محتاج نصيحة فى شراء فلوانس

[heeshooheeshoo]

اشكرك حضرتك جداااااااااا على ردك الوافى واسمحى بس أسأل انت قلت اثبات الستائر على الرخصة بس ماقلتش الزينون كمان؟؟ مش المفروض اثبته هوه كمان؟؟ كان نفسى اوى اوى فى اللون العاجى بس للأسف مش لاقى فى الهاى لاين غير الفضى والنبيتى ومرة تانية اشكرك جداا

الزينون لا يثبت بالرخصة ومافيهوش مشكلة أصلا

[ROLAND]

انا اشتريت الفضى و طول عمرى باشتري الفضى فى عربياتى . مش علشان احسن لون . الفلوينس فيها الوان جميله و لكن علشان بيستحمل فى شوارعنا المحترمه . اى خدش تقدر تلمه و درجه سهله فى اللون . لانه انا من النوع اللى باتعب قوى لما العربيه بيكون فيها خدش هههه . مش بيبان فيه التجريح و ﻻ التراب . بيستحمل فى الشمس و الحراره لانه لون عاكس مش بيمتص للحراره و الشمس . لون جوكر دايما فى البيع مع اللون الاسود و الفيرانى .

تحياتى و بالتوفيق :)

انا فعلا هاعمل كده لو خلاص ماقدرتش الاقى العاجى فى الهاى لاين هاجيب الفضى علشان الشامبين كتييييييييييير اوى والنبيتى حلو بس قافل العربية اوى

[ROLAND]

الزينون لا يثبت بالرخصة ومافيهوش مشكلة أصلا

أشكرك ياباشا على المعلومة رغم انى كنت متخيل انه بيتثبت علشان كنت بشوف ناس بتاخد مخلفات علشان مركبة زينون قلت يبقى لازم يتثبت على الرخصة

[volociximab]

بالامس ركبت سيارة صاحبي رينو فلونس
الزجاج الامامى ضيق و السقف قريب بصورة ملحوظة من رأسك تحس انك مخنوق و ان السيارة مظلمة..مش عارف صاحبي مغير فى الكراسي و لا ايه لتنه جسمه ضعيف و ممكن يكون حب يغير فى الكراسي الامامية
تجربة صديق ليا ايضا ساقها مره قال ان الالنترا افضل و انها بتحدف بس ميعرفش دى مشكلة فى الموديل ام فى السيارة التى يقودها
السيارة محل اهتمامى لان وكيلها فى السعودية يعرض السيارات المستعملة باسعار تنافسية لعدم اقبال السعوديين عليها...بوجه عام لا يحبون الاوروبى الا المرسيدس

[ROLAND]

انا خلاص دفعت ثمن ال e3 hl اللون موكا بس ماحبتش استلمها الا لما يخلصوا الورق واخدها على الترخيص على طول ( مش عارف اتصرفت صح ولا كان الأفضل اخللى السيارة معايا ؟؟ وخصوصا انى خلاص دفعت تمنها بالكامل بدل ما اسيبها 4 أيام على الأقل عندهم) المهم حبيت استفسر بخصوص كود الكاسيت علشان انا معرفتش اجربه النهارده وقالولى انى لازم اتصل بالتوكيل واقولهم على بيانات المبايعة زى اسمى بالكامل وعلى رقم شاسيه العربية وهما اللى هايقولولى على كود الكاسيت ,, ايه رأيكم فالكلام ده والأحسن اخليها هناك لحد الورق مايخلص (المصرية للسيارات) ولا اخدها

[yasser100]

انا خلاص دفعت ثمن ال e3 hl اللون موكا بس ماحبتش استلمها الا لما يخلصوا الورق واخدها على الترخيص على طول ( مش عارف اتصرفت صح ولا كان الأفضل اخللى السيارة معايا ؟؟ وخصوصا انى خلاص دفعت تمنها بالكامل بدل ما اسيبها 4 أيام على الأقل عندهم) المهم حبيت استفسر بخصوص كود الكاسيت علشان انا معرفتش اجربه النهارده وقالولى انى لازم اتصل بالتوكيل واقولهم على بيانات المبايعة زى اسمى بالكامل وعلى رقم شاسيه العربية وهما اللى هايقولولى على كود الكاسيت ,, ايه رأيكم فالكلام ده والأحسن اخليها هناك لحد الورق مايخلص (المصرية للسيارات) ولا اخدها

مبروك عربيه جميله فعلا و هاتستمتع فيها بتكنولوجيا راقيه و فخامه :)

[على مهران]

الفلوينس عربيه راقية جدا بس تحس بدا لما تركبها وتسوقها وتدور على اى حاجه تلاقيها موجوده فيها

[ROLAND]

مبروك عربيه جميله فعلا و هاتستمتع فيها بتكنولوجيا راقيه و فخامه :)

الله يبارك فيك يا استاذ ياسر واشكرك جداا على تعبك معايا

[ROLAND]

الفلوينس عربيه راقية جدا بس تحس بدا لما تركبها وتسوقها وتدور على اى حاجه تلاقيها موجوده فيها

والله ربنا يسهل رغم انى حسيت انها محتاجة وقت على ما الواحد يتعود عليها ويفهم كل حاجة فيها بس اجمالا هى عربية جميلة طبعا

[heeshooheeshoo]

انا خلاص دفعت ثمن ال e3 hl اللون موكا بس ماحبتش استلمها الا لما يخلصوا الورق واخدها على الترخيص على طول ( مش عارف اتصرفت صح ولا كان الأفضل اخللى السيارة معايا ؟؟ وخصوصا انى خلاص دفعت تمنها بالكامل بدل ما اسيبها 4 أيام على الأقل عندهم) المهم حبيت استفسر بخصوص كود الكاسيت علشان انا معرفتش اجربه النهارده وقالولى انى لازم اتصل بالتوكيل واقولهم على بيانات المبايعة زى اسمى بالكامل وعلى رقم شاسيه العربية وهما اللى هايقولولى على كود الكاسيت ,, ايه رأيكم فالكلام ده والأحسن اخليها هناك لحد الورق مايخلص (المصرية للسيارات) ولا اخدها

ألف مبروك .. إختيار موفق بإذن الله
أنا شخصياً أكملت سداد 50% من القيمة بعد تخليص الإجراءات الجمركية للسيارة ووصولها للمخازن وقبل إنهاء شهادة البيانات ، وقمت بسداد الباقى يوم الإستلام بعد ورود أوراق السيارة وشهادة البيانات .. على العموم بالنسبة لك مافيش مشكلة بإذن الله .. هانت .. يومين ثلاثة وتستلم على خير .
موضوع كود الكاسيت بسيط جداً .. أنا شخصياً مندوب البيع جاب لى الكود وأنا قاعد معاه أثناء إنتظارى لتجهيز وغسيل السيارة
مرة ثانية ألف مبروك وربنا يتمم الإستلام على خير
وتقبل تحياتى ،،،

[ROLAND]

ألف مبروك .. إختيار موفق بإذن الله
أنا شخصياً أكملت سداد 50% من القيمة بعد تخليص الإجراءات الجمركية للسيارة ووصولها للمخازن وقبل إنهاء شهادة البيانات ، وقمت بسداد الباقى يوم الإستلام بعد ورود أوراق السيارة وشهادة البيانات .. على العموم بالنسبة لك مافيش مشكلة بإذن الله .. هانت .. يومين ثلاثة وتستلم على خير .
موضوع كود الكاسيت بسيط جداً .. أنا شخصياً مندوب البيع جاب لى الكود وأنا قاعد معاه أثناء إنتظارى لتجهيز وغسيل السيارة
مرة ثانية ألف مبروك وربنا يتمم الإستلام على خير
وتقبل تحياتى ،،،

أشكر حضرتك على مجهودك وتعبك معايا واسمحى لما استلمها اكيد هاوجع دماغك تانى بأسئلة أكتر هههههه

[ahmed eltaib]

الف مبروك ، ربنا يديك خيرها و يكفيك شرها و يحفظهالك
انا حاليا في نفس مشكلتك .... تقريبا
انا استقريت على فتحة السقف نظرا للامكانيات المادية ، بس محتار جدا جدا في اللون ، انا شخصيا معجب بالاوف وايت قوي و حاسس انه لذيذ عليها ، لكن كل اللي حواليا سواء اصدقاء العمل او اخواتي مش معجبين باللون ده ، و فيه اللي بيقترح عليا الشامبين او الفيراني
بصراحه الموضوع ده عاملي حيره شديده قوي

[ROLAND]

الف مبروك ، ربنا يديك خيرها و يكفيك شرها و يحفظهالك
انا حاليا في نفس مشكلتك .... تقريبا
انا استقريت على فتحة السقف نظرا للامكانيات المادية ، بس محتار جدا جدا في اللون ، انا شخصيا معجب بالاوف وايت قوي و حاسس انه لذيذ عليها ، لكن كل اللي حواليا سواء اصدقاء العمل او اخواتي مش معجبين باللون ده ، و فيه اللي بيقترح عليا الشامبين او الفيراني
بصراحه الموضوع ده عاملي حيره شديده قوي

كويس انى لاقيت حد زيى انا كنت فاكر انها مشكلة هايفة وانا اللى مكبرها بس فعلا لون العربية ده حاجة مهمة بيحببك اكتر فالعربية وانا كنت زيك بالظبط هاموت على الأوف وايت بس للأسف كان موجود فى ال e3 بس ومش موجود فى الهاى لاين وعلى اخر لحظة كان عندى استعداد اضحى بالأوبشن الزيادة علشان اخد اللون اللى انا عايزه بس النصيب بقى لكن انا لو مكانك اكيد مش هاخد الشامبين علشان ده اكثر الألوان انتشارا فى الفلوانس من يوم ماطلعت وتحس ان مصر كلها راكبة الشامبين واى لون غيره هوه والأسود هايبقى حلو فالعربية

[ahmed eltaib]

طب بالمره بقى استفسار يا جماعه ، انا بالنسبه لي كان جزء اساسي في اختياري للفلوانس ان العربية تبقى آمنة ضد السرقه ، و ده راجع لسرقة عربيتي السابقة الالنترا ، بس فيه زميل قاللي ان مفيش حاجه اسمها عربيه ضد السرقة و ان اي عربية سهل سرقتها
بحكم خبرتكم ايه رأيكم في الكلام ده
حد يطمني

[yasser100]

طب بالمره بقى استفسار يا جماعه ، انا بالنسبه لي كان جزء اساسي في اختياري للفلوانس ان العربية تبقى آمنة ضد السرقه ، و ده راجع لسرقة عربيتي السابقة الالنترا ، بس فيه زميل قاللي ان مفيش حاجه اسمها عربيه ضد السرقة و ان اي عربية سهل سرقتها
بحكم خبرتكم ايه رأيكم في الكلام ده
حد يطمني

اعلى نظام امان موجود فى الفلوينس و الميجان قبلها . بلا منازع .العربيه ما لهاش مفتاح من اصله بتشتغل بكارت كمبيوتر العربيه بيتعرف عليه و اسمه رينو كارد . يكفى انه اقول لك اللى بيفكر يسرقها على الاقل يفضل قاعد جنب العربيه اسبوع بالكمبيوتر علشان يفك شفرة العربيه .

الكارت ده لا يقلد و اذا اتقلد و العربيه اشتغلت بالتقليد بعد 100 متر الكمبيوتر هايحس بالكارت و هاتقف بو هاتقطع بنزين .

التوكيل هنا نفسه مش معاه شفرة العربيات المباعه و لو رحت تطلع كارت جديد لو اللى معاك باظ بتنتظر اسبوع حتى يتم ارساله من فرنسا و تكلفته 2000 جنيه . يعنى من ناحية الامان اتطمن . انا عن نفسي عمرى ماسمعت عن سرقت عربيه ميجان برغم انتشارها الكبير فى القاهره و اسكندريه . للاسف الكورى اللى بتنضرب شفرته و ربنا يسترها مع الجميع .