مشكلة في فتيس الميجان 2006

[Ahmed Amin]

تمام ..
بس انا رحت التوكيل من حوالي شهرين و طلبت كشف على الفتيس قالولي محتاج عمرة و زي ما تصرف.. فمشيت طبعا... لكن انا بفكر اروح و قلهم انا مش عايز غير تغير الشنابر و الزيت و اعادة البرمجة زي ما انت قولت و بس و على مسؤليتي .. ايه رأيك ؟

التوكيل هيقولك كدا زي ما قال لشوقي,,
وفي الأخر أنت هتقلهم غيروهم علي مسؤليتي زي ما شوقي عمل.

http://www.nilemotors.net/Nile/257940-a.html#post3873947412

و بالنسبة لعادل انا متفق معاك و مش حاروله لأنه كمان رجع غير كلامه...

قالي مشكلتك مش شنابر .. الشنابر و مشكلة الضغوط بتظهر في النزول فقط (عند الفرملة و النزول لغيار أقل) .. و قالي طالما ده محصلشي معاك يبقى تفريغ الضغط عندك كويس ...
انما المشكلة اللي عندي عند الطلوع دي بتحتاج تغيير الطقم (وقالي المجموعة) .. انا مفهمتش ايه المجموعة دي بس قالي تكلفتها 2500 جنيه ... ساعات اقول مش رايحله و شاعة احس من كلامه انه فاهم .. مش عارف ؟

اللي بيقولك عليه عادل مش مظبوط, وطالما مش مستريح له وهوا مش دوغري أو غير كلامه متتعبش نفسك,
وأعرف منه برضه وقوله كدا, قولي ال 2500 هيتغير بيهم أيه بالظبط, حتي لو مش هتعمل شغل عنده وشوف رده هيكون عامل أزاي ؟!!!

الميكانيكي الشاطر والمحترم, هيقولك هغير كذا كذا كذا ومصنعية كذا,
لكني اللي هيقولك التكلفة الكلية كدا,,أو هنبقي نشوف لما تيجي أعرف أنو هيأفلم عليك ويجرب, أو عايز يشتغلك.!

ودي مش بداية التشخيص الصح من وجهة نظري لمشكلة قديمة ومعروفة والمفروض الميكانيكي والتوكيل يكونو خبرة أكتر بيها عننا,,

فا تاني لو التوكيل قالك كدا,

تمام ..
بس انا رحت التوكيل من حوالي شهرين و طلبت كشف على الفتيس قالولي محتاج عمرة و زي ما تصرف.. فمشيت طبعا...

أعمل زي ما عمل شوقي,

[hayoub26]

دا نفس اللي عندي بالظبط.

ايوه يعني المشكلة دي في الطلوع.. لكن مشاركتك السابقة بتأكد انها عندك في النزول (يعني النزول للغيار الأقل لما تيجي تهدي او تفرمل) ..
و لا أنت قصدك ان السبب واحد في الأخر. ,,, هو ممكن يكون السبب واحد لأن عند ...MEGGIboy كانت طلوعا و نزولا

[Hany Saad]

عاملة 80 ألف

هو حضرتك أول مالك و لا تانى مالك للسيارة؟

و إزاى لما قالولك فى التوكيل الجيربوكس عايز عمرة و زى ما تصرف قدرت تمسك أعصابك و تتمالك نفسك و تمشى و تسيبهم....أنت عارف حضرتك أنا كنت فاكرك عامل 150 ألف و أنت طالع....80 ألف كم و يجى مهندس توكيل يقولى الفتيس عايز عمره و زى ما تصرف أنا أبسلوتلى مكنتش هقتله و لا أدمر التوكيل باللى فيه...أنا كنت بس هعرفه غلطه....هو عربية إيه دى اللى فتيسها يحتاج عمره بعد 80 ألف كم ؟؟!!!

أعتقد الحل المتاح حاليا و اللى بنسبة كبيرة هيكون ناجح هو تغيير ديل الشنابر فى التوكيل....يا ريت باقى الوحوش يدخلوا يفيدونا لأنى بصراحة من سنة 2009 و أنا متابع فى المنتدى و مسمعتش حد من رينو غير فالف بادى أو سقط جيربوكس إستعمال قبل كده....

فكر فيها كويس و توكل على الله و ربنا يقدم اللى فيه الخير......

[Ahmed Amin]

ايوه يعني المشكلة دي في الطلوع.. لكن مشاركتك السابقة بتأكد انها عندك في النزول (يعني النزول للغيار الأقل لما تيجي تهدي او تفرمل) ..
و لا أنت قصدك ان السبب واحد في الأخر. ,,, هو ممكن يكون السبب واحد لأن عند ...meggiboy كانت طلوعا و نزولا

يا سدي هيا واحد, هوا قال

المرة دى العيب مختلف تماما....هو lag فى تعشيق الأول طلوعا و نزولا....الغيار الأول فقط....
كل المشكلة وقت الوقوف التام أو بداية التحرك فقط و لاغير....مفيش أى رسائل error بتظهر....تهريب ضغوط و ليس عيب قطعة معينة

لو أنا فهمته صح, هوا يقصد لما بيقف العربية مش بتاخد الأول وبتتأخر, دا نزولاً
ولما بيجي يطلع لو كان n وجاب d العربية بتغيب في أنها بتاخد أول برضه.

تانى تالت رابع و ريفيرس كله تمام....
النقل فى الطوالى ما بين الأربع غيارات تمام....

بس مش عارف أزاي قلت يا ميجي إن الريفيرس تمام,
لأنه بيكون قافش زي الأول, لانه عكس أتجاه الأول علي حد علمي, وبيقفش زي الأول بالظبط معايا وزي ما العضو الفاضل بيقول,
يعني أنا عندي العربية بترزع نفس الرزعة وهيا ساخنة عال الأول والريفرس.
لكن لما بتكون باردة أو أسيبها تبرد شوية بتاخد الأول والريفرس عادي.

[Ahmed Amin]

هو حضرتك أول مالك و لا تانى مالك للسيارة؟

و إزاى لما قالولك فى التوكيل الجيربوكس عايز عمرة و زى ما تصرف قدرت تمسك أعصابك و تتمالك نفسك و تمشى و تسيبهم....أنت عارف حضرتك أنا كنت فاكرك عامل 150 ألف و أنت طالع....80 ألف كم و يجى مهندس توكيل يقولى الفتيس عايز عمره و زى ما تصرف أنا أبسلوتلى مكنتش هقتله و لا أدمر التوكيل باللى فيه...أنا كنت بس هعرفه غلطه.........

ههههههههههه روح يا شيخ الله يصلح حالك,
فكرتني بسعيد صالح في مدرسة المشاغبين,,
أنا نفس الكلام حصل معايا في بيجو بالمناسبة, بس واحد قالي تعايش مع المشكلة بكل برود كدا من غير ما يفكر يكشف ولا يقولي دي مشكلة معروفة من الأول الألفينات وحلها كذا كذا, لا حول ولا قوة إلا بالله عليهم يعني,,

وهوا أنت نسيت اللي قال لواحد من يومين في قسم أسكودا أن الفالفات بتاعت الفتيس بتكون مشحونة كهرباء,
وبتفضي الشحنة وساعتها مش هتحس بالزيت, والراجل لما له التوكيل بالعربية عاملة 45 ألف كيلو وبيقوله فيه مشكلة في الفتيس حضرتك رد عليه المهندس وقالةهنكشف لك علي ضفيرة العربية, ولو مظبطتش نغير لك الفتيس.!!

لا عزاء لتوكيلات ومراكز خدمة مصر.!

[Hany Saad]

بس مش عارف أزاي قلت يا ميجي إن الريفيرس تمام,
لأنه بيكون قافش زي الأول, لانه عكس أتجاه الأول علي حد علمي, وبيقفش زي الأول بالظبط معايا وزي ما العضو الفاضل بيقول,
يعني أنا عندي العربية بترزع نفس الرزعة وهيا ساخنة عال الأول والريفرس.
لكن لما بتكون باردة أو أسيبها تبرد شوية بتاخد الأول والريفرس عادي.[/quote]

معلش أسف لو كانت معلوماتى مش واضحة....للأمانة أنا الموضوع مقعدتش معايا غير يومين سواقة....و هو يوم الخميس و السبت و أنا صلحت الأحد....فى اليومين دول ركنت فى الجراج مرة الخميس و مرة السبت و مرة فى مشوار صغير جنب البيت السبت....السبت ما يتحسبش علشان العربية مكنتش سخنة....نحسب الخميس فقط...لما وصلت من القاهرة و قصدت أجرى بالعربية جامد علشان أكشف العيب على قد ما أقدر...تخيلت لما أدخل أسكندرية و زحمة الكورنيش العربية هتبهدلنى...و ياللغرابة....العربية معملتهاش فى أسكندرية أو يمكن مثلا مرة واحدة و وصلت الجراج و نقلت ريفيرس و مفيش مشاكل خالص و ركنت و كله تمام...مشوار السبت كان قصير و معملتش حاجة و الأحد من 8 صباحا على التوكيل و معملتش حاجة برده.....أعتقد حكمى على الريفيرس هيكون مش صائب قوى لأنى لم أستخدمه كثيرا...و تقبلوا إعتذارى

[Ahmed Amin]

معلش أسف لو كانت معلوماتى مش واضحة....للأمانة أنا الموضوع مقعدتش معايا غير يومين سواقة....و هو يوم الخميس و السبت و أنا صلحت الأحد....فى اليومين دول ركنت فى الجراج مرة الخميس و مرة السبت و مرة فى مشوار صغير جنب البيت السبت....السبت ما يتحسبش علشان العربية مكنتش سخنة....نحسب الخميس فقط...لما وصلت من القاهرة و قصدت أجرى بالعربية جامد علشان أكشف العيب على قد ما أقدر...تخيلت لما أدخل أسكندرية و زحمة الكورنيش العربية هتبهدلنى...و ياللغرابة....العربية معملتهاش فى أسكندرية أو يمكن مثلا مرة واحدة و وصلت الجراج و نقلت ريفيرس و مفيش مشاكل خالص و ركنت و كله تمام...مشوار السبت كان قصير و معملتش حاجة و الأحد من 8 صباحا على التوكيل و معملتش حاجة برده.....أعتقد حكمى على الريفيرس هيكون مش صائب قوى لأنى لم أستخدمه كثيرا...و تقبلوا إعتذارى

ياباشا أنت بتتأسف علي أيه بس,
وكويس أنك صلحت العيب علي طول,

وأنت في الغالب لحقتها في البدري عشان كدا ملحقتش تاخد وتدي مع المشكلة,
وأنا هقولك بتبقي عاملة ازاي, لما بنقف مرة واحدة من مشوار أو في الزحمة ويكون الجيربوكس والعربية سخنة, لو العربية علي d ومأخدتش أول أو طلعت من أول دوست بنزين,
وجيبت ساعتها ريفرس هتلاقي العربية مش بتتحرك معاك برضه,
ولازم تفضل تدوس بنزين شوية وأر بي أم يعلا لحد ما الضغط يزيد وهتطلع برزعة سوا علي d أو r
هتاخد بعدها الغيارات عادي وبشكل طبيعي, لحد ما تمشي بيها شوية وتقف تاني علي حسب الحرارة بقي والضغط يا هتعملها تاني يا ممكن متعملهاش ودا أحتمال كبير اللي حصل معاك,,
ولو مشيت شوية كمان وهتعملها تاني,, وهكذا متعبة أووي.

المهم ممكن أعرف أنت بيعت العربية ولا لسه معاك؟
وبعد ما غيرت السولونويد فالف والزيت أول مرة,, عملت معاك موضوع الرزعة دي بعد قد أيه.؟؟

وهل أنت غيرت الشنابر في التوكيل لما روحت لهم وطلبت دا ولا هما اللي أقترحو يغيروهم زي ما عملو أول ما مرة مع الفالفات والزيت؟
والعربية فضلت قد أيه معاك وقت متعملش الرزعة دي بعد ما غيرت الشنابر ؟

أتمني مكنش بتقل عليك,

[hayoub26]

ايوه برده حصلت معايا بالظبط كأنك بتحكي عليا.. و برده للصدفة كان مشوار اسكندرية... عملتها على البوابات..و بعد ما دخلت اسكندرية نفسها بقيت اقول ربنا يستر و خايف جدا من الزحمة , لكن لاقيت المشكلة راحت كتير,,,
هي ساعات بعد شوية تروح لوحدها.... علشان كده انا متأكد انها درحة خفيفة في زيادة السخونة بتأثر..فلما العربية تمشي شوية كمان ممكن بترجع تربد شوية خاصة لما بفضل مشغل التكييف (علشان طبعا سرعة المروحة التانية)... و لو طفيت التكييف بيبقى صعب جدا المشكلة تروح و بتقعد تتكرر طول ما انا ماشي ....
بس اعتقد ان السخونة بتظهر المشكلة لكن ده مش معناه ان مفيش مشكلة في الفتيس أساسا.. لأ في طبعا بس السخونة شوية بتبينها

[hayoub26]

هو حضرتك أول مالك و لا تانى مالك للسيارة؟

و إزاى لما قالولك فى التوكيل الجيربوكس عايز عمرة و زى ما تصرف قدرت تمسك أعصابك و تتمالك نفسك و تمشى و تسيبهم....أنت عارف حضرتك أنا كنت فاكرك عامل 150 ألف و أنت طالع....80 ألف كم و يجى مهندس توكيل يقولى الفتيس عايز عمره و زى ما تصرف أنا أبسلوتلى مكنتش هقتله و لا أدمر التوكيل باللى فيه...أنا كنت بس هعرفه غلطه....هو عربية إيه دى اللى فتيسها يحتاج عمره بعد 80 ألف كم ؟؟!!!

أعتقد الحل المتاح حاليا و اللى بنسبة كبيرة هيكون ناجح هو تغيير ديل الشنابر فى التوكيل....يا ريت باقى الوحوش يدخلوا يفيدونا لأنى بصراحة من سنة 2009 و أنا متابع فى المنتدى و مسمعتش حد من رينو غير فالف بادى أو سقط جيربوكس إستعمال قبل كده....

فكر فيها كويس و توكل على الله و ربنا يقدم اللى فيه الخير......

أنا تاني مالك .. و مكشفتش للأسف في التوكيل و انا بشتري... بس لما ظهرت المشكلة دي رحت التوكيل... و عندي سؤال: هل لازم يبقى معايا ورق يثبت موضوع ضمان ال100 كم ده ؟.. و بعدين هل لو العربية عملت بعض الصيانات بره من المالك اللي قابلي .. هل ده يخرجها من الضمان ؟

[Hany Saad]

ياباشا أنت بتتأسف علي أيه بس,
وكويس أنك صلحت العيب علي طول,

وأنت في الغالب لحقتها في البدري عشان كدا ملحقتش تاخد وتدي مع المشكلة,
وأنا هقولك بتبقي عاملة ازاي, لما بنقف مرة واحدة من مشوار أو في الزحمة ويكون الجيربوكس والعربية سخنة, لو العربية علي d ومأخدتش أول أو طلعت من أول دوست بنزين,
وجيبت ساعتها ريفرس هتلاقي العربية مش بتتحرك معاك برضه,
ولازم تفضل تدوس بنزين شوية وأر بي أم يعلا لحد ما الضغط يزيد وهتطلع برزعة سوا علي d أو r
هتاخد بعدها الغيارات عادي وبشكل طبيعي, لحد ما تمشي بيها شوية وتقف تاني علي حسب الحرارة بقي والضغط يا هتعملها تاني يا ممكن متعملهاش ودا أحتمال كبير اللي حصل معاك,,
ولو مشيت شوية كمان وهتعملها تاني,, وهكذا متعبة أووي.

المهم ممكن أعرف أنت بيعت العربية ولا لسه معاك؟
وبعد ما غيرت السولونويد فالف والزيت أول مرة,, عملت معاك موضوع الرزعة دي بعد قد أيه.؟؟

وهل أنت غيرت الشنابر في التوكيل لما روحت لهم وطلبت دا ولا هما اللي أقترحو يغيروهم زي ما عملو أول ما مرة مع الفالفات والزيت؟
والعربية فضلت قد أيه معاك وقت متعملش الرزعة دي بعد ما غيرت الشنابر ؟

أتمني مكنش بتقل عليك,

مفيش تقل و لا حاجة....إحنا هنا علشان نساعد بعض
العربية لسه معايا الحمدلله و هبيع على أخر سنة علشان حاجز فلوانس الفيس ليفت (عربية شركة) و إلا مكنتش هبيع الميجان دلوقتى فى الزمن الصعب ده.
أنا تقريبا غيرت السولونيد فى بداية 2010 و شنابر الديل فى أخر 2013 من 3 أيام.
لما حصل الموضوع كلمت أصدقاء ليا فى التوكيل و هما كمان قالوا شنابر ديل على طول بدون إعطاء أى إحتمال أخر، كلمت فرعين مختلفين و الأجابة واحدة....شنابر ديل....علشان كده بقول أنا مسمعتش فى الميجان عن فالف بادى و لا هما لمحوا من قريب أو بعيد عن فالف بادى....بس لاحظ أنهم عرفنى كويس هناك و حافظين العربية....طبعا لما رحت هناك و زى ما قلت قبل كده المهندس كان برده عايز يكشف و يتأكد....يعنى هو شخصها بس عايز يتأكد...على فكرة هما برده عارفين هناك أنى بفهم شوية فى العربيات (أنا مهندس كهرباء أساسا) و دايما بروح أقولهم على العيب على طول...يعنى مش بقولهم أنا سامع صوت فى الناحية الشمال و الحوارات دى علشان هما فى المواضيع دى هيبيعوا و يشتروا فيك....بلف المنتدى هنا و منتديات فى الخارج و أقعد أقرا على العيب لحد ما أجيبه و أتأكد إلى حد كبير و بعدين أطلع عليهم.....

العربية الحمد لله مفيهاش مشاكل من يوم الأحد...رجوع من العامرية و كام مشوار فى الزحمة و الحر بس طبعا يمكن المدة مش كافية قوى للحكم...هتابعكم بالأخبار لو فيه جديد...

[Hany Saad]

أنا تاني مالك .. و مكشفتش للأسف في التوكيل و انا بشتري... بس لما ظهرت المشكلة دي رحت التوكيل... و عندي سؤال: هل لازم يبقى معايا ورق يثبت موضوع ضمان ال100 كم ده ؟.. و بعدين هل لو العربية عملت بعض الصيانات بره من المالك اللي قابلي .. هل ده يخرجها من الضمان ؟

طبعاً...للحصول على ضمان الفتيس يجب الأتى و كمان بعد مناقشات و ثبات على الموقف و القليل من التهديد أنك فاهم بتقول أيه و مش بتهوش:
1-مستند رسمى مكتوب فيه بوضوح هذا الضمان.
2-أن ينطبق عليك شروط الضمان (أقل من 100 كم).
3-جميع الصيانات الدورية و الصيانات عامة معمولة فى التوكيل.

مش فارق بأه أول أو تانى أيد....علشان كده بقول لحضرتك أنى بقالى 7 سنين بعمل كل فتفوتة فى التوكيل حتى البطارية و المساحات أشترتها منهم....و العربية بتاعتى معروفة بالأسم هناك و مع ذلك حاولوا يعملوها معايا...لكن على مين...أنا عارف الشركات دى كويس و أيه الصح و أيه الغلط و أمتى تقرص و أمتى متقرص....

[Fancy_man22]

يا جماعة ممكن تفدونى فى موضوعى
معايا ميجان ٢٠٠٨ تمام وكان بيحصلى حورات فى النقلات والعربية بتتهبد و كشفت عليها وطلع فيها سلونيد فالف سبلاى وكمان جوان فغيرتهم عند عادل فى صقر قريش المهم انا حاسس انو افتى ف العربية بس المهم انا استلمت العربية منة و كانت تمام بس بعد م رجعت الاسماعيلية ظهرت حاجة ف الفتيس وهى كالاتى لما بكون ماشى بالعربية و اجى اهدى بحس ان العربية بتنقل نقلات مش مظبوطى بحس ان السرعات بتقل زيادة عن المفروض يعنى لو هيا ماشة على ٤٠ بحسها نزلت للاول مش فاهمها ف لو ممكن حد يفدنى ف الموضوع دا حتى لو على الفون اشرحلو الموضوع او حتى اجيلو القاهرة يشوف العربية و للعلم العربية عاملة ٩٧٨٠٠ كم فقط تانى

[Ahmed Amin]

مفيش تقل و لا حاجة....إحنا هنا علشان نساعد بعض
العربية لسه معايا الحمدلله و هبيع على أخر سنة علشان حاجز فلوانس الفيس ليفت (عربية شركة) و إلا مكنتش هبيع الميجان دلوقتى فى الزمن الصعب ده.
أنا تقريبا غيرت السولونيد فى بداية 2010 و شنابر الديل فى أخر 2013 من 3 أيام.
لما حصل الموضوع كلمت أصدقاء ليا فى التوكيل و هما كمان قالوا شنابر ديل على طول بدون إعطاء أى إحتمال أخر، كلمت فرعين مختلفين و الأجابة واحدة....شنابر ديل....علشان كده بقول أنا مسمعتش فى الميجان عن فالف بادى و لا هما لمحوا من قريب أو بعيد عن فالف بادى....بس لاحظ أنهم عرفنى كويس هناك و حافظين العربية....طبعا لما رحت هناك و زى ما قلت قبل كده المهندس كان برده عايز يكشف و يتأكد....يعنى هو شخصها بس عايز يتأكد...على فكرة هما برده عارفين هناك أنى بفهم شوية فى العربيات (أنا مهندس كهرباء أساسا) و دايما بروح أقولهم على العيب على طول...يعنى مش بقولهم أنا سامع صوت فى الناحية الشمال و الحوارات دى علشان هما فى المواضيع دى هيبيعوا و يشتروا فيك....بلف المنتدى هنا و منتديات فى الخارج و أقعد أقرا على العيب لحد ما أجيبه و أتأكد إلى حد كبير و بعدين أطلع عليهم.....

العربية الحمد لله مفيهاش مشاكل من يوم الأحد...رجوع من العامرية و كام مشوار فى الزحمة و الحر بس طبعا يمكن المدة مش كافية قوى للحكم...هتابعكم بالأخبار لو فيه جديد...

ياباشا ربنا يخليك علي زوقك, وأنا قبل ما أقرئ الرد دا,
شوفت من شوية الموضوع بتاعك دا بالصدفة, وكنت أتمني لو شوفته من بدري,,

http://www.nilemotors.net/Nile/376163-ii.html

بجد تسلم أيديك علي اللي أنت عملته, وعلي طريقة سردك اللي حصل بالتفصيل,
وأنا شخصياً أستفدت منه كتير, وخصوصاً من النقط دي,,

لاحظ الأتى....يوجد تمن كشف 250 جم للكشف عن العيب و ده كان المفروض يتم خصمهم لأنى محددله العطل و مش طالب كشف

و لأن الفلوس الحلال ربنا بيبارك فيها و لأنى عارف أيه هى حقوقى و واجباتى كويس كنت متذكر و أنا بشترى ميجى حبيبتى أن ضمان الجيربوكس 100 ألف كم غير محددة المدة...أيون زى ما سمعتم كده 100 ألف كم مصرى غير محددة المدة أنا فاكر كويس لأن كان ساعتها فى إشاعات كتير طالعة على الميجان و مشاكل الجيربوكس و ده طمنى لحد كبير و أنا بشتريها لأنى فى العادى بغير العربية قبل ال100 ألف كم

وكنت بتمني لو كان يبيق حظي حلو وأعرف أتصرف زيك ويكون فيه ضمان عال جير, بس متهيألي بيجو مفهاش,؟؟؟
أو أنت في حالتك أتكتب لك كدا, بس في ناس متكتبهالش دا, أو ناس كتير متعرفش,,
بس بجد أنت شاطر وعرفت تاخد حقك كويس, ومضيعتش وقت, ما شاء الله عليك..

أنا كدا بفكر كدا إني أغير الشنابر عندي أنا كمان مع أني كنت مقلق من تغيرهم لأن كان فيه واحد كان غيرهم في عربية بيجو بس برة التوكيل والعربية طلعت بنفس العيب,
فانا ممكن أغير عندهم وأشوف ايه اللي هيحصل وربنا يستر,

أخر حاجة,, أنا كنت كلمت رينو العامرية, وسألتهم من سنة إذا كان ممكن أروح أغير الشنابر عندهم بعد ما قريت موضوع شوقي, بما أنه جرب عندهم وظبطت معاه,,
فالمهندس قالي مش هينفع عشان بنشتغل في رينو بس.
قلت بس الفتيس واحد, فقالي طب هسئل,, وراوح ورجع لي وقالي مش هنقدر,,

فقلت له طب كام تكلفة الشنابر والزيت, وأتفأجت من تمن الزيت,,,
قالي 33 جنية تقريباً للتر, بس عندنا في البيجو وستروين الزيت الأصلي بتاعهم اللتر ب 130 جنيه, طب أزاي لو كانو فتيس واحد وفرق كود بس؟


في الوقت دا شكيت إن الجير بوكس ممكن يكون واحد للأتنين كابلوك, بس فيه أختلاف في التصميم الداخلي وعشان كدا في أختلاف سعر الزيت وأكيد الشنابر,
زي ماهو في أختلاف في البارت نمبر ما بين قطع غيار بيجو وستروين مقارنة بالرينو,,
يعني المفروض لو كانو جيربوكس واحد كانت نفس القطع بتاعت الرينو تركب في البيجو والعكس,

بس أزاي وفيه شركات Aftermarket بتعمل السولونيد فالف وبيركب علي فتيس الرينو والبيجو عادي ؟!

وتفتكر كدا لو فيه أختلاف في تمن الزيت بالشكل دا, ممكن تكون الشنابر مختلفة برضه
بس الفالفات والفالف بلوك واحد,
ولو غيرت شنابر ممكن متظبطش معايا.؟

[hayoub26]

أنا متشكر جدا يا جماعة على تجاوبكم معايا و تعبكم اليومين اللي فاتو خاصة LeitoSR و Meggi

ان شاء الله حاعمل زي شوقي ....

هي اكتر كلمة اتذكرت في الموضوع ده : اعمل زي شوقي...

و الراجل ده طبعا لازم نشكره .. الموضوع بتاعه اعتقد ان حل مشكلة عند ناس كتير..

حاروح التوكيل و اغير شنابر ديل الفتيس و الله الموفق ...و ان شاء الله اقولك على النتيجة,, و خير باذن الله

و بشكرك تاني يا LeitoSR لأني حاسس ان تعبتك... شكرا جزيلا

[hayoub26]

لو حد فيكم يعرف برده مهندس كويس في التوكيل فرع المقطم يقولي