عاوز اشتري ميجان مانيوال وخايف

[wessam426]

لو اعلى فئه ب 63000 ده سعرها فعلا
اللي يقولك ان قطع غيارها غاليه وغير متوفره قوله بطل فتي
انزل التوفيقيه وشوف اللي بيشتغلو في قطع غيار الرينو وانت هتزهل
قطع الغيار غاليه لو بتقارنها ب 128 او فيرنا لكن طبعا مقارنة بالانسر البوما مثلا عادي جدا
العربيه بس تتفحص كويس اوي قبل ماتشتريها وخلاص

الف شكر ياباشا على اهتمامك ونصيحتك الغالية حصلي استخارة واشوف ربنا يسهل باذن الله

[mfraig]

الميجان عباره عن كهربه يا باشا
خد بعضك وروح اكشف عليها فى مركز رينو محترم
وقوله يديلك لسته بكل الاعطال المسجله اللى ظهرت على الجهاز
وبكل تأكيد هتلاقى فيها اعطال حساسات
العربيه دى عباره عن ماسوره حساسات وانفجرت
حساس اكسجين وكرنك وكامه ودفيزور ومانفول وabc وتكييف وحراره و و و ألخ
وطبعآ هتفحص المكنه والفتيس والكبالن وبقيت العفشه
وبعد ما كله تمام
هتيجى بعدها بكام يوم مثلآ تلاقيها بطلت منك ولا حاجه
ولا تقلق هى كده بترحب بيك :d

والله انت برنس :)))))
هي بالظبط كده بعد ماتبقى كل حاجه تمام وزي الفل هتلاقي حاجه كده طلعتلك منين مش عارف
انا بأه بعد ماعملت كل حاجه في العربيه وكل حته في العربيه
كنت قاعد مع نفسي في يوم كده وبشرب شاي العصاري وبفكر هي العربيه ده بتعمل معايا كده ليه مع اني بحبها وفي قلبي ساكن حبها وبصرف عليها اكتر مابصرف على مراتي
المهم قلت لنفسي الحمد لله الحاجه الوحيده اللي تمام اوي دورة التبريد والردياتير زي الفل وعمرها ماسخنت الواحد برضه لازم يبص على نص الكيايه المليان
ويااخي تقولش كانت سمعاني مع اني ساكن في الدور السابع
مكدبتش خبر بعدها بيومين سخنت ولقيت فيشة المروحه سايحه وقاصله والحمد لله
انا عامل معاها زي توم وجيري بالظبط بس الغريب اني برضه بحبها سحان الله

[mfraig]

همممممم , يا ريت لو حضرتك تقارنها بأي عربية نفس الفئة و تشوف فيها نفس الحساسات ولا لأ , بالمناسبة هي فيها حساسات اكتر من كده كمان

ياباشا هي فعلا فيها نفس الحاساسات الموجوده حاليا في العربيات لكن ايام 2006 التويوتا واللانسر كانو عباره عن كوتور وعفشه وبنزين وفرامل وبارك الله فيما رزق

[تامر.محمد]

ياباشا هي فعلا فيها نفس الحاساسات الموجوده حاليا في العربيات لكن ايام 2006 التويوتا واللانسر كانو عباره عن كوتور وعفشه وبنزين وفرامل وبارك الله فيما رزق

بالظبط كده كلام سليم
كمان متهيأ لي كل العربيات اللي بدأت تنزل بعد 2008 تقريبا بقت زيها بالظبط

[mfraig]

بالظبط كده كلام سليم
كمان متهيأ لي كل العربيات اللي بدأت تنزل بعد 2008 تقريبا بقت زيها بالظبط

مش صحيح
الفيرنا الله يكرمها لحد موديل 2099 مافيهاش حساسات

[Super_Star_h]

همممممم , يا ريت لو حضرتك تقارنها بأي عربية نفس الفئة و تشوف فيها نفس الحساسات ولا لأ , بالمناسبة هي فيها حساسات اكتر من كده كمان

انا مجبتش سيرة مقارنه يا بيه !
انا بحاول اساعد الراجل
وانا عارف حساستها كلها
وبالتوفيق

[Super_Star_h]

والله انت برنس :)))))
هي بالظبط كده بعد ماتبقى كل حاجه تمام وزي الفل هتلاقي حاجه كده طلعتلك منين مش عارف
انا بأه بعد ماعملت كل حاجه في العربيه وكل حته في العربيه
كنت قاعد مع نفسي في يوم كده وبشرب شاي العصاري وبفكر هي العربيه ده بتعمل معايا كده ليه مع اني بحبها وفي قلبي ساكن حبها وبصرف عليها اكتر مابصرف على مراتي
المهم قلت لنفسي الحمد لله الحاجه الوحيده اللي تمام اوي دورة التبريد والردياتير زي الفل وعمرها ماسخنت الواحد برضه لازم يبص على نص الكيايه المليان
ويااخي تقولش كانت سمعاني مع اني ساكن في الدور السابع
مكدبتش خبر بعدها بيومين سخنت ولقيت فيشة المروحه سايحه وقاصله والحمد لله
انا عامل معاها زي توم وجيري بالظبط بس الغريب اني برضه بحبها سحان الله

هنعمل ايه بس
ده قدر ومكتوب
بس انا للأمانه مشكلتى الاكبر كانت فى المكنه وغيرتها وجبت واحده استيراد
اما مشاكل الكهربا انا كل اللى واجهنى حساس الكرنك الفيشه بتاعة كانت مش راكبه كويس
وعملت عمليه انتحاريه عشان اوصله وقعدت ادور عليه كتير واخيرآ لاقيته
بالاضافه الى فيشه النور اللى سايحه عندى طلعت علبة الفيوزات كلها بره
وقطمت الفيشه كلها ورميتها وجبت 2 متر سلك محمل شويه ووصلت الاطراف ولحمت فى قلب الكارته مباشرتآ بالمكوه والاصدير ,, انا عندى خبره فى شغل الالكترونيات وانا كنت شغال فى الكهربه العامه فالموضوع بالنسبه لى سهل

[تامر.محمد]

انا مجبتش سيرة مقارنه يا بيه !
انا بحاول اساعد الراجل
وانا عارف حساستها كلها
وبالتوفيق

انا مش باقول لك كده عشان تتضايق , القصد ان الحساسات و الحاجات دي النهارده بقت شيء عادي في اغلب العربيات الحديثة , فما بقتش نقطة تتحط في الاعتبار الا لو بتقارن بعربية موديلها بالكتير اول الالفينات , زي الميجان انا عارف ,هي كانت سابقة في الحتة دي

مش صحيح
الفيرنا الله يكرمها لحد موديل 2099 مافيهاش حساسات :copy of m-s5:

هههههههههههههه , انا قصدي اول نزولها يعني

[Super_Star_h]

انا مش باقول لك كده عشان تتضايق , القصد ان الحساسات و الحاجات دي النهارده بقت شيء عادي في اغلب العربيات الحديثة , فما بقتش نقطة تتحط في الاعتبار الا لو بتقارن بعربية موديلها بالكتير اول الالفينات , زي الميجان انا عارف ,هي كانت سابقة في الحتة دي



هههههههههههههه , انا قصدي اول نزولها يعني

يا باشا انا اكيد عارف ان معظم حساساتها بتبقى هى هى نفس الموجوده فى الموديلات الحديثه وخاصه الاوروبى
بس الناس حاليآ اما بتشترى مستعمل فى حدود 60 و 70 الف
بتحتار تجيب ايه
لانوس ولا فيرنا ولا بيكانتو ولا ميجااااااان
وحط 30 خط تحت كلمة ميجاااااان
الميجان صحيح فى نفس السعر ولكن هناك فوارق كبيره جدآ
وكأنك بتقارن لادا بأى عربيه حديثه
الناس مش واخده بالها ان الميجان فئه عاليه .. سعرها فقط هو اللى واقع
تيجى ناس تقولك لا يا عم اشترى لانوس ولا فيرنا قطع غيارهم رخيصه ومافيهاش تعقيد وحساسات وبتاع !
وفكك من الميجان دى قطع غيارها غاليه وكلها حساسات ومشاكلها كتيره !
يجى واحد يشتريها ويقعد يبهدل فى اللى جابوها ومش عايز يعملها صيانه مضبوطه ولا يصرف عليها بيستخسر وده الطبيعى ما هو جايبها بفلوس قليله !
لو حصلت حاجه فى الكهربا هيروح عند الكهربائى بتاعه ويقعد يعكله فيها
وتطلع فى رسايل وتقف وتعطل
ويجى لما يحن عليها ويشترى قطعة غيار غصب عنه يلاقيها غاليه
واخر ما يزهق يقوم بايعها وواحد تانى يشتريها وتطلع عينه ويستمر مسلسل العك والشكوى
انا اعرف واحد والله ما بيحب يعمل اي حاجه فى العربيه غير انه ستارت يدور ستوب يبطل
هو معاه بى ام x3 حاليآ ومعاه ميجان 2006 كان جايبها من الزيرو
صدقنى الشخصيه دى لو العربيه قرفته كان باعها من زمان ومش هتفرق معاه فلوس
واحد صاحبى معاه c4 كان جايبها فى 2005 من الزيرو عدادها حاليآ فوق ال 300 ألف
صيانات كلها فى التوكيل معاه دفتر فواتير
المكنه والفتيس متلمسوش مع ان سواقته عنيفه ومبهدل العربيه معاه
باعها عشان جاب مرسيدس

[mfraig]

يا باشا انا اكيد عارف ان معظم حساساتها بتبقى هى هى نفس الموجوده فى الموديلات الحديثه وخاصه الاوروبى
بس الناس حاليآ اما بتشترى مستعمل فى حدود 60 و 70 الف
بتحتار تجيب ايه
لانوس ولا فيرنا ولا بيكانتو ولا ميجااااااان
وحط 30 خط تحت كلمة ميجاااااان
الميجان صحيح فى نفس السعر ولكن هناك فوارق كبيره جدآ
وكأنك بتقارن لادا بأى عربيه حديثه
الناس مش واخده بالها ان الميجان فئه عاليه .. سعرها فقط هو اللى واقع
تيجى ناس تقولك لا يا عم اشترى لانوس ولا فيرنا قطع غيارهم رخيصه ومافيهاش تعقيد وحساسات وبتاع !
وفكك من الميجان دى قطع غيارها غاليه وكلها حساسات ومشاكلها كتيره !
يجى واحد يشتريها ويقعد يبهدل فى اللى جابوها ومش عايز يعملها صيانه مضبوطه ولا يصرف عليها بيستخسر وده الطبيعى ما هو جايبها بفلوس قليله !
لو حصلت حاجه فى الكهربا هيروح عند الكهربائى بتاعه ويقعد يعكله فيها
وتطلع فى رسايل وتقف وتعطل
ويجى لما يحن عليها ويشترى قطعة غيار غصب عنه يلاقيها غاليه
واخر ما يزهق يقوم بايعها وواحد تانى يشتريها وتطلع عينه ويستمر مسلسل العك والشكوى
انا اعرف واحد والله ما بيحب يعمل اي حاجه فى العربيه غير انه ستارت يدور ستوب يبطل
هو معاه بى ام x3 حاليآ ومعاه ميجان 2006 كان جايبها من الزيرو
صدقنى الشخصيه دى لو العربيه قرفته كان باعها من زمان ومش هتفرق معاه فلوس
واحد صاحبى معاه c4 كان جايبها فى 2005 من الزيرو عدادها حاليآ فوق ال 300 ألف
صيانات كلها فى التوكيل معاه دفتر فواتير
المكنه والفتيس متلمسوش مع ان سواقته عنيفه ومبهدل العربيه معاه
باعها عشان جاب مرسيدس

الله ينور عليك
بالظبط كده
الناس فعلا فاكراها فيرنا وده بوظ فئه كبيره من العربيات الموجوده في السوق نتيجه العك اللي بيحصل وفي الاخر يبيعها
وطبعا سمعة العربيه من سيء لاسوء لان المشاكل عماله تزيد
واللي معاه عربيه من الزيرو ماتلمستش بره التوكيل نادر جدا
الحل في تظري
اعدام كل الميجان المستعمل في السوق للحفاظ على اسم رينو

[Super_Star_h]

الله ينور عليك
بالظبط كده
الناس فعلا فاكراها فيرنا وده بوظ فئه كبيره من العربيات الموجوده في السوق نتيجه العك اللي بيحصل وفي الاخر يبيعها
وطبعا سمعة العربيه من سيء لاسوء لان المشاكل عماله تزيد
واللي معاه عربيه من الزيرو ماتلمستش بره التوكيل نادر جدا
الحل في تظري
اعدام كل الميجان المستعمل في السوق للحفاظ على اسم رينو

اومال الصنايعيه النصابين اللى شغالين فى الميجان هياكلو عيش منين
المشكله ان معظمهم متنكين على ايه معرفش ! تحس الواحد انه مؤسس شركة رينو
مع انهم شويه بقر

[SaimOnatoR]

متابع بإهتمام عشان بأمر الله ناوي أشتري ميجان ii :)