رأيكم محل تقدير في ميجان 2 للشراء

[Moratoz]

لقينا العربيه فيها جوز مساعدين أمامي ضاربين وحساس شكمان غير كده كله الحمد لله تمام
ولكن بسواقة العربيه لفتني حاسس بالطريق قوي زياده عن اللزوم مع ان مكنش الطريق خشن للدرجة ئل تسمع في الطاره بهذا الشكل فهل دا تأثير ان المساعدين عاوزين يتغيروا ولا ممكن يبقي في حاجه تانيه

[MohammedAladel]

كشفت فى التوكيل ولا عند ميكانيكى ؟
على العموم أسباب الإحساس الزيادة بالطريق ممكن الكاوتش ... المساعدين ... المقصات ... البطاحات

ولو حساس الشكمان بايظ العربية وهى باردة هتبطل منك ولو سخنة وواقف على السلانسيه هتلاقى ال rpm بينزل سنة سنة لحد ما العربية تبرجل وتبطل ... إلا لو انت لحقتها وحملت بنزين .... والعربية فيها حساسين

والمساعدين ال kyb بتوع التوكيل من برا حد أقصى1100 والحساس حدود 200 جنيه

[Moratoz]

العربيه الاول إن شاء الله ناوي أغير المساعدين ب kyp وأشوف البطاحات أخبارهم ايه وانا فاكك
اما حساس الشكمان فهو العلوي والعربية اثناء لا فرجه عليها لم تبطل وهي بانه او سخنه
وهل المهندس في صقر قريش عنده ال kyp كويس

[Moratoz]

هوا حد جرب يركب مساعدين مونرو عليها

[MohammedAladel]

هو بشكل عام الناس بتشكر فى مونرو أكتر فيه ناس ركبت مساعدين سبور كونى وقالوا إن أداؤه أعلى كثبات ولكن راحة أقل

ال kyb ممكن تشتريه من المهندس فى جسر السويس ب 1050

وال kyb الأصلى صناعة تركى حالياً

[Moratoz]

انا مش فارق معايا الثبات اوي ولكن ما يهمني ان العربيه ما تبقاش نشفه ومش مريحه علشان كده كنت بسأل عن المنرو أخباره ايه وعمره الافتراضي ها أطول من kyp

[تامر.محمد]

المونرو ناشف

[aymandy20]

الي الاخ Moratoz

السلام عليكم ورحمة الله

الي الاخ Moratoz كيف حالك....كنت عايز اسالك العربية الميجان عاملة ايه معاك...اصل انا كمان كنت عايز اشتري واحدة بنفس المواصفات....يا تري تستاهل ولا متعبة ولا ايه بالظبط....احكيلي عن تجربتك
وشكرا لك واسفين علي ازعاجك

[Moratoz]

السلام عليكم ورحمة الله

الي الاخ moratoz كيف حالك....كنت عايز اسالك العربية الميجان عاملة ايه معاك...اصل انا كمان كنت عايز اشتري واحدة بنفس المواصفات....يا تري تستاهل ولا متعبة ولا ايه بالظبط....احكيلي عن تجربتك
وشكرا لك واسفين علي ازعاجك

'طبعا لا يفتي ومالك في المدينه والقسم مليان مواضيع كتير وكمان ان غريب عن القسم بس هقولك انا عملت ايه :
اولا قريت تقريبا أكثر المواضيع المثبته في القسم عن ميجان 2 وابتديت أكون فكرة عامة عن السيارة ومشاكلها .
ثانيا : لقيت أن أكثر مشاكل هذه السيارة انها لا يتم صيانتها كويس او عند صنيعيه علي قدهم وعلي الأخص بدايه الموديلات 2005 و 2006 والعربيه لسه جديدة ومحدش فاهم فيها حاجة وابتدي الفتي واللعب في العربيه لحد ما طلع عليها سمعه زفت .
ثالثا : انت لازم يبقي عندك البدايل ئل تبتدي تفكر فيهم مع الميجان وتبتدي تشوف ايه الأنسب لأستخدامك يعني أنا كنت عاوز اجيب زيرو للمدام وطبعا ليس في امكانيات الميجان وا/ تامر محمد اقترح اقتراح بصراحه دخل دماغي وخلاني أقول اجرب المهم قالي ما دام عندك المقدرة تجيب زيرو ( كاش او قسط مش مهم ) يبقي هتعمل الصيانه في التوكيل وطبعا كل الجديد صيانته غاليه يبقي هات الميجان وأعمل صيانتها في التوكيل ومش هتحتاج تجيب زيرو - بصراحة الرأي عجبني وتوكلت علي الله .
اما عن تقييم العربيه كلها انا كل ئل مشيته بيها حوالي 30 ك ولسه مقيمتهاش علش لسه مركبتهاش علشان ورقها كان لسه مخلصش .
بس أهم حاجة وانت بتشتري مترحش للحجات الرخيصة والله الغالي ثمنه فيه ومسترخصش علشان ماتتعبش .
وان شاء الله في اقرب فرصة ابقي أعمل موضوع صغير عن العربيه بعد ما اركبها شويه
تحياتي وبالتوفيق أن شائ الله وطبعا لو فيه أي حاجة أن تحت أمرك

[aymandy20]

شكرا الاستاذ moratoz

شكرا يا استاذ moratoz كلام قيم يؤخذ في الاعتبار....بس انا كنت عايز اعرف انت اشتريتها منين او حصلت عليها ازاي....وياريت لو وقعت في حاجة كده حالتها حلوة تقولي

شكرا لك

[Moratoz]

شكرا يا استاذ moratoz كلام قيم يؤخذ في الاعتبار....بس انا كنت عايز اعرف انت اشتريتها منين او حصلت عليها ازاي....وياريت لو وقعت في حاجة كده حالتها حلوة تقولي

شكرا لك

بث انا كان واحد تاجر لسه جديد في الكار وهوا صاحب صاحبي جداً المهم العربيه ديه كانت بتاعه ناس يعرفوهم وجايبين العربيه من الزيرو وكانت مكونه في جراج ولا تستعمل إلا نادرا وهوا كان جايبها لصاحبي مش ليا بس هوا مكنش معاه فلوس وسمعت كلامهم عنها ورحت أتفرجت عليها والحمد لله عجبتني. جداً وطبعا علشان العربيه كأنها لسه جديده فركوبتها حلوه جداً
بس المشكله عندي أني مش عارف المدام عندي هتتأقلم عليها ولأ لَا علشان هي كانت راكبة هاتش باك فمدي نفسي فرصه أسبوعين بعد ما تبتدي تركبها وأشوف هل هتاخد علي أبعادها ولا لَا قبل ما تبهدلها معاها لأني بصراحه كان نفسي اجيبلها ريو هاتش باك بس هي خافت لا تجرج الزيرو واطلع عنيها ههههه
عامه الميجان عربيه متجبهاش بأستعجال ولا تسترخص في ثمنها علشان تستريح وتتبسط منها
يعني انا لما جبت العربيه لقيت فيها حساس نور ومطر وصاحب العربيه ميعرفش اصلا عنهم حاجه

ولو لحضرتك اي تسأول انا تحت أمرك
تحياتي

[mada0202]

ها يا باشا قولنا على تجربتك دلوقتى مع العربية عاملة ايه ؟؟؟

[MohammedAladel]

باعها