مشكلة في فتيس الميجان 2006

[hayoub26]

السلام عليكم
عندي مشاكلة في فتيس ميجان 2006 و المشكلة ان شاري العربية مستعملة فمش عارف السبب , المهم هي كالأتي : لما العربية تمشي مشوار كبير بمعنى انها تبقى سخنت شوية (السخونة العادية , يعني من غير ما الحرارة تعلى و لا حاجة) تبتدي العربية تعملة نتشة جامدة في فالفتيس في الغيارات الأول و الثاني, هي مش ناتشة هي هابدة جامدة جدة كأن حد خبطك من ورا... و يضا مع المارشيدير... كمان يبدأ السحب يبقى سئ جداا.

سألت ميكانيكي كان شغال في التوكيل قالي ده جوان بس ممكن يتعمل لكن الفتيس ممكن ما يرجعش كويس زي الأول يعني تظهر في اعراض تانية

سألت عادل بتاع صقر قريش قالي في كلمتين على السريع ده جوان فتيس و تكلفته شاملة المصنعية و تغير الفتيس 900 جنيه...
لو كده يبقى كويس بس انا عايز أتأكد اولا ان عادل مضمون ثانيا ان المشكلة حاتخلص

كمان في حد معاه ميجان برده قالي حاجة غريبة : قالي صدقني هاتلها البوجيهات الأصلية من التوكيل و جرب...
ايه رأيكم ؟؟؟

[Hany Saad]

السلام عليكم
عندي مشاكلة في فتيس ميجان 2006 و المشكلة ان شاري العربية مستعملة فمش عارف السبب , المهم هي كالأتي : لما العربية تمشي مشوار كبير بمعنى انها تبقى سخنت شوية (السخونة العادية , يعني من غير ما الحرارة تعلى و لا حاجة) تبتدي العربية تعملة نتشة جامدة في فالفتيس في الغيارات الأول و الثاني, هي مش ناتشة هي هابدة جامدة جدة كأن حد خبطك من ورا... و يضا مع المارشيدير... كمان يبدأ السحب يبقى سئ جداا.

سألت ميكانيكي كان شغال في التوكيل قالي ده جوان بس ممكن يتعمل لكن الفتيس ممكن ما يرجعش كويس زي الأول يعني تظهر في اعراض تانية

سألت عادل بتاع صقر قريش قالي في كلمتين على السريع ده جوان فتيس و تكلفته شاملة المصنعية و تغير الفتيس 900 جنيه...
لو كده يبقى كويس بس انا عايز أتأكد اولا ان عادل مضمون ثانيا ان المشكلة حاتخلص

كمان في حد معاه ميجان برده قالي حاجة غريبة : قالي صدقني هاتلها البوجيهات الأصلية من التوكيل و جرب...
ايه رأيكم ؟؟؟

عيب معروف و هو عدم إحكام الضغوط داخل الجيربوكس.....بيحصل فى الرينو و البيجو و السيتروين اللى راكب فيهم الجيربوكس الdp0 و ال al4
الحل عليك وعلى التوكيل هتغير شنابر ديل الفتيس (مجموعة جوانات لإحكام الضغوط مرة أخرى) فى حدود ٣٠٠ جنيه و زيت فتيس و مصنعيات حوالي ٤٠٠ جنيه يعنى كله حسبه ٩٠٠ جنيه و العربية هترجع زى الفل .
للأسف اللى عرفته من خبرة الوحوش أن الموضوع هيرجع تانى بعد ١،٥ سنة تقريباً و هتضطر
تعيده كل فترة زمنية.....

[Ahmed Amin]

طبعا اللي قالك الكلام دا

كمان في حد معاه ميجان برده قالي حاجة غريبة : قالي صدقني هاتلها البوجيهات الأصلية من التوكيل و جرب...

دا يعني,, لا تعليق عليه.!!
المشكلة مشكلة فتيس وهبدة في الفتيس مش مشكلة ماتور وبوجيهات, !!!


وبالنسبة للهبدة اللي أنت بتحكي عليها دي, بيكون سببها إن العربية بتاخد الغيار الأول متأخر,
ودا بيكون ليه أسباب كتير, خلل أو تهريب في الضغوط, أو قلة زيت أو قلة لزوجة زيت,,
والموضوع مالوش علاقة بالجوانات وأنا اول مرة أسمع المصطلح دا, أعتقد قصدة علي الشنابر.!

بغض النظر عن المصطلح, الموضوع اللي عندك ليه علاقة بالبلوف اللي بتتحكم في الضغوط الخاصة بالغيار الأول والتاني,
وكمان لزوجة الزيت,
فأنت أبدء بتغير زيت الأول, قبل ما تفتح في الفيس وتعمل شغل,, ويكون العيب زيت ناقص أو محروق.

كان معانا عضر هنا غير الجوانات أو الشنابر دي في توكيل رينو العامرية, والعيب رجع له تاني بعد شهر.

http://www.nilemotors.net/Nile/257940-a.html

وأنا أعرف واحد غيرهم في فتيس بيجو, اللي هوا نفس الفتيس بس الكود بتاعه مختلف,
وبعد ما طلع بالعربية بقي كل ما يقف علي مطب وهيا علي D متطلعش بيه بيه مهما داس بنزين.!
يعني نفس العيب أتكرر تاني,

فأنت أبدء بتغير الزيت ونشوف بعدها هيستمر العيب ولا لأ.

[hilal]

نصيحتي المتواضعة عن تجربة
هات فتيس استيراد موديل 2007 بشرط التجربة ، بحوالي 3500 جنيه
وبيع القديم لنفس التاجر ، لأنك هتصرف كتير غير العطلة وقرف الصنايعية ، والموضوع هيفتح في المصاريف

[Ahmed Amin]

نصيحتي المتواضعة عن تجربة
هات فتيس استيراد موديل 2007 بشرط التجربة ، بحوالي 3500 جنيه
وبيع القديم لنفس التاجر ، لأنك هتصرف كتير غير العطلة وقرف الصنايعية ، والموضوع هيفتح في المصاريف

أولاً مفيش فتيس ميجان أوتو بالسعر دا,
الفتيس أنهارده بيعمل من 6500 ل 7 الأف.
وأنت كنت أتكلمت معانا في الموضوع دا قبل كدا,

http://www.nilemotors.net/Nile/373487-a-2.html#post3875137668

http://www.nilemotors.net/Nile/373487-a-2.html#post3875138812

ياباشا انا كنت في صقر النهاردة وسئلت علية بالصدفة كده وقالي ( 6500 .... 7000 )

وفعلا انا اتصلت بالارقام اللى موجودة هنا دى ولقيته ب 6000
بس كان فى هنا فى موضوع بيتكلم عن قطع غيار الميجان بره التوكيل وكان الكلام على 3500 او 4000

ومع أحترامي ليك دي مش نصيحة, لأنك هتغرم الراجل مبلغ كبير,, وممكن تكون مشكلته في تغير بلوف الضغوط وزيت الفتيس بس.
وممكن الفتيس اللي ياخدة يكون معيوب أو مرمي علي الأرض ودا غلط لأن شغل الأستيراد أنت وحظك,
والضمان اللي هتاخدة عليه مش مقياس وعلي حسب كلمة وأمانة التاجر,

[Hany Saad]

طبعا اللي قالك الكلام دا


دا يعني,, لا تعليق عليه.!!
المشكلة مشكلة فتيس وهبدة في الفتيس مش مشكلة ماتور وبوجيهات, !!!


وبالنسبة للهبدة اللي أنت بتحكي عليها دي, بيكون سببها إن العربية بتاخد الغيار الأول متأخر,
ودا بيكون ليه أسباب كتير, خلل أو تهريب في الضغوط, أو قلة زيت أو قلة لزوجة زيت,,
والموضوع مالوش علاقة بالجوانات وأنا اول مرة أسمع المصطلح دا, أعتقد قصدة علي الشنابر.!

بغض النظر عن المصطلح, الموضوع اللي عندك ليه علاقة بالبلوف اللي بتتحكم في الضغوط الخاصة بالغيار الأول والتاني,
وكمان لزوجة الزيت,
فأنت أبدء بتغير زيت الأول, قبل ما تفتح في الفيس وتعمل شغل,, ويكون العيب زيت ناقص أو محروق.

كان معانا عضر هنا غير الجوانات أو الشنابر دي في توكيل رينو العامرية, والعيب رجع له تاني بعد شهر.

http://www.nilemotors.net/Nile/257940-a.html

وأنا أعرف واحد غيرهم في فتيس بيجو, اللي هوا نفس الفتيس بس الكود بتاعه مختلف,
وبعد ما طلع بالعربية بقي كل ما يقف علي مطب وهيا علي D متطلعش بيه بيه مهما داس بنزين.!
يعني نفس العيب أتكرر تاني,

فأنت أبدء بتغير الزيت ونشوف بعدها هيستمر العيب ولا لأ.

للتوضيح و للإفادة أكثر....ما يطلق عليه شنابر الديل فى الميجان هو عبارة عن طقم ٣ كاوتشات لزيادة إحكام ضغوط الزيت فى الفتيس....لذلك كلمة جوان أقرب من كلمة شنبر....معلوماتى أن الشنبر عبارة عن طوق معدن و ليس كوتش

بالنسبة لأستاذ شوقى هو غير الطقم فى شهر ١١ ٢٠١١ و رجعله تانى العيب فى شهر ٥ سنة ٢٠١٣....لانه كان كاتب المشاركة الأخيرة فى شهر ٦ ٢٠١٣ و قايل العيب رجع من شهر (٥-٢٠١٣) مش بعد شهر من الإصلاح

أعتقد شنابر ديل تقعد سنة و نصف مش بطال لو ده هيحل المشكلة تماماً لمدة سنة و نصف.....مسمعتش حد غير بلوف أو بدى فالف لفتيس ميجان قبل كده ....غير الأوكتافيا اللى على طول بيتغير لها بدى فالف
غيار الزيت قد يؤخر حدوث المشكلة و لكنه لا يمنعها.....لاحظ حسب كلام المصنع أن الجير بوكس ال dp0 يعتبر closed block و لا يحتاج تغيير زيت دوري
كمان الوكيل بيراجع الضغوط اللى قارئها الحساس و بيشيك على السولونويد فالف و بيغير زيت بعد فتح الجير بوكس

لو حد عنده خبرات أخرى يا ريت يفيدنا

[Ahmed Amin]

للتوضيح و للإفادة أكثر....ما يطلق عليه شنابر الديل فى الميجان هو عبارة عن طقم ٣ كاوتشات لزيادة إحكام ضغوط الزيت فى الفتيس....لذلك كلمة جوان أقرب من كلمة شنبر....معلوماتى أن الشنبر عبارة عن طوق معدن و ليس كوتش

بالنسبة لأستاذ شوقى هو غير الطقم فى شهر ١١ ٢٠١١ و رجعله تانى العيب فى شهر ٥ سنة ٢٠١٣....لانه كان كاتب المشاركة الأخيرة فى شهر ٦ ٢٠١٣ و قايل العيب رجع من شهر (٥-٢٠١٣) مش بعد شهر من الإصلاح

أعتقد شنابر ديل تقعد سنة و نصف مش بطال لو ده هيحل المشكلة تماماً لمدة سنة و نصف.....مسمعتش حد غير بلوف أو بدى فالف لفتيس ميجان قبل كده ....غير الأوكتافيا اللى على طول بيتغير لها بدى فالف
غيار الزيت قد يؤخر حدوث المشكلة و لكنه لا يمنعها.....لاحظ حسب كلام المصنع أن الجير بوكس ال dp0 يعتبر closed block و لا يحتاج تغيير زيت دوري
كمان الوكيل بيراجع الضغوط اللى قارئها الحساس و بيشيك على السولونويد فالف و بيغير زيت بعد فتح الجير بوكس

لو حد عنده خبرات أخرى يا ريت يفيدنا

تسلم أيدك علي التوضيح,
أنا قريتها أن النتشة رجعت بعد شهر, مش رجعت من شهر ,,
وفيه فرق كبير طبعاً.
وفعلاً الشنابر طوق معدن, وبيطلق عليها لفظ كلاتشات برضه, مش عارف ليه نفس الحاجة ليها مسميات كتير.!


و الفتيس قايلين عليه فعلاً sealed for life ,
بس دا علي أساس إن درجة حرارة الزيت فيه متعديش 175F يعني 80c
وكل 10 درجات زيادة بتنقص عمر الزيت للنص, وأحنا أغلب سوقتنا ودرجة الحرارة عندنا في رينج ال 90c
واللي هيا نفسها درجة حرارة التشغيل الطبيعية للموتور, ونفس درجة حرارة المياة اللي بتعدي في دورة تبريد الفتيس.
عشان كدا في كتب الصيانة هتلاقي مكتوب أنك تكشف علي زيت الفتيس علي 40 ألف أو 60 كيلو وتزوده لو محتاج تزويد.

وأكيد لو لاقيت الفتيس محتاج يتزود يبقي لفظ sealed for life غلط لأنك بتزود له زيت,
ولو كان closed أو sealed يبقي مش هنعرف نزود ليه زيت ولا نغير شنابر لو محتاج تغير,

ولو مزودناش الزيت في حالة النقصان الفتيس هيبوظ بالكامل, وأخر حاجة علي إن sealed for life اللي قالوها دي غلط إننا لما بنيجي نزود أو ننزل ونغير الزيت بينزل أسود ومحروق.

تحياتي لك.

[shawkylotfy]

للتوضيح و للإفادة أكثر....ما يطلق عليه شنابر الديل فى الميجان هو عبارة عن طقم ٣ كاوتشات لزيادة إحكام ضغوط الزيت فى الفتيس....لذلك كلمة جوان أقرب من كلمة شنبر....معلوماتى أن الشنبر عبارة عن طوق معدن و ليس كوتش

بالنسبة لأستاذ شوقى هو غير الطقم فى شهر ١١ ٢٠١١ و رجعله تانى العيب فى شهر ٥ سنة ٢٠١٣....لانه كان كاتب المشاركة الأخيرة فى شهر ٦ ٢٠١٣ و قايل العيب رجع من شهر (٥-٢٠١٣) مش بعد شهر من الإصلاح

أعتقد شنابر ديل تقعد سنة و نصف مش بطال لو ده هيحل المشكلة تماماً لمدة سنة و نصف.....مسمعتش حد غير بلوف أو بدى فالف لفتيس ميجان قبل كده ....غير الأوكتافيا اللى على طول بيتغير لها بدى فالف
غيار الزيت قد يؤخر حدوث المشكلة و لكنه لا يمنعها.....لاحظ حسب كلام المصنع أن الجير بوكس ال dp0 يعتبر closed block و لا يحتاج تغيير زيت دوري
كمان الوكيل بيراجع الضغوط اللى قارئها الحساس و بيشيك على السولونويد فالف و بيغير زيت بعد فتح الجير بوكس

لو حد عنده خبرات أخرى يا ريت يفيدنا

استاذ ورئيس قسم ومذاكر اعضاء المنتدى كويس انا فعلا العيب رجع بعد حوالى سنة ونص ودة بسبب ان المجموعة الى بيركب عليهم الرينجات الثلاثة او الشنابر او الجوان ذى ما تتسمى مش مشكلة بقم مش كويسسن زى مثلا الى بيغير طقم شنبر فى عربيتة والمشكلة ان جدار البلوكة او الفارغة هو الى متاكل .....

[Hany Saad]

استاذ ورئيس قسم ومذاكر اعضاء المنتدى كويس انا فعلا العيب رجع بعد حوالى سنة ونص ودة بسبب ان المجموعة الى بيركب عليهم الرينجات الثلاثة او الشنابر او الجوان ذى ما تتسمى مش مشكلة بقم مش كويسسن زى مثلا الى بيغير طقم شنبر فى عربيتة والمشكلة ان جدار البلوكة او الفارغة هو الى متاكل .....

يا فندم ده حضرتك اللى مدرسة و مشكور جداً لمشاركاتك المفيدة دائماً لكل الأعضاء....

معلش حابب أستوضح.....يعنى حضرتك كان عندك مشكلتين ....تأكل فى البلوكة أو الفارغة و كمان شنابر ديل ....و لما غيرت شنابر الديل و نتيجة تأكل البلوكة مقعدوش كتير فى العربية ؟

و اللى هيغيرهم و هو معندوش التآكل ده الموضوع هيظبط معاه اكتر و الشنابر مش هتتغير تانى بسرعة.....يا ريت توضيح أكتر لو مش هضايق حضرتك و مشكور يا كبير

[hayoub26]

عيب معروف و هو عدم إحكام الضغوط داخل الجيربوكس.....بيحصل فى الرينو و البيجو و السيتروين اللى راكب فيهم الجيربوكس الdp0 و ال al4
الحل عليك وعلى التوكيل هتغير شنابر ديل الفتيس (مجموعة جوانات لإحكام الضغوط مرة أخرى) فى حدود ٣٠٠ جنيه و زيت فتيس و مصنعيات حوالي ٤٠٠ جنيه يعنى كله حسبه ٩٠٠ جنيه و العربية هترجع زى الفل .
للأسف اللى عرفته من خبرة الوحوش أن الموضوع هيرجع تانى بعد ١،٥ سنة تقريباً و هتضطر
تعيده كل فترة زمنية.....

يا فندم انا متشكر جداا ليك و لكل المشاركات الجادة و القيمة من الناس هنا و اهتمامهم السريع ده.. انا مكنتش متوقع الصراحة كده.. بارك الله فيكم جميعا...
سؤالي طيب... اولا لو كلامك كده يبقى كلام عادل بتاع صقر قريش صح.. و هو قالي نفس الكلام و نفس التكلفة... لكن التوكيل لما رحتله قالي عمرة فتيس و زي ما تصرف ما نقدرش نقولك دلوقتي لكن التكلفة ممكن تزيد عن 8000 جنيه.... فطبعا انا مش رايح التوكيل... لكن ايه رأيكم اعمل المحاولة دي عند عادل ؟ (تكلفته الاجمالية 900 جنية )

مع العلم ان في ناس تانية بتقولي الشغل ده مش مضمون النتيجة ... بس عادل كان واثق من نفسه جدا... و سمعت كمان ان العسكري اللي في الحرفيين كويس...و لو حد معاه رقمه يا ريت يقولى ... شكرا جزيلا

[hayoub26]

طبعا اللي قالك الكلام دا


دا يعني,, لا تعليق عليه.!!
المشكلة مشكلة فتيس وهبدة في الفتيس مش مشكلة ماتور وبوجيهات, !!!


وبالنسبة للهبدة اللي أنت بتحكي عليها دي, بيكون سببها إن العربية بتاخد الغيار الأول متأخر,
ودا بيكون ليه أسباب كتير, خلل أو تهريب في الضغوط, أو قلة زيت أو قلة لزوجة زيت,,
والموضوع مالوش علاقة بالجوانات وأنا اول مرة أسمع المصطلح دا, أعتقد قصدة علي الشنابر.!

بغض النظر عن المصطلح, الموضوع اللي عندك ليه علاقة بالبلوف اللي بتتحكم في الضغوط الخاصة بالغيار الأول والتاني,
وكمان لزوجة الزيت,
فأنت أبدء بتغير زيت الأول, قبل ما تفتح في الفيس وتعمل شغل,, ويكون العيب زيت ناقص أو محروق.

كان معانا عضر هنا غير الجوانات أو الشنابر دي في توكيل رينو العامرية, والعيب رجع له تاني بعد شهر.

http://www.nilemotors.net/nile/257940-a.html

وأنا أعرف واحد غيرهم في فتيس بيجو, اللي هوا نفس الفتيس بس الكود بتاعه مختلف,
وبعد ما طلع بالعربية بقي كل ما يقف علي مطب وهيا علي d متطلعش بيه بيه مهما داس بنزين.!
يعني نفس العيب أتكرر تاني,

فأنت أبدء بتغير الزيت ونشوف بعدها هيستمر العيب ولا لأ.

شاكر ليك جدا و على الرابط .. فعلا المشكلة بينسبة 90 % هي مشكلتي... انا ممكن اروح توكيل المقطم و اعمل نفس الكلام اقولهم عايز اغير شنابر ديل الفتيس و الزيت على مسؤليتي و اهو اكيد شغل التوكيل اضمن من شغل عادل او اي ميكانيكي بره ,, و هي نفس التكلفة ... و لو ان عادل حايبقى هو المسؤل لأنه متأكد و بيقول على مسؤليته مش زي التوكيل ... حاتبقى على مسؤليتي انا .. ايه رأيكم ؟.

[medo99_pc]

اتاكد من مستوى زيت الفتيس, لو رياده يعمل نتشه معاك بين الاول والتاني

[hayoub26]

اتاكد من مستوى زيت الفتيس, لو رياده يعمل نتشه معاك بين الاول والتاني

انا اتأكدت مستوى الزيت و كان كويس...

[Ahmed Amin]

شاكر ليك جدا و على الرابط .. فعلا المشكلة بينسبة 90 % هي مشكلتي... انا ممكن اروح توكيل المقطم و اعمل نفس الكلام اقولهم عايز اغير شنابر ديل الفتيس و الزيت على مسؤليتي و اهو اكيد شغل التوكيل اضمن من شغل عادل او اي ميكانيكي بره ,, و هي نفس التكلفة ... و لو ان عادل حايبقى هو المسؤل لأنه متأكد و بيقول على مسؤليته مش زي التوكيل ... حاتبقى على مسؤليتي انا .. ايه رأيكم ؟.

لو أنت نفس مشكلتك اللي هيا في الرابط بتاعت العضو shawkylotfy
يبقي أنت عندك نفس الموضوع, وأنا كنت فهمته غلط أول مرة لما قال من المشكلة رجعت من شهر, وأنا فهمتها رجعت بعد شهر, يعني كويس إن العيب راح لسنة ونص,,
طبعا كدا مش علاج قطعي, بس أحسن من أنك تمشي بالفتيس كدا أو تخاطر بفتيس أستيراد يكون فيه مشاكل تانية وتكلفة فتيس جديدة,
فتيس بيجو وستريوين اللي هوا AL4 المفروض هوا نفسه بتاع الميجان DP0
بس واضح كدا أنهم نفس البلوك بس, والقطع اللي جوا مختلفة,

لأن عندنا في البيجو والستروين في حل المشكلة دي بنغير البلوف أو الالكترو فالفز المسؤلة عن ضغط الزيت وبتحل المشكلة,
أما في الميجان من تجربة شوكي تغير الشنابر حل المشكلة ودا مش بيحلها في البيجو,!!
ومشوفتش حد قبل كدا قال أنو غير بلوف في الميجان عشان كدا الموضوع دا مخليني مستغرب,,
هل محدش جرب يغير البلوف قبل كدا في الميجان وشاف العيب راح ولا لأ, ولا المشكلة مش بتتشخص كويس..؟!
حتي رقم البارت بتاع الالكترو فالفز في البيجو والستروين غير الرينو, والرينو بتاخد زيت فتيس مختلف وأرخص كتيييير من زيت البيجو وسيتروين,


المهم بالنسبة لمشكلتك هيبقي أفضل طبعاً أنك تعملها في أقرب توكيل رينو ليك عن عادل أو غيرة من الميكانيكة,,
وأنا عن نفسي مش برتاح للعسكري والكلام اللي بيتقال عليهم بيبقي حاجة,
والنتيجة اللي بتاخدها الناس لما بتروح لهم بتبقي حاجة تانية خالص,,

فأنت أفضلك تروح تعملها في التوكيل لأن هناك عندهم العدة اللازمة لكل حاجة هتتفك وهتبقي عدة خاصة برينو, وكمان تضمن أنك واخد قطع الغيار الأصلية, ومش مضروبة.
وكمان في التوكيل ليهم نظام معين شغالين بيه في الفك والتركيب, ونضافة المكان في التوكيل مش هتتوفر في الحرفيين, وأي شغل في الفتيس محتاج مكان نضيف ومنظم جداً وإلا هتاخد نتايج مش مرضية.

فأنت أتوكل علي الله وغير الشنابر زي ما شوقي غيرهم وحلت له المشكلة,
وطبعاً هيغيرو لك الزيت كمان بالزيت الأصلي,, والأتنين دول هيفرقو معاك في ظبط الضغوط جامد.
وهيبقي أحسن من أنك تفكر في فتيس أستيراد أو عمرة كاملة,

سؤال بقي جانبي لشوقي وميجي بوي,
متعرفوش حد غير قبل كدا السولنيد فالفز بتاعت الأول والتاني في الرينو وحلت معاه المشكلة النتشة او الرزعة وفرق الضغوط دي.؟
أحنا عايزين نوصل لسبب وحل المشكلة لو كان فيه, مش علاج مؤقت لأن واضح إن فيه حاجة تانية بتضر الضغوط بعد فترة من تغير القطع سواء شنابر او بلوف ضغط.

[hayoub26]

سألت طارق اللي في الهرم.. قالي العربية ماشية اد ايه ؟ قولتله 80 الف km... قالي يبقى ان شاء الله تغيير الشنابر حاينجح.. لكن لما بتبقى ماشية كتير التجربة دي مش بتنفع لا الفتيس نفسه بيبقى تعبان و لما بنغيرله طقم الشنابر و نحكم الضغط الفتيس اداءه بيبقى اسوأ و ساعتها تضطر تجيب واحد استيراد