حصر لأسباب تعطل ميجان ii

[تامر.محمد]

موضوع جميل جدا استاذ تامر لى سؤال لحضرتك والاخوة الافاضل العربية صوتها عالى شوية وبالاخص بعد ما بكون راجع من مشوار بقفل الازاز وبطفى التكييف واستنى شوية اسمع صوت عالى كده زى صوت شخلله حاجة خشنة زى كده يعنى وعلى فكرة مغير كل السيور فى التوكيل وطرمبة الميه كمان العربية ميجان 2010 عداد 75 الف كيلو

متشكر :)
اللي فهمته انها شخلله على الواقف و العربية سخنة , ما حاولتش تقدر الصوت جاي منين بالظبط ؟
يا ريت لو تفتح موضوع جديد بالمشكلة

هو مش عطل بس الحرارة عدت النصف و انا واقف علي السلانسيه لمدة 20 دقيقية و التكييف شغال الساعة 3 ظهرا علما بان المروحة تعمل علي السرعة الثانية عادي و دائرة التبريد و منسوب المياه كله تمام . فهل ده عيب في العربية و لا الميجان عموما بتعمل كده ارجو الافادة و شكرا

لا مش عادي العربية مفروض ما تعملش كده , يا ريت تفتح موضوع جديد بمشكلتك دي و نفكر معاك ان شاء الله

موضوع جميل
انا لسه جديد فى موضوع الميجان وشاري ميجان 2006 عداد 90000 كم (شاكك فى القرايه دي ) منذ 3 شهور تقريبا ومش رضيت تدور مرتين
1- يوم ما اشتريتها كان العربيه مش راضيه تسحب خالص ركنت على جنب وبطلت العربيه وجيت ادورها تانى ابدا مش راضيه تدور وخت بالي ان فى التابلوه كتباله 1 بجوار الغيارات فجيت اخط الفتيس على الـ p مش راضيه اتصلت بالى اشتريتها منه قالى خد الفتيس سنه علي اليمين واطلع بيه على الـ p (كان منظري فلنه ) ودارت معايا زي الفل
2- الموقف التاني انى ودتها مغسله وبعد الغسيل قعدت تطلع فى رسايل (check gear box + check injection ) وقعدت تقطع لغايه لما وصلت البيت . تانى يوم مكانتش عاوز تدور وسبتها اسبوع كل يوم اقعد افك فى الفيش وانظف فيها واركبها تانى لغايه لما ظبتت وبقت تمام

الاولانية بتاعتك طبعا , عارف انا الخضات دي خصوصا مع سمعة العربية ههههههههه
التانية من الحاجات السخيفة موووت , كان الله في عونك

http://www.nilemotors.net/nile/12198-a.html

ياااااااااااااه , انا الموضوع ده قريته من 3 سنين مثلا
اضافة رائعة بجد

[airfox]

و الله فيه مشكله مش فاهم ايه سببها التكييف بيبقي شغال كويس علي سرعه 3 لما بحاول اجيب البكره علي سرعه 4 التكييف يفصل فا ريت حد يفيدني ايه نوع المشكله ديه

[تامر.محمد]

و الله فيه مشكله مش فاهم ايه سببها التكييف بيبقي شغال كويس علي سرعه 3 لما بحاول اجيب البكره علي سرعه 4 التكييف يفصل فا ريت حد يفيدني ايه نوع المشكله ديه

على حد علمي السرعة الرابعة لها مكون خاص بيها بس مش عارف بالظبط , ارجو تفتح موضوع جديد بمشكلتك

[MohammedAladel]

مشكلة كهربائية بدائرة المروحة وليس التكييف وموجودة عندى

[airfox]

مشكلة كهربائية بدائرة المروحة وليس التكييف وموجودة عندى

طب ايه الحل بتاعها و يتكلف كام ؟ و هل هتأثر في حاجه لو ما اتعاملتش

[MohammedAladel]

ممكن تغيير مقاومة ...وممكن تكون المروحة قربت تبوظ

[MohammedAladel]

ومش هيأثر على حاجة لا تقلق

[أسامه الحسيني]

http://www.nilemotors.net/Nile/432722-a.html

[ehab gamal]

بالنسبة للميجان 2014 في اعطال ظهرت فيها ولا لسة الحمدلله

[Fancy_man22]

معايا ميجان 2008 عامله 115000كم كنت قادم الى القاهرة من الاسماعيليه الطريق كله واخدة على 160:180 وبعد م عديت العاشر لاحظت ان نور abs غمال ينور و يطفى مع لمبه السيرفس ف مهتمتش المهم كنت رايح مستشفى المقاولون العرب ( الجبل الاخضر ) وانا معدى من قدام مسجد رابعه لاحظت ان لمبه abs بتنور وتطفى كتير جدا و بعدين الدريكسون بدأ يتقل اوى ف ايدى و الفرامل تحجر المهم و صلت لغايه اللفه الى عند الجبل الاخضر و يدوبك لسه هقول حمد لله على السلامه هوب لاقيت فرح ف العربيه انوار كتير عماله تنور وتطفى المساحات عماله تشتغل لوحدها و الاشارات و النور الوسط و جميع الانوار الى ف التابلوه نورت و طفت و هوب العربيه سكتت خالص يهديكى يرضيكى مفيش وصلت بطاريه تلقط كهربا بس مش قادرة تدور المهم عرفت انها بطاريا وعلشان انا شغال فى شركه تأمين محترمه ف الحمد لله انهم عملين وسيله قطر السيارة فى حاله العطل مجانا وطبعا اتصلت بطارق الى ف الهرم و حكتله نص الحكايه راح هو مكملهالى و قالى هاتى العربيه انا عرفت الى فيها راحت جت شركه القطر خدت العربيه لغايه طارق مجانا ( عجبانى اوى حكايه مجانا دى ) و قالى بص ياباشا دا ديناموا بطاريه باظ الدينمو مالوش حل غير انك تركبلو كتاوت جديدة ودى كمان مش موجوده من هنا لهنا اتصل بواحد و جاب كتاوت فاليو فرنساوى و ركبها و مخدش منى مصنعيه تركيب كمان علشان كانت الكتاوت غاليه جدا و انا يعتبر من صحاب الورشه :]
وبس دى كانت المرة الوحيدة الى العربيه عملتها معايا
وشكرا

[goudzy]

الفيوز العمومى اللى فوق البطارية
فلتر البنزين طلع من الخرطوم
كويل ضرب

[aymandy20]

معايا ميجان 2008 عامله 115000كم كنت قادم الى القاهرة من الاسماعيليه الطريق كله واخدة على 160:180 وبعد م عديت العاشر لاحظت ان نور abs غمال ينور و يطفى مع لمبه السيرفس ف مهتمتش المهم كنت رايح مستشفى المقاولون العرب ( الجبل الاخضر ) وانا معدى من قدام مسجد رابعه لاحظت ان لمبه abs بتنور وتطفى كتير جدا و بعدين الدريكسون بدأ يتقل اوى ف ايدى و الفرامل تحجر المهم و صلت لغايه اللفه الى عند الجبل الاخضر و يدوبك لسه هقول حمد لله على السلامه هوب لاقيت فرح ف العربيه انوار كتير عماله تنور وتطفى المساحات عماله تشتغل لوحدها و الاشارات و النور الوسط و جميع الانوار الى ف التابلوه نورت و طفت و هوب العربيه سكتت خالص يهديكى يرضيكى مفيش وصلت بطاريه تلقط كهربا بس مش قادرة تدور المهم عرفت انها بطاريا وعلشان انا شغال فى شركه تأمين محترمه ف الحمد لله انهم عملين وسيله قطر السيارة فى حاله العطل مجانا وطبعا اتصلت بطارق الى ف الهرم و حكتله نص الحكايه راح هو مكملهالى و قالى هاتى العربيه انا عرفت الى فيها راحت جت شركه القطر خدت العربيه لغايه طارق مجانا ( عجبانى اوى حكايه مجانا دى ) و قالى بص ياباشا دا ديناموا بطاريه باظ الدينمو مالوش حل غير انك تركبلو كتاوت جديدة ودى كمان مش موجوده من هنا لهنا اتصل بواحد و جاب كتاوت فاليو فرنساوى و ركبها و مخدش منى مصنعيه تركيب كمان علشان كانت الكتاوت غاليه جدا و انا يعتبر من صحاب الورشه :]
وبس دى كانت المرة الوحيدة الى العربيه عملتها معايا
وشكرا

اسمها ايه شركة التأمين دي لعلنا نستفيد كلنا

[Ahmed H Megane]

بص يا جماعه انتو فاضيين شويه :D
مره طرمبه بنزين
ومره وصله البنزين من تحت اتقطعت
ومره حساس كرنك
ومره فيشه طرمبه بنزين
وكذا مره بقا Chek GearBox :D
ده بقا قعد معياا كتير صلحته كذا مره واغير زيت واظبط الدنيا ويمين ويجبها تاني
حساس ضغط selonide
مش فاكر ايه تاني .. بس هي حظي معاها كان وحش اوي
بس ناوي تاني اجيب غيرها يعني بعد ما اتباعت .. هو انا مكشفتش كويس وانا بجبها
واصلا بقا كانت نصين وطلعت ملحومه 3 قطع :D وده الي فاجأني الصراحه بس الحمد لله

[Ahmed H Megane]

واه .. :d
موديل 2005 a/t
هاتش باك .. وكنت عاملها استيكر نيكل الميجان الوحيده في مصر .. عشان لو حد من المعادي .. اكيد هيعرفني :d
اه .. الي كت من برا هالله هالله ومن جوا يعلم الله دي بتاعتي :d
وكنت بصلح برا مش توككيل في صقر قريش

[تامر.محمد]

اشد مشاركة شفتها من ساعة ما دخلت القسم ده


:d :d :d :d