توكيل رينو .... وإنطباعات سيئة للغاية !!

[MARTINDALE]

نسيت أقول أن المهندس فى توكيل العبور لسه مكلمنى على الموبيل ، وبيعرض أنه سيتم تغيير الكاسيت بواحد جديد ولكن ده مش قبل 3 أسابيع ، فبيقترح انه يركب الكاسيت القديم على عيبه وأمشى نفسى بيه لغاية لما يجيلله الجديد ويبقى يركبه بعد تلاتة أسابيع !!!
ومش جايب سيرة عن ذراع المالتى فنكشن خاااااالص ، ومستنى منى الرد أيه ؟ يركب القديم بعيبه ولا تستنى الجديد لما ييجى ؟
توكيل صفر على عشرة !!

بص يا دكتور ... ماتستعجلش لانك هتضرب مشوار علشان تركب القديم وبعدها مشوار تاني علشان تركب الجديد ... انت تصبر الفتره دي وتسئل كل اسبوع , لكن اتصل بالمهندس وبلغه انك هتستنى واطلب منه الافاده عن دراع الملتي فانكشن ولو اني متوقع بنسبه كبيره جدا ان الدراع شغاله والعيب من الكاسيت ((واضح ان فيه مشكله في الكهرباء)) وفي كل الاحوال لازم تطلب منه يوضحلك العيب كان ايه علشان تقدر تحدد هل العيب في الكاسيت فقط ولا فيه عيب في احد الاجزاء الكهربائيه في الاخرى في العربيه بما فيهم الضفيره .
لو محتاج اي خدمه انا تحت امرك .... ده انا عندي الادرينالين بيعلى وبتكيف اوى في التعامل مع الاشكال دي .

[Casio2000]

ممكن تجرب مركز صيانة خالد عمارة - بيجيوا ياخدوا العربية يودوها يتعملها الصيانة و يرجعوهالك - المهندس أسامة هناك راجل 100 100 و حل مشاكل كتير ماكناش عارفين مالها في الفلوانس - قل له اللي اداني النمرة محمد حماد اللي معاه الفلوانس في مدينة نصر و كانوا لسة باعتين لي الطاسات
نمرته 01002101604

[georgedada82]

حماية المستهلك ... هو البعبع المرعب لتوكيلات السيارات وخليك علي طلبات عالية حتي لو وصلت لتغيير السيارة وهتلاقي استجابة مختلفة نهائي

[خالد]

ممكن تجرب مركز صيانة خالد عمارة - بيجيوا ياخدوا العربية يودوها يتعملها الصيانة و يرجعوهالك - المهندس أسامة هناك راجل 100 100 و حل مشاكل كتير ماكناش عارفين مالها في الفلوانس - قل له اللي اداني النمرة محمد حماد اللي معاه الفلوانس في مدينة نصر و كانوا لسة باعتين لي الطاسات
نمرته 01002101604

مكانه فين مركز صيانة خالد عمارة ؟
وهوة الأفضل ولا السبع ؟
مع خالص تحياتى

[خالد]

حماية المستهلك ... هو البعبع المرعب لتوكيلات السيارات وخليك علي طلبات عالية حتي لو وصلت لتغيير السيارة وهتلاقي استجابة مختلفة نهائي

فعلاً للأسف الشديد عندنا فى مصر لازم يكونوا متهددين علشان تعرف تآخد حقك مش أكتر !!
ربنا يباركلك وأدعيلى أخلص من التوكيل الزفت ده ومش مهوب ناحيتهم تانى نهائى

[Casio2000]

مكانه فين مركز صيانة خالد عمارة ؟
وهوة الأفضل ولا السبع ؟
مع خالص تحياتى

https://www.facebook.com/khaledemaraautomotive

ماعرفش حاجة عن مركز السبع للأسف

[momo10000]

الاخ الفاضل : خالد باشا

اديك حل سحري وخلاصة .

اتوكل علي الله وروح المقطم.

واسئل علي المهندس ياسر واحكيلة الموضوع.

تاكد تماما ان القصة حتتحل وقتي.

[خالد]

الاخ الفاضل : خالد باشا

اديك حل سحري وخلاصة .

اتوكل علي الله وروح المقطم.

واسئل علي المهندس ياسر واحكيلة الموضوع.

تاكد تماما ان القصة حتتحل وقتي.

ربنا يباركلك ياأخى
ولكن هل هينفع أروح المقطم ، والكاسيت مفكوك من العربية وموجود فى فرع العبور ؟
مش عارف والله أعمل أيه ؟ ربنا يآخدهم بتوع توكيل العبور دول الكدابين الغشاشين !! لسه واحد معرفة معاه رينو لوجان برضه كان بيشتكى من فرع العبور أنهم مابيعملوش حاجة عند صيانة العربية غير تغيير الزيت والفلتر ولو أى شكوى من العربية يقولوا تمام ياباشا أتصلحت وماتكنش أتعمل فيها حاجة وزى ماهية

[momo10000]

اكيد ينفع تروح للمقطم .
وتاكد ان المهندس ياسر حيحل المشكلة وقتي.

[mohamed1979]

اكيد ينفع تروح للمقطم .
وتاكد ان المهندس ياسر حيحل المشكلة وقتي.

+111111
المهندس ياسر عن تجرجه راجل رائع و حلال للمشاكل فعلا

[خالد]

أنا بعت رسالة لرينو فرنسا ومستنى هشوف هيحصل أيه
بجد توكيل العبور كدابين وغشاشين جداً
توكيل صفر على عشرة

[wael-mohamed]

+111111
المهندس ياسر عن تجرجه راجل رائع و حلال للمشاكل فعلا

على فكرة يا جماعة فعلا المهندس ياسر ده راجل محترم وفعلا بيحل المشاكل برغم ان توكيل المقطم برضوا بيتكلموا بطريقة مش كويسة ومواعيدهم وحشة جدا بس المهندس ياسر ده راجل محترم واعتقد ان هوه مدير الورشة في المقطم وربنا ييسر لك حالك علشان انا معايا فلوانس والسي دي مش بيطلع السي دي وقلتلهم في العبور قالوا لي ان السي دي هيتفك ويفضل عندهم 4 ايام علشان هما بيبعتوه التوكيل بتاعه يتصلح فالحقيقة رفضت وسيبه ذي ماهوه لحد ماشوف صرفة في الموضوع ده .
وبرضوا خليك ماشي في موضوع فرنسا ده وان شاء الله مشكلتك هتتحل

[خالد]

برضه وأنا هناك يوم 12/3/2013 كان فيه واحد معاه لوجان وبيشتكى مر الشكوى من السى دى وبرضه كان تانى مرة يروحلهم وبرضه بيحاولوا يسوفوا الموضوع ومفيش حل وجرب بس ياباشا وعدى علينا مرة تانية وبإذن الله هيتحل الموضوع !!! يعنى توكيل العبور ماشى بالفهلوة والضحك على العملاء !! أهم حاجة الصيانة اللى بيحصلوا منها فلوس بس !! إنما حتى الصيانات البينية 5،10،15 ألف المجانية مش بيهتموا بيها وناس كتير أشتكت من الموضوع ده قدامى هناك فى الفرع خلال دردشة كلام !! إن شاء الله مش ناوى أروح عندهم تانى بعد المشكلة ماتتحل وهروح عند السبع اللى برقبتهم

[خالد]

خدمة العملاء والتوهان

لسه خدمة العملاء مكلمانى على الموبيل من ساعتين الأستاذة ولاء
وبتقوللى أن الكاسيت الجديد وصل ومطلوب منى تحديد ميعاد علشان يركبوه !! قلت يامسهل يارب ولكن .... يافرحة ماتمت !! فى خلال نفس المكالمة بتعتذر معلش وهكلم حضرتك كمان دقيقتين !!! وبقاللى ساعتين منتظرها ومفيش رد !
خدمة العملاء فى التوهان والتوكيل فى الضياع

[ashour100]

صيانات دورية وصيانات بينية - ضحك على الدقون لكن على الطريقة المصرية
في الخليج الصيانة الدورية على 10000 كم
سير الكاتينة على 80000 كم (في مصر كل 60000 كم)