عاوز اشتري ميجان مانيوال وخايف

[mfraig]

يعني انا لما بثبت السرعة اقدر اشيل رجلي من علي البنزين واتحكم من الطارة انا كده فاهم صح

بالظبط كده
هو في حاجتين اولا مثبت السرعه وده بتشغله لما توصل لسرعه معينه مثلا 100 وبعدها تشيل رجلك من الدواسه وممكن تزود السرعه وتقللها من الدركسيون وكمن الشاشه بتظهر عداد سرعه ديجيتال على ما اتزكر
وثانيا محدد السرعه وده مايخلكش تزيد عن السرعه المحدده حتى لو دوست بنزين اكتر

[mfraig]

والله انا شايف ان السيتي لو حالتها كويسه يبقى انت كسبان الاوتوماتك وكمان موتور السيتي والتكيف الياباني هيبقى اقوى
والهوندا سيتي رغم انها فئه اقل بس برضه عندهم حد ادنى من الثبات على السرعات والموتور ال vtec حكايه
وضيف على ده كله ان الميجان لازم تكون عربيه مش ملعوب فيها والا هتزعلك وهتكره نفسك بسببها فلو مش واثق فيها بشكل كبير خليك في السيتي

[mfraig]

والله انا شايف ان السيتي لو حالتها كويسه يبقى انت كسبان الاوتوماتك وكمان موتور السيتي والتكيف الياباني هيبقى اقوى
والهوندا سيتي رغم انها فئه اقل بس برضه عندهم حد ادنى من الثبات على السرعات والموتور ال vtec حكايه
وضيف على ده كله ان الميجان لازم تكون عربيه مش ملعوب فيها والا هتزعلك وهتكره نفسك بسببها فلو مش واثق فيها بشكل كبير خليك في السيتي

[mfraig]

يعني انتو شايفين انها احلي من الهوندا سيتي اوتو وقطع غيارها رخيصة وعاوز افهم موضوع مثبت ومحدد السرعة في الميجان

الموضوع ده في الشرح اللي نفسك فيه

http://www.nilemotors.net/Nile/25836-megane.html

[mfraig]

يعني انتو شايفين انها احلي من الهوندا سيتي اوتو وقطع غيارها رخيصة وعاوز افهم موضوع مثبت ومحدد السرعة في الميجان

ده تقرير عن السيتي 2004
انا فوجيئت انها بفتيس cvt انا بحب الفيتيس ده جدا من ساعة ماسقته في اللانسر ال بومه ومقارنه بالفيتيس عندي في الميجان ابو نتشه ده برقبته الصراحه
بس انا مش مقتنع بيها 1300 لكن لو 1500 ب abs تبقى زي الفل

http://www.nilemotors.net/Nile/209126-5.html

[ozozo]

الموضوع ده في الشرح اللي نفسك فيه
http://www.nilemotors.net/nile/25836-megane.html

ده تقرير عن السيتي 2004
انا فوجيئت انها بفتيس cvt انا بحب الفيتيس ده جدا من ساعة ماسقته في اللانسر ال بومه ومقارنه بالفيتيس عندي في الميجان ابو نتشه ده برقبته الصراحه
بس انا مش مقتنع بيها 1300 لكن لو 1500 ب abs تبقى زي الفل

http://www.nilemotors.net/nile/209126-5.html

فعلا بشكرك جدااااا ربنا يخليك انت تقريبا رديت علي اللي عاوز اعرفه وللاسف انا في حيرة والحمد لله جربت الاثنين ومش عارف اخد قرار الميجان اللي جربتها مانوال ومفكرتش في الاوتو لان سمعت ان مشاكله كتير والفتي بينتش وان في غني عن ده اوبشن العربية عاجبني جدا الزجاج الاوتو وحدة رفع مرايات ضم تحكم كاست كارت الشغيل ارتفاع الكرسي وقعدته المريحة اماكن التخزين نعومة العربية التحكم في النور والخ ولكن لما جربتها حسيت اني جبت ال 130 140 بسرعة وانا مش حاسس اني عليها وحاسيت العربية مش راسية وثابته معرفش احساسي صح ولا عشان كنت خايف ان اول مرة اسوق مانوال فيها مش عربيتي ده انطباعي عنها
السيتي اللي جربتها الاوتو ال 1300 فعلا فتيسها متحسش بالنقل ولا النتش وفي السرعة العالية تحس انها راسية وثابته بس تفتقر للدلع والاوبشن وضايقة شوية ولون الصالون البيج الفاتح بيتوخ بسرعة
فعلا مش عارف ايهما افضل الاوتو المريح ودي ميزة وهل المانوال في الميجان مريح ولا بعد فترة الواحد هيزهق منه وايه اعطاله اكتر ومصاريفه اكبر

[ozozo]

وياريت لو اقدر بعد اذنك اتواصل معاك علي الهاتف تبعتلي رقمك علي الخاص وشكرا

[loklok]

لو حضرتك مقيم في القاهره انصحك بالاتوماتيك عاشان الزحمه الفظيعه
الميجان عربيه ثباتها محترم احساسك ده راجع لعدم التعود علي نعومه الدركسيون الكهربا

[ozozo]

هي الميجان باور كهرباء وبعد ما فهمت موضوع المحدد ومثبت السرعة في المانوال يعني انا لو علي سرعة ٥٠ وحددت السرعة ال ١٠٠ مثلا وانا مثلا كنت علي الثالث هل العربية هتزود بنزين لوحدها هتنقل علي الرابع وانا بقي بشيل رجلي من علي دوسة البنزين ولا انا فاهم غلط

[تامر.محمد]

هي الميجان باور كهرباء وبعد ما فهمت موضوع المحدد ومثبت السرعة في المانوال يعني انا لو علي سرعة ٥٠ وحددت السرعة ال ١٠٠ مثلا وانا مثلا كنت علي الثالث هل العربية هتزود بنزين لوحدها هتنقل علي الرابع وانا بقي بشيل رجلي من علي دوسة البنزين ولا انا فاهم غلط

بص لو في الاتوماتيك العربية هاتدوس بنزين بأقصى قدرة ممكنة و هاتحرق لحد ما تجيب ال100
في المانيوال ما جربتش بس ماظنش طبعا انها هاتنقل رابع لوحدها

اظن و الله اعلم انها هاتدوس بنزين لحد ما الغيار بتاعك يجيب اخره بس

[mfraig]

فعلا بشكرك جدااااا ربنا يخليك انت تقريبا رديت علي اللي عاوز اعرفه وللاسف انا في حيرة والحمد لله جربت الاثنين ومش عارف اخد قرار الميجان اللي جربتها مانوال ومفكرتش في الاوتو لان سمعت ان مشاكله كتير والفتي بينتش وان في غني عن ده اوبشن العربية عاجبني جدا الزجاج الاوتو وحدة رفع مرايات ضم تحكم كاست كارت الشغيل ارتفاع الكرسي وقعدته المريحة اماكن التخزين نعومة العربية التحكم في النور والخ ولكن لما جربتها حسيت اني جبت ال 130 140 بسرعة وانا مش حاسس اني عليها وحاسيت العربية مش راسية وثابته معرفش احساسي صح ولا عشان كنت خايف ان اول مرة اسوق مانوال فيها مش عربيتي ده انطباعي عنها
السيتي اللي جربتها الاوتو ال 1300 فعلا فتيسها متحسش بالنقل ولا النتش وفي السرعة العالية تحس انها راسية وثابته بس تفتقر للدلع والاوبشن وضايقة شوية ولون الصالون البيج الفاتح بيتوخ بسرعة
فعلا مش عارف ايهما افضل الاوتو المريح ودي ميزة وهل المانوال في الميجان مريح ولا بعد فترة الواحد هيزهق منه وايه اعطاله اكتر ومصاريفه اكبر

بص ياسيدي اولا انت قلت حاجتين عكس بعض ان العربيه جابت 140 بسرعه ومحستش بيها وان العربيه مش راسيه والمفروض انك مش بتحس بسرعة العربيه الا لو كان الثبات عالي فحاجه من اتنين اما فعلا العربيه عفشتها فيها مشكله او انك كنت خايف بس مش أكتر وده هيبان في الكشف عالعربيه
الميجان ثباتها عالي جدا وده اهم ميزه فيها ولحد 160 كنت بسند الدركسيون بصباعي وانا بشرب نسكافيه وسهل جدا تعمل مناوره على السرعه ده وانت مطمن والعربيه الصراحه عمرها مخزلتني او حسيتها خرجت عن مسارها او خفت من سرعتها وللامانه انا كانت العفشه عندي بايظه وغيرت مقصين و4 مساعدين ورغم ان الثبات بقى احسن كتير جدا بعد العفشه الجديده الا انه كان كويس لحد كبير مع العفشه القديمه خصوصا اني كنت نازل من فيرنا قبلها
طبعا السيتي هتلاقيها ضعيفه في السحب شويه مع الفيتيس ال cvt وكمان 1300 لكن انا باعتباري من سكان القاهره وسفري مش كتير فانا هختار الاوتو ومش هقولك هوندا لا انا ممكن اركب فيرنا اوتو ومركبش ميجان مانوال خصوصا جوه القاهره والزحمه وطظ في الاوبشن ماهي ده امكانياتي ماباليد حيله لكن طبعا القرار يرجعلك
المانوال في الميجان انا مجربتوش لكن زي اي مانوال صيانته اقل من الاوتو لو قارناه بالميجان الاوتو اللي اصلا فيتيسها بعتبره مش معمر لكن لو قارناه بال cvt اعتقد انه معمر جدا وصيانته قليله جدا لكن في الاخر المانوال هي اسطوانه وديسك والفيتيس بيرجعلك زيرو ماتشغلش بالك يعني وقطع الغيار في المتناول مش قضيه

حاجات بأه انت غافلها واحب انك تفكر فيها وتشركني معاك:
1-حالة العربيتين العامه مين فيهم رشه بره ومين فابريقه وحالة الدهان بشكل عام
2- حالة الصالون للاتنين
3-عداد الكيلومتر كامل كام
4-هل فحصت العربيتين وخصوصا الميجان

رغم كل اوبشن الميجان اللي بنزغلل العين ومعاك حق طبعا لكن بقولك اهو لازم تكون العربيه حاله حلوه لان كل الاوبشن ده هتختفي من عينيك لو كل يوم رايح للميكانيكي تحل مشكله والميجان لو ماكانتش بتتصلح صح ومتحافظ عليها وفتحت بقها مش هتقفله ولا هاتعرف تلمها تاني

[mfraig]

وياريت لو اقدر بعد اذنك اتواصل معاك علي الهاتف تبعتلي رقمك علي الخاص وشكرا

انا والله مسافر وبره مصر حاليا بس هرد على كل استفساراتك ولو عاوز تسألني على الخاص هرد عليك مع ان المشاركات بتبقى افضل لان ده بيفيد غيرك وبيدي فرصه ان الاعضاء تقول رأيها
وانا تحت امرك

[mfraig]

هي الميجان باور كهرباء وبعد ما فهمت موضوع المحدد ومثبت السرعة في المانوال يعني انا لو علي سرعة ٥٠ وحددت السرعة ال ١٠٠ مثلا وانا مثلا كنت علي الثالث هل العربية هتزود بنزين لوحدها هتنقل علي الرابع وانا بقي بشيل رجلي من علي دوسة البنزين ولا انا فاهم غلط

الباور كهربا لكن بيتقل تدريجي مع السرعه وعمري ماحسيت انه مخيف بالعكس بعد ال 120 بحسه زي الحجر وكان حد ماسكه غير مقلق بالمره
بخصوص محدد السرعه النظام دقيق جدا واعتقد ان في المانوال هيكون الكمبيوتر محدد السرعه القصوى لكل غيار فلو انت كاتب 100 مثلا وانت على الثالث غالبا الكمبيوتر هيكون محدد الثالث ان اقصاه 80 مثلا فهيوصل ل 80 ويقف لحد ماتجيب الرابع وكده ومين عارف يمكن يكون اصلا بيقولك على معاد النقلات على الشاشه اصل الميجان ده ممكن يطلع منها مفاجأت كتير الصراحه

[medohai510]

انا اشتريت ميجان 2008 مانيوال وماشية 70 الف كم من اسبوعين فقط ب 70 الف جنية ورأي فيها عربية ممتازة جدا وثابتة 100%
وهي يتنزل فئات لكن كلها بدون فتحة سقف بانوراما فقط والاساسي في الفئة الاولي تكييف بكر وزجاج كهرباء ووحدات رفع
اهم شئ في الرينو خاصة وفي العربيات عامة الحالة والمواظبة علي الصيانة الدورية في مواعيدها وقطع الغيار الاصلي
واعتقد ان السعر مناسب علشان العربية ماشية كثير شوية
نصيحة
اكشف عليها في مركز معتمد علشان تطمئن قبل الشراء وبعد اقتناعك الكامل بها والله الموفق

[mfraig]

انا اشتريت ميجان 2008 مانيوال وماشية 70 الف كم من اسبوعين فقط ب 70 الف جنية ورأي فيها عربية ممتازة جدا وثابتة 100%
وهي يتنزل فئات لكن كلها بدون فتحة سقف بانوراما فقط والاساسي في الفئة الاولي تكييف بكر وزجاج كهرباء ووحدات رفع
اهم شئ في الرينو خاصة وفي العربيات عامة الحالة والمواظبة علي الصيانة الدورية في مواعيدها وقطع الغيار الاصلي
واعتقد ان السعر مناسب علشان العربية ماشية كثير شوية
نصيحة
اكشف عليها في مركز معتمد علشان تطمئن قبل الشراء وبعد اقتناعك الكامل بها والله الموفق

ياباشا الف مبروك عالعربيه وربنا يباركلك فيها بس هو السعر ده مش قليل على فكره هو شعر مناسب جدا لو حالة العربيه كويسه وعلى فئة المانوال لانها ارخص فئه
وكمان 70 الف كيلو مش كتير على عربيه 2008
تصحيح بسيط هي المانوال بتنزل فئه واحده وهي اول فئه بس من غير طبعا فتحة سقف ولا نواكل والتكييف بكر وكاوتش 15 بطاسات
اما الفئات الاخرى فهي 3 فئات اوتوماتيك
1- زي المانوال بالظبط بس اوتوماتك
2- بتزيد جنوط رياضيه مقاس 16
3- بتزيد فتحة سقف بانوراما وتكيف تاتش وتواكل في الاوكر والاعتاب الابواب الاماميه ودركسيون وفيتيس جلد طبيعي اعتقد غير اللي موجود في الفئات الاولى