافظ عليها ولا يهمل في صيانتها فهاتاخدها منه أفضل من واحدة عاملة 50000 ك بس لكن متهانة وبرضو المواتير والسيارات الأوروبي والياباني عامة تختلف في الآداء والعمر الإفتراضي عن أي سيارات أخرى)

المهم أنا عربيتي كانت بتضايقني شوية في الأول في السحب والعفشة ومن حين لآخر كنت بغير فيها بعض الفيش وقطع الغيار اللي مش بتتغير بشكل دوري في الصيانة مثال أو يعني اللي غيرته تحديداً (ماكينة ستوب وحاجة اسمها سويتش ضغط زيت وحاجة مش فاكر اسمها بتتغير لما العربية تسخن مع التكييف)
بالإضافة للآتي فيما أذكر يعني:

1- طقم مساعدين (أمامي وخلفي بالكامل) وأحد البطاحات الأمامية وطقم تيل فرامل أمامي وخلفي و2 طنبورة خلفي وتم حشو الطنبورتين الأماميتين واشتغلوا تمام من ساعتها الحمدلله.
2- 2 شداد ميزان أو بيسموهم تيش ميزان.
3- طقم بارات دركسيون داخلي وخارجي.
4- أويل سيل مش فاكر اسمه فعلا دلوقتي وجوان كارتير الزيت وكانوا بيتسببوا إن العربية بتسرب زيت خفيف.
5- كانت البطارية باظت وغيرتها بس ده مش مؤثر معانا دلوقتي.
6- صيانة كااااملة للسيارة ماعدا طلمبة المياة لأن الميكانيكي أقنعني إن التوكيل بيغيرها بدون داعي وإنها مش لازم تتغير (الصيانة الكاملة كانت فيما أذكر بوجيهات وفلاتر هواء وبنزين وزيت وفلتر زيت وطقم كاتينة وفلتر التكييف تم تنظيفه ساعتها واشتغل تمام)

كل الكلام ده أنا عملته على 3 مرات تقريباً، كل ما ربنا ييسر بمبلغ أروح أظبط بيه حاجة لحد ما العربية بفضل الله اتظبطت وبقت تمام باستثناء الصيانات الدورية ودي مش عيب طبعا :) وبعض العيوب البسيطة جداً والعادية زي فيوز بطارية مثلا وبعض الحاجات البسيطة التانية بس أنا مش فاكر دلوقتي بالظبط .

طيب أنا بقول كل الكلام ده ليه؟؟
لأن الواحد لما يشتري سيارة مستعملة حالتها بتختلف من إيد للثانية ومش كل واحد بيعتني بالسيارة زي التاني فمفيش حاجة اسمها العربية مش هايتصرف عليها ولا مليم، لأ انت بتاخد العربية تعملها صيانة كاملة وكشف كامل تظبط فيه العربية وتعمل كل اللي هي محتاجاه علشان العربية ترجع عروسة وتبدأ تستخدمها انت بحسب استخدامك وعنايتك بيها هتاخد بالمقابل آداء محترم من العربية، والعربيات اللي زي الميجان لو مش متهانة زي ما وضحت في أول كلامي بيبان فيها الصرف جداً ماشاء الله يعني لو ظبطت فيها أي حاجة من الحاجات اللي قولتلك عليها دي أو ماشابهها من المستهلكات (زي كويلات وخلافه من قطع الغيار الخفيفة) هاتحس بفارق كبير جدا إن شاء الله ولما ترجع من شرم بالسلامة تابع معنا وإن شاء الله ممكن ندلك على ناس كويسة تظبطلك العربية إن شاء الله

وبخصوص الأبواب والكارت إصلاحهم سهل جداً إن شاء الله زي ما وضح الأخوة الكرام ولا تقلق منها خالص :)

آسف للإطالة بس أنا حسيتك متضايق وفيه كلام كتير محبط فقلت أشارك بتجربتي كاملة لعل وعسى تكون مفيدة إن شاء الله :)

[MoH.SaLaDiN]

ربنا يعوض عليك ان شاء الله ويستبدلك بافضل منها

[ashraf3]

الكويلات دى هى وحدات توصيل الكهرباء للبوجيهات الأشعال يعنى coil موجودة على وش الموتور .....فيه 4كويل ..... على كل بوجيه واحد
زى ما باين فى الصورة صورة ال 4 كويلات رأسها لونه فضى أو رصاصى زى اللى عندى بالضبط
طبعا إنت ممكن تعرف أنهى كويل اللى بايظ ممكن يكون 1 بس أو أكتر من واحد .... ممكن يكون قاطع خالص أو مهرب
أنت بتشيل الفيشة اللى واصلة ليه وتلاحظ هل طرأ أى تغيير على صوت المحرك لو حصل يبقى الكويل دا سليم لو محصلش يبقى هو دا الكويل البايظ

وممكن ما يبانش غير على سرعة معينة بيبتدى يبان ضعف الكويل
زى ما باين فى الصورة فيه غطاء أسود .... فيه عربيات بيبقى فوق الغطاء الأسود دا غطاء بلاستيك تانى فضى كان بينزل فى 2005 و 2006 لكن 2007 نزل بالغطاء الاسود العريان دا بس

دائماً تُخجلني بسعة صدرك
فشكراً جزيلاً لك

[ashraf3]

السلام عليكم ورحمة الله وبركاته

أولا مبروك عليك العربية وربنا يديك خيرها ويكفيك شرها
ثانياً أنا طبعاً مش هضيف جديد على اللي قاله أساتذتنا في المنتدى واللي منهم من كان سبب في شرائي للميجان أصلاً واللي تبقى منهم وأقصده هنا هو الكبير أحمد عبدالمقصود :)

ثالثاً بقى وده الأهم: بخصوص العربية لو كانت العربية فابريكة وانت متأكد انها لا قدر الله معملتش حادث كبير قبل كده أو شيئ من هذا القبيل وكمان موتورها لم يصل لدرجة ان يتعمله عمرة قبل كده فلا تستعجل عليها (الكلام ده ممكن تتأكد منه عن طريق تاجر سيارات محترف خصوصاً موضوع العربية فابريكة ولا لأ)وكل مادون ذلك ممكن إصلاحه في رأيي والله أعلم !

رابعاً: لما اشتريت عربيتي من حوالي سنة وثلاثة أشهر كانت موديل 2008 وعاملة 150000 كم أغلبهم سفر (بالمناسبة ده مش مقياس ثابت في الحكم على السيارة بمعنى إنه لو كان مالكها محافظ عليها ولا يهمل في صيانتها فهاتاخدها منه أفضل من واحدة عاملة 50000 ك بس لكن متهانة وبرضو المواتير والسيارات الأوروبي والياباني عامة تختلف في الآداء والعمر الإفتراضي عن أي سيارات أخرى)

المهم أنا عربيتي كانت بتضايقني شوية في الأول في السحب والعفشة ومن حين لآخر كنت بغير فيها بعض الفيش وقطع الغيار اللي مش بتتغير بشكل دوري في الصيانة مثال أو يعني اللي غيرته تحديداً (ماكينة ستوب وحاجة اسمها سويتش ضغط زيت وحاجة مش فاكر اسمها بتتغير لما العربية تسخن مع التكييف)
بالإضافة للآتي فيما أذكر يعني:

1- طقم مساعدين (أمامي وخلفي بالكامل) وأحد البطاحات الأمامية وطقم تيل فرامل أمامي وخلفي و2 طنبورة خلفي وتم حشو الطنبورتين الأماميتين واشتغلوا تمام من ساعتها الحمدلله.
2- 2 شداد ميزان أو بيسموهم تيش ميزان.
3- طقم بارات دركسيون داخلي وخارجي.
4- أويل سيل مش فاكر اسمه فعلا دلوقتي وجوان كارتير الزيت وكانوا بيتسببوا إن العربية بتسرب زيت خفيف.
5- كانت البطارية باظت وغيرتها بس ده مش مؤثر معانا دلوقتي.
6- صيانة كااااملة للسيارة ماعدا طلمبة المياة لأن الميكانيكي أقنعني إن التوكيل بيغيرها بدون داعي وإنها مش لازم تتغير (الصيانة الكاملة كانت فيما أذكر بوجيهات وفلاتر هواء وبنزين وزيت وفلتر زيت وطقم كاتينة وفلتر التكييف تم تنظيفه ساعتها واشتغل تمام)

كل الكلام ده أنا عملته على 3 مرات تقريباً، كل ما ربنا ييسر بمبلغ أروح أظبط بيه حاجة لحد ما العربية بفضل الله اتظبطت وبقت تمام باستثناء الصيانات الدورية ودي مش عيب طبعا :) وبعض العيوب البسيطة جداً والعادية زي فيوز بطارية مثلا وبعض الحاجات البسيطة التانية بس أنا مش فاكر دلوقتي بالظبط .

طيب أنا بقول كل الكلام ده ليه؟؟
لأن الواحد لما يشتري سيارة مستعملة حالتها بتختلف من إيد للثانية ومش كل واحد بيعتني بالسيارة زي التاني فمفيش حاجة اسمها العربية مش هايتصرف عليها ولا مليم، لأ انت بتاخد العربية تعملها صيانة كاملة وكشف كامل تظبط فيه العربية وتعمل كل اللي هي محتاجاه علشان العربية ترجع عروسة وتبدأ تستخدمها انت بحسب استخدامك وعنايتك بيها هتاخد بالمقابل آداء محترم من العربية، والعربيات اللي زي الميجان لو مش متهانة زي ما وضحت في أول كلامي بيبان فيها الصرف جداً ماشاء الله يعني لو ظبطت فيها أي حاجة من الحاجات اللي قولتلك عليها دي أو ماشابهها من المستهلكات (زي كويلات وخلافه من قطع الغيار الخفيفة) هاتحس بفارق كبير جدا إن شاء الله ولما ترجع من شرم بالسلامة تابع معنا وإن شاء الله ممكن ندلك على ناس كويسة تظبطلك العربية إن شاء الله

وبخصوص الأبواب والكارت إصلاحهم سهل جداً إن شاء الله زي ما وضح الأخوة الكرام ولا تقلق منها خالص :)

آسف للإطالة بس أنا حسيتك متضايق وفيه كلام كتير محبط فقلت أشارك بتجربتي كاملة لعل وعسى تكون مفيدة إن شاء الله :)

بارك الله فيك عزيزي أ/عبده

[ashraf3]

ربنا يعوض عليك ان شاء الله ويستبدلك بافضل منها

امين يارب العالمين
وشكراً لك