الحمد لله اشتريت الميجان ملاحظاتى وما لا نعرفه عنها(الموضوع قديم)

[abdoweb]

والله الموضوع ده أكثر من رائع
انا قرأت كل الردود والمشاركات فيه وانا مستمتع جداً
بس الموضوع كان كله فى 2007
واحنا دلوقتى فى أخر 2008
ايه اخبار الاسعار وقطع الغيار ؟
هل اتغيرت وبقت افضل والا لسه زى ما هى ؟
وايه رايكوا فى السينيك ؟؟؟ انا مش لاقى حاجات كتير عنها فى المنتدى
ولقيت ناس بتبيعها فى اعلانات على النت ولقيت الاعلانات بتاريخ سنة فاتت !!! استغربت جداً
سنة علشان يبيعوا العربية ؟؟ وطبعاً من ردود الناس علىّ حسيت انهم فقدوا الأمل في بيعها
وفى ناس بتقول انها حساسة زيادة عن اللزوم وما تنفعش لمصر قوى .. وانها حساسة أكثر من الميجان العادية
ياريت رأيكم وخصوصاً الدكتور الكبير : محمود صلاح

[د.محمود صلاح]

المهندس / محمد عبد المنعم : -
تحية طيبة وأهلا بك فى المنتدى الجميل ده وقسم الرينو من أكثر الأقسام نشاطا ..
بالنسبة لقطع الغيار فكل شئ زى ما هو ماعدا تيل الفرامل غلي شوية . هو كان ب 340 تقريبا وصل ل 500 ج
بالنسبة للسينيك أنا ما أعرفش كتير عنها بس هى شبيهه جدا بالميجان وعداداتها فى المنتصف ومش منتشرة فلا أنصحك بها ... خليك فى الميجان أفضل حيث أنها منتشرة جدا وممكن تلاقي لها قطع غيار حنينة برة التوكيل ..
اذا كنت مقبل على الشراء فالرجاء قراءة كل محتوى هذا القسم قبل شرائك فقد تكلمنا هنا عن كل كبيرة وصغيرة فى السيارة وقد قتلت بحثا

[marwan_147]

مظلومة يا رينو فى بلد اليبانى

[د.محمود صلاح]

مظلومة يا رينو فى بلد اليبانى

السنين القادمة للاوروبي عامة وللرينو خاصة وهتلاحظ ذلك إن شاء الله

-------------ملاحظة هامة ---------- :-

الموضوع قديم وقد بعت السيارة بعد شهرين من اللإستخدام لظروف السفر

[refoo]

الف مبروك

ربنا يديك خيرها و يكفيك شرها

[mohamedhamam]

ألف مبروك ربنا يديك خيرها و يكفيك شرها

[amruzo]

الف مليون مبروك
انتم السابقون ونحن اللحقون ان شاء الله

[د.محمود صلاح]

السنين القادمة للاوروبي عامة وللرينو خاصة وهتلاحظ ذلك إن شاء الله

-------------ملاحظة هامة ---------- :-

الموضوع قديم وقد بعت السيارة بعد شهرين من اللإستخدام لظروف السفر

ياجماعة الموضوع قديم

[marwan_147]

المضوع فعلا قديم بس فية فؤائد كثيرة

[د.محمود صلاح]

أكيد ,, ده أنا فلِّيت كل حته فيها

[ALshahba]

اهلا بحضراتكم , انا اخوكم احمد
انا من المشاركين هنا فى المنتدي بس فى قسم الصيني, وزي ماحضراتكم شايفين انا عملت حادث بالعربيه من زياده عن سنه والحمد لله خرجت منه سليم والعربية اخدها التوكيل واداني القيمة التعويضيه
ودلوقت فعلا بفكر فى ميجان2 مستعمله لان سعرها كويس جدا وبعد قراءاتي للقسم هنا اعجبت جدا بالميجانم اكتر مانا معجب بيها اصلا بس بجد خايف جدا من قطع غيارها واسعارها الوهمية زي ماحضراتكم كتبتو وكنت عايز اسأل هو لسة قطع غيارها مولعه ولا نزلت؟ وافكر فيها ولا اشوف حاجات تانيه فى نفس الفئه السعريه (80 ) ؟
ياريت ماتنسونيش