توكيل رينو .... وإنطباعات سيئة للغاية !!

[خالد]

معايا رينو داستر دفع رباعى ، ومبسوط منها والحمد لله ولكن الكاسيت بيعلق ومابيشتغلش ألا لو حركت زرار أحد الأبواب مرة الباب بتاعى ومرة ماينفعش ولازم الباب اللى جنبى وأحيانا لا ده ولا ده ولازم نزر الصالون ، كمان بدأ دراع المالتى فنكشن يعلق زر خفض الصوت ويحلف مايشتغلش ألا بعد خمس ست مرات !!!
قلت مابيدهاش لما أروح صيانة الــ 5 ألاف أقولهم عليها وإن شاء الله بسيطة !
رحت فرع العبور يوم 19/2/2013 الحجز الساعة 11.30 وصلت قبل ميعادى بربع ساعة العربية أستلموها ودخلت الساعة 12 !! ووقع التوكيل الكبير قوى فى حيص بيص ومش عارفين يصلحوا العيب بالكاسيت !! وكمان الذراع مش موجود !! ياخبر أسود ياجدعان الساعة داخلة على 4 العصر ولسه مفيش حس ولاخبر !! وفى النهاية طلب المهندس إسلام زيدان أنى أسيبلهم الكاسيت وكلها يومين يتصلح وهما هيتصلوا بيا !!! طبعاً لم يحدث وأنا اللى هاريهم أتصال ومفيش فايدة لغاية لما عملت شكوى على موقع رينو مصر على الفيس بوك ، وكلمته بعدها بيومين قاللى الكاسيت خلصان ياباشا من ساعتها !!! قلت طيب خير وبركة أروح أستلمه ويركبوه وياريت يكون الدراع بتاع المالتى فنكشن جه بالمرة ،، قدمت إعتذار عن محاضراتى يوم الثلاثاء 12/3 ( يعنى تقريباً بعد 22 يوم) وصلت بالسلامة فرع العبور الساعة 11.15 وأستلمها مهندس تانى أسمه أمجد وشرحتله الموضوع وأن الكاسيت قال المهندس إسلام أنه خلص وجاي علشان تركبوه ونخلص !!
طبعاً كلموا بصوت واطى واطى ، وأنتظرت لغاية الساعة 3.30 العصر وفى النهاية مفيش نتيجة !!
بجد توكيل مش مظبوط خااااااااااااااالص والمهندسين كلامهم غير صادق !! السادة المحترمين بيحاولوا يقنعونى أنهم غيروا ذراع المالتى فنكشن وده طبعاً ماحصلش ولم يتم تغييره !!! تخيلوا توكيل مفروض أنه محترم يحصل فيه كدب وخداع !! والكاسيت ماكنش متصلح أساساً ولا حاجة !! وبدوأ محاوله تصليحه تانى !! بس برضه وقعوا فى حيص بيص ومعرفوش يصلحوه !! وعلى وعد بإصلاحه تانى وأنتظر مننا تليفون !! وحتى الآن لاحس ولاخبر !! عملت شكوى على الرقم المختصر !! وبرضه ماحدش بيرد عليا !!
بجد توكيل سئ جداً فالحين بس فى لم الفلوس فى الصيانات فقط ، ولكن حتى لما تيجى تلجأ لهم فى حق من حقوقك يحاولوا ييتهربوا منك ويخدعوك ويكدبوا عليك !! بدل مايقفوا جنبك زى كل التوكيلات المحترمة فى كل دول العالم اللى شفناها !! والله كل الدول العربية والأفريقية التوكيلات فيها محترمة جداً جداً ومفيش النصب وشغل الفهلوة اللى عندنا ده !!
بجد حسبى الله ونعم الوكيل فيهم وأفوض أمرى إلى الله إن الله بصير بالعباد !!!

[ashour100]

السلام عليكم ،،،

شوف يا باشا الحل سهل ومضمون إن شاء الله

هتكتب شكوى فيها كل التفاصيل بدقة وترجمها للإنجليزية وتبعتها على الموقع ده

http://www.renault.com/en/pages/........aspx

وصدقني هما اللي هيجيوا يبوسوا ايدك بعد كده

اول ما تبعت الشكوى على الموقع هيجيلك ميل برقم مسلسل لتتبع الشكوى ولومفيش رد او استجابة ارجع ارفع للموقع بالرقم المسلسل اللي جالك في الرد.

ديه خبرات السنين مع شركة رينو وصدقني ناس كتير هتتشاط في الموضوع ده المهم التفاصيل وكتابة شكوى محترمة.

[haythamkmal]

ماحولتش تعرف المشكلة من ايه بالظبط

لان بوصفك ده المشكلة مش فى الكاسيت المشكلة فى كهرباء السيارة نفسها ، ممكن يكون فى شورت معين اة فى سلك مش موصل الكهربائ كويس

متزعلش نفسك ، ده حال اليبد مش فى توكيل رينو بس

[خالد]

السلام عليكم ،،،

شوف يا باشا الحل سهل ومضمون إن شاء الله

هتكتب شكوى فيها كل التفاصيل بدقة وترجمها للإنجليزية وتبعتها على الموقع ده

http://www.renault.com/en/pages/........aspx

وصدقني هما اللي هيجيوا يبوسوا ايدك بعد كده

اول ما تبعت الشكوى على الموقع هيجيلك ميل برقم مسلسل لتتبع الشكوى ولومفيش رد او استجابة ارجع ارفع للموقع بالرقم المسلسل اللي جالك في الرد.

ديه خبرات السنين مع شركة رينو وصدقني ناس كتير هتتشاط في الموضوع ده المهم التفاصيل وكتابة شكوى محترمة.

ربنا يباركلك ويرزقك من حيث لاتحتسب
فعلاً أنا كنت ناوى على كده بس كنت مستنى أجيب العنوان بتاع رينو فرنسا وحضرتك تكرمت مشكوراً وجبته
جزاك الله عنا كل خير
اللى مجننى أنهم بيضحكوا عليا وبيمشورونى يومين على قلة فايدة ويقوللى أنه خلاص متصلح وبنركبه !!
وكمان ذراع المالتى فنكشن ماركبش جديد بداله وبرضه بيضحك عليا ويقوللى ركبناه !!
جزيل لشكر لحضرتك جداً ، وتقبل تحياتى

[خالد]

ماحولتش تعرف المشكلة من ايه بالظبط

لان بوصفك ده المشكلة مش فى الكاسيت المشكلة فى كهرباء السيارة نفسها ، ممكن يكون فى شورت معين اة فى سلك مش موصل الكهربائ كويس

متزعلش نفسك ، ده حال اليبد مش فى توكيل رينو بس

والله أنا قلت التشخيص ده للمهندس وقاللى لأ ده العيب فى الكاسيت مش كهرباء العربية !!
بقالهم شهر مش عارفين يصلحوا الكاسيت أو يستبدلوه !!
فى توكيل مفترض أنه محترم وكان من ضمن عوامل ترجيحى لشراء سيارة رينو هوة أن سمعة التوكيل كويسة !!!
والله أنا نفسى أتسدت من العربية خالص بسبب موضوع الكاسيت اللى مفكوك ده بقاله ييجى شهر ومخلى الشكل من جوة زبالة ، والغيظ أكتر من كدب المهندسين بالتوكيل وشغل الفهلوة اللى بيعملوه عليا وتحت أمرك ياباشا والكاسيت متصلح من ساعتها والدراع المالتى فنكشن صدقنى غيرناه ومعلش ظهر لنا عيب جديد تانى فهيقعد عندنا كمان شوية وأحنا يومين بالكتير وهنتصل بسعادتك وحوارات ركيكة تعبانة لاتحدث فى أى من شعوب الدنيا إطلاقاً !!
التوكيلات فى كل شعوب الدنيا محترمة ولايوجد بها مراوغة إطلاقاً وكلام صريح ودوغرى من أول مرة ووفاء بالوعد وأمانة شفنا ده فى الدول العربية والإفريقية وطبعاً الأوروبية بدون شك
حسبى الله ونعم الوكيل فى كل غشاش وفهلوى وكداب ونصاب فى البلد دى

[haythamkmal]

والله أنا قلت التشخيص ده للمهندس وقاللى لأ ده العيب فى الكاسيت مش كهرباء العربية !!
بقالهم شهر مش عارفين يصلحوا الكاسيت أو يستبدلوه !!
فى توكيل مفترض أنه محترم وكان من ضمن عوامل ترجيحى لشراء سيارة رينو هوة أن سمعة التوكيل كويسة !!!
والله أنا نفسى أتسدت من العربية خالص بسبب موضوع الكاسيت اللى مفكوك ده بقاله ييجى شهر ومخلى الشكل من جوة زبالة ، والغيظ أكتر من كدب المهندسين بالتوكيل وشغل الفهلوة اللى بيعملوه عليا وتحت أمرك ياباشا والكاسيت متصلح من ساعتها والدراع المالتى فنكشن صدقنى غيرناه ومعلش ظهر لنا عيب جديد تانى فهيقعد عندنا كمان شوية وأحنا يومين بالكتير وهنتصل بسعادتك وحوارات ركيكة تعبانة لاتحدث فى أى من شعوب الدنيا إطلاقاً !!
التوكيلات فى كل شعوب الدنيا محترمة ولايوجد بها مراوغة إطلاقاً وكلام صريح ودوغرى من أول مرة ووفاء بالوعد وأمانة شفنا ده فى الدول العربية والإفريقية وطبعاً الأوروبية بدون شك
حسبى الله ونعم الوكيل فى كل غشاش وفهلوى وكداب ونصاب فى البلد دى

طيب جرب باى كاسيت تانى من عندهم سواء جديد او قديم ، وشوف المشكلة هتفضل موجوده ولا لأ

[خالد]

طيب جرب باى كاسيت تانى من عندهم سواء جديد او قديم ، وشوف المشكلة هتفضل موجوده ولا لأ

حل رائع ، ولكن المصيبة أنك مابتشوفش العربية خالص ولا عارف أيه اللى بيتعمل فيها !! لدرجة أنى المرة التانية اللى رحت فيها يوم 12/3 المهندس قاللى خلاص العربية خلصت وطلع أذن الخروج والسواق جابها ، وكانت الصدمة السلوك طالعة برضة بتاعة الكاسيت ومفيهاش الكاسيت وماأتصلحش ولا حاجة وكانت مرمية بره مش جوة الصالة !!! ووقع المهندسين فى حيص بيص أزاى العربية خرجت وكان جواها أمر الشغل كمان اللى المفروض هما يآخدوه !!! وبعد إعتذارات دخلت العربية تانى جوه الورشة ومفيش خمس دقايق المهندس بنفسه بيخرجها وبيعتذر أنهم ماعرفوش يصلحوه وعلى وعد يومين بس بالكتير ونصلحه أو نستبدله بواحد جديد ، وطبعاً آدى وش الضيف !! لاحس ولاخبر !! وكمان بيكدبوا أنهم غيروا ذراع المالتى فنكشن وطلع أنه ماأتغيرش ولا حاجة وهوة هوه علشان أنا كنت معلمه بالقلم قبل مايدخل !!
ولما بتقترح على المهندس تشخيص معين للعيب إحتمال يكون هوة بمنتهى الثقة يرد عليك أنه مش ممكن لأ ، وأنا واثق أنه ماجربش حاجة ومش دارى باللى بيتم جوة من الفنيين !!
وآدى التوكيل المحترم !!!!!

[ashour100]

اياك والتنازل
حقك مضمون وركز قوي على موضوع الكذب والتحايل لان ده كبير قوي مع الشركات الكبيرة واهو يارب يكون درس ليهم علشان يحترموا نفسهم - لاتتردد أو تتأخر

[egyptianaskar]

انا برضة ناوي اقدم شكوي في جهاز حماية المستهلك

العربية ستيب واي

صوتها عالي و ده طبيعي
اللي مش طبيعي ان العربية بترتل
صوتها زي المواتير الجاز فيها رعشة رخمة جدا

و ده بعد ما تعمل مشوار حلو يعني ساعتين سواقة مثلا

حاسس اني راكب عربية قديمة


المهم رت التوكيل ده 3 مرات عشان نفس المشكلة
و تتاخد جوا " مش عارف بصراحة بيعملوا ايه جوا من غير ما العميل يشوف "
و يرجع يقولي يا باشا العربية 100%

انا حاسس ان فيع مشكلة و بقولهم المشكلة كذا
و هم بيقولولي لا
و جربت و سألت ناس تانية

قالولي صوت العربية مش طبيعي


فقررت اعمل شكوي فيهم
لانهم مش مظبوطين

[egyptianaskar]

رقم جهاز حماية المستهلك
19588

[خالد]

كل اللى بيشتغلوا هناك فى فرع العبور من الشباب وده طبعاً شئ جميل ،
ولكن واخدين الموضوع فهلوة شوية وعنطزة وكبر وعجرفة حتى فى الكلام على أيه مش عارف !!! امال لو بتنجزوا وبتصلحوا الأعطال بجد كانت طريقة كلامكم تبقى أزاى ؟
العربية أستلمها منى مهندس أمجد وبعدين أختفى على الساعة 3 العصر ، بقول للمهندس إسلام المهندس اللى أستلم منى العربية مش موجود ياترى أسئل مين عليها خلصت ولا لأ ؟ يرد مهندس شكله فلاح شويةبمنتهى الجليطة وقلة الذوق أنه مفيش غير أحنا الأثنين أنا وإسلام ؟ مين بقى اللى أستلمها منك ؟ قلتله المهندس أبو بالطو رمادى ؟ رد م. إسلام وقال أيوة أيوة المهندس أمجد !! طيب ماتقعد ياعم الفلاح ساكت وبلاش العنطزة فى الكلام وأنت قاعد نايم على ودانك ومش دارى مين اللى بيستلم العربيات معاك !!
برضه لما العربية دخلت عندهم أول مرة ماعرفش بوظوا الباب من الداخل وسيلوا عليه سائل مش عارف أيه مذيب ولا مية نار !! المهم خط جنب الباب شكله رخم !! قولتلهم عليه فى المرة التانية قالوا لأ بسيطة وتطلع بشوية تنر فى قسم السمكرة ! رحت هناك بكلم اللى المفروض أنه مهندس (بس صراحة شكله لايدل إطلاقاً) وبرضه بمنتهى العجرفة وقلة الذوق ومنتهى البرود اللى فى الدنيا مش عاوز يسمع وعمال رايح جاى ياباش........ أسمعنى لو سمحت دقيقة واحدة مفيش فايدة حاضر جاى ، ولما جه قعد يتلكع وأتفضل أستنى فى الإستراحة دقيقة واحدة .... طبعاً أتنرفزت ومشيت ، وتقريباً لن أدخل هذا التوكيل بعد إنتهاء فترة الضمان
بجد توكيل سئ جداً
توكيل السبع برقبتهم

[MARTINDALE]

بص يا غالي .. انت شكلك راجل طيب ومحترم بس زياده حبتين (( للاسف اليومين دول المواصفات دي بقت عيب )) .
الحل بسيط ومجرب ومعتمد لدى كل التوكيلات : انت تروح التوكيل الساعه 9 او 10 صباحا ومعاك الورق اللي فيه كل اللي تم الفتره اللي فاتت . تطلب تقابل المدير وبدون تفاهم تقول اللي عندك بنبره قويه وصوت واضح وماتخليهوش يقاطعك ولا يحاول يهديك . وفي الاخر بعد ما توضح الصوره تبتدي انت تقول انت عايز ايه (( ماتستناش هو اللي يعرض الحلول)) ....... ركز في اللي جاي , هتطلب ان العربيه تدخل الصيانه وانت هتستنى برا ساعتين تلاته اربعه خمسه براحتهم لكن انا مش هخرج الا والعربيه معايا والكاسيت ودراع الملتي فانكشن شغالين .... تصلحوهم تغيروهم تسحروهم انتوا احرار يا اما توصلني بحد اعلى منك علشان يرد عليا . اقفل الكلام على كده وماتحاولش تتحاور وكل ما يجبك يمن او شمال خد منه الكلام وبرضوا صمم على طلباتك بدون اي تنازلات ..... وياريت لو في النص صوتك يعلى وتلفت نظر اللي حواليك .

الطريقه دي للاسف هى اللي هتخلي مدير المركز يجري يصلحهولك بنفسه .

[خالد]

بص يا غالي .. انت شكلك راجل طيب ومحترم بس زياده حبتين (( للاسف اليومين دول المواصفات دي بقت عيب )) .
الحل بسيط ومجرب ومعتمد لدى كل التوكيلات : انت تروح التوكيل الساعه 9 او 10 صباحا ومعاك الورق اللي فيه كل اللي تم الفتره اللي فاتت . تطلب تقابل المدير وبدون تفاهم تقول اللي عندك بنبره قويه وصوت واضح وماتخليهوش يقاطعك ولا يحاول يهديك . وفي الاخر بعد ما توضح الصوره تبتدي انت تقول انت عايز ايه (( ماتستناش هو اللي يعرض الحلول)) ....... ركز في اللي جاي , هتطلب ان العربيه تدخل الصيانه وانت هتستنى برا ساعتين تلاته اربعه خمسه براحتهم لكن انا مش هخرج الا والعربيه معايا والكاسيت ودراع الملتي فانكشن شغالين .... تصلحوهم تغيروهم تسحروهم انتوا احرار يا اما توصلني بحد اعلى منك علشان يرد عليا . اقفل الكلام على كده وماتحاولش تتحاور وكل ما يجبك يمن او شمال خد منه الكلام وبرضوا صمم على طلباتك بدون اي تنازلات ..... وياريت لو في النص صوتك يعلى وتلفت نظر اللي حواليك .

الطريقه دي للاسف هى اللي هتخلي مدير المركز يجري يصلحهولك بنفسه .

معاك حق فعلاً ، أنا شفت قدامى ناس داخلة تعمل صيانة بيكلموا المهندسين بمنتهى العجرفة وقلة الذوق أتفاجئ بأنهم بيكلموا معاهم بمنتهى الأدب وتقريباً بيستلموا عربياتهم بدرى جداً وأنا بقعد هناك دايماً بالأربع ساعات !!!
للأسف أنا دكتور بالجامعة وسافرت برة كتير وعشت فى سويسرا والنمسا وواخد شوية على الطريقة الهادية المهذبة فى كل شئ اللى مش بتجيب نتيجة نهائى على كل المستويات فى بلدنا فقط !!! أنا تقريباً بعانى فى جميع التعاملات ببلدنا الحبيبة مع مثل تلك النوعيات من البشر مثل توكيل العبور !! ولكن لحسن الحظ لدى مثابرة قوية جداً على إسترداد حقوقى ولكن بالطرق السلمية اللى نصفها مش بيجيب نتيجة والنصف الآخر اللى بيجيب نتيجة بتكون بعد طلوع الروح !!
تقبل تحياتى

[خالد]

نسيت أقول أن المهندس فى توكيل العبور لسه مكلمنى على الموبيل ، وبيعرض أنه سيتم تغيير الكاسيت بواحد جديد ولكن ده مش قبل 3 أسابيع ، فبيقترح انه يركب الكاسيت القديم على عيبه وأمشى نفسى بيه لغاية لما يجيلله الجديد ويبقى يركبه بعد تلاتة أسابيع !!!
ومش جايب سيرة عن ذراع المالتى فنكشن خاااااالص ، ومستنى منى الرد أيه ؟ يركب القديم بعيبه ولا تستنى الجديد لما ييجى ؟
توكيل صفر على عشرة !!

[خالد]

نسيت أقول أن المهندس فى توكيل العبور لسه مكلمنى على الموبيل ، وبيعرض أنه سيتم تغيير الكاسيت بواحد جديد ولكن ده مش قبل 3 أسابيع ، فبيقترح انه يركب الكاسيت القديم على عيبه وأمشى نفسى بيه لغاية لما يجيلله الجديد ويبقى يركبه بعد تلاتة أسابيع !!!
ومش جايب سيرة عن ذراع المالتى فنكشن خاااااالص ، ومستنى منى الرد أيه ؟ يركب القديم بعيبه ولا تستنى الجديد لما ييجى ؟
توكيل صفر على عشرة !!