رأيكم محل تقدير في ميجان 2 للشراء

[Moratoz]

السلام عليكمم يا جدعان
اخوكم غريب شويه عن قسم الرينو ( عابر سبيل ) المهم كنت عاوز اغير عربيه المدام واتعرض عليا رينو ميجان موديل 2008 بيتي بيتي ماشيه 45.000 ك شرعي وفبريكه بره وجوه كامله جنوط وفتحه سقف ومطلوب 85.000 جم . فيا تري :-
اولا : هل السعر دا كويس ولا غاليه .
ثانيا : هل هتتعبني في الصيانه وهل فيها مشاكل مستعصيه ومقرفه ولا خلاص الموضوع اتفهم .
ثالثا : ايه الحاجات ئل ممكن ابوص عليها وانا بتفرج علي العربيه وأسأل علي أيه .
رابعا : هل قطع غيارها غاليه ومتوافرة واين يمكن عمل الصيانات بتاعتها ) علما بأن صقر قريش قريبه مني .
وانا عارف اني اسئلتي كتير بس بصراحه خايف منها وخاصه أنها مرحله انتقاليه لحد ما أعرف اجيب زيرو بدلا منها وهابيعها فهل البيع سهل ولا الحمد لله العربيه مطلوبة .

تحياتي للجميع

[airfox]

هي لو فعلا بالمواصفات ديه تبقي حالتها كويسه بس اكشف عليها في التوكيل لو تقدر و بالنسبه للسعر اعتقد لو تقدر تنزل شويه يبقي معقول و الصيانه و اماكن الاصلاح و قطع الغيار متوافره و في مواضيع كتيره في القسم عنهم تقدر تقراهم و تستفيد منهم و ربنا يوفقك ان شاء الله

[medo_molto]

سعرها معقول لو سليمة زي ما بتقول بس امشف عليها وحاول تنزل اب حاجة ولو بسيطة للنسبة الصيانة انت قريب من صقر قريش تبقي متقلقش وحاجتها موجودة وعربية محترمة

[أسامه الحسيني]

اهم حاجة اكشف فى التوكيل والميجان عربيه محترمه والصنيعيه الى شغاليين فى الينو كتيير فى صقر قريش

[Moratoz]

شكرًا لكل من حاول مساعدتي منتظرا مزيد من التفاعل من باقي الأعضاء الكرام
ولو أمكن أسعار بعض قطع الغيار الأصلي والبدائل
شاكرا حسن تفاعلكم معي في الموضوع لأنني بجد خايف منها مع أني حاببها جدا
تحياتي وتقديري للجميع أعضاء ومشرفين

[MohammedAladel]

قطع الغيار منتشرة وصيانتها هتبقى عند بتوع الرينو لأنهم مبيشتغلوش غير فى الرينو

يعيب العربية بجد إن طلعتها بطيئة

[تامر.محمد]

0- لازم تكشف في التوكيل , 500 جنيه بس هاتحمي بيهم فلوسك
1- السعر معقول جدا لو بالحالة دي فعلا
2- قطع غيارها الاصلي متوفرة في التوكيل , و اسعارها مقاربة او افضل من اغلب الزيرو بما فيه الكوري
3- الاستيراد و التجاري متوفر في صقر قريش و اسعاره رخيصة جدا لكن طبعا اداء اقل
4- لو تقدر تصرف على صياناتها في التوكيل (ده هاتعمله لو جبت زيرو) , اعمل كده مش هاتندم , بالعكس ممكن تلاقي نفسك مش محتاج زيرو اصلا لأنك عشان تجيب حاجة زيرو من فئتها هاتتكلم على الاقل في 150 الف
5- بعض اسعار قطع الغيار

المقص الواحد
اصلي : 1000 , تجاري: 200
البطاحة
اصلي : 1000 , تجاري : 150 تقريبا , سعرها اصلي مبالغ فيه جدا
طقم الكاتينة بالسيور بالكامل
اصلي : 800 جنيه
المساعد الواحد
اصلي : 1000-1200 , تجاري : حوالي 500-600
الفانوس الامامي
اصلي : 1000-1500 مش فاكر بالظبط , تجاري و استيراد : 400-500
الفانوس الخلفي
اصلي : 750 , استيراد : 250- 300
ترس الديفيزور
اصلي : كان ب1400 تقريبا
شداد فتيس
اصلي : 780 , تجاري : 120 , الفرق في السعر رهيب
قاعدة الموتور
اصلي : مش عارف , تجاري : 375

[Moratoz]

0- لازم تكشف في التوكيل , 500 جنيه بس هاتحمي بيهم فلوسك
1- السعر معقول جدا لو بالحالة دي فعلا
2- قطع غيارها الاصلي متوفرة في التوكيل , و اسعارها مقاربة او افضل من اغلب الزيرو بما فيه الكوري
3- الاستيراد و التجاري متوفر في صقر قريش و اسعاره رخيصة جدا لكن طبعا اداء اقل
4- لو تقدر تصرف على صياناتها في التوكيل (ده هاتعمله لو جبت زيرو) , اعمل كده مش هاتندم , بالعكس ممكن تلاقي نفسك مش محتاج زيرو اصلا لأنك عشان تجيب حاجة زيرو من فئتها هاتتكلم على الاقل في 150 الف
5- بعض اسعار قطع الغيار

المقص الواحد
اصلي : 1000 , تجاري: 200
البطاحة
اصلي : 1000 , تجاري : 150 تقريبا , سعرها اصلي مبالغ فيه جدا
طقم الكاتينة بالسيور بالكامل
اصلي : 800 جنيه
المساعد الواحد
اصلي : 1000-1200 , تجاري : حوالي 500-600
الفانوس الامامي
اصلي : 1000-1500 مش فاكر بالظبط , تجاري و استيراد : 400-500
الفانوس الخلفي
اصلي : 750 , استيراد : 250- 300
ترس الديفيزور
اصلي : كان ب1400 تقريبا
شداد فتيس
اصلي : 780 , تجاري : 120 , الفرق في السعر رهيب
قاعدة الموتور
اصلي : مش عارف , تجاري : 375

متشكر جدا لرد حضرتك طيب يعني لو العربيه نضيفة ومعمول ليها صيانه وانا ممكن اعمل صيانات الموتور بالتوكيل زي كتينه بوجيهات والحاجات دي هل فيها مشاكل مستعصيه او توقفات مفاجئه زائدة عن الحدي ( مراتي هتبهدلني هههه )
وهل الصيانه في التوكيل مكفله وخاصة صيانه 60000 ك
وممكن اول ما اجيبها أن شاء الله اعمل فيها اية للصيانه سواء داخل التوكيل او خارجه عند مين ذو ثقة
وهل ممكن اكشف في توكيل القطاميه ( الموجود بجوار اوتو زكي ) معرفش دا توكيل ولا مركز خدمه عشان هوا قريب مني - ولا توكيل المقطم بصراحه مش عارف التوكيل بتاعها فين بالظبط
وهل الحجز قبلها بكام يوم ولا نروح علي طول وهل يعملوا يوم السبت .
ومردوده لحضرتك عندنا لو قررت تبقي سكوداوي هههه
تحياتي لشخصكم الكريم

[تامر.محمد]

متشكر جدا لرد حضرتك طيب يعني لو العربيه نضيفة ومعمول ليها صيانه وانا ممكن اعمل صيانات الموتور بالتوكيل زي كتينه بوجيهات والحاجات دي هل فيها مشاكل مستعصيه او توقفات مفاجئه زائدة عن الحدي ( مراتي هتبهدلني هههه )
وهل الصيانه في التوكيل مكفله وخاصة صيانه 60000 ك
وممكن اول ما اجيبها أن شاء الله اعمل فيها اية للصيانه سواء داخل التوكيل او خارجه عند مين ذو ثقة
وهل ممكن اكشف في توكيل القطاميه ( الموجود بجوار اوتو زكي ) معرفش دا توكيل ولا مركز خدمه عشان هوا قريب مني - ولا توكيل المقطم بصراحه مش عارف التوكيل بتاعها فين بالظبط
وهل الحجز قبلها بكام يوم ولا نروح علي طول وهل يعملوا يوم السبت .
ومردوده لحضرتك عندنا لو قررت تبقي سكوداوي هههه
تحياتي لشخصكم الكريم

في العموم المصنعيات بتاعة صيانة العربية حوالي 200 ل300 جنيه , الا لو زادت زي ما كل حاجة عمالة تزيد اليومين دول
ماعدا صيانة ال60 مصنعيتها حوالي 700 جنيه , دي اللي فيها طقم الكاتينة
ممكن تبص بنفسك على اسعار الصيانات هنا , و انا متوقع انها هاتزيد :(
Service Prices

حتة انها تعطل و تقف نادرة في موديلات ما بعد 2007 , الا في حالات بتحصل في كل العربيات , طرمبة البنزين مثلا تبوظ و الحاجات اللي زي دي
الحاجة اللي عاملة قلق شوية للناس و بتعطل العربية فعلا هو حساس الكرنك , بس يوم ما بيحصل بتبقى مرة يعني في ال100 الف كيلو , و بعض الناس بيقولوا ان العربيات اللي بتتصين كويس ما بيحصلش فيها كده

و انا مازلت عند رأيي , طالما ناوي تجيب زيرو يعني تقدر تصرف عليه , لو العربية دي حالتها كويسة , صينها في التوكيل و هات لها دايما قطع غيار اصلي و مش هاتحتاج تجيب زيرو من الاصل

بالنسبة للكشف ممكن تكشف في القطامية بس لازم تبقى حاجز من قبلها

اول ما تجيبها ان شاء الله , لو العربية كانت بتتصين في التوكيل يبقى كمل صياناتها على الجدول عادي
لو برة , مبدئيا لما تكشف التوكيل هايقولوا لك العربية فيها مشاكل في 1 2 3 4 , منها حاجات هايبقى ضروري تعملها , لو ممكن تبقى تجيب لنا التقرير و نناقشه سوا ان شاء الله

و مبروك مقدما :)

[Moratoz]

في العموم المصنعيات بتاعة صيانة العربية حوالي 200 ل300 جنيه , الا لو زادت زي ما كل حاجة عمالة تزيد اليومين دول
ماعدا صيانة ال60 مصنعيتها حوالي 700 جنيه , دي اللي فيها طقم الكاتينة
ممكن تبص بنفسك على اسعار الصيانات هنا , و انا متوقع انها هاتزيد :(
service prices

حتة انها تعطل و تقف نادرة في موديلات ما بعد 2007 , الا في حالات بتحصل في كل العربيات , طرمبة البنزين مثلا تبوظ و الحاجات اللي زي دي
الحاجة اللي عاملة قلق شوية للناس و بتعطل العربية فعلا هو حساس الكرنك , بس يوم ما بيحصل بتبقى مرة يعني في ال100 الف كيلو , و بعض الناس بيقولوا ان العربيات اللي بتتصين كويس ما بيحصلش فيها كده

و انا مازلت عند رأيي , طالما ناوي تجيب زيرو يعني تقدر تصرف عليه , لو العربية دي حالتها كويسة , صينها في التوكيل و هات لها دايما قطع غيار اصلي و مش هاتحتاج تجيب زيرو من الاصل

بالنسبة للكشف ممكن تكشف في القطامية بس لازم تبقى حاجز من قبلها

اول ما تجيبها ان شاء الله , لو العربية كانت بتتصين في التوكيل يبقى كمل صياناتها على الجدول عادي
لو برة , مبدئيا لما تكشف التوكيل هايقولوا لك العربية فيها مشاكل في 1 2 3 4 , منها حاجات هايبقى ضروري تعملها , لو ممكن تبقى تجيب لنا التقرير و نناقشه سوا ان شاء الله

و مبروك مقدما :)

متشكر لذوق حضرتك جدا
انا روحت من شويه شفت العربيه وفعلا جديده وما أعتقدش أنه ملعوب فيها خالص وفيها فتحه سقف بانوراما ومالتي فاكشن ( معرفتش اغير منه محطات الراديو حتي ) فرشها فوق الزيرو صالونها جديد ولسه متركبلها اربع فرد كوتش جداد ومعمول لها صيانه الأربعين الف ( صيانه في ابو رواش ) بس هي مش زينون ولا الفرش جلد - فيها نواكل وعتب نيكل شنطتها من جوه جديده فعلا والعربيه شكلها مش متهان
بس لقيت الشاشه الموجوده في التابلوه فيها بعض الحروف مش باينه مش عارف ليه ( التابلوه والشاشه النور الأبيض )
معرفتش أطفي التكيف ( هوا تكيف الميجان تبريده مرضي ولا ضعيف )
وعلي فكره العربيه طلعت موديل 2007 يا تري ممكن يبقي أخر سعرها كام وهل فعلا اروح التوكيل حتي مع وجود فواتير الصيانه الدوريه بتوكيل ابو رواش ولا أيه
وطبعا شاكر مساعدتك المفرطه
تحياتي

[أسامه الحسيني]

طبعا لازم تروح التوكيل انا اشتريت 2006 وكانت من بره تحفه لكن بعد ما اشتريت وبداءت احط ايدى فى العربيه لقيت حاجات زعلتني وكان ممكن انزل من ثمنها لو رحت التوكيل وطلع الحاجات دى
وعلي فكره فى مشاركات هنا لناس مثلا واحد اشترى هوندا سيفك من واحد معرفه عداد عامل 65000 كم وفبريكه جوا وبره وبعد ما اشتراها راح التوكيل قالوله ان العربيه دى كانت اخر مره عدادها عامل 125000 كم ومفيره صاج والموتور فيه خبطه ومعرفش ياخد حق ولا باطل من الى اشتراها منه وخد من دا كتيير
اما بالنسبه للسعر ممكن تاخد فكره من خلال الموقع دا وحاول تشوف اكتر من عربيه

http://egy.4sedan.com/layout.php?lang=ar&page=search&search_source=fast&main_cat=Renault&sub_cat=Megan&trans=a&place=&pricefrom=&priceto=&yearfrom=2007&yearto=2007

ومبرووك مقدما وان شاء الله تطلع زى الفل

[تامر.محمد]

متشكر لذوق حضرتك جدا
انا روحت من شويه شفت العربيه وفعلا جديده وما أعتقدش أنه ملعوب فيها خالص وفيها فتحه سقف بانوراما ومالتي فاكشن ( معرفتش اغير منه محطات الراديو حتي ) فرشها فوق الزيرو صالونها جديد ولسه متركبلها اربع فرد كوتش جداد ومعمول لها صيانه الأربعين الف ( صيانه في ابو رواش ) بس هي مش زينون ولا الفرش جلد - فيها نواكل وعتب نيكل شنطتها من جوه جديده فعلا والعربيه شكلها مش متهان
بس لقيت الشاشه الموجوده في التابلوه فيها بعض الحروف مش باينه مش عارف ليه ( التابلوه والشاشه النور الأبيض )
معرفتش أطفي التكيف ( هوا تكيف الميجان تبريده مرضي ولا ضعيف )
وعلي فكره العربيه طلعت موديل 2007 يا تري ممكن يبقي أخر سعرها كام وهل فعلا اروح التوكيل حتي مع وجود فواتير الصيانه الدوريه بتوكيل ابو رواش ولا أيه
وطبعا شاكر مساعدتك المفرطه
تحياتي

سلام عليكم
مبدئيا ضروري تروح التوكيل حتى لو صياناتها هناك , و حتى لو العربية باينة لك مافيهاش الهوا

بالنسبة لنور الشاشة و التابلوه الابيض فده الصح بالنسبة لموديل 2007

تكييف الميجان , كويس انك سألت , هو مش جبار , يتقال انه معقول , لكن لو واقف و العربية كانت مركونة في الشمس و الجو حر بيبقى مش قد كده

بالنسبة للموديل , مفروض ان متوسط سعر ال2007 بانوراما 75 الف , و ممكن الحالة تفرق شوية بس مش لدرجة 85 خالص , ماعرفش اصلا توصل 80 ولا لأ

[airfox]

انا مع رأي الاستاذ تامر لازم تكشف علي العربيه التوكيل في حدود 500 و فرنش الرحاب 300 بس ده اضمنلك و موديل 2007 صعب اوي يعدي ال 80 حتي يمكن 80 كتير . ربنا يوفقك ان شاء الله

[Moratoz]

طبعا لازم تروح التوكيل انا اشتريت 2006 وكانت من بره تحفه لكن بعد ما اشتريت وبداءت احط ايدى فى العربيه لقيت حاجات زعلتني وكان ممكن انزل من ثمنها لو رحت التوكيل وطلع الحاجات دى
وعلي فكره فى مشاركات هنا لناس مثلا واحد اشترى هوندا سيفك من واحد معرفه عداد عامل 65000 كم وفبريكه جوا وبره وبعد ما اشتراها راح التوكيل قالوله ان العربيه دى كانت اخر مره عدادها عامل 125000 كم ومفيره صاج والموتور فيه خبطه ومعرفش ياخد حق ولا باطل من الى اشتراها منه وخد من دا كتيير
اما بالنسبه للسعر ممكن تاخد فكره من خلال الموقع دا وحاول تشوف اكتر من عربيه

http://egy.4sedan.com/layout.php?lang=ar&page=search&search_source=fast&main_cat=renault&sub_cat=megan&trans=a&place=&pricefrom=&priceto=&yearfrom=2007&yearto=2007

ومبرووك مقدما وان شاء الله تطلع زى الفل

فعلا انا قررت اروح اكشف في التوكيل بس مستني يبعت لي رقم الشاسيه علشان الحجز
هوا ممكن نكشف في مكان تاني غير التوكيل ولا التوكيل احسن
ايه ئل لقيته في العربيه وزعل حضرتك
وشكرا علي مداخلاتك في الموضوع لأيضاح الرؤيه لنا
تحياتي

[Moratoz]

انا مع رأي الاستاذ تامر لازم تكشف علي العربيه التوكيل في حدود 500 و فرنش الرحاب 300 بس ده اضمنلك و موديل 2007 صعب اوي يعدي ال 80 حتي يمكن 80 كتير . ربنا يوفقك ان شاء الله

دا الرأي ئل أنا استقرئوا عليه ان ساء الله هحاول أحجز بالتوكيل ان شاء الله ( ابو رواش ) وربنا يعمل ئل فيه الخير وان شاء الله العربيه لو ليا نصيب فيها ماتتعبنيش
تحياتي