عايز ابيع الميجان

[تامر.محمد]

بالنسبه للميجان الجديد 2014 2015 الموتور مختلف والفتيس
وضعها افضل صح ؟

موضوع تنبيهات المشاكل دي اظنها انها انذار عشان متوصلش لوضع العربيه توقف منك وتحتاس في حين السيارات الاخري بتسيبك لغايه متوقف صح كده انا فهمت كلامكم ؟

متشكر ليكم فعلا الواحد مستفيد من الكلام وكمان ثراء المعلومات بيؤثر في اتخاذ القرارات فكل واحد يحرص على الصدق عشان في كتير بيعتمد على الكلام هنا.

لا شكر على واجب
الميجان3 , او الفلوانس , الاتنين عربية واحدة .. افضل اه في نقطة مشاكل العربية و بموتور وفتيس انتاج نيسان

بالنسبة لموضوع التنبيهات فده في عربيات الدنيا كلها , بس فيه عربية بتنور لك لمبة التشيك , و فيه عربية بتكتب لك فيه مشكلة في كذا , و طبعا كل عربية و حسب حساساتها بتبص على ايه , فيه عربية حساساتها بتبص عالموتور بس مثلا , و فيه عربية واصلة لدرجة انها بتبص على مياة المساحات , مش الميجان بالمناسبة

[Super_Star_h]

استاذي الفاضل الحمد لله انك بعتها وربنا يباركلك في الفلوس وفي العربية الى هتشتريها ان شاء الله
بس عاوز اوضح لحضرتك حاجه انا الحمد لله عندي خبرة كويسة جداً جداً في الميجان
الميجان مش عربية كثيرة الأعطال ولا اي حاجه اعطالها زيها زي كل العربيات
الميجان مينفعش تتهان وتتصلح عند بلية الميكانيكي وبعدين نرجع نعيب عليها
انا اعرف اكتر صنايعيه الرينو الى في صقر قريش اغلبهم بيستخدمو نظرية tray and error حتى الأن لأنهم مش متعلمين هما حافظين
انا شخصيا كان معايا ميجان 2 موديل 2006 كنت جايبها عاملة 148 الف كم وبعتها عاملة 195 الف وعمرها عمرها ماعطلت بيا ولا مره وكل الى عملته فيها خلال الفترة ديه الصيانات العاديه جدا بوجيهات وفلاتر وسيور زيت فقط لاغير بس العربية ديه كانت بتتصين صح وحط تحت بتتصين صح ديه 3000 خط من الزيرو حتى 160 الف كم في التوكيل وكان معايا الفواتير كلها وعملت صيانة 170 بايدي وصيانه 180 عملتها في التوكيل 190 عمتها بايدي واتباعت على 195 بدون اي مشاكل والحمد لله والى اخدها مازال بيكلمني وبيشكرني والعربية معملتش معاه اي مشاكل الحمد لله وعلى فكرة كانت اول فئة اوتو فابريكة بالكامل حتى الأكصدامات ولا تحتاج لرش واتباعت ب 70 الف

حاجه تانيه من واجبي اني اقولهالك انا بعت الميجان بسبب احتياجي للفلوس ولولا كده مكنتش افكر اتخلى عنها وحتى الأن مش مستطعم اي عربية تانيه بعدها ولا عارف استمتع في سواقه اي عربية غيرها وبقيت بسوق لمجرد اني اوصل من مكان لمكان وخلاص
عموما ربنا يوفقك للخير

رزقك يا باشا
انا من ساعة ما بعت عربيتى
وانا بركب سينيك بتاعة واحد قريبى
بصراحه عربيه جميله جدآ وافضل من الميجان بكتير واوسع واشيك وفيها كماليات واوبشنز اكتر
وشنطتها واسعه جدآ عكس ما كنت متوقع
بنصح اي حد بيفكر فى الميجان عشان خاطر الابشنز والرفاهيه يشوف السينيك الاول
المشكله الكبرى ان ازاز البانوراما بتاعها اتكسر ومش لاقيه فى اسكندريه
ورحت شركة الازاز قالو مش موجود
وايه الحل ؟
قالو هيتفصل واحد عادى شفاف وبعدين ابقى روح فيمه عند بتاع الاكسسورات
طب تكلف كام الشغله دى 1500 جنيه
طبعآ ده شغل عك وكبرت دماغى ومازلت بدور عليه استيراد ومش لاقيه
هتضطر اشتريه حتى ولو ب 2000 جنيه
على فكره وجابت شريط ايرباج والتكييف بتاعها باظ تقريبآ كمبروسر قفش
يعنى هتصرفلها بتاع 5 الاف جنيه
دى عربيه حالتها نضيفه على فكره موديل 2008 وماشيه 80 الف كيلو فقط وكانت صيانات توكيل

[Super_Star_h]

بالنسبه للميجان الجديد 2014 2015 الموتور مختلف والفتيس
وضعها افضل صح ؟

موضوع تنبيهات المشاكل دي اظنها انها انذار عشان متوصلش لوضع العربيه توقف منك وتحتاس في حين السيارات الاخري بتسيبك لغايه متوقف صح كده انا فهمت كلامكم ؟

متشكر ليكم فعلا الواحد مستفيد من الكلام وكمان ثراء المعلومات بيؤثر في اتخاذ القرارات فكل واحد يحرص على الصدق عشان في كتير بيعتمد على الكلام هنا.

ميجان 3
هى نفسها الفلوانس
انصحك تجيب الفلوانس الجديده لانها اتعدلت وبقى فيها ماتور وفتيس يابانى من نيسان يعنى بلا مشاكل ونتش وضرب اولسيلات وقرف

[M.Radwan]

السينيك فعلا تحفة بس مشكلتها مش منتشرة زي الميجان وبالتالي الواحد هيتعذب لو احتجلها حاجة مش مشتركة مع الميجان..أما الميجان مشوار لصقر قريش أو الحرفيين ممكن تجيب أي مسمار حتى فيها :d

[تامر.محمد]

شريط الايرباج , مشكلة حقيقية فعلا
الكومبريسور , مفروض مافيهوش مشاكل ..... العربيات التانية بيبوظ فيها كومبريسور تكييف ساعات و الله العظيم -_-

اما حوار الاويل سيلات فزي ما قلت لحضرتك , بأمانة شديدة حضرتك اللي عملت في نفسك و في العربية كده

[Super_Star_h]

شريط الايرباج , مشكلة حقيقية فعلا
الكومبريسور , مفروض مافيهوش مشاكل ..... العربيات التانية بيبوظ فيها كومبريسور تكييف ساعات و الله العظيم -_-

اما حوار الاويل سيلات فزي ما قلت لحضرتك , بأمانة شديدة حضرتك اللي عملت في نفسك و في العربية كده

المشكله انها كانت بتسيل بطيئ
وقبل ما اطلع بالعربيه قومت مزودها ع الاخر
وتوكلت على الله وروحت المشوار ورجعت لاقيتها فاضيه
يلا قدر الله وما شاء فعل
بس معلش يا استاذ تامر كمبروسر الميجان بكام ؟ ده ب 1200 جنيه
فى عربيه تانيه يابانى ولا كورى هتلاقيه ب 600 ولا 700 جنيه بالكتير وتكييف تلاجه كمان
والله يا باشا انا مش بهاجم الميجان ولكن انا كل اعتراضى على مشاكلها
لكن هى كعربيه محترمه جدآ ومن افضل العربيات اللى سوقتها

[Super_Star_h]

السينيك فعلا تحفة بس مشكلتها مش منتشرة زي الميجان وبالتالي الواحد هيتعذب لو احتجلها حاجة مش مشتركة مع الميجان..أما الميجان مشوار لصقر قريش أو الحرفيين ممكن تجيب أي مسمار حتى فيها :d

عربيه تحفه فعلآ وانعم من الميجان كمان
انا كل يوم بكتشف فيها حاجات جديده
الفرنساويين دول دماغ دول ناقصين يحطو فيها حمام :d

[Super_Star_h]

محدش من القاهره يعمل معايا واجب ويسألى على سقف البانوراما الامامى للسينيك موجود ولا لاء ؟ وعامل كام ؟
انا دايخ عليه هنا فى اسكندريه ومش لاقيه ولو كده هنزل القاهره اجيبه

[تامر.محمد]

المشكله انها كانت بتسيل بطيئ
وقبل ما اطلع بالعربيه قومت مزودها ع الاخر
وتوكلت على الله وروحت المشوار ورجعت لاقيتها فاضيه
يلا قدر الله وما شاء فعل
بس معلش يا استاذ تامر كمبروسر الميجان بكام ؟ ده ب 1200 جنيه
فى عربيه تانيه يابانى ولا كورى هتلاقيه ب 600 ولا 700 جنيه بالكتير وتكييف تلاجه كمان
والله يا باشا انا مش بهاجم الميجان ولكن انا كل اعتراضى على مشاكلها
لكن هى كعربيه محترمه جدآ ومن افضل العربيات اللى سوقتها

صراحة مش فاكر الكومبريسور بكام بس هو في حدود الالف فعلا
و مش هافتي و اقول لك اني عارف اسعار كومبريسور عربيات تانية
بس عموما زي ما بتبص على الكومبريسور بص على كل حاجة
اديك مثال , حد من قرايبي معاه لانسر شارك , لما قلت له اني جبت الرادياتير استيراد ب700 جنيه قال لي حاجة عربيتك غالية ... انا كنت جايب رادياتير لعربيتي ب350 جنيه , فقلت له استيراد ولا ايه , قال لي لأ صيني و اهو شغال ..... طبعا انا ما علقتش
في وقعة تانية دخل بنفس العربية في منطقة مش مسفلتة و شوارعها وحشة , بيقول لي مقص العربية اتكسر ... انا ما كنتش فاهم ازاي , و طبعا بعد كده فهمت
احنا بقى مشكلتنا ان عشان العربية سمعتها كده , فاحنا بنطالبها تبقى باعتمادية الكورولا , حتى لو عمرها 10 سنين , و باسعار قطع غيار اللانوس , او الصيني للعربيات التانية اللي الناس طايرة بأسعارها , و كمان يبقى عمرها طويل و ادائها حلو
حسبة مالهاش حل اصلا

انا مش ناكر ان العربية لها مشاكلها , زي شريط الايرباج و زي عوامة البنزين اللي اكتشفناها مؤخرا , و قلنا و ما خبيناش , و بعض قطع غيارها اسعارها ضاربة شوية , جشع تجار كالمعتاد
واحد معرفتنا من كام سنة كان بيغير كومبريسور لعربيته بدل ما يجيبه من تاجر رينو , جابه من تاجر كومبريسورات , جابه ارخص كتير اوي فعلا

محدش من القاهره يعمل معايا واجب ويسألى على سقف البانوراما الامامى للسينيك موجود ولا لاء ؟ وعامل كام ؟
انا دايخ عليه هنا فى اسكندريه ومش لاقيه ولو كده هنزل القاهره اجيبه

طب لما انزل صقر ان شاء الله اسأل لك عليه

[تامر.محمد]

ازيد عليك , الجنوط ال15 الحديد , ولاد التيت بتوع رينو بيبيعوا الطقم ب800 و 900 جنيه
في حين لو جبت المطابق بتاعه من حد بتاع جنوط هاتجيبه ب500 جنيه مثلا

[Ahmed Selim]

موتور السينيك هو هو موتور الميجان :)

k4m

[Super_Star_h]

صراحة مش فاكر الكومبريسور بكام بس هو في حدود الالف فعلا
و مش هافتي و اقول لك اني عارف اسعار كومبريسور عربيات تانية
بس عموما زي ما بتبص على الكومبريسور بص على كل حاجة
اديك مثال , حد من قرايبي معاه لانسر شارك , لما قلت له اني جبت الرادياتير استيراد ب700 جنيه قال لي حاجة عربيتك غالية ... انا كنت جايب رادياتير لعربيتي ب350 جنيه , فقلت له استيراد ولا ايه , قال لي لأ صيني و اهو شغال ..... طبعا انا ما علقتش
في وقعة تانية دخل بنفس العربية في منطقة مش مسفلتة و شوارعها وحشة , بيقول لي مقص العربية اتكسر ... انا ما كنتش فاهم ازاي , و طبعا بعد كده فهمت
احنا بقى مشكلتنا ان عشان العربية سمعتها كده , فاحنا بنطالبها تبقى باعتمادية الكورولا , حتى لو عمرها 10 سنين , و باسعار قطع غيار اللانوس , او الصيني للعربيات التانية اللي الناس طايرة بأسعارها , و كمان يبقى عمرها طويل و ادائها حلو
حسبة مالهاش حل اصلا

انا مش ناكر ان العربية لها مشاكلها , زي شريط الايرباج و زي عوامة البنزين اللي اكتشفناها مؤخرا , و قلنا و ما خبيناش , و بعض قطع غيارها اسعارها ضاربة شوية , جشع تجار كالمعتاد
واحد معرفتنا من كام سنة كان بيغير كومبريسور لعربيته بدل ما يجيبه من تاجر رينو , جابه من تاجر كومبريسورات , جابه ارخص كتير اوي فعلا



طب لما انزل صقر ان شاء الله اسأل لك عليه

على ما اتذكر واحد صاحبى كان معاه نوبيرا ومافيهاش تكييف
ركبلها كمبروسر ومواسير ومش عارف ايه وب 700 جنيه كل الفيلم ده كله
ومش عايز اقولك لما كنت بركب معاه فى عز الحر ازاز العربيه كلها بيشبر والدنيا بتبقى تلج
يلا ادينا متلجين دلوقتى من غير تكييف
ياريت لو نزلت تبقى تسألى على الازاز ده انا مقعد العربيه فى الجراج عندى مبتطلعش الايام دى بسبب الجو والشتا اللى مبهدلنا ومقفل السقف مشمع وملزقه

[Super_Star_h]

موتور السينيك هو هو موتور الميجان :)

k4m

فعلآ السينيك هى هى الميجان بسلاطاتها
الفرق فى الشكل

[تامر.محمد]

على ما اتذكر واحد صاحبى كان معاه نوبيرا ومافيهاش تكييف
ركبلها كمبروسر ومواسير ومش عارف ايه وب 700 جنيه كل الفيلم ده كله
ومش عايز اقولك لما كنت بركب معاه فى عز الحر ازاز العربيه كلها بيشبر والدنيا بتبقى تلج
يلا ادينا متلجين دلوقتى من غير تكييف
ياريت لو نزلت تبقى تسألى على الازاز ده انا مقعد العربيه فى الجراج عندى مبتطلعش الايام دى بسبب الجو والشتا اللى مبهدلنا ومقفل السقف مشمع وملزقه

طب هاقول لك حاجة غريبة على سيرة النوبيرا
انا قلت لك اني كنت قريب بعربية لانوس بتاعة واحد قريبي عند ميكانيكي دايو و غيرنا كذا اويل سيل
تمام ؟
سألته عن الفتيس الاتوماتيك بتاع النوبيرا
و سألته عن العمرات بتاعة فتيس النوبيرا
قال لي فيها بألف جنيه و فيها بألفين جنيه

و في العموم , الدايو و اللانوس و الفيرنا قطع غيارهم ارخص من الميجان بكتير جدا و انا مقر بكده من بدري في نفس الموضوع اللي بنتكلم فيه
و انا مالك سابق للانوس
بس ما تكلمني عن اللانسر بومة و شارك و اللالانترا hd و md و الكورولا بكل اجيالها و السيفيك بكل اجيالها , و المازدا3 و السوبارو ..... انا قلت لك على العربيات دي قبل كده ...

[Super_Star_h]

طب هاقول لك حاجة غريبة على سيرة النوبيرا
انا قلت لك اني كنت قريب بعربية لانوس بتاعة واحد قريبي عند ميكانيكي دايو و غيرنا كذا اويل سيل
تمام ؟
سألته عن الفتيس الاتوماتيك بتاع النوبيرا
و سألته عن العمرات بتاعة فتيس النوبيرا
قال لي فيها بألف جنيه و فيها بألفين جنيه

و في العموم , الدايو و اللانوس و الفيرنا قطع غيارهم ارخص من الميجان بكتير جدا و انا مقر بكده من بدري في نفس الموضوع اللي بنتكلم فيه
و انا مالك سابق للانوس
بس ما تكلمني عن اللانسر بومة و شارك و اللالانترا hd و md و الكورولا بكل اجيالها و السيفيك بكل اجيالها , و المازدا3 و السوبارو ..... انا قلت لك على العربيات دي قبل كده ...

يا باشا الشارك والالنترا والكورولا عربيات مدعوكه بقالها سنين اهى فى الشوارع
محدش اشتكى منها وماسكه سعر
انا عن نفسى كنت بشترى عربيه شارك وطلعت جربتها على طريق سريع عربيه فى منتهى الجمال وثباتها رائع
ومكنتش اعرف ان عفشتها الخلفيه مالتى لينك كمان
طبعآ هى لا فيها حساس مطر وضوء و6 ايرباج ومريات ضم ولا كل الحبشتكانات بتاعة الميجان
حتى حوضها لما شوفته ما شاء الله واسع وكل حاجه واضحه وعلبة فيوزات صغيره على جمب كده
وحاجه زي الفل عربيه مافيهاش تعقيد زي ما توقعت وهى مع كذا واحد اعرفه ومحدش اشتكى منها فى اي حاجه
واسعه وعاليه عن الارض كمان
شيك وتقفيلها محترم ... هو ده اليابانى
انا مستعد اركب ميجان بس يشيلو منها كل الكهربه والحساسات وكل الحبشتكانات اللى هما عاملينها دى
اصلها فى الاول والاخر انا عايز اركب عربيه محترمه وفى نفس الوقت متغلبنيش كل شويه اعطال واجرى ورا الصنايعيه واحطها على جهاز مش سفينه فضاء هى اصلهآ
عندك مثلآ اللوجان اللى هى رينو برضو عربيه محترمه وعلى قد سعرها وهى الافضل فى فئتها
عربيه اعطالها تكاد تكون معدومه لانها بسيطه وماسكه سعر فى اعاده بيعها
انت وصلتك الفكره ولا ايه ؟
انا مش هقولك الكورولا الدبه ال 2006 و 2004 بتتباع بكام مستعمل لغايت النهارده انا قولتها قبل كده
بتوصل ل 130 الف جنيه للحاله النضيفه وبتعدى كمان
لانها عربيه ناعمه وركوبتها محترمه واعتماديه ,,, مطلوبه فى السوق