عايز ابيع الميجان

[Super_Star_h]

الميجان ركوبه محترمه
لكن عربيه مصارفها كتيره ومشاكلها اكتر
واعتماديه 0
انا لما ببقى مسافر بيها بقول ربنا يستر ومتعطلش منى
عربيه تخووووف

[تامر.محمد]

عملنا قبل كده احصائية عن مرات تعطل العربية مع الناس
لقيناها عادية جدا

دي و الله مش نقطة تحيز بس ده اللي حصل

[أسامه الحسيني]

الميجان ركوبه محترمه
لكن عربيه مصارفها كتيره ومشاكلها اكتر
واعتماديه 0
انا لما ببقى مسافر بيها بقول ربنا يستر ومتعطلش منى
عربيه تخووووف

هي ايه المشاكل الى قبلتك خلتك تكره العربيه كدا هل مشاكل قطع غيار ولا عك صنايعيه ولا سوء استخدام او اهمال منك
ممكن تفاصل عن الموضوع دا علشان نستفيد
لانى بصراحه شاري العربيه بقالى 10 شهور وكان فيها عك كتير كرهنى فى العربيات بس دلوقتى الحمد لله العربيه بقت تمام وبسطانى

[Ahmed Selim]

تاني هنرجع نقول...........مشكلة الميجان فى مصر هى أنخفاض سعر إعادة بيعها و ده خلاها تدخل في شريحة سعرية أقل من فئتها بشوية حلوين و تتقارن بحاجات مصاريف تشغيلها أقل.

عاوز تقارن الميجان تقارنها بفئتها......أوكتافيا.....جيتا....الخ.

و نتيجة لإنخفاض سعر إعادة البيع فيه ناس جابتها و معرفتش تصرف عليها صح أو أهملت فيها جامد......تيجي أنت تشتريها تالت يد مثلاً و تكون مبهدلة مش هتعرف تصرف عليها صح....لأن أنت أصلاً شاري عربية رخيصة و حتي لو صرفت عليها إحتمال وارد أنك متعرفش ترجعها لحالة يعتمد عليها سواء نتيجة لقلة خبرة فى العربية و عدم معرفة للناس الكويسة اللى بتعرف تصلحها أو أو أو.

اللى معاه العربية من الزيرو و محافظ عليها مش هتلاقيه بيشتكي منها كده.

و أفتكر أن صاحب الموضوع أول لما جاب العربية كان عنده مشكلة كبيرة فيها و أضطر أنه يغير الموتور.

نصيحتي
لو هتشتري ميجان.....لازم تكون عارف أنها فئة الأوكتافيا و الجيتا و مصاريفها طبعاً فى نفس الرنج مش الأكسنت و اللانوس....
أكشف فى التوكيل أو مركز خدمة معتمد علشان تتأكد من حالة العربية اللى أنت بتشتريها.......لو حالتها نص نص.......أبعد علشان مترجعش تندم........مع العلم أن الكلام دي ينطبق على كل الأوروبي مش الميجان بس.

[Super_Star_h]

هي ايه المشاكل الى قبلتك خلتك تكره العربيه كدا هل مشاكل قطع غيار ولا عك صنايعيه ولا سوء استخدام او اهمال منك
ممكن تفاصل عن الموضوع دا علشان نستفيد
لانى بصراحه شاري العربيه بقالى 10 شهور وكان فيها عك كتير كرهنى فى العربيات بس دلوقتى الحمد لله العربيه بقت تمام وبسطانى

انا بعرف احافظ على اي عربيه
وبهتم بيها
سواقتى الحمد لله كويسه وعمرى ما خبطت عربيه ولا عملت حوادث .. ربنا بيسترها معايا
مش هكدب عليك واقولك عربيتى مكنش فيها اي عك
لاء كانت معكوكه شويه فى الضفيره والحمد لله قدرت المها على قد ما اقدر

[Super_Star_h]

تاني هنرجع نقول...........مشكلة الميجان فى مصر هى أنخفاض سعر إعادة بيعها و ده خلاها تدخل في شريحة سعرية أقل من فئتها بشوية حلوين و تتقارن بحاجات مصاريف تشغيلها أقل.

عاوز تقارن الميجان تقارنها بفئتها......أوكتافيا.....جيتا....الخ.

و نتيجة لإنخفاض سعر إعادة البيع فيه ناس جابتها و معرفتش تصرف عليها صح أو أهملت فيها جامد......تيجي أنت تشتريها تالت يد مثلاً و تكون مبهدلة مش هتعرف تصرف عليها صح....لأن أنت أصلاً شاري عربية رخيصة و حتي لو صرفت عليها إحتمال وارد أنك متعرفش ترجعها لحالة يعتمد عليها سواء نتيجة لقلة خبرة فى العربية و عدم معرفة للناس الكويسة اللى بتعرف تصلحها أو أو أو.

اللى معاه العربية من الزيرو و محافظ عليها مش هتلاقيه بيشتكي منها كده.

و أفتكر أن صاحب الموضوع أول لما جاب العربية كان عنده مشكلة كبيرة فيها و أضطر أنه يغير الموتور.

نصيحتي
لو هتشتري ميجان.....لازم تكون عارف أنها فئة الأوكتافيا و الجيتا و مصاريفها طبعاً فى نفس الرنج مش الأكسنت و اللانوس....
أكشف فى التوكيل أو مركز خدمة معتمد علشان تتأكد من حالة العربية اللى أنت بتشتريها.......لو حالتها نص نص.......أبعد علشان مترجعش تندم........مع العلم أن الكلام دي ينطبق على كل الأوروبي مش الميجان بس.

كلامك مضبوط
ولكن مش كل الاوروبى فيه مشاكل كتيره زي الميجان اللى حطمت الرقم القياسى فى كثره اعطالها
قصه تغيير المكنه ده كان بسبب الاولسيلات اللى بترشح زيت
مشيت مشوار لغايت مارينا ورجعت بيها ولما جيت اقيس الزيت لاقيت المكنه مافيهاش لحسه !
حتى لمبة الزيت منورتش معايا فى الطريق !
والنتيجه معروفه وش السلندر اتبهدل والمكنه اتخبطت
على فكره قصة الاولسيلات اللى بتضرب دى شهيره فى الميجان
اولسيلات المكنه بتضرب وجوانات الفتيس بتضرب عادى يعنى
الخلاصه ان الميجان لو كانت عربيه اعتماديه سعرها مكنش نزل من 140 الف لـ 50 و 60 الف
لما تيجى تشوف الكورولا الدبه مو 2005 و 2006
بتتباع مستعمل بكام النهارده تخيل ؟ 130 الف جنيه !

[تامر.محمد]

معلش اعذرني , الانطباع اللي واصلني ان العربية معاك كان حالتها صعبة و حضرتك اسقطتها على الميجان كلها

انا الصراحة مش متخيل ان عربية تتساب اويل سيل بتاعها ضارب لحد ما تفضي الزيت كله و حضرتك متضايق انه فضي !!

[Ahmed Selim]

معلش يا باشا........قدر الله و ما شاء فعل.

بس أنا عاوز أقولك أن بعض الناس هنا عارفة أني كان معايا ميجان فى الإمارات و كانت برضه فيها قصة الأولسيهات دي......و فضلت ماشية من ساعة ما جبت العربية فى 2010 لحد ما بعتها لواحد صاحبي قبل ما أرجع و إلي يومنا هذا لسه ماشية معاه من غير ما يعمل الأولسيهات.......و ماشية حوالى 150 ألف كم دلوقتي ما شاء الله.

كل المطلوب منك أنك تبص بصة على مستوى الزيت كل أسبوع و أنت قاعد جوة العربية و لو نقص تزوده.

كون أن أنت عندك منورتش لمبة الزيت حتى......ده معناه أن العربية كان ملعوب فى ضفيرتها و دي حاجة كلنا بنقول نبعد عنها.

موضوع ان الميجان أعطالها كتير ده عن نفسي محصلش معايا فى 9 سنين غير حوالي 4 مرات ( بتكلم هنا عن الأعطال اللى بتوقف العربية تماماً أو بتخليها ماشية مش بكل قوتها زي الكويل مثلاً)

الميجان مشكلتها اللى أدت لأنخفاض سعرها هي كتر الإشاعات.......خد عندك الكلام اللى أنا سمعته بودني
1- صيانة ال 60 ألف ب 6000 جم ( الكلام ده فى 2005 و كانت الصيانة ساعتها فعليا بحوالي 2000 جم)
2- العربية دركسيونها بيسوجر و هيا ماشية و مش بتعرف تحود و بتعمل حوادث قاتلة
3- عربية واحد مع صاحبي فى الشغل.....صاحبي بيقولي دي جابت فتيس و العربية مكملتش 15 ألف كم و التوكيل مش راضي يغيره........سألت معرفة فى التوكيل على العربية دي....خصوصاً أنها تبع شركة كبيرة شاريين من التوكيل عربيات كتير......الراجل أكدلي أن الفتيس لازم يتغير و أنهم مش هيعملوه على حسابهم علشان صاحبها أخد بيها حجر كبير من تحت كسر الفتيس !!!!!!!!!

و الكلام اللى أنا قريته على النت كان
1- العربية دي بيجيلها فيرس
2- تكلفة الكارت فى التوكيل 36 ألف جم
3- العربية كل فترة بتقف و مش بترضى تمشي غير لما تحملها على ونش و توديها التوكيل.

ده اللى أنا فاكره حالياً..........تخيل بقى لما واحد ملهوش خبرة في العربيات يسمع الكلام ده ؟
تخيل لما واحد ميعرفش حاجة فى العربيات يركب العربية و تكتبله Service Now هيقول بين و بين نفسه أيه العربية البايظة دي.

مشكلة العربية دي......أنها عربية ذكية في سوق الناس مش عاوزة فيه وجع دماغ....يعني أيه العربية تقولي أنها عاوزة تتسرفس ؟ مالها اللانسر و الكورولا اللى بيمشوا من غير ما يقولوا حاجة و الدنيا فلة ؟ مع كامل أحترامي ليهم طبعاً.

يعني أيه العربية تقولي gearbox over heating و أنا ماشي 180 على طريق شرم لمدة نص ساعة و تحذرني ؟ أيه الغم ده ما تسيبني أكمل زي ما أنا عاوز و اللى يحصل يحصل و أبقى أكلم حد يجي يقطرني و خلاص!!

هي دي مشاكل العربية الحقيقية اللى أدت فى الأخر لأنخفاض سعرها.

أخر حاجة......بالنسبة لموضوع الأوروبي......لأ.....أختلف معاك
الأوبل أسترا مكنش فيها مشاكل ؟
كل فولكس فاجن و خصوصاً من أول ال DSG مفيهوش مشاكل ؟
الأوكتافيا مكنش مشهور عنها أنها بتجيب كمبرسور تكييف و عقل فتيس ؟
البي أم موديلات 99 لحد 2001 كانت مشهورة بمشاكل الفتيس.
أخويا كان معاه سي موديل 2005 برة مصر و في نفس السنة كان فيها مشاكل في الأيرباج و فضلت كذا يوم على ما التوكيل صلحها و في 2010 جابت كمبرسور تكييف و التوكيل صلحه على حسابهم و في 2011 باظ و مكنش نافع معاه تصليح و أضطر يغيره و بعد كده باعها.

كل الأوروبي محتاج معاملة مختلفة شوية عن الكوري و الياباني......محتاج أهتمام في مقابل أنك بتلاقي - عادة - ثبات أعلى.....أمان أعلى.....تقفيل أعلى.....جودة أعلى......عمر أفتراضي لقطع الغيار أعلى.

[أسامه الحسيني]

خد عندك يا سيدى من اعطال الميجان
يوم الجمعه بعد العصر كدا وانا بقلب فى الرسائل بتاعت الميجان لقيت الرساله (Auto light deactivated) رحت دايس على الزرار بتاع النور لقيت الرساله اتغيرت وبقت (no massage available ) ومختش فى بقالى - وانا كدا قبل المغرب بقلب فى محطات الراديو لقيت النور اشتغل لوحده قلت هوا فى قفله حصلت ولا ايه واقعدت اقفل واشغل فى زرار النور انه يفصل ابدا قلت ايه الغم دا يخربيت الميجان على سننها تانى يوم الصبح بشغل العربيه لقيت النور اظبط قلت العربيه عليها عفريت بدور العربيه بليل لقيت النور اشغل لوحده زوجتى قالتلى نعدى على اى كهربائي يشوف المشكله فين - قلتاها لا على جثتى الى يمد ايده لازم يكون متخصص رينو - واخيرا افتكرت انى لعبت فى خاصيه النور ومكنتش فاهم انا بلعب فى ايه
والنتيجه متوقعه لو كنت رحت لحد ما لوش فى الميجان كان ممكن يخربلى الدنيا ويطلع عليها اشاعات تانى
الخلاصه العربيه دى مظلومه ظلم السنين واتبهدلت من عك الصنايعيه

[Super_Star_h]

معلش يا باشا........قدر الله و ما شاء فعل.

بس أنا عاوز أقولك أن بعض الناس هنا عارفة أني كان معايا ميجان فى الإمارات و كانت برضه فيها قصة الأولسيهات دي......و فضلت ماشية من ساعة ما جبت العربية فى 2010 لحد ما بعتها لواحد صاحبي قبل ما أرجع و إلي يومنا هذا لسه ماشية معاه من غير ما يعمل الأولسيهات.......و ماشية حوالى 150 ألف كم دلوقتي ما شاء الله.

كل المطلوب منك أنك تبص بصة على مستوى الزيت كل أسبوع و أنت قاعد جوة العربية و لو نقص تزوده.

كون أن أنت عندك منورتش لمبة الزيت حتى......ده معناه أن العربية كان ملعوب فى ضفيرتها و دي حاجة كلنا بنقول نبعد عنها.

موضوع ان الميجان أعطالها كتير ده عن نفسي محصلش معايا فى 9 سنين غير حوالي 4 مرات ( بتكلم هنا عن الأعطال اللى بتوقف العربية تماماً أو بتخليها ماشية مش بكل قوتها زي الكويل مثلاً)

الميجان مشكلتها اللى أدت لأنخفاض سعرها هي كتر الإشاعات.......خد عندك الكلام اللى أنا سمعته بودني
1- صيانة ال 60 ألف ب 6000 جم ( الكلام ده فى 2005 و كانت الصيانة ساعتها فعليا بحوالي 2000 جم)
2- العربية دركسيونها بيسوجر و هيا ماشية و مش بتعرف تحود و بتعمل حوادث قاتلة
3- عربية واحد مع صاحبي فى الشغل.....صاحبي بيقولي دي جابت فتيس و العربية مكملتش 15 ألف كم و التوكيل مش راضي يغيره........سألت معرفة فى التوكيل على العربية دي....خصوصاً أنها تبع شركة كبيرة شاريين من التوكيل عربيات كتير......الراجل أكدلي أن الفتيس لازم يتغير و أنهم مش هيعملوه على حسابهم علشان صاحبها أخد بيها حجر كبير من تحت كسر الفتيس !!!!!!!!!

و الكلام اللى أنا قريته على النت كان
1- العربية دي بيجيلها فيرس
2- تكلفة الكارت فى التوكيل 36 ألف جم
3- العربية كل فترة بتقف و مش بترضى تمشي غير لما تحملها على ونش و توديها التوكيل.

ده اللى أنا فاكره حالياً..........تخيل بقى لما واحد ملهوش خبرة في العربيات يسمع الكلام ده ؟
تخيل لما واحد ميعرفش حاجة فى العربيات يركب العربية و تكتبله Service Now هيقول بين و بين نفسه أيه العربية البايظة دي.

مشكلة العربية دي......أنها عربية ذكية في سوق الناس مش عاوزة فيه وجع دماغ....يعني أيه العربية تقولي أنها عاوزة تتسرفس ؟ مالها اللانسر و الكورولا اللى بيمشوا من غير ما يقولوا حاجة و الدنيا فلة ؟ مع كامل أحترامي ليهم طبعاً.

يعني أيه العربية تقولي gearbox over heating و أنا ماشي 180 على طريق شرم لمدة نص ساعة و تحذرني ؟ أيه الغم ده ما تسيبني أكمل زي ما أنا عاوز و اللى يحصل يحصل و أبقى أكلم حد يجي يقطرني و خلاص!!

هي دي مشاكل العربية الحقيقية اللى أدت فى الأخر لأنخفاض سعرها.

أخر حاجة......بالنسبة لموضوع الأوروبي......لأ.....أختلف معاك
الأوبل أسترا مكنش فيها مشاكل ؟
كل فولكس فاجن و خصوصاً من أول ال DSG مفيهوش مشاكل ؟
الأوكتافيا مكنش مشهور عنها أنها بتجيب كمبرسور تكييف و عقل فتيس ؟
البي أم موديلات 99 لحد 2001 كانت مشهورة بمشاكل الفتيس.
أخويا كان معاه سي موديل 2005 برة مصر و في نفس السنة كان فيها مشاكل في الأيرباج و فضلت كذا يوم على ما التوكيل صلحها و في 2010 جابت كمبرسور تكييف و التوكيل صلحه على حسابهم و في 2011 باظ و مكنش نافع معاه تصليح و أضطر يغيره و بعد كده باعها.

كل الأوروبي محتاج معاملة مختلفة شوية عن الكوري و الياباني......محتاج أهتمام في مقابل أنك بتلاقي - عادة - ثبات أعلى.....أمان أعلى.....تقفيل أعلى.....جودة أعلى......عمر أفتراضي لقطع الغيار أعلى.

يا باشا انت راجل فاهم
فيه اشاعات كتير من دى ناس بتقولها قدامى وبضحك
بس انا زي ما قولتلك
الميجان مشاكلها كتير وانا عارف انا بقول ايه
العربيه دى مش بتاعة شغل ومرمطه زي العربيات الكورى واليابانى
دى عايزه معامله اطفال
احنا هنا فى مصر الطرق بتاعتنا كلها زباله
والناس اللى بتركب عربيه تروح بيها شغلها وتسافر بيها وتروح هنا وهنا
فى فرنسا بلد نضيفه وشوارع نضيفه
ويوم ما بتحصل حاجه للعربيه بتروح لناس فاهمه هى بتعمل ايه كويس
احنا هنا حتى التوكيل فيه ناس بتعك فى العربيات عادى يعنى
الخلاصه ان الميجان عربيه مش عمليه فى هذه البلد
اسباب كتير وصلت العربيه للسعر اللى بتتباع بيه دلوقتى
لو انت راجل معاك العربيه من الزيرو ومحافظ عليها كويس وفهمان العربيه هتريحك مافيش كلام
ويوم ما تيجى تبيعها وهى نضيفه هتقع فى ايد واحد مبيرحمش هيبهدل فيها شويه ويبيعها وهكذا
اعطال عربيتك قليله عشان نضيفه ؟
طيب مافيش اولسيلات ضربت منك قبل كده ؟
معملتش شغل فى الفتيس عشان خاطر النتش بتاعه ؟
مغيرتش حساس كرنك حساس كامه ؟
ترس دفيزور عشان صوت التكسير ؟
شريط ايرباج عشان اللمبه نورت ؟
مغيرتش كويل عشان ضرب ؟
هل فيه عربيه كورى او يابانى بيتعمل فيها كده ؟
العربيات الاوروبى انضف وركوبه افضل مافيش كلام
ولكن سامحنى متحاولش تقنعنى ان كل الاوروبى مشاكله زي الميجان
عندك ال a4 ,a5 عربيات نضيفه وركوبتها متقلش عن الميجان ولكن مشاكلها اقل
يا باشا الفرنساوى طول عمره معروف انه مقرف

[Super_Star_h]

معلش اعذرني , الانطباع اللي واصلني ان العربية معاك كان حالتها صعبة و حضرتك اسقطتها على الميجان كلها

انا الصراحة مش متخيل ان عربية تتساب اويل سيل بتاعها ضارب لحد ما تفضي الزيت كله و حضرتك متضايق انه فضي !!

معلش خلى حكايه المكنه دى عليا
ايه بقى حكايه الاولسيلات اللى بتضرب كل شويه فى الميجان دى ؟

[تامر.محمد]

معلش خلى حكايه المكنه دى عليا
ايه بقى حكايه الاولسيلات اللى بتضرب كل شويه فى الميجان دى ؟

انا ما شفتش حد ضربت معاه كذا مرة الصراحة لحد دلوقت

بالمناسبة , قريب من اسبوعين بالظبط كنت مع واحد قريبي بعربية لانوس عند الميكانيكي
غير اويل سيل غطا تاكيهات و اويل سيل عقربة و اويل سيل ضفدعة (مش عارف ايه الاسامي دي) و اويل سيل علبة دركسيون و اويل سيل كارتيرة زيت الفتيس

ثم ما انا كنت راكب لانوس حبيبة الشعب قبل كده , و جابت موبينة و جابت طرمبة بنزين و جابت طرمبة مياه و جابت ماستر دبرياج و جابت ماستر فرامل , و القائمة تطول
و ما قلتش دي عربية زبالة

مسألة تكرار بوظان اويل سيل دي عموما احتمالاتها واضحة
يا اما طرف من الطرفين اللي بينهم الاويل سيل مخبوط و فيه مشكلة بتخليه ما يمسكش , يا اما خامة الاويل سيل نفسها وحشة
انا ما شفتهاش بتتكرر مع حد لكن عموما كلامي بصفة عامة

[Shiref_mohamed]

معلش خلى حكايه المكنه دى عليا
ايه بقى حكايه الاولسيلات اللى بتضرب كل شويه فى الميجان دى ؟

استاذي الفاضل الحمد لله انك بعتها وربنا يباركلك في الفلوس وفي العربية الى هتشتريها ان شاء الله
بس عاوز اوضح لحضرتك حاجه انا الحمد لله عندي خبرة كويسة جداً جداً في الميجان
الميجان مش عربية كثيرة الأعطال ولا اي حاجه اعطالها زيها زي كل العربيات
الميجان مينفعش تتهان وتتصلح عند بلية الميكانيكي وبعدين نرجع نعيب عليها
انا اعرف اكتر صنايعيه الرينو الى في صقر قريش اغلبهم بيستخدمو نظرية Tray and Error حتى الأن لأنهم مش متعلمين هما حافظين
انا شخصيا كان معايا ميجان 2 موديل 2006 كنت جايبها عاملة 148 الف كم وبعتها عاملة 195 الف وعمرها عمرها ماعطلت بيا ولا مره وكل الى عملته فيها خلال الفترة ديه الصيانات العاديه جدا بوجيهات وفلاتر وسيور زيت فقط لاغير بس العربية ديه كانت بتتصين صح وحط تحت بتتصين صح ديه 3000 خط من الزيرو حتى 160 الف كم في التوكيل وكان معايا الفواتير كلها وعملت صيانة 170 بايدي وصيانه 180 عملتها في التوكيل 190 عمتها بايدي واتباعت على 195 بدون اي مشاكل والحمد لله والى اخدها مازال بيكلمني وبيشكرني والعربية معملتش معاه اي مشاكل الحمد لله وعلى فكرة كانت اول فئة اوتو فابريكة بالكامل حتى الأكصدامات ولا تحتاج لرش واتباعت ب 70 الف

حاجه تانيه من واجبي اني اقولهالك انا بعت الميجان بسبب احتياجي للفلوس ولولا كده مكنتش افكر اتخلى عنها وحتى الأن مش مستطعم اي عربية تانيه بعدها ولا عارف استمتع في سواقه اي عربية غيرها وبقيت بسوق لمجرد اني اوصل من مكان لمكان وخلاص
عموما ربنا يوفقك للخير

[مهند السحتري]

سؤال للاعضاء اللى فاهمه في الميجان تمام جدا ما شاء الله
الكلام ثري ومستفيد منه جدا

هل الميجان الجديد 2014 افضل و اعطاله اقل ؟
اللى فهمته من الكلام ان الميجان بتكتشف الاعطال عشان تلحقه اما باق السيارات المذكوره في الكلام السابق لا تكتشف فلا تشعر الا لما يحصل مضاعفات او انت متابع للعربيه كويس فتشعر انك مرتاح الى ظهور العيب ظهورا جلياً. اظن كده صح اللى فهمته ؟

[مهند السحتري]

معلش اعذرني , الانطباع اللي واصلني ان العربية معاك كان حالتها صعبة و حضرتك اسقطتها على الميجان كلها

انا الصراحة مش متخيل ان عربية تتساب اويل سيل بتاعها ضارب لحد ما تفضي الزيت كله و حضرتك متضايق انه فضي !!

بالنسبه للميجان الجديد 2014 2015 الموتور مختلف والفتيس
وضعها افضل صح ؟

موضوع تنبيهات المشاكل دي اظنها انها انذار عشان متوصلش لوضع العربيه توقف منك وتحتاس في حين السيارات الاخري بتسيبك لغايه متوقف صح كده انا فهمت كلامكم ؟

متشكر ليكم فعلا الواحد مستفيد من الكلام وكمان ثراء المعلومات بيؤثر في اتخاذ القرارات فكل واحد يحرص على الصدق عشان في كتير بيعتمد على الكلام هنا.