أغير الزيت بعد التليين ولا لاء ؟!!!!!!!!!

[midon1]

أنا معايا سانديرو . عامل بيها دلوقتي 1300 كيلو

السؤال بقي ... أغير الزيت بعد التليين علشان شوائب المكنه وكده ولا لاااااااااااااء ؟!!!!


وناس قالتلي لازم تفتح الموتور وتقفل العداد علي اي طريق مفتوح
الكلام ده صح ولا لاء ؟؟؟؟؟؟


أنا كمان حاسس ان الفرامل ضعفت شويه . ده صحيح مع التليين ؟؟

[Amr Axel]

المفروض اول مرة بتغير الزيت ع اول 1000 ك
موضوع تفتيح الموتور اللي يقصدوه عشان العربية تفوق معاك انك بتاخدها مشوار طويل سريع سرعات عالية لكن شخصيا انا مش مع الكلام ده

[AlGazar2]

المفروض الزيت بيتغير فى صيانه ال 1000 و لو اول صيانه بعد 10000 يبقى الماتور ده كده المفروض نازل متلين و متغيرله زيت قبل كده

يفضل ان انت تفتح الموتور بس مش لازم تقفل عداد العربيه لو متعرفش تتحكم فيها يبقى بلاش اكيد

[M_SaadElDin]

يا باشا مش كل العربيات زى بعضها، انا عندى الفلوانس مافيش تغيير زيت ولا حاجة بعد اول الف، تغيير الزيت عادى بعد 10 الاف (اعتقد كل الرينو كده)

[AlGazar2]

يبقى الموتور ده متلين فعلا مش محتاج تليين و دى ممكن تسأل فيها الصيانه لان مندوب مبيعات رينو قاله انه مشى بالكليو الجديده على 200 210

او العربيه خلوصات الموتور فيها و دقه تصنيعه متطلعش رايش بحيث انها تغير زيت فى اول 1000
و انا ارجح انه متليين جاهز

[MohammedAladel]

أمشى حسب الكتالوج أحنا عندنا صيانة كل 5000 كيلو تغيير الزيت كل 10 آلاف كيلو

وكل مواتير عربيات رينو متشابهة ... يعنى السانديرو أوتو لوجان أوتو ميجان هاتش باك فليوانس كلهم محرك واحد وفتيس أوتو واحد تقريبا

لوجان مانيوال سانديرو ستب واى محرك مختلف 8 صباب بس نفس تصميم البساتم من جوا وكل دول بيغيروا كل 10 آلاف كيلو

أنا عايز حد يقنعنى علميا بحكاية تفتيح الموتور دا ..... أنا مش مقتنع بالكلام دا من الآساس

[abdo_2812]

أنا عايز حد يقنعنى علميا بحكاية تفتيح الموتور دا ..... أنا مش مقتنع بالكلام دا من الآساس

وأنا كمان ...

[Amr Axel]

دايما بيكون فيه صيانة في اول 1000 مسمعتش عن عربية نازلة متليينة جاهزة يعني مشوها 1000 ك و رجعوا صفروا العداد ؟؟ و طبيعي ان اول صيانة في الدليل بتكون 10 الاف لكن صيانة 1000 لزيت الموتور زي ما تقول وقائية
اما موضوع تفتيح الموتور ده عيب نقوله اساسا لأن العربيات ديه بيتحكم فيها كونترول هو اللي بيقرا نسبة الهوا و الوقود و عليه بيكون استجابة العربية زودت بنزين و البوابة اتفتحت و سحبت كمية من الهوا كبييرة العربية هتجري منك و طبيعي تقفل العداد و الموتور لسه جديد و ده الطبيعي في اي عربية
طب مانا معملتش حوار تفتح الموتور و عايز اقولك كنت احيانا مش بعدي الـ70 لكن دلوقتي لما ببقي عايز اجري بجري بدون مشاكل بس الفرق اني عملت رجلاش لدواسة البنزين عشان الاستجابة تكون اسرع زي ما جبتها جديد

http://www.nilemotors.net/Nile/328698-a.html

[MohammedAladel]

أنا مرة قعدت أقول حقن ألكترونى وتصميم موتور ومش عارف إيه ضحكوا عليا !!!!!!!

[Land_Cruiser]

تغيير الزيت بيكون على ال ١٠ الاف كيلومتر و دة اللى صانع العربيه بيقوله و هو أدرى بها لأن الزيت اللى بيبقى محطوط فيها تقيل و مش زيت خفيف زى بقيه العربيات اللى بتحتاج تحط زيت خفيف يمشيها الف كيلومتر و بعد كده يتغير و طبعا مليون فى الميه الكلام ده رينو عامله حسابه فى التصنيع يعنى مش علشان توفر لصاحب العربيه ثمن زيت هتبوظله الموتور يعنى و بالتالى لا داعى لتغيير الزيت.

[MohammedAladel]

بص يا عمرو باشا .... دا نظام رينو مصر

أدخل على الموقع وشوف جداول الصيانة ..... الزيت فى كل العربيات كل 10 آلاف كيلو وبعدين المفروض كل واحد يشترى عربية زيرو يبقى معاها كتالوجها وجدول صيانتها

[Amr Axel]

أنا مرة قعدت أقول حقن ألكترونى وتصميم موتور ومش عارف إيه ضحكوا عليا !!!!!!!

ههههه لا عادي انا اخدت من ده كتيير و محدش بيصدق فيه ناس لازم تبقي ميكانيكي معاهم بمعني كل حاجة يقوله ديه الفبريكة يا بيه متتغيرش زي مثلا زيت الفرامل الفبريكة عندهم مش بيتغير يتزود بس مع ان الميكانيكي الغبي اللي بيقول كده مهو لما بينقص يبقي فيه تسريب و مش بعيد الماستر العمومي يكون ضارب او التيل خلصان و لما ينقص انت بتزود من نوعية تانية و كل ما ينقص بتزود و بالتالي انت تعتبر شبه غيرت الزيت فعلا ههههههههه و نسيوا الشوائب و الرطوبة و ان الزيت بيفقد خواصه

اقرا اخر كام مشاركة لأني واجهت الكلام ده كتيير هنا :)

http://www.nilemotors.net/Nile/332112-a.html#post3874772858

انت بتنصح و اللي مش مصدق هو حر هو مين اللي عربيته هتتبهدل انت اخدت ثواب نصيحتك و هو يتحمل تبعات افعاله :)

ع سبيل المثال في موضوع الحقن احنا ليه بنضف الرشاشات و نغير البوجهيات و الفلاتر عشان يفضل الاداء زي مهو و لا تقولي عربية مفتحة و لا عربية مقفلة D:

[MohammedAladel]

زيوت عربيات رينو الستوك بتبقى ELF

زيت المحرك بيبقى زيت تخليقى 5w40 مش زيوت تقيلة ولا حاجة

[Amr Axel]

بص يا عمرو باشا .... دا نظام رينو مصر

أدخل على الموقع وشوف جداول الصيانة ..... الزيت فى كل العربيات كل 10 آلاف كيلو وبعدين المفروض كل واحد يشترى عربية زيرو يبقى معاها كتالوجها وجدول صيانتها

يا باشا ده نظام كل العربيات الصيانة كل 10 الاف و ده مذكور في كل جداول الصيانة
حتي عندي لكن هقولك حاجة تستغربلها في العربية عندي مثلا صيانة كل 10 الاف لكن الصانع بينصح ان زيت الموتور يكون 10w30 و يتم تغييره كل 5000 ك و ده ليه اعتقاد عندي بسبب تصميم الموتور هبقي اشرحلهولك لما اشوفك ان شاء الله ع الطبيعة :)
اما الفتيس يكون اول تغييرة في عمر العربية في خلال اول 15 الف و بعد كده كل 30 الف مع العلم اني بقعد الزيت لحد 40 -50 الف لكن اول تغييرة غيرتها ع 5 الاف و لقيت رايش بالفعل:)

[Amr Axel]

تغيير الزيت بيكون على ال ١٠ الاف كيلومتر و دة اللى صانع العربيه بيقوله و هو أدرى بها لأن الزيت اللى بيبقى محطوط فيها تقيل و مش زيت خفيف زى بقيه العربيات اللى بتحتاج تحط زيت خفيف يمشيها الف كيلومتر و بعد كده يتغير و طبعا مليون فى الميه الكلام ده رينو عامله حسابه فى التصنيع يعنى مش علشان توفر لصاحب العربيه ثمن زيت هتبوظله الموتور يعنى و بالتالى لا داعى لتغيير الزيت.

بعد اذنك يا باشا بس فيه نقطة مفيش حاجة اسمها حاطين زيت تقيل الزيت بيكون تخليقي و غالبا بيكون 5w30 او 5w40 و ده في كل العربيات الجديدة مينفعش يحط زيت تقيل زي مثلا 20w50 لأنه مش هيوصل لاجزاء الموتور بسهولة في بداية التشغيل عكس الأول و تستني تسخن و بالتالي ده غلط ع الموتور لو اتحركت بالعربية عشان كده بيتم اضافة زيت تخليقي لزوجته في درجات الحرارة المنخفضة 5 عشان يوصل اسرع و بالتالي زي ما معروف لينا بتدور العربية 30 ثانية و تطلع بالاضافة ان زيت زي 20w50 معدني و ما ادراك المعدني و رواسبه الكربونية ع جدران الموتور :)
و ع فكرة مفيش حاجة اسمها زيت يقعد 1000 و 5000 و 10000 انا خلاص قربت امسك ميكروفون و امشي اقول الجملة ديه و اشرحها هههههههههه