صوت خبطة في الفلونس

[aratux]

استلمت فلوينس من اسبوعين تقريبا e3s
العربية الحمد لله ممتازة جدا بس من يومين بدأت الاحظ صوت "مجرد صوت بدون هزة او حاجة" خبطة من ناحية الباب او السقف مش متأكد و مش مرتبط بمطبات، كأن زلطة صغيرة بتخبط او حاجة مفكوكة بتخبط
ساعات باسمعها و ساعات لأ و جربت امشي على حتت غير ممهدة علشان اشوف بس مش مرتبطة بحالة الطريق

ظهرت عند حد و لا ايه اقتراحاتكم ليها لأني عايز اروح التوكيل اشوفها

[john55]

هي ممكن تكون فعلا زلطه واول ما بتسيب من الكاوتش بترقع جوا هيكل العربيه من تحت فتسمع الصوت دا

[Ahmed Hemaid]

انا بسمع الصوت ده بس غالبا وبعد تركيز لقيتها ستارة الباب الخلفى

[aratux]

ركزت معاه و لاحظت انها بتحصل لما الطريق تحت الفردة الشمال اعلى من باقي الطريق
غالبا كدة العفشة
ماعرفش حاجة بايظة و لا مجرد محتاجة تربيط
ممكن لو حد فاهم في عفشة الفلوينس يفيدنا علشان ما اتفسحش في التوكيل

[aratux]

انا بسمع الصوت ده بس غالبا وبعد تركيز لقيتها ستارة الباب الخلفى

كنت شاكك في كدة و قفلت الستارة علشان اتأكد بعدين وصلت لاستنتاج العفشة

[aratux]

الناس نامت بدري :-)

[aratux]

ايه يا شباب فينكم؟
كمان كلمت التوكيل علشان اروح يوم السبت قالولي السبت صيانات مش اصلاحات و لازم تروح من الاحد للخميس
شكلي هاروح السبت بلطجة لانه اليوم الوحيد اللي فاضي فيه

[aratux]

لسة هاروح السبت القادم إن شاء الله
لو حد عنده معلومة ياريت يساعد بيها

[Hany Saad]

موضوع الصوت ده بيبقى صعب شويه و عايز طولة بال و للأسف بيبقى حالة خاصة لكل عربية علشان كده محدش قادر يساعدك
شوف الكنبة الخلفية أتأكد أن كل أجزائها ثابتة زى المساند و خلافه
اتأكد انك مش حاطط نظارة فى الجراب اللى عند المرايه لو كانت عربيتك فيها
حاول تشيل كل حاجة من باكتات الأبواب
للأسف التوكيل مش هيساعدك قوى فى موضوع الاصوات لأنه صعب و محتاج وقت و طول بال

نصحتى حاول على الأقل تحصر مكان الصوت فين و بيظهر أمتى و تحت اى ظروف ( فى مطب او العربية باردة او....) علشان تسهل للتوكيل المهمة

ان شاء الله تتحل المشكلة قريباً

تحياتى

[aratux]

شكرا للرد
انا عارف ان تحديده صعب علشان كدة باحاول اروحلهم و انا محدد بدرجة كبيرة مكانه
شلت كل حاجة و نزلت الستاير و كمان شلت حاجات من الشنطة و اتاطدت ان ضهر الكنبة ثابت

المشكلة ان الصوت بيزيد، يعني دلوقتي مع اي مطب او نقرة بقى بيظهر بعد ما كان بيظهر في حالات قليلة

و مشكلة التوكيل انه مصمم يحجزلي في وسط الاسبوع و انا مش فاضي اخدلهم اجازة نخصوص و كمان العربية عاملة 400 كيلو
باحاول ماعكننش على نفسي بس بجد حاجة تنرفز

[aratux]

المحاولة مستمرة
روحت التوكيل السبت الماضي بعد محاولات كتير و كشفوا على العفشة قالوا مافيش حاجة
رحت ورشة السمكرة المهندس هناك قالي ده قفل الباب محتاج بس wd40 و دي حاجة عادية و بتحصل على طول في الفلوينس، و فعلا الصوت راح لمدة يوم و بعدين رجع اقوى
المرة الجاية هاروح اتخانق، و لو تنصحوني اروح العبور تاني و لا المقطم؟ لأن المرة التالتة هايكون فيه كلام تاني خالص

[yasser100]

همه بيسمعوا الصوت و ﻻ لما بتروح ما بيقدروش يسمعوه ؟ المشكله انه موضوع الاصوات ده بيكون رخم فى تحديده

[wael30003]

http://www.nilemotors.net/Nile/447859-amrobarakat.html

[aratux]

همه بيسمعوا الصوت و ﻻ لما بتروح ما بيقدروش يسمعوه ؟ المشكله انه موضوع الاصوات ده بيكون رخم فى تحديده

سمعوه بوضوح و قالي ده قفل الباب و كل الفلوينس كدة و لازم كل شوية تحطله wd40
طبعا تهريج و الصوت بيزيد
مهندس اسمه احمد اللي ماسك ورشة السمكرة في العبور

[aratux]

http://www.nilemotors.net/nile/447859-amrobarakat.html

مش عارف افتح اللينك
بيقولي غير مسموح لي
فيها ايه اللينك دي؟