ال esp ما له و ما عليه

[mohammedmnmz]

عليا النعمه انت برنس
و اسيادنا راضيين عليك

[miceg]

بس تتفق معايا ولا تختلف يامستر باسم
ال ESP أصبح كابوس في المتدى من كثرة تناوله
وطول عمره الناس مش مهتمه بيه
كون أن الناس ابتدت تتكلم عنه وتهتم بيه هو وغيره من عوامل الأمان .. ده في حد ذاته نقلة ايجابية في ثقافة المستهلك المصري.

نقلة إيجابية في ثقافه مين ياخويا
هو حد بيتغنى بيها فالمنتدى غير قسم تويوتا ههههههههه
اللهم إني ساكت

[Bently]

أنا بالنسبة لى حضرتك جربته قبل كده .....حضرتك شايف حاجة غلط فى الكلام يا ريت توضحها لنا بناء عن تجربتك للنظام علشان الكل يستفاد....و أنا أولهم و أصلح معلوماتى....

علشان حضرتك تعلق تعليق زى كده معنى كده أن فيه أخطاء فاضحة فى الموضوع فكان من الأولى التصحيح كنوع من مراعاة الزمالة على الأقل بناء على تجربة حضرتك للنظام علشان تفدنا أولاً و بعدين تعلق و تقولنا:

" ياريت الى عايز يتكلم عن esp يجربه الاول فى اى عربية...وبعد كده يعمل موضوع كامل عليه لو عايز و هنسمعه "

الهدف من الموضوع الأفادة، لو فاد حضرتك يبقى حقق المطلوب منه أما لو مفدش حضرتك يبقى كان من الواجب تصحيح الأخطاء فيه و هذا هو الهدف من المنتدى فى المقام الأول....أو لو معجبكش و حسيته ليس له قيمة مضافة تتجاهله

أنما تعليق حضرتك أعتقد جانبه الصواب و خصوصاً انك متعرفش إذا كنت أنا جربته قبل كده و لا لأ....

تحياتى لحضرتك

اولا شكرا لذوق و حياديت حضرتك فى الحديث
ثانيا بالنسبة لعمل esp (يعمل فى الملفات و على كل السرعات و ليس فى الطوارىء فقط) و عن تجربة يومية
و له دور هام جدا فى الغرز
فوجود esp بيعطى اطمئنان ان العربية مش هتخذلك فى اى موقف
فهو من اهم عوامل الامان فى الوقت الحالى
تحياتى لحضرتك

[Hany Saad]

اولا شكرا لذوق و حياديت حضرتك فى الحديث
ثانيا بالنسبة لعمل esp (يعمل فى الملفات و على كل السرعات و ليس فى الطوارىء فقط) و عن تجربة يومية
و له دور هام جدا فى الغرز
فوجود esp بيعطى اطمئنان ان العربية مش هتخذلك فى اى موقف
فهو من اهم عوامل الامان فى الوقت الحالى
تحياتى لحضرتك

العضو المحترم،
أشكر حضرتك على ردك جدأً و لكن يا ريت حضرتك تشاركنا أكتر بخربتك مع ال esp للإستفادة ليس أكثر
معلوماتى و معلومات الأخوة الأعضاء أن النظام ممكن يفعل فى الطوارىء و الملفات الحادة على سرعات حادة لتعديل مسار السيارة أن تغير
شاركنى فى الرأى العضو المحترم HANY63 مع عربية هوندا سيفيك أنه أتفعل معاه حوالى 3 مرات مثلاً فى خلال أقتناؤه للسيارة و أنقذه من مواقف طارئه
أستاذ باسم بكورولا 2014 أشتغل معاهم على سرعات عالية فى ملفات السخنة و متوقع هذا لحدة الملفات مع السرعة العالية

لكن بصراحة لم أسمع أن النظام شغال كل يوم فى الملفات على كل السرعات (طبعاً حضرتك تقصد بشغال أن اللمبة بتنور فى الطابلوه و بتحس بتغير مسار السيارة-مش أنه بيكون فى حالة STANDBY) و إلا يبقى فيه مشكلة فى ال HANDLING بتاع السيارة عامة....برجاء إلقاء بعض الضوء على نوع السيارة و طبيعية القيادة للإستفادة ليس أكثر

تحياتى

[lanos2004]

المشكله الانظمه دى لو خرفت تودى الواحد فى داهيه--هوة مش كمبيوتر ولا ايه

[Bently]

العضو المحترم،
أشكر حضرتك على ردك جدأً و لكن يا ريت حضرتك تشاركنا أكتر بخربتك مع ال esp للإستفادة ليس أكثر
معلوماتى و معلومات الأخوة الأعضاء أن النظام ممكن يفعل فى الطوارىء و الملفات الحادة على سرعات حادة لتعديل مسار السيارة أن تغير
شاركنى فى الرأى العضو المحترم HANY63 مع عربية هوندا سيفيك أنه أتفعل معاه حوالى 3 مرات مثلاً فى خلال أقتناؤه للسيارة و أنقذه من مواقف طارئه
أستاذ باسم بكورولا 2014 أشتغل معاهم على سرعات عالية فى ملفات السخنة و متوقع هذا لحدة الملفات مع السرعة العالية

لكن بصراحة لم أسمع أن النظام شغال كل يوم فى الملفات على كل السرعات (طبعاً حضرتك تقصد بشغال أن اللمبة بتنور فى الطابلوه و بتحس بتغير مسار السيارة-مش أنه بيكون فى حالة STANDBY) و إلا يبقى فيه مشكلة فى ال HANDLING بتاع السيارة عامة....برجاء إلقاء بعض الضوء على نوع السيارة و طبيعية القيادة للإستفادة ليس أكثر

تحياتى

ESP زى محضرتك عارف مذود بحساسات فى العجل(الحساس الخاص ب ABS) (و فى الدريكسيون عشان يحدد اتجاه العربية و منها يتدخل بشكل صحيح و على حسب سرعة العربية على حسب قوة تدخله)
تجربتى اليومية فى سيارتين (فولكس كادى 2011-فانتازيا 2012) و حضرتك ممكن تتأكد من دا لو اتاحت لك الفرصة (انك توقف عمل esp و تجربها و تفعله تانى)
لما باخد ملف و لو على سرعة 60 ك و انا موقف عمل esp بلاحظ مقاومة الدركسيون لي و ان السيارة من الخلف مشدوده...لكن لما بفعل النظام بلاحظ كأن ضهر العربية بيلف معايا بطريقة ملحوظة جداا و مقاومة الدركسيون اقل بكتيييير
حاجه تانيه اللمبه مش بتنور لما النظام يشتغل فى جميع المواقف غير فى الاعطال (اللمبه الوحيده الى بتشتغل هى ASR و دى اثناء لما الكاوتش بيفرك فقط)
و اكرر شكرى و تحياتى لحضرتك

[borio1704]

هو صحيح الـESP تأثيره بيبان بوضوح في الطوارئ... بس ده ما يمنعش إنه شغال باستمرار طول ما العربية ماشية


الفكرة إننا في مصر ما عندناش ظروف القيادة الصعبة نسبيا مقارنة بأوروبا.. لإن في أوروبا طول ما انت ماشي عندك احتمال إن الدنيا تمطر.. أو تمشي في مناطق جبلية.. أو حتى الثلج ينزل في الشتا

عشان كده النظام ده بقى إجباري في السيارات اللي نازلة أوروبا... إنما أكتر الناس في مصر ما حستش بأهمية الأنظمة دي لإنهم ما اتعرضوش لمواقف من نوعية زحلقة الطريق دي كتير.


يمكن إكتر ناس محتاجة الموضوع ده في مصر هما اللي ساكنين في محافظات الساحل الشمالي .. زي اسكندرية ودمياط وبورسعيد.




بس الأول عايز أزيل اللبس اللي حاصل في المفاضلة بين نظام الـESP والإيرباجز زي ما بعض الزملا تفضلوا قبل كده.



أي نظام إلكتروني هدفه السيطرة على ثبات العربية بيعتبروه أحد "أنظمة السلامة النشطة" .


أنظمة السلامة النشطة أو Active Safety Systems كل شغلتها إنها تحافظ على العربية تحت السيطرة وتمنع الحوادث... وبتعتبر "نشطة" لإنها شغالة وتأثيرها موجود طول ما العربية شغالة.


وطبعا أشهر أنظمة السلامة النشطة معروفة لينا زي:

الـABS، نظام منع "قفش" الفرامل
والـEBD، نظام التوزيع الإلكتروني للفرامل
والـTCS، نظام السيطرة على التماسك "الجر"
والـESP، نظام السيطرة الإلكتروني على الثبات
والـECS ، نظام السيطرة الإلكترونية على التعليق
والـARC، نظام السيطرة ضد الانقلاب
بالإضافة إلى أنظمة أنذار وسيطرة أخرى بدئت تظهر في عربيات زي مرسيدس


اللي عايز ياخد فكرة مبسطة عن الأنظمة دي ممكن يدخل على الموضوع ده

http://www.nilemotors.net/Nile/375709-a.html

وبالذات في المشاركة الخامسة



فيه أنظمة تانية للسلامة في العربية.. اسمها "أنظمة السلامة الخاملة"

أنظمة السلامة الخاملة أو Passive Safety Systems الغرض منها هو حماية ركاب السيارة وتقليل الأضرار عليهم بقدر الإمكان لما الأمور تخرج عن السيطرة وتحصل الحادثة لا قدر الله.

وأشهر أنظمة السلامة الخاملة هي:

أحزمة الأمان
الوسائد الهوائية "الإيرباج"
مساند الرأس
بارات الحماية ضد الانقلاب (في سيارات الكابريوليه)
بارات الجماية الجانبية
أجسام السيارات الممتصة للصدمات




بكل تأكيد.. أنظمة السلامة النشطة مهمة .. بس أحيانا ممكن نستغنى عنها في حالة لو كان عندك خبرة كافية في السواقة.

إنما أنظمة السلامة الخاملة من وجهة نظري ما ينفعش نتنازل فيها.



...