توكيل رينو .... وإنطباعات سيئة للغاية !!

[خالد]

صيانات دورية وصيانات بينية - ضحك على الدقون لكن على الطريقة المصرية
في الخليج الصيانة الدورية على 10000 كم
سير الكاتينة على 80000 كم (في مصر كل 60000 كم)

+1111111111
رينو فرنسا بعتت لهم لفرع العبور ، السيد مدير الفرع بيكلمنى وهوة اللى زعلان أنى مشتكيهم ! وبيقوللى أنه مكلمنى من 10 أيام وقايللى أن الكاسيت الجديد هييجى بعد أسبوعين تلاتة !! ولسه الأسبوعين تلاتة ماخلصوش !! فهمته أن الكاسيت مفكوك من العربية منذ 19/2/2013 بيكدبنى ويقوللى لأ !!! سيبته يعجن ويلت فى الكلام وقولتله راجع بس التواريخ اللى عندك !! الكاسيت مفكوك من 19/2 يقوللى آه بس على ذمة الإصلاح مش التغيير !!! يعنى سعادته بيحسب عل التاريخ اللى أتفضل مشكوراً بمكالمتى على الموبيل اللى هوة 16/3/2013 بعد الشكوى لرينو فرنسا !! وطبعاً عمره ماكان هيكلمنى لولا رينو فرنسا !!! بجد غشاشين وملاوعين فى الكلام !! حسبى الله ونعم الوكيل !!

[ashour100]

ابعت تاني لرينو فرنسا بتفاصيل المكالمة مع مدير الفرع -- مع ذكر الرقم المرجعي للشكوى الأولى اللي وصلك على الايميل
وانتظر تليفون دبي أو بيروت وصدقني جدالهم بلا فايدة لانك علمت عليهم خلاص !!!

[خالد]

أخيراً والحمد لله ركبت كاسيت جديد بدل القديم
طبعاً بعد لما بعت تانى لرينو فرنسا بتفاصيل مكالمة البيه مدير الفرع اللى زعلان أنى بشتكى لفرنسا ، وبلغت رينو فرنسا أن سعادته بيقول أن التأخير من عندكم علشان ماعندوش كاسيتات جديدة !! طبعاً مفيش يومين وأتركب الجديد !!
بس بجد التوكيل ده صعب شوية فى التعامل على خلاف ماكنت متخيل !! على العموم حصل خير بس طبعاً مش رايح ناحيتهم تانى وهشوف مركز صيانة معتمد زى السبع أو خالد عمارة وأتابع الصيانة معاهم
وشكراً جزيلاً لجميع الزملاء على وقوفهم جنبى ونصايحهم الغالية
وتقبلوا جميعاً تحياتى

[MARTINDALE]

لا لا لا لا استنى انا كده ازعل .
لازم تتكرم وتخبطنا الايميل اللي كنت بتراسلهم عليه .... هو انت فاكر هنسيبك من غير ماتدينا السكه !!!

[samehrty]

الحقيقة ان توكيل العبور سمعته وحشة جدا توكيل اسكندرية كويس جدا سواء سموحة او العامرية وسمعت ان المقطم برده كويس جدا

[ashour100]

مبروك عليك -- ولا يضيع حق وراءه مطالب

[Tarek1]

ربنا يباركلك ياأخى
ولكن هل هينفع أروح المقطم ، والكاسيت مفكوك من العربية وموجود فى فرع العبور ؟
مش عارف والله أعمل أيه ؟ ربنا يآخدهم بتوع توكيل العبور دول الكدابين الغشاشين !! لسه واحد معرفة معاه رينو لوجان برضه كان بيشتكى من فرع العبور أنهم مابيعملوش حاجة عند صيانة العربية غير تغيير الزيت والفلتر ولو أى شكوى من العربية يقولوا تمام ياباشا أتصلحت وماتكنش أتعمل فيها حاجة وزى ماهية

نغس الكلام بالضبت حصل معايه فى توكيل العبور فى اللوجان و الفلوانس. يقولك كله تمام و معندكش اى مشاكل و العيوب زى ما هى. انا هاروح المقطم ان شاء الله بعد كده...