صوت خبطة في الفلونس

[yalahwy2010]

هايحصل طبعا يا فندم بس مديلهم فرصة اخيرة
شاكر لحضرتك النصيحة

و على فكرة انا اصلا زقازيقي :)

مش تقول يا باشا انك زقازيقي
أجدع ناس :)

من خلال خبرتى بالتعامل مع التوكيل ......هم بصراحة مقرفين فعلا وتقال........لو العربية بتاعت حضرتك كانت برة الضمان كنت قلتلك اعملها برة أحسنلك.........لكن خسارة وحضرتك فالضمان تدفع مليم على حاجة تعتبر عيب صناعة
على فكرة جهاز حماية المستهلك جهاز قوى جدا وبيبهدل أى حد ليه اسم وباع حاجة فيها اى مشكلة.......كل اللى حضرتك بتقدمه فاتورة الشرا و الضمان مسحوبة على سكانر او متصورة بموبايل وهم بيقوموا بالواجب
وممكن حضرتك تعمل شكوي فى توكيل رينو فرنسا .....المهم حضرتك ماتسكتش
هى الفلوانس عربية حلوة بصراحة....بس حظك بقى جه فى حاجة فيها مشكلة......بس ان شاء الله ليها حل......ماهو الضمان ده لازمته كدة.....اتخانق بس معاهم بالذوق وان شاء الله المشكلة هتتحل

بالنسبة للتويوتا هى طبعا عربية محترمة بس يعيبها انها غالية حبتين ......وشكلها الخارجى مش عاجبنى اوى........لكن شكلها الداخلى أحسن من الفلوانس.......من وجهة نظرى

ولو اى حاجة حضرتك محتاجها انا تحت أمرك .....

[aratux]

مش تقول يا باشا انك زقازيقي
أجدع ناس :)

من خلال خبرتى بالتعامل مع التوكيل ......هم بصراحة مقرفين فعلا وتقال........لو العربية بتاعت حضرتك كانت برة الضمان كنت قلتلك اعملها برة أحسنلك.........لكن خسارة وحضرتك فالضمان تدفع مليم على حاجة تعتبر عيب صناعة
على فكرة جهاز حماية المستهلك جهاز قوى جدا وبيبهدل أى حد ليه اسم وباع حاجة فيها اى مشكلة.......كل اللى حضرتك بتقدمه فاتورة الشرا و الضمان مسحوبة على سكانر او متصورة بموبايل وهم بيقوموا بالواجب
وممكن حضرتك تعمل شكوي فى توكيل رينو فرنسا .....المهم حضرتك ماتسكتش
هى الفلوانس عربية حلوة بصراحة....بس حظك بقى جه فى حاجة فيها مشكلة......بس ان شاء الله ليها حل......ماهو الضمان ده لازمته كدة.....اتخانق بس معاهم بالذوق وان شاء الله المشكلة هتتحل

بالنسبة للتويوتا هى طبعا عربية محترمة بس يعيبها انها غالية حبتين ......وشكلها الخارجى مش عاجبنى اوى........لكن شكلها الداخلى أحسن من الفلوانس.......من وجهة نظرى

ولو اى حاجة حضرتك محتاجها انا تحت أمرك .....

ربنا يخليك يارب
فعلا همة عندهم مشكلة بطء غريب في التوكيل ده
انا بقالي تلات ايام باحاول اوصل للمهندس علي بدر مدير خدمات بعد البيع في رينو، لدرجة ان موظف خدمة العملاء في لحظة حسسني ان مافيش حد بالإسم ده أصلا في الشركة

عموما المشكلة للأسف اني فعلا باتكلم بالذوق و مابعرفش اتكلم بطريقة تانية و يمكن ده مخليهم مستهبلين زيادة طالما ما باتخانقش، بس فيه طرق كتير تاخد حقك بمنتهى الذوق
و فعلا امبارح عملت شكوى في رينو جروب برة و الاسبوع الجاي حماية المستهلك لو ماحدش حلها لغاية يوم السبت

عربية حلوة بس توكيل غبي يخليك تكره العربية

[Hany Saad]

ربنا يخليك يارب
فعلا همة عندهم مشكلة بطء غريب في التوكيل ده
انا بقالي تلات ايام باحاول اوصل للمهندس علي بدر مدير خدمات بعد البيع في رينو، لدرجة ان موظف خدمة العملاء في لحظة حسسني ان مافيش حد بالإسم ده أصلا في الشركة

عموما المشكلة للأسف اني فعلا باتكلم بالذوق و مابعرفش اتكلم بطريقة تانية و يمكن ده مخليهم مستهبلين زيادة طالما ما باتخانقش، بس فيه طرق كتير تاخد حقك بمنتهى الذوق
و فعلا امبارح عملت شكوى في رينو جروب برة و الاسبوع الجاي حماية المستهلك لو ماحدش حلها لغاية يوم السبت

عربية حلوة بس توكيل غبي يخليك تكره العربية

حط شكوتك على صفحتهم على الفيس بوك....

تحياتى

[aratux]

حط شكوتك على صفحتهم على الفيس بوك....

تحياتى

يا فندم لو مابيردوش على التليفونات هايبقوا بيفتحوا الفيسبوك؟
أنا شفت العجب هناك و عمال نايمة في الاستراحات وسط اليوم و واحد بيحكي لواحد تاني انه دخل نام في الجامع بس الناس اللي داخلة تصلي الضهر همة اللي صحوه و انه بعد شوية هايدخل يكمل نوم

بذمتك دول يفرق معاهم حاجة؟

[Hany Saad]

يا فندم لو مابيردوش على التليفونات هايبقوا بيفتحوا الفيسبوك؟
أنا شفت العجب هناك و عمال نايمة في الاستراحات وسط اليوم و واحد بيحكي لواحد تاني انه دخل نام في الجامع بس الناس اللي داخلة تصلي الضهر همة اللي صحوه و انه بعد شوية هايدخل يكمل نوم

بذمتك دول يفرق معاهم حاجة؟

الفيس بوك هيفرق جداً علشان كل الناس بتقراه....شكوتك بتبقى محطوطة على الwall و أى حد هيدخل هيقراها....هما هيستجيبوا علشان سمعتهم و منظرهم قدام العملاء و علشان الشكاوى متأثرش على المبيعات الجديدة مش علشان هما عايزين يحلولك مشكلتك
أنا جربت الموضوع ده مع أكتر من شركة و جاب نتايج كويسة

جرب مش هتخسر حاجة....الحاجات دى بتتنقل للمسؤلين الكبار فى الشركة
غير لما بتروح فرع و الموظفين بيداروا على بعض

لاحظ أن الخط الساخن اللى أنت بتكلمه ده call center خارجى، شركة رينو مصر متعاقدة معاه ليس أكثر
علشان كده مش فاهمين حاجة

تحياتى

[aratux]

الفيس بوك هيفرق جداً علشان كل الناس بتقراه....شكوتك بتبقى محطوطة على الwall و أى حد هيدخل هيقراها....هما هيستجيبوا علشان سمعتهم و منظرهم قدام العملاء و علشان الشكاوى متأثرش على المبيعات الجديدة مش علشان هما عايزين يحلولك مشكلتك
أنا جربت الموضوع ده مع أكتر من شركة و جاب نتايج كويسة

جرب مش هتخسر حاجة....الحاجات دى بتتنقل للمسؤلين الكبار فى الشركة
غير لما بتروح فرع و الموظفين بيداروا على بعض

لاحظ أن الخط الساخن اللى أنت بتكلمه ده call center خارجى، شركة رينو مصر متعاقدة معاه ليس أكثر
علشان كده مش فاهمين حاجة

تحياتى

عموما حد من خدمة العملاء عندهم كلمني دلوقتي و اتفقنا على اخر محاولة تبقى يوم السبت، بس قلتلهم مهندس علي بدر هوة اللي يأكد الاتفاق ده قبل ما اروح
و مازلت في الانتظار
يوم السبت يا اما اروح التوكيل او اروح حماية المستهلك
بس فكرتك حلوة و هاعملها لما اروح ان شاء الله


شاكر جدا لحضرتك

[aratux]

انا في العبور للمرة التالتة خلال اقل من شهر
لما نشوف اخرتها

[Hany Saad]

انا في العبور للمرة التالتة خلال اقل من شهر
لما نشوف اخرتها

إن شاء الله مشكلة حضرتك تتحل المرة دى

تحياتى

[aratux]

طيب اخر الاخبار

رحت النهاردة الساعة 9 الصبح العبور بناء على اتفاق مع مهندس علي بدر مدير خدمات بعد البيع في رينو
اشتغلوا عليها لغاية الساعة 3 الضهر ميعاد مرواحهم و كانت النتيجة "صفر" و قالولي هايبعتوا تقرير للشركة في فرنسا و يستنوا الرد

انا عن نفسي قفلت من ام العربية دي و عايز اعرف اعمل ايه علشان اخد فلوسي او يدوني عربية جديدة "هابيعها برضه" ؟ ياريت الرد على النقطة دي يكون من حد عنده خبرة

حاجة تانية مهمة توضح مستوى الجودة. المرة اللي فاتت استلمت العربية مش نضيفة من جوة و خليتهم نضفوها
المرة دي قلت للمهندس يخلي باله و بالذات الفرش ما يتبهدلش
لما استلمتها لقيت فرش السقف كله بقع سودا و حتة منه مقطوعة تقريبا بكاتر او مفك و بابي من جوة كله لحوسة
ندهت المهندس تاني من على باب التوكيل و هوة ماشي وريتهاله وقلتله ده مش منظر استلم بيه العربية و اكدلي انه هايحلها بس اول ما يعرف يحل المشكلة الاصلية
الخلاصة، واضح ان مافيش اي نوع من الرقابة على الجودة في المكان ده و لتاني مرة اخد العربية متنيلة من برة و جوة

الله يكرمهم توكيل تويوتا عمرهم ما سلموني العربية غير لما تتغسل الاول

[Hany Saad]

بيعها و اخلص منها و هى لسه بشوكها طالما قفلت منها و هات كورولا طالما كنت مستريح معاهم

بالتوفيق

تحياتى

[aratux]

بيعها و اخلص منها و هى لسه بشوكها طالما قفلت منها و هات كورولا طالما كنت مستريح معاهم

بالتوفيق

تحياتى

بشوكها ازاي و هية متنيلة كدة؟ التوكيل يحلها الاول او يديني غيرها او يديني فلوسي
لكن انا مش هابيعها معيوبة لأني مش هاخبي على اللي بابيعهاله. ماقبلش مليم حرام

[yasser100]

بشوكها ازاي و هية متنيلة كدة؟ التوكيل يحلها الاول او يديني غيرها او يديني فلوسي
لكن انا مش هابيعها معيوبة لأني مش هاخبي على اللي بابيعهاله. ماقبلش مليم حرام

مش عارف ليه الدنيا ملخبطه معاك كده فى التوكيل . برغم انه ده مش طبعهم .

اتعاملت معاهم من حوالى 3 شهور بس كانوا محترمين بصراحه و حتى انا قلت لهم ربطوا لي العفشه على حسابى . ربطوها و قالولى علينا و سلموا لى العربيه نضيفه .

مش عارف اقول لك ايه . حاسس طبعا بمعاناتك .

بس واضح انها حاجه ما بتحصلش يمكن و ﻻ كل الف عربيه و بالتالى همه برضه مش عارفين لها حل لانها ما عدتش عليهم قبل كده .

ده نصيب اولا و اخيرا .

الحل انهم يخلعوا فرش السقف تماما و يشوفوا المشكله و يركبوا واحد جديد و دى مش صعبه . اطلب منهم ده كحل اخير .

[aratux]

مش عارف ليه الدنيا ملخبطه معاك كده فى التوكيل . برغم انه ده مش طبعهم .

اتعاملت معاهم من حوالى 3 شهور بس كانوا محترمين بصراحه و حتى انا قلت لهم ربطوا لي العفشه على حسابى . ربطوها و قالولى علينا و سلموا لى العربيه نضيفه .

مش عارف اقول لك ايه . حاسس طبعا بمعاناتك .

بس واضح انها حاجه ما بتحصلش يمكن و ﻻ كل الف عربيه و بالتالى همه برضه مش عارفين لها حل لانها ما عدتش عليهم قبل كده .

ده نصيب اولا و اخيرا .

الحل انهم يخلعوا فرش السقف تماما و يشوفوا المشكله و يركبوا واحد جديد و دى مش صعبه . اطلب منهم ده كحل اخير .

للاسف عمري ماتوقعت المعاملة دي
لما تتكلم معاهم همة ودودين لكن ايه فايدتها و حاجتك بتتبهدل قدام عنيك بمنتهى البرود و الاهمال
همة فكوا كل حاجة ومش عارفين يحلوها وفي الاخر قالي ممكن يكون عيب صناعة و مستني رد فرنسا


هاشوف موضوع فرش السقف ده بعدين

اخر رينو بالنسبة لي

[ashouhdy]

تقريبا كدة انت مكنة السنتر من جوة الباب مفكوكة

حتحتاج تفك فرش الباب وتتأكد ان مكنة السنتر مربوطة مش مفكوكة

[bakkarahmed]

دي غالبا حاجه مفكوكه ومع الوقت والمطبات بتسيب اكتر ومع الوقت هاتظهر اكتر وهاتحدد سببها
في الاول والاخر حاجه مش مؤثره بس بتخلي الواحد يتعكنن
لانه دافع فلوس كتير مبالغ فيها بالنسبه للسلعه اللي بيشتريها فبيبقي متهيأله انه هاياخد كل حاجه سليمه زي ما الكتاب بيقول وان مشكلته هاتتحل في ثواني ..بس للاسف احنا في مصر فلازم تصرفاتنا تكون متماشيه مع ظروفنا
وارد ان حضرتك تشتري الكورولا وتحصلك مشكله لاقدر الله بيها وتكون كبيره ..فالحمد لله علي كل شئ
الحل من وجهه نظري انك تصبر شويه وتطول بالك مع التوكيل لغايه ما يحللك مشكلتك وتخلي تحركاتك بالعربيه قليله جدا وتنساها مؤقتا لغايه ما تشوف المشكله دي بسبب ايه
وان شاالله لما تتحل قرر بعدها تكمل بيها او تبيعها (بس البيع فيه خساره حتي لو مامشيتش بيها غير 100 كيلو)