عايز ابيع الميجان

[تامر.محمد]

يا باشا الشارك والالنترا والكورولا عربيات مدعوكه بقالها سنين اهى فى الشوارع
محدش اشتكى منها وماسكه سعر
انا عن نفسى كنت بشترى عربيه شارك وطلعت جربتها على طريق سريع عربيه فى منتهى الجمال وثباتها رائع
ومكنتش اعرف ان عفشتها الخلفيه مالتى لينك كمان
طبعآ هى لا فيها حساس مطر وضوء و6 ايرباج ومريات ضم ولا كل الحبشتكانات بتاعة الميجان
حتى حوضها لما شوفته ما شاء الله واسع وكل حاجه واضحه وعلبة فيوزات صغيره على جمب كده
وحاجه زي الفل عربيه مافيهاش تعقيد زي ما توقعت وهى مع كذا واحد اعرفه ومحدش اشتكى منها فى اي حاجه
واسعه وعاليه عن الارض كمان
شيك وتقفيلها محترم ... هو ده اليابانى
انا مستعد اركب ميجان بس يشيلو منها كل الكهربه والحساسات وكل الحبشتكانات اللى هما عاملينها دى
اصلها فى الاول والاخر انا عايز اركب عربيه محترمه وفى نفس الوقت متغلبنيش كل شويه اعطال واجرى ورا الصنايعيه واحطها على جهاز مش سفينه فضاء هى اصلهآ
عندك مثلآ اللوجان اللى هى رينو برضو عربيه محترمه وعلى قد سعرها وهى الافضل فى فئتها
عربيه اعطالها تكاد تكون معدومه لانها بسيطه وماسكه سعر فى اعاده بيعها
انت وصلتك الفكره ولا ايه ؟
انا مش هقولك الكورولا الدبه ال 2006 و 2004 بتتباع بكام مستعمل لغايت النهارده انا قولتها قبل كده
بتوصل ل 130 الف جنيه للحاله النضيفه وبتعدى كمان
لانها عربيه ناعمه وركوبتها محترمه واعتماديه ,,, مطلوبه فى السوق

ولا ليا دعوة بماحدش اشتكى ولا ليا دعوة بماسكة سعر ولا بتتباع مستعمل بكام ولا ليا دعوة بمطلوبة في السوق , مش غتاتة لكن لأني مش معترف بأهلية السوق من الأصل :)

انما اسأل على اسعار قطع غيار كل العربيات دي , و اديك عارف اسعار قطع غيار الميجان و قارن , اصلي بأصلي و تجاري بتجاري و استيراد باستيراد , بما فيهم الشارك
مش كنت بتقارن النوبيرا بس يعني :)

حتى اللانسر الشارك بالخصوص طالما جبت سيرتها , العربية موجودة في السوق من 2008 و ما باعتش بنكلة , لحد اخر 6 شهور لما خلاص البومة قربت تتوقف , فجأة بقت الشارك عربية حلوة , مع تغيير اتجاه ريح مصلحة التاجر , و مش بعيد لو الحوار ده دار من 8-9 شهور بس كنت تكلمني عن البومة مش الشارك :)


الا صحيح الميجان اللي كانت معاك كانت موديل كام و اكتر حاجات حصلت معاك فيها مشاكل كهربا كانت ايه ؟

[Ahmed Selim]

يا باشا أنت عارف أن موتور اللوجان هو هو موتور الميجان 1 اللى كان من 98 باين ؟

يعني طبيعي يبقى بالنسبة لمواتير دلوقتي تكنولوجيا قديمة.

لكن هتقولي بقى سوق و سعر و حاجات من دي.......هقولك أسف بس ولا يفرق معايا ببصلة.

أنا بركب علشان نفسي مش علشان السوق
بهتم بالأمان و الثبات علشان نفسي و اللى راكبين معايا مش علشان السوق.
بهتم بالكماليات علشان راحتي مش علشان السوق.

لكن تعالى كلم واحد معاه كورولا الدبة أو فيرنا و هو لسه عامل حادثة بسبب الثبات الضايع مثلاً........سعر إعادة البيع هينفعه ؟ ( الدبة أصلاً أسواء موديلات تويوتا كورولا فى الثبات)

عموماً السوق اللى الصيني معدوم الجودة ينتشر فيه بالشكل ده ميلزمنيش في حاجة و لا هو اللى يمشيني.

و أخر حاجة.....نصيحة لو تحب تتقبلها.

طالما حضرتك أولوياتك قلة الأعطال و قطع الغيار الرخيصة يبقى حاول تبعد عن الأوروبي كله.

حتى لو جبت حاجة أوروبي أعطالها أقل من الميجان زي ما أنت بتقول.......برضه هتلاقي قطع غيارها غالية.

بالتوفيق إن شاء الله.

[Super_Star_h]

ولا ليا دعوة بماحدش اشتكى ولا ليا دعوة بماسكة سعر ولا بتتباع مستعمل بكام ولا ليا دعوة بمطلوبة في السوق , مش غتاتة لكن لأني مش معترف بأهلية السوق من الأصل :)

انما اسأل على اسعار قطع غيار كل العربيات دي , و اديك عارف اسعار قطع غيار الميجان و قارن , اصلي بأصلي و تجاري بتجاري و استيراد باستيراد , بما فيهم الشارك
مش كنت بتقارن النوبيرا بس يعني :)

حتى اللانسر الشارك بالخصوص طالما جبت سيرتها , العربية موجودة في السوق من 2008 و ما باعتش بنكلة , لحد اخر 6 شهور لما خلاص البومة قربت تتوقف , فجأة بقت الشارك عربية حلوة , مع تغيير اتجاه ريح مصلحة التاجر , و مش بعيد لو الحوار ده دار من 8-9 شهور بس كنت تكلمني عن البومة مش الشارك :)


الا صحيح الميجان اللي كانت معاك كانت موديل كام و اكتر حاجات حصلت معاك فيها مشاكل كهربا كانت ايه ؟

2006
الاعطال كتيييير
حساس كرنك والفيشه بتاعته
فيشه الكارته اتهزت والعربيه عطلت
كابل حساس الا بى اس وقع
فيشه الطرمبه اتحرقت
فيشه النور العالى والواطى والشبوره ساحت خالص ومبقتش نافعه
نقلات الفتيس هيست وطلع السويتش عايز يترجلش
2 كويل ضربو
سير دينامو اتقطع وغيرته وغيرت البليه وبرضو اتقطع تانى وغيرت الطاره الكبيره
كمبروسر التكييف قفش باظ خالص
مكنه المارشدير باظت واللمبات مبقتش تولع
حساس الاكسجين ضرب
انا كنت مضبط العربيه و 10 \ 10
بس جت فى الاخر وهيست تهييس جامد
وبقت تبطل تانى وتشتغل واحلى اشتغلات بقى
والنقلات فوتت وطبعآ جاتلى صدمه قولت الفتيس راااح عليه العوض
روحت للبهايم بتوع الرينو اللى بتعامل معاهم فى اسكندريه
وكله اجمع على انها عايز يتعملها شنابر ديل فتيس ويا الموضوع ينجح يا يفشل وساعتها هتجيب واحد استيراد
طيب انا كنت بفكر جديآ من بعد ما عملت موضوع هنا عن المشكله
وكذا حد نصحنى اعملها فى توكيل العامريه اضمن وهتبقى نفس التكلفه
قعدت كام يوم مكبر دماغى ومروحتش فى حته
وقولت اعمل محاوله اخيره
روحت لميكانيكى بتاع رينو على قده كده
وشرحتله المشكله وقالى الفتيس باظ قولتله طب يا عم باظ باظ
عايزك تزودلى بقى زيت الفتيس احسن يكون ناقص وهو اللى عامل المشكله ( قالى انا هزودهولك بس انا متأكد انه مش هيحل المشكله واثق اوى
رفع العربيه وفك الطبه والمعلم قام منزل زيت الفتيس كله فى الجيركن وطلع ناقص كيلو تقريبآ وانا قبلها بيوم كنت مزوده كيلو بنفسى
روحت جبت جيركن تانى ورجع الزيت وزودنا وكله تمام
واخدت العربيه ومشيت وقولت يا مسهل
عملتها معايا وانا مروح والغيارات فوتت تانى
ركنت العربيه فى الجراج
طلعت بيها تانى يوم ومشيت بيها كتير المشكله اختفت
وفضلت ماشى بيها بتاع شهر زي الفل ( لا تفويت ولا نتش ولا الش )
والمشكله كانت من الزيت اللى ناقص فعلآ
وكويس انى مروحتش صرفتلى بتاع 1000 جنيه على الفاضى عشان خاطر البقر بتوع الرينو اللى اكدولى انها مشكله الشنابر من غير ما حتى يفكرو ان ممكن تكون بسبب نقص زيت
ما علينا
انا طبعآ اتقرفت ومش فاضى لمشاكل العربيه دى كل شويه
ريحت دماغى وبيعتها
قولى انت بقى
انا هلاقيها من الكهربه ولا الحساسات ولا الفتيس ولا المكنه ولا من ايه بضبط
على فكره انا معظم الاعطال دى انا عاملها بنفسى الحمد لله لانى زهقت من الناس اللى شغاله فى الرينو دول محدش فيهم حسيت انه فهمان بروحلهم بالعطل فى العربيه مبيعرفوش يوصلوله
وناس اخر تناكه بقى تحس انهم مهندسين جاين من فرنسا !

[Super_Star_h]

يا باشا أنت عارف أن موتور اللوجان هو هو موتور الميجان 1 اللى كان من 98 باين ؟

يعني طبيعي يبقى بالنسبة لمواتير دلوقتي تكنولوجيا قديمة.

لكن هتقولي بقى سوق و سعر و حاجات من دي.......هقولك أسف بس ولا يفرق معايا ببصلة.

أنا بركب علشان نفسي مش علشان السوق
بهتم بالأمان و الثبات علشان نفسي و اللى راكبين معايا مش علشان السوق.
بهتم بالكماليات علشان راحتي مش علشان السوق.

لكن تعالى كلم واحد معاه كورولا الدبة أو فيرنا و هو لسه عامل حادثة بسبب الثبات الضايع مثلاً........سعر إعادة البيع هينفعه ؟ ( الدبة أصلاً أسواء موديلات تويوتا كورولا فى الثبات)

عموماً السوق اللى الصيني معدوم الجودة ينتشر فيه بالشكل ده ميلزمنيش في حاجة و لا هو اللى يمشيني.

و أخر حاجة.....نصيحة لو تحب تتقبلها.

طالما حضرتك أولوياتك قلة الأعطال و قطع الغيار الرخيصة يبقى حاول تبعد عن الأوروبي كله.

حتى لو جبت حاجة أوروبي أعطالها أقل من الميجان زي ما أنت بتقول.......برضه هتلاقي قطع غيارها غالية.

بالتوفيق إن شاء الله.

انا اولوياتى اعطال قليله
اولوياتى اعتماديه
قطع غيار غاليه مش هتزعل
بص يا بيه هو لكل واحد جهة نظر فى الموضوع ده
واظن ان الفكره وصلت
ربنا يباركلك فى عربيتك مدام مرتاح معاها

[تامر.محمد]

خلاصة مشاكلك ان كان حقك تشتغل مع التوكيل :s

[تامر.محمد]

عايز اضيف حتة كمان , عربيتك 2006 يعني عمرها دلوقت 9 سنين و داخلة في 10
تعال نشوف ملاك العربيات اللي بتقول عليها و عمر عربياتهم نفس العمر ده غيروا فيها ايه

و انا كنت مالك حبيبة الجماهير و رصيت لك رصة مشابهة :)

[Super_Star_h]

خلاصة مشاكلك ان كان حقك تشتغل مع التوكيل :s

ههههههههههههههههههه
وعلى ايه كده رضا
تجربه وعدت
ناوى اجيب زيرو ان شاء الله

[تامر.محمد]

فعلا
انا شايف ان مشكلتك كانت ان العربية قديمة مش انها ميجان بصراحة

[Super_Star_h]

فعلا
انا شايف ان مشكلتك كانت ان العربية قديمة مش انها ميجان بصراحة

قديمه ولا جديده يا استاذ تامر
مدام العربيه جايه معايا بالشمال يبقى تغور
انا معروض عليا اخد السينيك برضو ومش عايزها
مع ان حالتها ممتازه جدآ
لكن انا عايز زيرو

[تامر.محمد]

خطوة صح و فكرة صح , و بصراحة انا كنت مستغرب انك جبت سينيك مستعملة بعد ميجان كنت بتشتكي منها

توكل على الله في الزيرو فعلا هاترتاح معاه ان شاء الله

[MOHAB HELAL]

انا بقى عايز اشتري ميجان تعرف حد بيبيع عربية كويسة؟

[Super_Star_h]

انا بقى عايز اشتري ميجان تعرف حد بيبيع عربية كويسة؟

فيه واحده قدامى موديل 2005 بانوراما لون اسود
ماشيه تقريبآ 90 الف كيلو اكتر او اقل حاجه بسيطه مش عارف
رشه جنبين على ما اعتقد واضح من شكلها
عمومآ هو عارضها على 65 ألف جنيه
الحاله انا متفرجتش عليها لكن فيه واحد قالى انها نضيفه
وعليها الاستيكر الاصفر على الشنطه تقريبآ ده بتاع التوكيل
لو انت من اسكندريه وعايز تشوفها
هسألك عليها بكرا اشوفها اتباعت ولا لسه