إعـــــــلان

Collapse

.

,
See more
See less

الحمد لله اشتريت الميجان ملاحظاتى وما لا نعرفه عنها(الموضوع قديم)

Collapse
X
 
  • Filter
  • الوقت
  • Show
Clear All
new posts

  • #61
    رحت التوكيل الميكانيكيون العرب ووجدت الاتى
    سعر الكوبلن ب 2000 جنيه غير الضرايب والنركيب
    سعر وش السلندر 7 الاف جنيه
    سعر العمرة الكاملة على حسب بس اعمل حسابك فى 15 الف جنيه
    سعر الانذار الاصلى الذى يعمل مع الكارت 1850 جنيه
    سعر اعادة الباج 6 الاف جنيه
    الضمان سنتينن او 40 الف كم على الشكل القديم سواء 2006 او 2005
    سينسور الاطارات ب 1900 ج
    سعر الاعلان فى اهرام الجمعه ملحق السيارات 10 كلمات ب 175 ج والوسيط ب 60 ج

    Comment


    • #62
      أستاذ محمود
      إيه اللي حصل؟؟!!
      أنا شايفك عامل إعلان لبيع العربية في منتدى البيع والشراء !! هو انت قلقت من أسعار قطع الغيار ولا إيه؟ بصراحة أنا شايفها غالية جداً !!
      [CENTER][SIZE=5][FONT=Andalus][COLOR=#177d12][SIZE=5][FONT=Andalus][COLOR=#177d12][URL="http://www.shbab1.com/2minutes.htm"][SIZE=5][FONT=Andalus][COLOR=#177d12]أُدخل ولن تندم إن شاء الله[/COLOR][/FONT][/SIZE][/URL][/COLOR][/FONT][/SIZE][/COLOR][/FONT][/SIZE][URL="http://www.shbab1.com/2minutes.htm"][/CENTER]
      [/URL]
      [RIGHT]------------------------------[/RIGHT]


      [RIGHT][COLOR=navy]مع خالـــــــــص حبـــــــــي وتقديــــــــري[/COLOR][/RIGHT]


      [RIGHT][COLOR=navy]وائل عطــــــــــــــــــــــــية[/COLOR][/RIGHT]


      [RIGHT][COLOR=navy]"Je pense; donc je suis"[/COLOR][/RIGHT]


      [RIGHT][COLOR=navy]"أنا أفكر إذاً أنا موجـــــــــــــــــــود[/COLOR]"[/RIGHT]

      Comment


      • #63
        آسف على المعلومة الخطأ الضمان 3 سنين أو 60 الف كم ابتداء من تسليم ابريل 2006
        أستاذ محمود
        إيه اللي حصل؟؟!!
        أنا شايفك عامل إعلان لبيع العربية في منتدى البيع والشراء !! هو انت قلقت من أسعار قطع الغيار ولا إيه؟ بصراحة أنا شايفها غالية جداً !!
        أنا مش قلقت أنا اترعبت لما رحت مركز الميكانيكيون العرب لأنهم بيسمحوا لك انك تنزل الورشة تشوف بيعملوا ايه
        طبعا اتساهرت مع الصبيان اللى بيصلحوا هناك وكانت صدمتى عندما رايت عربيات ميجان 2 بيتعمل لها عمرة موتور ووش سلندر وكوبلن والاسعار نار نار ومبالغ فيها جدا جدا وكمان لقيت عربيه 2007 عاملة حادث بسيط جدا الاكصدام الامامى فقط هو اللى اتصاب والكبوت سليم تماما ومع ذلك لقيت الاتنين ايرباج مفتوحين والعربية مركونة بقالها كتير والتراب عليها بسأل
        قالوا لى عليها مبلغ كبير عشان تتصلح ( أول حاجة عماتها أول ما شفت المنظر ده رحت طافى الايرباج )
        وعلى فكرة الميجان لما شفتها مفكوكة لقيتها عادية جدا زى أى عربية حتى الفرامل اللى ركبتها هناك ( منهم لله ب 360 جنيه ) لقيتها فى ش دمشق ب 150 جنيه وتركيبهم فى منتهى السهولة ( عبارة عن مسمار بيتفك تلاقى الخزنة كلها اترفعت زى باب الجراج ) مش عارف ليه صيانتها مش منتشرة ليه عند الميكانيكية زى باقى العربيات

        Comment


        • #64
          يا أ/ محمود أنتا بجد راجل محترم
          عشان بتقول رأيك في عربيتك بكل حيادية
          ربنا يباركلك

          Comment


          • #65
            رأيي فى العربية إنها ممتازة بكل المقاييس :-
            توكيل محترم جدا وقطع الغيار موجودة بنسبة 95 % ( بعض التوكيلات عندما تطلب قطعة غيار يقول لك هنستوردها بعد اسبوع )
            السيارة بها امكانيات هايلة موصوفة بدقة من خلال الموضوع
            السيارة مصنعة فى تركيا فى مصنع حاصل على الايزو من 8 سنوات وتصدير انتاجه اصلا الى اوروبا
            هدوء وثبات وعزل وقوة وأداء وفخامة واستهلاك بنزين أكثر من رائع ( عملت 17 لتر فى 280 كم قيادة هادية و 23 لتر فى نفس المسافة قيادة عنيفة 170 -190 كم |س )
            شكلها ثابت ولن يتغير قبل 2009 مما يعطى لك شعور بالارتياح بان السيارة شكلها مش هيقدم ( بالمقترنة بالانترا اللى كل سنة شكل غير التانى والاوبل )
            لا يمكن سرقة السيارة ( مش بالساهل ) مثل الانسر والبقية
            المشكلة الرئيسية فيها هى قطع الغيار والصيانة ( ولكن قطع الغيار اصلية مش مضروبة ولا صينى والصيانات الدورية فيها حاجات كتير بتتغير أما الصيانات الكبرى مثل الحوادث والعمرات اللهم احفظنا فمستحيل حد يتحملها لأنها ممكن تصل الى ربع ثمن السيارة - الحل فى التأمين الشامل ولكنه لا يغطى أعطال الموتور والكهرباء )
            المشكلة الاخرى انها لما بتعطل بتربط مكانها ولازم تتصل الكول سنتر ييجوا يصلحوها ( لازم تكوم فى زمام القاهرة والاسكندرية )
            هى مناسبة لسكان القاهرة والاسكندرية حيث الصيانة وقطع الغيار والكول سنتر
            ويا ترى ما مستقبل هذه السيارة بعد 10 سنين مثلا ان شاء الله ؟ هل سيصبح ثمن الكوبلن ب 100 جنيه زى ما هو الحال بالنسبة للانسر 98 الان ؟ هل سنتمكن من صيانتها برة التوكيل المحترم الغالى ؟
            بالنسبة للزجاج بتاعها فمصنع د. جريش نزل منه مصرى سعره معقول ابن حلال

            Comment


            • #66
              هذه السيارة فعلا ممتازة بكل المقاييس
              لكن عيبها الوحيد إرتفاع أسعار قطع الغيار و للأسف هذا هو حال جميع السيارات الأوربى و خاصة الفرنساوى و ليست الرينو فقط

              بس أنا أعرف يا محمود باشا إن فيه مراكز خدمة فى محافظات تانية كتير

              Comment


              • #67
                اتصل بى اليوم مركز صيانة الميكانيكيون العرب ( مركز خدمة معتمد لرينو بجوار السندباد ) بعد ان ركبت لديهم تيل الفرامل الامامى أمس الأول , لتصلوا بى لإبداء رأيي فى الخدمة المقدمة وشكرتهم على الاهتمام وانى اول مرة اشوف مركز خدمة يتصل عشان يعرف رأى العميل - وعرفت منهم ان عندهم تأمين شامل (بالتعاون مع مصر للتأمين ) على الميجان يشمل تكاليف ونش السحب ب 2,9 % من ثمن العربية بدون عربية بديلة أو 3,4 % بعربية بديلة بدون أى اجراءات أومحاضر شرطة أو شيكات أو ما شابه ذلك من تعقيدات روتينيه فقط فى حالة حدوث مكروه اتصل يسحبوهالك بالونش أو تفضل ووديلهم العربية وهم يصلحواهالك (ولكن للأسف التأمين يشمل الحوادث والسرقة والحريق ولا يشمل العطل الميكانيكى أو الكهربائى الذى قد يستلزم مبالغ عالية للتصليح ولا توجد أى شركة تأمين تغطى هذه النقطة )
                عايزين ايه جمال اكتر من كده :D

                Comment


                • #68
                  (ولكن للأسف التأمين يشمل الحوادث والسرقة والحريق ولا يشمل العطل الميكانيكى أو الكهربائى الذى قد يستلزم مبالغ عالية للتصليح ولا توجد أى شركة تأمين تغطى هذه النقطة )

                  على فكرة يا أستاذ محمود متهيألى معظم الناس لما جابوا العربية قلقوا زيك كده (و أنا واحد منهم ) على أسعار قطع الغيار و لما العربية تعطل حيحصل إيه و حاعمل فيها إيه و دا اللى خلا ناس كتير تبيعها لكن بمرور الوقت بدأت الناس تتأكد إن العربية مافيهاش أعطال و لا حاجة و الحمدلله فيه ناس كتيره معاه العربية و مبسوطة منها قوى و لم يحدث لهم أعطال ميكانيكية أو كهربية

                  Comment


                  • #69
                    أؤيدك فى الكلام واذكرك بما كتبته عن صيانة الياريس واسعرها فهى مماثلة لاسعار صيانات الميجان ( ان لم يكن اكثر ) كمان الصريين مشهورين بالفهلوة فبعد سنين العربيات دى هتتفك حته حته وتتصلح ( انا ليا واحد صاحبى عامل زر لل 128 بيدور بيه العربية شبة زرار الميجان بالضبط فقلت فى نفسي آدى يا عم تكنولوجيا الميجان فى ال 128 ) :mrgreen:

                    Comment


                    • #70
                      ملخص المعلومات الواردة فى هذا الموضوع ( رينو ميجان ) :-
                      1- المواصفات :- صالون- 5 راكب - صناعة فرنسية تجميع تركى فى مصنع حاصل على الايزو - 1600 سى سى - 115 حصان عند 6000 لفة - 4 سلندر -نسبة انضغاط 10 : 1 - 16 صمام - حقن الكترونى متعدد النقاط -فتيس اوتوماتيك وعادة ( ستيبترونك ) 4 سرعات - جنوط مقاس 16 , 205 \ 65 -سعة خزان الوقود 60 لتر - أقصى سرعة 190 - التسارع من صفر الى 100 كم فى 12,8 ثانية فرامل ABS + EBD ( توزيع قوة الفرملة على العجلات ) - 6 ايرباج مع نظام شداد لحزام الامان - باور الكترونى-كمبيوتر معلومات للسائق
                      2- الكماليات :- تكييف اوتوماتيكى ( اختيارى ) فتحة سقف كاملة ( اختيارى ) فرش جلد كامل للون الاسود ومبطن الابواب للون البيج ( اختيارى )- راديو سى دى بدون ام بى ثرى بتحكم من خلف عجلة القيادة به خاصية التعلية والخفض للصوت حسب سرعة السيارة اوتوماتيكيا و6 سماعات بقدرة عالية - كرسى السائق بعدة اوضاع - ستائر جانبية وخلفية اماكن تخزين متعددة - تابلوه السيارة مبرد -
                      3- الاداء - السيارة الاوروبية الاولى ( تحت بند السيارات الصغيرة ) - حاصلة على 5 نجوم فى اختبارات الامان الاوروبية
                      - بها عدة نقط انهيارفى الكبوت ورفارفها فبر و بطانة الشنطة فبر ( فى حالة الحادث اللهم احفظنا ) للحفاظ على الركاب - التسارع جيد جدا ويفى بالغرض فى اغلب الاوقات -استهلاك البنزين حوالى 295 لتر فى الصفيحة بقيادة هادئة
                      4- بعض المعلومات :-
                      قطع الغيار غالية مثل جميع السيارات الاوروبية ولكنها اصلية وبضمان
                      الصيانات الدورية مهمة للحفاظ على الضمان وللحفاظ على السيارة وهى فى حدود 600 جنيه تشمل الفلاتر والزيوت والبوجيهات وهى كل 10 الف كم
                      التوكيل على أعلى مستوى ومشهود له بالكفاءة رقمهم 16202
                      بها سينسور مطر وسينسور اضاءة فى الليل ونظام الزجاج ضد الغلق على عائق ( يد طفل مثلا ) وبها خاصية اتبعنى للمنزل وضم المرايات كهربائيا
                      عزل تام للصوت والهواء ومساحة الصالون واسعة بحر
                      بعض التجهيزات لدول اوروبا وغير متوفرة فى المخصصة لمصر يمكن تركيبها مثل نظام مراقبة ضغط الاطارات ( ب 1600 تقريبا ) - نظام انذار ( الموجود بها هو كارت وريموت وسنتر واموبلازر ) - مبدل اسطوانات أصلى - مرايات كروم بالصالون لحجب النور المبهر من الخلف - زينون وحساست ركن .
                      العيوب ( وهى وجهات نظر تختلف من شخص لآخر ):-
                      - عدم وجود جهاز انذار .... الحل : بيركب فى التوكيل ب 1800 ج أو تركب واحد عادى ب 150 ج بريموت آخر
                      - اشاعات كثيرة على العربية ..... الحل : مع الوقت واكتشاف عيوب السيارات الاخرى ومميزات الميجان بدأ الطل يزيد على الميجان بعد أن وجد الناس كذب الإشاعات ( الموضوع كان فى موديل 2005 يوجد تعديل فى نظام تشغيل الفتيس عن طريق الكمبيوتر وتم سحب جميع العربيات وتحديث النظام ( أو بالأحرى مش سحب بل تم ذلك فى الصيانات الدورية ))
                      - غلو قطع الغيار .... الحل تامين شامل أو ايداع مبلغ وليكن 10 الف مربوطين للعربية ..... وفى المستقبل القريب أسعارها هترخص مع انتشار السيارة
                      - التعطل يتسبب فى توقف العربية .... يحدث هذا مع أى سيارة أوتوماتيك فقط اتصل بالكول سنتر هيجوا فورا يصلحوها أو يسحبوها للتوكيل ... وغالبا لا يحدث عطل طول ما انت ماشى على الصيانة الدورية ... وعبر خبرات الناس لا يحدث هذا الا عند تعطل البطارية فقط خدلك وصلة من حد او غير البطارية
                      - الضمان قليل ( سنتين على موديل ما فبل تسليم ابريل 2006 ) .. الحل مد فترة الضمان عند توكيل محمد زكى كما أعلن فى الجرايد من فترة ( بحسابه طبعا )

                      Comment


                      • #71
                        شكرا يا محمود على لم المعلومات فى مداخلة واحدة

                        وعبر خبرات الناس لا يحدث هذا الا عند تعطل البطارية فقط خدلك وصلة من حد او غير البطارية
                        لا يجب أخذ وصلة من أى حد لإنها ممكن تحصل مشاكل فى العربية و لكن إتصل فقط بالتوكيل و بيجى عالطول يغير البطارية ببلاش خلال فترة الضمان

                        الحل مد فترة الضمان عند توكيل محمد زكى كما أعلن فى الجرايد من فترة ( بحسابه طبعا )
                        الضمان أصبح فى الموديلات الجديدة 2008 100.000 كم أو 3 سنوات
                        موديلات 2005 و 2006 الفوانيس القديمة سنتين أو 40.000 كم
                        موديلات 2006 و 2007 الفوانيس الجديدة 3 سنوات أو 60.000 كم
                        ضمــــــان الفتيس فى جميع الموديلات 100.000 كم

                        Comment


                        • #72
                          والله انا حبيت الميجان من الكلام بتاعكم عليها
                          محمد المصرى

                          Comment


                          • #73
                            سعر اعادة البيع :-
                            أولا نحن نتحدث عن سيارة من فئة ال 140 الى 160 الف فهى لها زبون زلكن أقل من فئة السيارات الاخرى المنتشرة بشدة فى الجمهورية وبالذات فئة ال 70 الى 90 الف
                            سعر اعادة البيع لو جايبها زيرو مثل اى سيارة فى هذه الفئة يقل حوالى 20 الف جنيه عن الثمن الاصلى بعد استخدام سنة
                            بعد ذلك بالنسبة لسعر بيعها وهى مستعملة فالاسعار تكاد تكون ثابتة
                            من 90 - 98 لموديل 2005 وممكن اكثر حسب الحالة
                            من 100 - 110 موديل 2006 وممكن اكثر حسب الامكانيات اللى بها لتصل الى 120
                            من 120 فما فوف لموديل 2007 ولم اصل لحد فكر يبيع 2007 وممكن أقل حسب التجهيزات اللى بها

                            Comment


                            • #74
                              - الضمان قليل ( سنتين على موديل ما فبل تسليم ابريل 2006 ) .. الحل مد فترة الضمان عند توكيل محمد زكى كما أعلن فى الجرايد من فترة ( بحسابه طبعا )
                              اقصد شراء فترة ضمان على السيارة أو مدها الى 3 سنوات بدلا من سنتين وانا غير متاكد من المعلومة

                              Comment


                              • #75
                                محمود كتب
                                وكانت صدمتى عندما رايت عربيات ميجان 2 بيتعمل لها عمرة موتور

                                ازاي عربية بقالها 3 سنين يتعملها عمره ماتور
                                وهل معني الكلام ده ان الماتور مش معمر.
                                ياريت حد يوضحلي الكلام ده عشان انا بحب العربية دي.




                                ____________
                                محمد عبدالله
                                [COLOR=black]pharmacist of future[/COLOR]

                                Comment

                                Working...
                                X